影片
千萬唔好去,真係唔該哂.......無野食,食左個公仔面加兩杯野飲,收成一舊水.....
繼續閱讀
唱完k, 想搵個地方繼續傾下計, 有朋友帶路來這裏. 講真, 若唔係朋友帶路, 真係唔知入口0向邊.都近凌晨時份, 仲有兩三檯客, 由於地方唔大, 只係剛好有兩張圓檯拼埋俾我地. 不過, 見近窗口有兩張梳化位的.因之前已食飯, 所以只點飲品, 友人本想叫花茶, 但個侍應該無晒花茶壼, sorry! 下? 未坐滿人喎, 咁都無晒壼?? 算啦, 轉奇異果雪香, sorry, 今日無奇異果flavor, 下? 咁都得? 幾經輾轉, 終於叫左士多啤梨雪香. 我則點了杏仁朱古力, 還有ice latte, 萍果綠茶. 總括來講, 水準一般, 只係價錢唔算太貴. 平均$25-30/杯.後來朋友再點瑞士雞翼撈丁, 賣相係無技術可言的, 白雪雪的丁麵淋上瑞士雞翼, 不過個汁色水好夠, 味亦夠.我地傾到成三點先走, 當時可能老細同佢的朋友都在, 所以無趕我地走. 不過, 呢度的出品真係幾耐, 普普通通想搵個地方飲野傾計都可以唸唸的.
繼續閱讀
之前黎過一次,果次印象最深刻既就係d食物要等超耐,但味道方面真係幾好..今次同朋友係依度附近突然諗起依度,咁係大家冇乜所謂之下就上左黎..但係我諗依次之後真係冇下次喇..(p.s,間補有兩個女仔,煮野同侍應都係佢地,開方式房,所以看到煮野食的人和上次是不同的)我地兩個都叫左,初頭以為可以轉意粉真係好~點知..個意粉黎到,我地已經呆一呆..大家想唔想像得到d意粉竟然係浸住d唔知係瑞士汁定鹵水汁..食落去意粉本身完全冇味,d感覺就好似意粉點鹵水汁食咁,食左兩啖之後真係唔掂,但又唔想浪費所以就問可唔可以比d白汁,但一句唔得我地都冇計啦..而所謂既瑞士雞翼,同鹵水雞翼完全冇分別.味道係豉油錄熟d雞翼..唉~依碟野真係另人失望到極點..無計啦只好怪一早唔問清楚..野飲方面我要問有冇得走甜,友人一早都話唔會有,我都係博下睇下會唔會咁好彩有,點知佢真係話有,我就更係好開心啦(因我只飲sugerfree or light的飲品)但友人覺得好奇怪因為除非係新鮮炸如果唔係冇可能有得走甜,(因為友人本身係係cafe度做的)然後細問之下,..原來只不過係走糖水..佢既蜜瓜汁係本身已經有糖果d,又唔係sugerfree咁即話係冇得走甜,呆哂..佢究竟明唔明白咩叫走甜..之後兩位女侍應收工走了,換了一位男侍應,禮貌同態度都比較好,我唔係話兩位女侍應態度上好差,但係食物和笑都唔笑一下既方面真係扣哂分..但無論點都好心裡已經留下了超級差的印象了..共$121
繼續閱讀
朋友帶我去食，仲要神神祕祕咁；原來係佢d friend新頂落o黎o既cafe~ 咁要試真d啦~ 環境冇乜特別，都幾多書/magazines/games可以玩，但我唔太鍾意佢有吸煙區~ 正如多數o既上樓cafe，飲品($20~$35)選揀幾多，食物就少d款，都係小食多~ 我未食dinner，就叫左個白汁吞拿魚意粉，另外又點杯strawberry雪香~ 意粉比較淡味，真係讚唔落；雪香就出面仙xx水準，夠甜先o岩我~ 朋友就要左壺靚靚花茶，睇落都唔錯~ 服務方面，出菜會慢少少，但都算有永必應，okay~ 最大問題係同區太多cafe，要殺出一條血路，一定要d搵到自己o既特色~ 希望佢繼續努力啦~
繼續閱讀