影片
老闆娘一人主理小食店都可以有多樣食物花多眼亂樣樣都想食！平日下午茶時間去仲可以坐係店舖一個小座位慢慢品嚐，今日天氣涼涼地又陰陰地天，風吹埋嚟好舒服！老闆娘又唔會趕我哋走，慢慢食下午茶好寫意！❗️推薦❗️脆脆鹽酥雞 $38有4種味道選擇：鹹蛋黃、麻辣、紫菜、原味脆脆鹽酥雞外皮金黃酥脆，肉質鮮嫩多汁，鹽味恰到好處。搭配紫菜，增添了紫菜清香，口感層次分明，係一道令人難以抗拒嘅小吃，一口size好方便放入口，好彩分量好足夠，2個人唔洗爭食！😋Mocktail 系列空格 - 宮崎駿的夏天 $42🥑牛油果、🥭芒果、乳酪、🥛鮮奶依款飲品係俾佢嘅leaflet吸引住，飲品都可以成幅畫咁靚！拎到真係要打返個靚卡！材料由牛油果、芒果、乳酪同鮮奶製作成飲品，口感順滑，果香四溢。底部有牛油果嘅綿密，中間有芒果汁嘅清甜，同乳酪鮮奶完美結合，乳酪增添了濃郁嘅香氣，鮮奶令整體更加柔滑。每一啖都感到清新又滿足！❗️推薦❗️香醇抹茶chill chill冰 $68綿綿冰由3.6牛乳加抹茶製成，材料豐富，有棉花糖、小丸子、紅豆、抹茶餅乾、德國蝴蝶餅乾、仲有好多枝抹茶百力滋，不得了！圖文不乎呀！點解會由杯裝變成筒裝share㗎！變大咗呀！就快到夏天，到時食一定好消暑😙
繼續閱讀
最近同朋友去西貢行吓，大熱天時飲嘢又點少得呢！😬😬去咗位於市中心嘅「chill chill@449」，佢哋嘅沙冰真係好出色！我地試咗兩款，分別係金金菠蘿沙冰🍍同西瓜沙冰🍉兩者都有唔同風味😊首先，金金菠蘿沙冰🍍🍍果味濃郁，菠蘿嘅香甜與冰沙嘅細膩口感完美結合。唔會太甜，冰涼又解渴😌令人心情愉快🥰🥰接著係西瓜沙冰，清新爽口，係夏天必試嘅選擇。這款沙冰用咗新鮮西瓜製作都係唔會太甜，每一口都好解渴，而且完全唔會有人工味，係真西瓜🍉正😎本身想試埋炸嘢嘅🤩不過由於嗰日太早未開始有炸嘢😛所以只係嗌咗兩杯飲品😜希望下次有機會食埋佢啲炸物啦！果然係西貢世一🤩🤩確係值得推介😌
繼續閱讀
難得來到西貢區，小妹係絕對唔會錯過任何覓食機會，當然緊係要周圍掃街食埋宵夜啦🤣。遊蕩間發現了間好chill嘅小店，就來個咸蛋黃味chill狂薯條，燒賣加印尼撈麵，炸薯條金黃香炸，唯獨咸蛋黃味唔太出，撈麵普普通通😅。
繼續閱讀
今日去左西貢玩,好曬好熱,想食杯雪糕。喺巴士站附近見到Chill Chill @449有雪糕賣,仲有沙冰、手打檸檬茶、生椰乳同其他飲品,仲有得夾糖。雖然鋪頭細細,但都有少少位置可以坐低食。叫左杯Chill cup 雪糕 - OREO&朱古力,雪糕杯好大杯,拎上手好聚手,入面有3球雪糕,仲有好多配料,最底有OREO碎碎,中間有粟米片,最頂有OREO餅乾,熊仔餅乾同biscoff餅乾。食得出朱古力雪糕係用movenpick 雪糕,唔係一般嘅雪糕,雪糕入面有朱古力碎碎。$68大大杯,又有movenpick 雪糕,又有咁多配料,都幾抵食,食完好滿足,簡直透心涼。
繼續閱讀
夏天又到左去玩水嘅季節，面對d咁夏嘅天氣，必須以凍飲同甜品去解暑係西貢見到呢間充滿童趣嘅小店，有得夾糖，有以往樓下士多賣嘅唔同類型嘅糖，例如爆炸糖、可樂糖、精靈球，另一邊貼住當年當紅偶像嘅海報，例如飛輪海、棒棒堂。大電視播住甜品&飲品嘅介紹，有依傢最興嘅手打檸檬茶、生椰奶系列、綿綿冰，仲可以加錢要霸王杯，超級大杯今次就揀左芭菲杯系列嘅曲奇奇朱古力系列，朱古力雪糕係用movenpick 嘅雪糕，一杯樂因杯，面要鋪滿小熊餅、脆脆筒、曲奇餅同彩虹碎碎，色彩豐富。底面都有大量雪糕，份量十足，內層有曲奇碎碎及粟米脆片，增加層次感拎住係西貢壁畫 ，拎住個芭菲杯，岩哂打卡
繼續閱讀