Chicken Pocha LCK (已結業)

第一次去到一間連相都唔想影就直接用文字去表達自已的意見，由於時間差唔多晚上6點又有少少肚餓不如食個早晚飯，去到門口見燈光全開就膽粗粗試一試，一入門口有個阿妹招待，問佢開市未？阿妹答開！但炸雞未有，我答佢無問題咁就坐低，叫一個海鮮豆腐湯同一個泡菜豬肉飯，因為忙預備晚市阿妹就入廚房做嘢，個豬肉飯出嚟賣相麻麻（都費事影相），到海鮮豆腐湯出塲雖然個湯係辣嘅都依然有少少海鮮鮮味，可以接受的但精華來了，一個金屬碗來到枱面是非常熱的白飯，瀨嘢居然有4成係飯焦唔知仲以為坐在上海餐館食 海鮮豆腐鍋巴

芝士泡菜炒飯$90份量十足，炒飯軟硬適中落左海量級數既芝士 多到遮曬成碟炒飯熱辣辣所以做到拉絲效果泡菜味唔算好出相對係食緊芝士既味道食到最後有啲膩美味指數：7/10香蔥炸雞（半份）$78炸雞有齊雞胸、雞全翼同雞髀香蔥汁超香甜甜地好開胃咁岩食到雞翼同雞髀外皮炸到好脆而裡面雞肉滑捋捋同有肉汁朋友咁岩食中雞胸就話比較榎同乾身美味指數：8/10泡菜煎餅$88份量驚人落足泡菜比起泡菜炒飯呢個好夠味有少少泡菜既辣味煎餅即叫即煎個餅邊煎到脆卜卜不過就油膩左啲美味指數：8/10荔枝角一到夜晚，好多食肆都關左門誤打誤撞黎左呢間韓式餐廳小店位於橫街小巷難免衛生會扣少少分但老闆係韓國人 所以菜式都好正宗性價比都幾高

係深水埗發現一間隱世韓國菜，有驚喜👍👉 芝士🧀雞蛋卷超級推薦必食芝士🧀雞蛋卷，差唔多成隻手腎咁長架😱份量多到好似唔洗錢咁🤣另外上面仲加埋蕃茄醬🍅同芥末，夠曬惹味一啖接一啖🤤👉 Bibim Bab🍚拌飯另一個推薦俾大家💁🏻‍♀️的Bibim Bab啱曬平日多肉少菜🥬的都市人，辣醬同飯汁🍯都可以自行調節，包你整到你自己的Bibim Bab 😉👉 豉油炸雞🐔餐廳的炸雞🍗同坊間好唔同，偏乾而且偏鹹🙈，同平時食的韓國甜醬油味有d唔同🐒後記:大窩口分店是我與舊友人的回憶，今次品嘗卻沒有以往的美味，不知道是失去了知覺還是相伴不再，回憶最美

疫情關係，無乜人出街食，唔洗等位。叫左海鮮豆腐湯，炸雞。好驚喜，好好味。豆腐湯好足料，豆腐滑，辣味都好夠好香。炸雞新鮮炸起，炸得岩岩好，外脆內滑，Good。價錢合理，份量好足，值得回頭

今日臨時有事屋企無煮飯就想叫外賣送黎屋企 曾經路過屋企附近呢間韓國菜但app又搵唔到 後黎打去問之後韓國老闆話app果邊叫Kchicken ! 可口氣落左近$400一家三口食😆唔講得笑！真係好味過出去尖沙咀食！香葱炸雞、泡茶煎餅、BiBimbap等已經好掂當！最最最掂當係個海鮮豆腐湯！不得了！阿仔話最正就係呢個韓國味道！簡直同佢去韓國grad trip時嘅回憶一模一樣咁正！唔好意思 太肚餓所以無影相🙈 信我！真心覺得正過出面大牌子嘅韓國餐廳 勁鍾意喔！♥♥♥

已經第二次光顧，上次同屋企人買左兩份炸雞、二人份量燒肉，雖然係外賣，但韓國餐廳都會比好多配菜，韓國人老闆就比左一大碗泡菜、醃蘿蔔⋯⋯服務態度吾錯！ 味道就好正宗、好味，雖然佢呢間無乜花巧嘢，但基本的韓食都一定有，同其他香港連鎖韓國餐廳吾同。如果追求新朝、花巧嘅韓食，甘呢間就未必適合今次仍然係買外賣，買左午餐-韓國炸醬麵！味道好好，食完都吾太頸渴希望疫情快啲過去，亦希望呢間韓國餐廳可以撐住

早排睇完戲出嚟就發現咗呢一間新開嘅小店，呢幾個月加埋都食咗8至10次， 我自己就試左炸醬麵好多小食， 炸雞，豬扒飯等等。每次黎個食物品質都好穩定，好好味，好新鮮，即叫即整。自己個人就最鍾意叫炸醬麵，首先，係因為佢啲醬汁好濃郁，面好滑好彈牙，雖然份量唔算多，不過勝在好地道，同埋可以留個胃試其他嘢食。自己比較大食，有幾次都問老闆可唔可以多飯同多面，老闆勁好人加比我，每次都話okok疫情肆虐，晚市只可以外賣。呢次就諗住外賣一份菜包豬肉，點知老闆話唔整，佢話呢排少生意，呢一味餸啲材料放咗喺雪櫃一段時間唔夠新鮮，驚我所以有錢都唔賺，唔肯整俾我，務求客人食到最好嘅嘢食物。咁我就嗌左另外一個二人燒肉套餐。成個套餐就包五花腩，幾款配菜，兩碗白飯，生菜，同埋啲醬汁。本身就剩係得一款五花腩，老闆話因為啲五花腩有條骨，剪左之後就覺得份量太少，額外比多隻（深色）調好味五花腩我地， 泡菜都俾左一大兜，勁好人。味道方面更加唔使講，啲肉一啲都唔乾， 味道啱啱好，拎一片生菜，一舊肉加少少飯蒜片，辣椒， 包埋一啖擺落口～正呀

今日嚟到長沙灣睇完戲之後再食韓國菜，間舖頭唔算大，廿個位左右。餐牌都係好正宗嘅韓國菜式。我哋點咗幾樣嘢，香蔥炸雞、炸醬麵、泡菜煎餅。個雞好香好脆，連埋蔥絲一齊食好香，而且個醬汁同個雞好夾，食酒食炸雞真係一流。炸醬麵，好食過我喺韓國食嘅，個汁好味，入面啲料都好多。泡菜煎餅，香濃泡菜味，入面夾住蝦肉，好薄好脆嘅煎餅。如此性價比嘅韓國菜真係少見韓國oppa 亦相當Nice ，會關心客人，問吓菜式啱唔啱味道。

竟然屋企附近有間平靚正韓國餐廳細細間，應該坐得20人左右款式唔算多，但基本野都有得食拌飯，紫菜包飯，豆腐湯，炒年糕等等烤肉都有，不過係烤好鐵板上(原諒有啲我掛住食，唔記得影)芝士雞蛋卷 $98超大份，差不多有8-10吋長裏面啲芝士多到可以拉絲調味燒五花腩套餐（2人份）$228影既時候已經食左一半😂肥瘦適中，好有油香味都係好夠份量，仲加埋兩個飯生菜唔夠仲可以添炸醬麵 $5x/6x （唔記得）唔知點解咁鍾意食見到menu有一定會叫果然，無令我失望呢個價錢加呢個份量，抵食芝士辣炒年糕 $68又係勁多芝士，不過呢款就唔係乾身係有啲似湯，唔知係咪特色?辣味可以再多少少就好喇不過份量黎講，share又係抵既老闆係識講中文既韓國人一般正常落單，溝通係ok既但如果你問複雜啲既問題，老闆就未必明喇老闆仲好好人送左啫喱俾妃頤食📌未有酒牌，想食燒肉，炸雞配啤酒就要自己去附近買喇📌無免費水提供，食完辣野想飲野舖頭係有枝裝水，少量飲品選擇我見menu首頁似係主打炸雞下次再試埋先😋

今日約幾個朋友嚟荔枝角食韓國菜，喺麗新商業中心對面嘅一間小店。由韓國老闆主理，傳統嘅韓國菜式，非常用心制作。我哋點咗辣味炸雞、芝士泡菜炒飯、芝士炒年糕、海鮮煎餅。辣味炸雞，個雞掩得好入味，炸粉脆得嚟亦唔厚，加上酸酸辣辣嘅醬汁，入口好正。芝士泡菜炒飯，勁多芝士，令到個飯做到拉絲效果，個炒飯底勁重泡菜味，好滿足。芝士炒年糕，哩度嘅芝士炒年糕係水狀嗰種，辣味嘅湯底入面加上芝士、蔬菜、魚片、年糕，好豐富，用心之作。海鮮煎餅，煎得好薄好脆，入面有蝦同青蔥，好好味。哩間舖價錢唔算貴，做到高質素又正宗嘅韓國菜，確實值得支持。而韓國人老闆亦相當Nice，下一次一定會再嚟食。