Central Juice Bar (已結業)

今朝早想去買早餐, 點知封晒, 有冇人知佢地搬左去邊呀?? 我差唔多日日都食... 有點唔習慣添...

(31/7/07)見到配搭幾特別,買黎試試。肉鬆走埋一堆,而且又少,食唔出咩驚喜。咖啡,比茶餐廳奶少,只屬合格水平。呢度d野,過清淡了,不是人人吃得下。

(12/7/07)lunch都不算好多人,因為效率好快。菠菜吞拿魚長通粉,淡味得可憐,只得吞拿魚的少少咸味,長通粉又過腍,食完覺得好寡......跟糖水,清保良,黏黏淡淡的。整頓飯食完,好dry啊。這裡早餐較好。

我聼朋友講呢,美心隔離有樓梯級直落轉左,就睇到果汁吧,裏面有好多嘢食.一天,我去買香蕉花生醬三文治加奶茶,但我一轉身,無意之間,我被色彩鮮豔的果杯吸引著,我隨便就買了一個13蚊的大果杯.返到公司食咗這個果杯之後,意想不到的是,那果肉粒粒新鮮有鮮甜,值得一試!還有那裏的奶茶很不錯,幾0岩我架!

(5/7/07)之前行過,對之很有好感。今朝突然想起,就來買早餐。款式好多,飛碟都係$10啫!選了,立刻拎起─花生醬香蕉麥包三文治+$3奶茶。(後來才發現台式肉鬆蛋沙律三文治!唔打緊!下次買)花生醬+香蕉當然配味,但整份三文治很薄,唔滿足。奶茶,茶味出,奶較少。未必個個人o岩,而我就幾喜歡喇!感覺這裡很用心經營,而且見lunch的東西都幾健康,下次會試埋,才知真正味道。

以前成日係美心買早餐，而家多數都係呢度買，佢既三文治有好多款，我食過既碎蛋煙火腿三文治、花生醬香蕉西多士都不錯...認同咖啡好一般，沒有什麼咖啡味

好似第一次同一間寫兩次食評, 不覺仲係覺得幾好...值得推薦~呢排買早餐無再去美心, 反而黎呢度多, 雙併3文治+飲品共13蚊~ 我買的雙併: 一邊係煙火腿+碎蛋, 一邊係青瓜片+吞拿魚, 依然係麥包, 味道及份量皆合格, 尤其是青瓜片, 又新鮮又夠厚, 絕唔係薄薄一片敷衍了事~其實如果我食生蕃茄的話, 我會揀蕃茄做材料, 因為我見到真係幾靚幾新鮮咁....咖啡依然都係嘛嘛, 不過而家醒目喇, 會叫咖啡少奶~~

如不是看Openrice，真不知道戲院里有這間不錯的小店。返工時份有不少人在此店排隊買早餐，另見其中一位店員忙過不停地即製三文治。三文治有許多款，大部份是西式而且屬較健康類，如低脂沙律烚蛋和香蕉花生醬麥飽等，約$10份。另加$5可有低脂奶蛋白麥皮，麥皮少甜，而且夠杰，惟份量略少。

聽同事講呢度既早餐幾好, 咪捨棄美心黎試下....呢間o係係戲院里間美心隔離條樓梯直落再轉左, 好易搵~ 個舖唔算大, 得2-3個位, 大多數人都係take away既, 佢有好幾款三文治揀, 有番茄蛋呀, 火腿碎蛋, 香蕉花生醬等等, 仲有飛碟添, 配野飲, 如果配果汁要加多少少錢, 成個早餐由$8-$1x不等..我買左個碎蛋三文治+coffee, 好有效率, 唔駛點等就走得三文治ok, 可以多少少碎蛋就好喇, 咖啡唔夠香濃, 好重奶味....但整體都合格既, 起碼比o係同係10蚊既石板街好得多~~~順帶一提, 呢間野仲有減肥套餐提供....我睇傳單係3日療程, 大概一日$80, 包早午晚...不過我就無打算試喇..邊夠我飽....