8
2
1
港鐵牛頭角站 B6 出口, 步行約9分鐘
繼續閱讀
營業時間
星期一至六
09:30 - 19:30
星期日
全日休息
公眾假期
09:30 - 19:30
公眾假期前夕
09:30 - 19:30
以上資料只供參考, 請與餐廳確認詳情
今日同事帶我嚟試新野，原來佢係好多地方都有分店㗎，可能menu上會有少少分別，e度lunch set 可以$98揀一款主菜+餸+飲品墨西哥酥餅Quesadillas (Half) 最傳統一般係最好食的，加上同事推介更加要試下，薄餅中間夾咗芝士、grilled chicken (自選）、蕃茄粒等相當豐富，中間仲有牛油果沙律俾你撈埋食，外皮keep到好脆，sour cream醬汁都好惹味，半份都好夠飽～總結：食物質素真心唔錯，想食墨西哥菜嘅朋友都絕對推薦，只係依間分店感覺得2-3個人打理，Lunch hour企咗喺出邊好耐都冇人落單😂同埋落完單都要等候一段時間，如果趕時間可以考慮電話預先落單～地址：觀塘海濱道83號宏利大樓1樓W4A號舖評分（5⭐️為最高）：環境：⭐️⭐️⭐️服務：⭐️⭐️⭐️⭐️食物：⭐️⭐️⭐️⭐️價錢：⭐️⭐️⭐️⭐️
繼續閱讀
Came here to do take away. Place doesn’t have any lights turned on, really dark even during mid day. Placed my order and waited 25mins for my order to be done. Place is severely understaffed so not the fault of the staff, only 2 people to manage the whole place that includes cooking, cashier, delivery/takeaway, clean.When my burrito bowl arrived it was barely enough, I finished it in 5-6 spoonful. Bulk of the dish was vegetables. For 98hkd you can get a lot more value at other places that serve similar food in the same area.
繼續閱讀
#_bigfoodbaby觀塘#_bigfoodbaby墨西哥菜最近疫情愈來愈嚴峻又禁埋晚市堂食，所以🤰🏻都偏向買外賣返屋企食，呢日🤰🏻就買咗好耐冇食嘅墨西哥菜返去歎😋呢間Cali-mex係九龍同港島都有分店，位置都算係幾方便，而且外賣自取仲有折，同埋包裝上都落足誠意，包得密實之餘用紙盒裝又可以方便屋企番熱👍🏻🌝Chipotle Pulled Pork Burrito $78好足料內餡好澎湃嘅墨西哥捲餅！仲有得揀唔同餡料：chicken, steak, beef, pulled pork, wharf, Baja fish而🤰🏻今次揀嘅pulled pork本身醃得好香濃👍🏻再配埋軟熟嘅墨西哥薄餅、醬汁、黑豆同薑黃飯一齊食，口感非常豐富！食半個都飽咗半😂🤭🌝Fishermans Wharf Enchiladas $148又係口感超豐富系列👍🏻大蝦+墨西哥薄餅+salsa verde+薑黃飯一次過滿足晒你4個願望🤣大蝦口感彈牙唔會霉爛爛咁👍🏻而且都比得好多隻唔會孤寒🤣另外薑黃飯又係非常香口，好岩呢排凍冰冰食呢🤤Salsa verde非常濃郁惹味又帶啲微辣，岩哂啲濃味怪🤣🌝Grilled Chicken Nachos $148食墨西哥菜點可以唔嗌nachos 呢？Nachos拎到返屋企都仲係好脆口👍🏻配埋烤雞、牛油果醬、酸忌廉同salsa一齊食，簡單又不失美味，大大盤又啱哂同屋企人share🥰🌝Sweet Tangy BBQ Wings $88/🌝Mexican Chipotle Lime $88呢度嘅雞翼有7款口味可以揀，🤰🏻今次揀左兩款黎試，Bbq 口味食落就係甜中帶點微辣，好岩🤰🏻呢啲螞蟻人🤣而另外🤰🏻仲揀咗平時好少食嘅Chipotle口味諗住越級挑戰下🤣食落果然夠哂正宗，食一隻已經辣到🤰🏻流晒鼻水🤣（可能係🤰🏻太廢）食得辣人士必嗌🤭非常惹味🤭🌝Caramel Churros $48🤰🏻最❤️必食三條厚身大大條，大條過平時食開嗰啲🤭絕對抵食🤩沾滿肉桂糖嘅外皮炸得酥脆但唔油膩👍🏻就算拎到返屋企都keep到咁脆😆配埋caramel 食真係好夾😋🤰🏻仲留意到佢依家西營盤分店推出咗新菜式，而黎緊其他分店陸續都會有，另外如果叫外賣仲會有優惠添🌝👍🏻📍Cali-Mex Taqueria (宏利大樓) (觀塘)觀塘海濱道83號宏利大樓1樓W4A號舖另外赤柱、銅鑼灣、中環、北角、西營盤、金鐘同跑馬地都有分店㗎！
繼續閱讀
🍽🍽🍽🍽🍽🍽🍽🍽🍽🍽Quesadilla 墨西哥薄餅Burrito 墨西哥捲餅Impossible BurgerBBQ BurgerCheese Burger🍽🍽🍽🍽🍽🍽🍽🍽🍽🍽🔼第一次食，Quesadilla 同我平時食開嘅pizza好似，但佢地就以薄餅-餡餅-薄餅 呢個三文治形式製成，我揀嘅係辣味燒雞，因為有一層薄餅皮蓋住烘培，入口嫩滑肉質一啲都唔柴，同埋雞汁精華無揮發流晒係最低層薄餅皮上，食落好夠味🔼 Burrito 同我平時食開嘅墨西哥捲餅，裡面係滿滿滿滿嘅餡。我平時食開嘅都係空氣多😂，可能我一直都食錯。 我叫嘅Burrito係草食里脊肉餡料，呢個位比較軟嫩，但一啲都唔油，同時捲餅配料有牛油果、黑豆，同滿滿以香料製作的飯粒，入口一層層🤣每下咬落都係唔同料好有驚喜🔼 屋企人好最鐘意食burger，一次叫咗3款味道▶️ 1.Impossible Burger,▶️2.BBQ Burger,▶️3.Cheese Burger. 前者係植物肉，但肉質同真肉好似，你唔講就咁食，都唔會發現佢係植物肉，鐘意食肉又想食light 啲揀呢個就最啱。 BBQ Burger 同Cheese Burger 分別之處係味道唔同，bbq Burger入口會帶一陣烘烤香，Cheese Burger 就會帶一層咸香題外話：臨走同staff 傾計，佢話遲啲會有椰菜花飯，勁正，可以食到一樣味道野嘅同時食少啲澱粉質，不過原來個menus啱啱29/1出，會係西營盤店先run 一個月，之後再run 埋係其他鋪頭，惟有下次再嚟食😆
繼續閱讀
平時係附近做完野都會去觀塘 Cali-Mex Taqueria 露天茶座位置食個下午茶，最近疫情關係就叫咗晚餐外賣返屋企食，等我今次影啲靚相講下就算係屋企都可以好有feel好有口福咁食到墨西哥菜🥰🟡 TACOS 墨西哥夾餅每款墨西哥夾餅都有好多不同嘅食材配搭，包括生菜、蕃茄、洋蔥、芝士、火箭菜等，可以挑選一種肉餡作主要餡料，我就選擇咗以下六款：· SOFT FLOUR 薄餅 ($38 for 1)Achiote Chicken 胭脂樹紅籽雞選用馬雅紅醬去醃製，帶酸辣嘅味道為一絲絲嘅雞肉抹上一層吸引人食慾嘅橙紅色，令人食指大動！Chipotle Pulled Pork 燒烤味手撕豬肉手撕豬肉口感軟腍，再配上墨西哥辣椒醬去調味，充滿煙熏辣椒嘅香氣，同時微辣之中帶點甜Grilled Chicken 烤雞胸肉入面滿滿嘅雞胸肉粒烤得香口而完全無焦燶，加上sour cream發酵乳酸菌嘅酸乳味增添味道上嘅層次Aus Grass Fed Tenderloin 澳洲草食里脊肉 (+$20)豬里脊肉係與大排骨相連嘅嫩肉肉質特別柔軟嫩滑，草飼飽和脂肪較低較健康，肉味會相對更香甜· CRISPY CORN 脆餅 ($38 for 1)Baja Grilled Fish 巴哈魚巴哈魚係一種低卡路里嘅魚種通常配搭成墨西哥夾餅，輕輕香煎過嘅肉質較結實同時間保持鮮嫩多汁Fisherman's Wharf Shrimp 漁人碼頭大蝦大蝦超級爽口而且味道充滿鮮甜，經過微微煎香嘅蝦身帶有少少辛辣嘅味道，令味覺上多一份刺激🟡 BURRITO 捲餅 $98配上Grilled Chicken 烤雞胸肉、黑豆、墨西哥飯、生菜、蕃茄等嘅餡料，再配上GUACAMOLE (牛油果莎莎醬) 格外惹味，薄薄嘅墨西哥薄餅包住所有食材完全唔會乾身，新鮮蔬菜嘅水份加上醬汁、黃薑飯嘅辛香、烤雞嘅香口滋味，令口感與味道非常之豐富！🟡 MEXICAN RICE 墨西哥飯 $48另外，加咗一碗細墨西哥飯，墨西哥飯由黃薑粉同青豆香炒而成，配上兩款青紅墨西哥辣椒醬汁一齊食，香辣程度令人難以抗拒🟡 CAESAR 凱撒沙律 $98新鮮爽脆嘅羅馬生菜再加上墨西哥玉米片，口感雙重享受，再加上脆煎煙肉、巴哈魚、parmesan cheese，味道營養更多元，最後淋上caesar dressing帶出風味🟡 NACHOS 玉米片 $148墨西哥玉米片十分之脆口，蘸上牛油果莎莎醬，其中嘅牛油果蓉、香菜仲有青檸汁跟玉米片完美地配合，派對必備🟡 CHURROS 甜炸油條 $48鍾意食甜食嘅我就緊係會叫一份甜品啦，要做到churros外脆內軟中心位置呈網格狀一啲都唔容易，味道上甜而不油膩，再蘸上焦糖醬，絕對係甜品經典之選🇲🇽墨西哥菜係香港比較niche，好欣賞Cali-Mex Taqueria所有菜式都選用香料與食材本身嘅味道作配搭，而且位置方便於觀塘商廈之中返工放工都可以外賣上office或者屋企食，服務員熱情親切英語對答傾下偈，每一次光臨都係愉快回憶！
繼續閱讀