Chapon Chocolatier (已結業)

行行下街，俾古古力counter吸引咗埋去。就係咁，忍唔住試食，又忍唔住駛錢：高質量朱古力真係＂味＂力無窮，姑勿論係咪真係會令人有愛情Ｏ既感覺 or 有助分泌endorphin, 單單係濃郁幼滑Ｏ既細膩口感就足以令人欲罷不能。好早就知道朱古力有鹽Ｏ既成份，而微微Ｏ既咸味永遠最能夠帶出朱古力甘同甜Ｏ既特質。偏愛75%以上純可可Ｏ既我，自然唔會放過海鹽＋純朱古力呢個＂絕配＂，尤其產自法國並且使用周邊各國出產Ｏ既可可豆製成各式口味，就既可以滿足口慾，又滿足到想接觸"地道"同＂高品質＂產品Ｏ既心理。除咗種類／口味／賣相都不落俗套外，部份款式提供試食。包裝精美討喜，正正係送禮自奉兩相宜。見慣本地大小專賣店花多眼亂但往往一種口味都揀唔落Ｏ既朱古力怪魔們，呢一間的確值得推介。