Carving (已結業)

早兩日經過上環見到有呢間新餐廳喺度派傳單，即刻上去試吓上到去餐廳，地方唔大，不過裝修都幾有feel，好小小似快餐店，又好似buffet枱，三個店員哥哥企晒出嚟，一個負責打單，兩個負責整嘢食。嗰日唔算好多人，我同店員哥哥吹吓水，餐廳主打係食燒牛肉， $98有一個餐盒，我見位唔多就問吓可唔可以堂食，如果有位都可以坐喺度堂食。店員哥哥仲話之後有酒水供應，有生啤又有雞尾酒，店員哥哥有啲紋身，但係傾落原來好有禮貌仲好有心添🤣🤣🤣食物方面，因為好似buffet咁，可以一眼睇晒有咩揀，原來每日都有三至四款沙律，四至五款熱食有得揀。我揀咗蕃茄沙律同埋忌廉菠菜，仲加錢要多碗粟米湯。蕃茄沙律個蕃茄係有皮嘅，不過同啲油醋汁好夾，仲有切咗絲應該係羅勒葉同埋松子仁，好開胃。忌廉菠菜平日都係去扒房先有得食，估唔到咁樣外賣店都有得叫，忌廉菠菜正常水準，啲菠菜唔會霉晒，食落啲忌廉有一浸好熟悉嘅味但係我又唔知係乜，睇吓下次有冇人可以話返俾我知粟米湯熱辣辣嘅一碗粟米湯，食得出唔係現成交貨嗰種，係自己整嘅，入邊仲有一粒粒粟米，不過我自己覺得甜咗少少燒牛肉重點黎啦，同店員哥哥溝通過，知道餐廳係做英式切法，即係切4mm厚，燒牛

見佢啱啱新開，決定同同事一齊去試一試佢。店舖嘅位置都幾易搵，見到三哥上電梯轉右就係，真係唔會估到喺呢個位會有間咁高質嘅舖頭。Order嘅時候已經有幾個人喺到等緊，心諗可能都會等得耐，不過唔緊要，好食就得！落單要選擇嘅野都唔多，只係揀要邊一款沙律同小食就得。個餐本身已經包埋有兩塊扒同埋薯蓉，外賣都只係$100都唔使！Order完之後，其實都只係等咗10分鐘左右就有，而且店員都非常有禮貌添！返到office打開個盒真係好驚喜！啲蕃茄好新鮮好juicy，薯蓉都好好食😋個扒完全超出我哋所有人預期，真係好好食。完全係上班一族嘅恩物！

lunch time見公司附近開左間燒牛肉店. 入到去除左牛,仲有好多沙律選擇. 揀左大蝦沙律同薯條. 包2大片燒牛肉同薯蓉 蝦好大隻好弹牙,完全冇雪味 薯蓉好香好滑口而牛肉好嫩又juicy好有肉味呀岩哂我牛魔王,配埋個汁真係幾好食,同事都話咁大份夾好食嘅真係好難得我覺得好食過平時食buffet嗰D,98蚊勁大個lunchbox水準又唔錯 算係上環高水準我哋見個bar仲有好多其他沙律揀, 下次同同事再買個外賣返office食

平時成日經過呢頭，見到開咗一間新嘅餐廳，成日都心思思想試下！今日lunch 諗唔到食咩，一於試下先！餐廳主打食Roast Beef 燒牛肉!聽落已經好有驚喜😍因為香港冇乜地方食呢樣嘢，次次想食都要去L字頭嗰間或者buffet 先有得食！呢間新開嘅餐廳同我實在太夾啦！成日想食好嘢但係又唔想用咁多時間😅聽廚師講佢以前喺酒店嘅扒房做過，所以我更加期待我嘅lunch !! $98 有兩塊牛肉，薯蓉，再加兩個sides 好抵！同埋好少餐廳配菜有咁多選擇，所以我最後加錢要左大蝦沙律($18)同Mac and cheese($18) , 兩種薯條同同事share。。。個餐本身唔跟嘢飲，我叫咗一杯佢哋signature Cocktail Moo Moo , 有啲似朱古力奶味嘅Cocktail, 唔會太甜同佢啲嘢食都好夾！廚師可能見我哋咁為食。。送咗少少粟米湯俾我哋飲！所以基本上餐牌上邊嘅嘢都揀左咗大部分！講咗咁耐終於到主題啦！落完單好快就有嘢食~ 一試，真係冇失望，完全係快餐店速度但係fine dine 嘅味道😍燒牛肉: 主打嘅燒牛肉好嫩滑，生熟度啱啱好，而且成塊肉好有牛味，最重要既係成塊內外都好好味

聽講上環開左間roast beef餐廳，得閒即刻去試下。餐廳位於一棟service apartment既閣樓，面積不大但係好有feel，入到去即刻聞到好香既牛排味，令人非常肚餓😆。食物唔洗講都知係牛啦，個餐$98包兩個sides，加埋份野目測有400-500gram食物，真係超抵食！牛肉係用澳洲穀飼牛，個老闆好似係以前系大角嘴做隱世fine dining，廚師就係系5星級酒店過來，都係後生仔想做d靚野，絕對係高成本之作，好好食一定會再試！