Châteraisé (青衣城2)

營業中

休息中

今年第二個聖誕蛋糕，第一個滿足咗個仔嘅多啦A夢，第二個當然係滿足吓大人啦😍😍😍唔知點解，白色聖誕係最吸引❤️❤️❤️所以揀咗呢個🎅聖誕什莓梳乎厘芝士蛋糕⛄️由於已經食咗聖誕大餐，所以14cm真係剛剛好😋呢個係海綿蛋糕加梳乎厘芝士，本身芝士控嘅仔仔食到停唔到口，上面有士多啤梨醬同雜莓，所以甜中帶少少酸，味道清新，所以食飽飯食都會覺得好好食😋😋😋而且呢間蛋糕店嘅cream真係唔會好膩，適合怕甜嘅人食😍

生日蛋糕看似有好多選擇，其實行晒成個青衣城，的確係好多Bakery shop，但主打生果嘅真係好少！通常慶祝生日都會食到好飽😂 所以蛋糕如果係好實淨，真係會飽到傻仔咁🤧 中意chateraise嘅其中一個原因係因為佢啲士多啤梨好好食😂 同埋佢啲蛋糕比起其他舖頭鬆軟好多，好似食陣風咁😆 同埋啲忌廉好似係第二道食唔到咁😂 如果大家有食過佢個卷蛋，你大概就會明我講咩😆 水果皇冠👑 $300，記得早幾日訂，唔好諗住1-2日就得😗 好味係好味，但賣相不太吸引

原來入嚟淨係買個卷蛋同泡芙俾個仔做tea就算，十幾蚊件，又平又抵食跟住弟弟望下望下，個姐姐又介紹我哋話呢個期間限定調皮鬼好食！因為佢主要係朱古力個鬼皮係好軟熟嘅糯米糍跟住頂係cream，食完cream就有啲粒粒朱古力同朱古力布甸下面有個蛋糕墊底，係好食嘅，不過要$40/個，真係因為乖先獎個俾佢哋食我自己都唔捨得買🤣🤣🤣另外仲買咗朱古力泡芙！係哥哥最愛，佢係好似黑朱古力個種，唔係牛奶朱古力，加埋入面啲cream😇一咬落去，啖啖幸福嘅感覺佢仲有個Halloween 期間限定，係朱古力卷蛋，都好好食！好軟熟嘅蛋糕，加好好味嘅cream！鐘意食cream必試！

行過喱間蛋糕店，走左入去睇睇。d蛋糕款式好多，色彩繽紛，睇見都開心。我一向都唔太鍾意食蛋糕，但都俾佢吸引住。原來唔止蛋糕，重有好多冷藏雪糕雪條一類嘅食品放左喺雪櫃。牆上重有d精品介紹。可以同八達通付款，當然方便好多喇。原來重有d父親節兒童畫貼左喺度，確係幾温馨喎。大大個牌寫住店內全部食品都係來自日本，唔怪之店內咁重視賣相喇，重充滿東洋feel添。結果我都忍唔住買左個蛋糕返屋企食。個蛋糕外形都好吸引，上面放左好多日本水果。喱個蛋糕主要喺放左日本蜜瓜同士多啤梨。d日本蜜瓜真係好正，多汁，甜中又帶清新味道，確係好好食。士多啤梨亦係生津可口。切開左發覺蛋糕甚有內涵，又唔太甜，製作同用料都好講究。食落真係啖啖都令人回味，以我喱個平時唔太鍾意食蛋糕嘅都即時轉左呔。價錢係貴d，但新鮮由日本入口，水準又咁高，我覺得值囉。

又開多一間分店，青衣島民多了一間烘培店可選擇。剛開張由於人流比較多，感覺店員有點應接不暇。一般營運也是先排隊付款下單後取貨，有些顧客在甜品櫃前查問，一位看似高級一點的員工卻說可先幫她留住件貨，再排隊付款。這樣卻會造成混亂和不公平。例如：如果剛餘下最後一件，另一客人在收銀下單時，卻被另一位未付款的客人搶先留住件貨。守規矩卻碰了釘。希望商戶見此食評後要多加培訓員工營運之道！作為一位抹茶愛好者，當然只會購買抹茶甜品。1. 抹茶千層蛋糕（HKD38)面層有糖霜，但沒有過甜，有紅豆在其中，抹茶濃度尚可。2. 抹茶瑞士卷 (HKD15)抹茶濃度和千層蛋糕相若，有獨立包裝，日本直送，雖然口感比千層甜了一點，可能因為紅豆蓉比例多一點。但價錢就平好多，性價比高，賣相和包裝袋幾乎一模一樣。3. 抹茶泡芙 （HKD14)由於是泡芙，抹茶味好淡，雖然不太甜，但整體比較遜色。這間烘烤店細心之處是提供了冰包，天氣熱時也不怕變壞。一年四季光顧也安心