影片
呢間系朋友介紹來食既韓式炸雞，位置好易揾到 近住 往新世紀廣場天橋入口。入到餐廳職員有同我介紹佐自家製韓式醬，有幾款可以選既 ，甘選佐最鍾意既蜜糖芥末，對醬來講都好有要求架，試下廚師溝成點，都幾期待下另外就叫佐韓式年糕 +魚片拎佐返屋企過下 已經聞到食物盒傳出來既香味🤤速速返到屋企 預埋屋企人一齊食啦~大家都好中意喎👍 仲話呢間可以再叫來食👍
繼續閱讀
太子最近幫襯最多的外賣店。男友喜歡食韓式炸雞，尖沙咀，大角咀，土瓜灣……看見口碑不錯也會試，但都不太滿意。某天經過這小店，剛好廚師行出來閒談幾句，知道幾款醬汁都是特別配制的，便抱著不妨一試的心態。這一試帶來的驚喜實在難以形容，之後再介紹朋友及家人，大家都讚不絕口，連不愛食炸物的媽媽也愛上柚子味炸雞。我則喜歡甜辣味，比在韓國吃的還美味。運動後我最喜歡食韓式冷麵，加$15可有2件炸雞剛剛好。另外試過他們的魚糕，比尖沙咀韓國街的好吃得多。價錢亦便宜。
繼續閱讀
食飽飯行過弼街，見到韓國美食大招牌，先發現呢間小店~CHILL-MAN韓式炸雞，餐牌好多選擇…炸雞，炒粉絲，撈麵，年糕…忍唔住食飽都要試一試，招牌炸雞配自家制醬汁甜辣，柚子，蜜糖芥末唔少得，師傅仲介紹隻試完包你畢生難忘，特別調制辣醬，下次一於試試佢另外炒年糕同魚糕亦係推介之選，入味得黎煙韌有口感，唔似出面一啲小店求其撈醬汁，真係食得出有花時間煮講番炸雞本身，外層鬆脆唔厚粉，雞肉零雪味之餘帶肉汁，甚至有少少鮮雞味，食得出用料靚！醬汁稀杰程度啱啱好，味道好出，自家制真係樣樣都係心機，咁嘅價錢，可遇不可求…師傅要求所有炸雞即叫即做，大約等7-10分鐘，可以用咁短時間換高質炸雞，絕對值得👍師傅仲好貼心講下次可以打定電話落order先，咁就可以黎到唔洗等，真係連服務都做到滿分👍
繼續閱讀
唔打唔撞入咗去門面老實講真係一啲吸引都冇但係好想食炸雞🥰🥰🥰就試一試見到佢有一隻蜜糖芥茉炸雞就嗌左外賣拎返屋企打開個盒，真心呆咗點解$55 咁多塊雞，其實有冇得賺？即炸冇雪味，同埋個皮好薄好脆唔會太多炸粉，同埋啲嘢好新鮮配埋蜜糖芥茉醬真係一試難忘🤣舊雞啲肉汁仲要搞到辣親隻手最衰冇叫到薯條🥲如果唔係仲正老細哥哥態度好好，知我三心兩意仲特登送咗一盒甜辣醬俾我🤣真心開心韓式牛肉炒粉絲$48份量都啱啱好個粉絲煙Un同啲牛肉好夾值得一提，牛肉真係幾入味冇諗過呢個價錢可以有咁嘅質素咁🤭真心可以試吓😌整體好舒服會下次再嚟
繼續閱讀
睇ig發現到呢間韓國食店，睇餐牌唔算太多野食，叫咗炸雞同水冷麵都唔伏。雖然我拎左外賣之後成個鐘先食，但炸雞岀奇地仲係非常脆，炸皮好薄，就算食原味都唔會好dry。蜜糖芥末味唔係坊間既咁甜，芥末味偏重。唯一缺點係下次可能會叫多啲汁😂水冷麵可以加錢有牛肉/豬肉，但今次無加，先試下佢個麵。麵質夠韌，仲有半隻蛋。不過可能擺得太耐先食，搞到太多水😮💨個人覺得好扺食，值得一試。試問香港地仲有邊到食到$42一個水冷麵👀？以呢個價錢係水準之上👍🏻同埋老闆好有禮貌，絕對會回頭再試其他食物😊
繼續閱讀