CHICKEN FACTORY (麗港城商場)

我同屋企人一直都好鍾意食Chicken Factory，每次都期待佢哋嘅雞。最近有個晚上，我哋去咗麗港城商場搵食，正好見到Chicken Factory，於是毫不猶豫就決定入去。店內有幾張枱可以堂食，可以趁熱食，真係好享受。不過，食完之後我都想寫下這篇評論，因為我遇到咗一個問題。雖然食物好好，但服務質素卻令我失望。期間我見到一位穿黑色衫的店員，對客人的態度相當差，令我覺得不太舒服。我理解工作可能會有壓力，但作為顧客服務人員，應該要有基本的禮貌和耐心。希望Chicken Factory可以加強對員工的培訓，提升服務質素，因為良好的用餐體驗不單止來自食物，更來自於熱情的服務。我會再次光顧，希望下次的服務能有所改善。…查看更多

叫咗個百里香烤雞餐。$58有半隻雞。醬汁何選：菌，麻辣，咖喱。配菜可選：飯，薯仔，雜菜。仲有罐裝可樂送。雞都喺已經烤好焗好。然後再加熱番。新鮮程度一般。雞皮唔喺脆，但係易撕開。雞皮味道選可以。菌汁選可以。雞肉質感小許乾。味道尚算OK。我覺得可以俾多$10食到成隻雞兩個人分會抵食。不然就有啲離地。…查看更多

叫咗嗰黑椒雞脾飯。$39。 有罐野飲。雖然話就佢哋要焗番熱隻雞脾，但係食到佢哋係即日做嘅。味道嘅新鮮。皮又幾脆。肉都幾多汁。味道正法似足10小春雞似足10燒春雞。佢哋仲有餃子食。…查看更多

牛肝菌汁烤雞，經過香草和調料的醃製，然後烤至金黃酥脆，肉質部分位置嫩滑多汁，但雞胸肉較硬。外皮帶有濃郁的香草和烤香。牛肝菌汁具有濃郁的菌香。烤粟米是帶有濃郁的香氣和天然的甜味，可解烤雞的油膩感。焗薯是一道非常簡單卻極具滿足感的料理，外脆內軟，如在焗薯上加上奶油、鹽、黑胡椒，或者加入培根碎、酸奶油味道更佳。隨餐送上可樂一罐👍🏻…查看更多

之前去買lunch套餐，用門口部機落單之後去另一間食肆買外賣，回去拿餐有位不善廣東話阿姐毫不禮貌地講”你頭先咪攞咗囉!”，我答”冇呀張單據仲喺度”, 另一個後生女見狀先去拿餐給我。阿姐自言自語有想鬧人嫌疑，好不情願地拿個lunch給我, 我就走了。已經不是第一次幫襯買燒雞，但每次拿回家其實不是熱的not even 暖的，當中幾條菜當然亦是凍冰冰的，開張時見有人等先諗住試下，可惜以上事件發生後決定冇下次了。…查看更多

🥡🐥🐓經濟烤雞外賣快餐店▫️可選1/4隻，半隻，原隻▫️醬汁可選麻辣汁、咖喱汁、牛肝菌汁或走汁☑️重量級烤雞餐（半隻）-$68這款要了牛肝菌汁，配菜可選2款，要了烤雜菜及焗薯。因為係重量級，半隻烤雞都十分大隻，雞皮烤得幾靚，肉都吾算老，牛肝菌汁好似蘑菇飯嘅醬汁，吾辣，亦唔會搶咗本身雞肉嘅味道，但可能同雞吾係好夾。焗薯有成7大粒，加左鹽去焗，鹹鹹地幾好味。烤雜菜就椰菜花好食，但得好少，其餘好多都係豆，烤完會較硬。☑️ 百里香烤雞餐（半隻）-$56這款配左麻辣醬，怕太辣所以加錢汁另上，配菜要了烤雜菜及雞油飯。配上左香草嘅烤雞唔落汁食都好有風味，而麻辣汁真係超正，麻同辣味都好出，但就會搶咗雞肉同埋雞油飯本身嘅味道，但絕對係麻辣控之選。雞油飯有淡淡的香味，但同烤雞就唔係幾夾，不過呢間店都有海南雞飯。☑️套餐飲品叫咗樽裝冷泡烏龍茶同埋檸檬洛神花茶，都幾大支，味道正常。…查看更多

放工收到order要加餸，平時行過見佢有原隻烤雞買，尤其是啱啱出爐嗰陣時香噴噴，聞到都流口水，我見外賣自取平啲，於是就買返去做晚餐返到去都仲係熱辣辣嘅，外皮都幾香口，肉質都算嫩滑唔會太鞋，加埋啲薯仔，其實食一個都已經好飽都唔使食其他餸啦如果撞啱特價時段或者新鮮出爐買，性價比應該更加高佢本身仲有其他唔同嘅套餐可以選擇，仲有樽仔奶茶可以楝，不過講特色嘅話烤雞應該係佢嘅王牌，我見好多人都同我一樣收工買返隻烤雞返去食…查看更多

一個人唔想煮，一於買外賣返屋企一邊開餐一邊煲劇，絕對係懶人首選。無骨海南雞唔止啖啖肉，估唔到都幾滑，雞皮唔止爽口，仲居然有少少啫喱，令人喜出望外😍 油飯唔覺有斑蘭葉，但加咗炸香蔥蒜，非常香口惹味。最後仲有一碗紫菜蘿蔔湯，雖然feel到有味精，但係又忍唔到一飲而盡😂呢餐$48真係冇得輸👍…查看更多

突然間很想吃海南雞飯🐓便會來這間吃海南雞飯很出名的外賣店，個人最喜歡吃麻辣海南雞飯套餐，雞肉柔嫩香滑～麻辣醬是我最推介的，跟上紫菜蘿蔔湯，紫菜蘿蔔湯清甜適合解渴，但有一點味精湯的感覺。…查看更多

今日經過麗港城，見到有E284下午茶餐$28，炸雞連無糖凍茶，+8烤雜菜，啱哂我Keto diet，炸雞即炸，好熱好脆，烤雜菜調味好好👍🏻但唔記得影相，因為第一次寫，謝謝…查看更多

超惹味抵食的香料烤燒雞餐$49因為有一次我阿媽放工，在附近新開chicken factory買了半邊烤雞餐外賣給我，我吃過就念念不忘。所以我決定自己山長水遠去麗港城買，陸陸續續都開咗好多分店，就係點解九龍灣區未有？除咗蘑菇汁之外，原來可以另外叫辣汁的，本身烤雞是不辣的，我特別推介叫辣汁，有些似四川風味的香料，有花椒的麻辣，帶少少酸，屬於少辣的一種，烤雞外皮脆身，皮脆內嫩!把大片的雞胸肉或薯角沾上辣汁，特別惹味，如果可以我真係想加錢再加多兜辣汁。最抵食法，當然是不叫二人餐直接叫49元半邊烤雞餐加2小食(蔬菜、薯角、雞油飯)和1飲品，雞油飯食得一試，但份量不多。2位成人1位4歲小朋友唔算夠，下次可以再叫多個小食，或者試海南雞😍…查看更多

Chicken Factory開咗成兩個月我都未食過，之前見佢門口仲成日排隊。今日想食下午茶嘅時候諗起佢，打開外賣自取嘅平台睇吓邊度有優惠，發現熊貓係原來冇下午茶餐。反而OpenRice有，咁今次就用OpenRice order左個迷你麻辣海南雞飯。App寫半個鐘後先有得攞，我心諗冇理由咁耐，五點應該冇乜人，而且所有嘢都應該整好晒。咁我就膽粗粗10分鐘就去啦，果然即刻有得攞。返到去打開個賣相發現同我之前喺百分百餐廳叫嘅霸王雞一樣樣，只係蒽油變咗做辣醬。食咗一舊發現中咗伏。同上次喺百分百餐廳食嘅霸王雞一樣咁韌。我差唔多可以百分百肯定佢哋係同一個factory整出嚟。唔多明白點解會好多人排隊買佢哋嘅雞…查看更多