canteen (已結業)

本來諗住去對面食輝香園食煲仔飯, 但係排晒隊... 有排等...現對面呢間好似錯, 又有心太軟食, 就膽粗粗去試...叫左個挪威煙三文魚南瓜意大利飯, 牛柳天使麵餐湯：南瓜忌廉湯好稀... 不過尚叫做有南瓜味個蒜蓉飽唔知點解用左rosemary 做香草但味好怪... 點解唔正正常常用parsley 呢?主菜：挪威煙三文魚南瓜意大利飯一黎就嚇親我... 個menu明明係寫意大利飯, 但係就俾左中國絲苗米我...中國絲苗米好明顯係唔適合做呢種菜...成個飯好似一pat 野咁... d 煙三文魚放係飯面, 俾d 飯整到半熟...甜品：心太軟伴雪糕 ($32)個心太軟一黎, 竟然係爆開左 @@裡面d 朱古力漿流左出黎....朱古力漿太甜... 因為佢用左牛奶朱古力做心太軟心太軟正常係用60%以上係朱古力黎做, 咁成個感覺就唔會漏但係佢呢個真係過份甜...個雪糕一食就知道係牛記雲呢拿32蚊, 俾呢種質素我... 不能接受...總括黎講, 我諗我應該唔會再去...亦都唔值得我再去

上星期五去左呢間CANTEEN食飯, 我個FRIEND之前有去過上一手既甜在心頭, 佢好傷心佢好鍾意既甜在心頭無左不過甜在心頭的價錢較貴, 呢間CANTEEN相對平好多見到餐牌, 我地兩個一選就選左"南瓜意大利飯", 先黎蒜蓉包, 幾香蒜蓉味個南瓜意大利飯等左10-15分鐘, 喂! 估唔到呢個價錢都唔錯WOR, 好有尖沙咀貴價餐廳FEEL, 真係值得一試! 另外杯菠蘿特飲都OK, 都係果D野LA =)裝潢都係用返甜在心頭既, 所以都係舒服, 似樓上CAFE, 岩朋友吹水OR拍拖下次要食多次意大利飯

夜晚冇乜嘢想食就試吓呢間啦. 入到去原來得四樣嘢揀. 我哋揀咗一個飯同一個面餐. 然後等... 等咗十幾分鐘先有碗湯嚟到. 好快飲完又等十幾廿分鐘. 已經聽到有一枱有個女人嘈話等得耐咖啦. 個樓面話 "催過咖啦, 催過咖啦..." 咁其實我哋都再等咗有半粒幾鐘先嚟咗個天使面. 咁梗係都催吓啦. 吖, 個亞姐就咁 "哦, 得咖啦." 咁就 hea 咗我哋囉喎. 喂係咁二作吓狀都入一入去望吓先答我吖, 冇動作冇表情冇誠意. 我哋都係咁望住個出餸位咖啦. 終於見到我哋叫嗰份餐啦, 但係畀咗另一枱喎. 但係嗰枱係遲嚟過我哋嗰喎. 跟住又有餐出啦, 應該係我哋啦吓嘩, 喂, 又唔係? 咁我哋又問啦, 個亞姐居然問返我哋叫咗乜嘢餐喎. 喂我哋頭先先講咗我爭份乜嘢餐而佢仲下巴輕輕話 "哦得咖啦" 喎, 宜家問返我哋?????講返個餐啦, 個白汁天使面其實係倒啲稀過忌廉湯嘅嘢落啲天使面度. 而天使面仲未 "擎" 乾水. 成碟嘢好水. 好 "湯面" feel 囉. 個牛柳粒飯其實 ok. 兩個餐份量都好少. 食呢餐飯真係火起, 仲會唔會再 try 第二次實在要諗吓先啦.

北帝街繼續"貨如輪轉",甜在心頭走後,由Canteen上馬.此店並不是什麼食堂,而是一間西餐廳.什麼形式的西餐?開得在土瓜灣,當然是港式.如果憑早上的ABC餐水準,去評價是有點不公平,找個晚上來試才可定奪.平日晚上人客只得一檯,店內裝修如樓上cafe.晚餐有法式三文治餐,主菜有意粉,意大利飯可選,可惜選擇很少,主菜只得四款,那些茄茸辣肉腸天使麵,煙三文魚南瓜意大利飯,菠蘿燒烤腸仔,全不提起興趣.只有卡邦尼汁吉列魚柳拼青口意粉,才揀得下手.加$16便有湯,飽,甜品,飲品.餐湯是南瓜薯茸湯,味道一般,有南瓜味,不過嫌湯底不夠濃,如果用薯茸來煮,理應很濃杰.蒜茸法包熱辣辣,非常香口.總覺得吉列魚柳是屬於沙律或薯條,今次拼上扁麵,兩者果然八字不夾,卡邦尼汁味道極淡兼稀,意粉是扁麵,做法只是將卡邦尼汁,淋在扁麵上,而沒有去煮過.懶到極點.將意粉放在汁上兜兩下有幾難?吉列魚柳是即炸,所以香脆可口,如果由卡邦尼汁換上他他醬,一定好得多.青口肉質齦到黐牙,沒有一點鮮味.應該是雪藏貨色.就算是配角的蔬菜,同樣味道很淡.最後的甜品,不知道名字是什麼,吃落有香濃的杏汁味,口感有點似大菜糕,面頭的菠蘿粒中和了

又是早上尋吃的時間。人走到北帝食街，看到從前"甜在心頭"的舖位已易手，開了一所名為"canteen"的餐廳。看見這店名，立時便想起從前在IFC的同名高級茶記。當然此"飯堂"不如彼飯堂，無論是價錢以至格局都是較大眾化的.....早餐的選擇來來去去都是那幾款，是走不出傳統的框框了。餐包是剛用微波爐翻叮熱，熱得拿上手也有點困難。塗點牛油吃，總沒有平常的牛油方包般的寡口及乏味....放棄了吃蛋的念頭，要了煎午餐肉片及紅腸。很少遇到茶記會將這些配料鋪排得靚靚才上碟的。味道當然是很普通的"餐肉"及"紅腸"感覺，登時便想 : "這一類由細吃至大的尋常加工食品，可以有幾特別的味道呢 ? "....茶走奶味不重，不算十分的滑口，不過喝出有一份茶澀味來.....沙嗲牛麵份量頗大，很努力的吃，最後還是剩下少許。麵頗見彈牙，不俗；沙嗲醬仍是如一般茶記處理手法，是一大pat東西放在麵上，這是小弟最討厭的了。況且這沙嗲亦是既不香濃又不夠辣度，肉也是常見的"化學牛"。所以還是將心思放回麵上吧.....二十三大洋一個ABC餐，於土記來說絕不算是便宜。下次還是乖乖的回到"白宮"，又或是在對面的老店"輝香園"好了....

一早同肥豬王落街食早餐, 又唔記得帶mc記coupon, 見對面間canteen新開張就入去試下 裝修都係用返以前"甜在心頭"既, 不過而家就變左做餐廳 肥豬王要左個歐陸扒餐, 我就要做皇牌早餐跟餐既包包, "叮"過熱既, 牛油都係好食果隻 歐陸扒餐有炒蛋, 有豆豆, 豬扒好有味, 唔似出面果d淨係得個汁有味, 而且唔覺落太多鬆肉粉既豬扒, 唔錯我個丁丁面煮得啱啱好, 唔太淋, 有咬口, 煮得好好~ 不過個沙爺牛就太鹹啦~ 我淨係食到鹹味......煎蛋都okdrinks, 大王既奶茶, 佢話ok, 冇乜問題, 我杯熱華田就更加冇問題啦~丁丁面要加$4, 有d貴, 我自己買個面都係3個幾, 咁我改丁丁都應該扣返本來跟既普通面錢好似合理d啱啱新開張, 點都要時間適應一下, 如果晚餐啱食, 都會黎試試