Cafe Whale

營業中

休息中

一夜乾馬友漢堡果然係一試難忘，魚柳包搵到馬友去整都真心刁鑽，仲要有埋花雕酒比你唧落去，佩服。佢支花雕酒仲要搵個好靚嘅香水樽裝住，真心勁。侍應提醒我地，揭開個包唧啲花雕落去塊馬友嘅時候要小心，要因應自己嘅口味去唧，否則返唔到轉頭。唧咗花雕之後又真係有嗰種一夜乾鹹魚嘅味道，仲入面仲有少少金華火腿嘅香味，夠晒中西合璧。我地另外再叫咗一份腐乳薯條，其實係炸薯條上面加咗一粒乾嘅腐乳同埋有一啲乾腐乳碎粉，另外仲有一碟腐乳醬俾你點薯條，影真夠誠意。

🍔漢堡 💮小店 🚹1-4人 🐻‍❄️#新奇控 💛——————🐻🐻‍❄️俾非常特別嘅漢堡🍔slogan吸引左，決定試吓到底「拎得上手嘅羊腩煲！」係隱世美食、定世紀奇伏🤣🍔脆脆枝竹羊漢堡$108🍔漢堡包有羊肉味騷味、但唔算重，咬開羊肉仲有肉汁湧出嚟🤤；食落似真.羊腩煲嘅味道，但就無咁濃味👍🏽，因為唔係落純腐乳醬，而係落咗腐乳蛋黃醬；中間夾咗脆枝竹，令成個漢堡咬落軟中帶脆😋🐻‍❄️：初初真係抱住試伏嘅心態，無諗過幾好食😝🍔手打騸牯牛漢堡$112騸牯牛係指年紀好細就被閹割嘅牛仔，因為無咗衝動，所以脂肪會比較多～配料類近其他漢堡店嘅芝士牛肉漢堡，係穩陣之作👍🏽🐻：漢堡肉食落唔會覺得特別肥🐂整體都符合高價漢堡嘅水準👍🏽🫃份量🤰適合小鳥胃，如果想食多啲可能就要加薯條、小食可惜當日龍躉賣晒，唔係會想試吓魚～因為當日店舖都忙，所以💁‍♂️服務💁🏽‍♀️就麻麻啦，有位店員比較豪爽🙈同埋基本上要自己服務自己，例如自己行出收銀落order同俾埋錢～結論：脆脆枝竹羊漢堡值得一試👍🏽店舖仲有其他新奇漢堡E.g.龍躉漢堡、軟殼蟹漢堡等，有機會會再嚟試😆

呢一碗魚湯烏冬盛惠$75，淨係個魚湯湯底已經真心物超所值，佢個魚湯嗰種鮮味真係要用好多魚慢慢煲先出到呢個又濃又鮮嘅味道，心機同功夫都真係缺一不可，方間好多時都話呢啲奶白色嘅魚湯用d雜魚已經得，而啲雜魚係唔值錢嘅，不過唔好忘記劏魚同洗魚嘅功夫。除咗個魚湯之外，入面仲有魚蛋魚片同埋魚片頭，另外仲有棵娃娃菜，咁當然仲有烏冬啦，佢個烏冬都幾好食，爽身彈牙，唔會浸一陣個湯就淋晒。嗰兩圳粒紅色野係車厘茄，用話梅同青檸浸，都幾清新。佢仲包埋罐飲品，所以$75真係超值。

正當我們在討論點什麼食物的時候，頭上的電視機忽然出現一幅很有霸氣的照片，被它吸引之下便決定點一點試一試。這個慢煮美國小牛柳吐司的真身跟照片差不多，一樣很有霸氣，這些小牛柳不只外表好看，味道也真的不錯，牛味夠香濃，肉質帶少少煙韌，一邊吃一邊覺得牛柳的肉汁充滿在口腔內，喜歡吃肉的朋友真的要試一試。另外它的吐司也做得不錯，帶微溫而且又烘得很乾身，有微脆的口感。我們還點了炸魚仲，因為此店的炸魚真的非同凡響，炸魚仲竟然是用新鮮魚製作，所以那魚油很香濃，一吃便知是極上的出品。最後我們再點多一份炸番薯條，美味。

無諗過英國最出名嘅炸魚薯條都可以黎個中西合璧，炸魚薯條走去搵黃花魚黎做都夠晒大膽，最勁就係相入面右上角啡啡地色嗰兜野，五柳醬加十錦菜，就係將細個成日食嘅五柳黃花魚變成咗炸魚薯條，超誇張。件炸黃花魚都幾新鮮，而且個炸漿夠薄，唔會咬落去成口粉。另外，其實件炸魚就咁點沙律醬已經好正，不過加咗個五柳醬之後，可以話係神還原。雖然薯條係配角，不過呢間餐廳嘅薯條係新鮮炸嘅，所以口感同味道都非常好，連沙律菜都係新鮮同靚嘅，唔會霉唔會燶晒邊，廚師應該好有要求。

【東區】【Cafe Whale】嚟到太安樓，梗係乜都想食吓。而家東海棠都係地膽，問吓佢食乜好，佢就推咗呢間出嚟。見佢個名中文意思係鯨魚咖啡店，咁肯定唔會係食鯨魚架啦，我深明「鯨魚唔係魚」嘅大原則，但可能又真係食魚架喎，我點知啫。去到就知原來佢係賣漢堡包嘅，而且種類都唔少，以小店嚟講，全日供應嘅漢堡包都有八種，都幾好。不過既然有人介紹，就梗係順便問埋意見，唔使自己諗吖嘛。點知東海棠一開口就講啲 hidden menu 嘅嘢，好彩有問佢先有得食。講緊嘅呢款就係 $128 嘅「竹炭黑牛吐司」，本身竹炭漢堡就 menu 都有，但係呢款好似用咗啲靚牛，同埋啲肉超級多，食肉獸一定中意。個包係包一罐嘢飲，揀咗「有得解菊花茶」，我畀東海棠飲，我之前飲過覺得都 okay 嘅。食漢堡包點可以冇薯條，加 $25 加配「薯條」，係新鮮即炸嘅連皮粗薯條嚟，熱辣辣幾好食。埋單 $140，食到咁多肉係唔貴，仲要幾好食喎。不過佢哋都慘，做得都辛苦，聽講香港仔分店亦都已結業，希望呢度生意可以好啲啦。。。（地址：西灣河筲箕灣道57-87號太安樓第三街A61 A&B號舖）#1amfoodie #hkig #foodie #

一個遲來的聖誕大餐(12月27號先食)梗係要豐富D啦，雖然得兩個人不過都試咗好多樣野。先來個小食，佢有好多款薯條，我地結果就要咗蕃薯條，因為平時少D機會食得到，蕃薯味甜甜地，即叫即炸嘅，新鮮自然好食。第二個小食我地叫咗炸魚仲，一碟有6件魚仲(即係炸魚柳)，呢個好食，用新鮮魚做，一啖咬落去就知係龍係蟲，肉質都有好大分別，真係好味好多，不過硬係覺得攞新鮮魚去炸有D浪費。主菜來了，先來的是季節限定枝竹羊肉Burger……上面薄片就係炸枝竹，枝竹同枝竹之間夾住墨魚滑，墨魚滑變成好似膠水咁樣，入面食到有腐乳味，真係有羊腩煲嘅感覺。另一個包就叫咗軟殼蟹Burger，成隻軟殼蟹夾喺包入面感覺真係好勁，入面D沙律菜新鮮好食，仲有佢入面個醬汁食到一粒粒蟹籽，卜卜脆幾過癮。佢個餐跟埋汽水，我地其中一杯加錢Upgrade做雲尼拿奶昔，都幾好味，印象之中坊間比較少地方飲到自家製奶昔。叫咗咁多樣野都只係$354，真係幾抵食。

📍由香港仔移師西灣河嘅漢堡店‼️• 軟殼蟹有驚喜🤩 -- Cafe Whale🐳🍔•Follow @pigfoodiexhk for more food!🐷#pigfoodiexhk_西灣河#pigfoodiexhk_包包========================由於小編拖延症太嚴重….😂當大家見到依個post 嘅時候，位於香港仔嘅本店已經喺12月10號結業啦🥹大家可以去西灣河太安樓店繼續支持!!💪------------------------------⭐️和牛竹炭漢堡 $88 （4.4/5）和牛扒厚身，食落肉味濃郁又juicy!!加埋芝士更添鹹香😍仲有唔少生菜可以解膩~值得一讚嘅係包體夠鬆軟，亦唔會因為醬汁而變腍👍·⭐️飛魚子蛋黃醬軟殼蟹漢堡 $88 （4.5/5）軟殼蟹好大隻，炸得非常香脆又唔會好厚粉，食落啖啖肉！加埋蛋黃醬酸酸甜甜好開胃😋------------------------------賣相：3.6/5味道：4.5/5性價比：3/5推介度：4/5------------------------------店舖資料名稱：Cafe Whale @cafewhalehk

Freeze Dry水果成日都見到，不過Freeze Dry腐乳都真係第一次見同第一次食，講緊嘅就係呢間西灣河太安樓名物嘅腐乳薯條。本身諗住happy hour嚟飲啤酒食吓小食，見佢啲薯條都幾過癮，諗緊是大地魚薯條定係腐乳薯條，最後就揀咗腐乳薯條，真係有啲驚為天人，因為本身諗住腐乳薯條都係薯條加啲溶咗嘅腐乳，點知就出現咗呢粒Freeze Dry腐乳，侍應哥哥話可以將粒Freeze Dry腐乳摙碎佢再食，有d似shake shake粉，開始過癮又幾好味，配生啤一流。

終於可以過吓凍嘅冬天，本來打算黎呢間Burger店食Burger，不過因為氣溫真係有D凍，所以最後選擇了魚湯烏冬，因為見人地叫咗好似唔錯，同埋最緊要係個魚湯出晒煙好似好暖咁。佢個魚湯烏冬一Set就係咁嘅樣，有得跟麻辣魚扣或者話梅漬番茄仔，我叫嘅時候無晒麻辣魚扣，所以就跟話梅漬番茄仔。個番茄仔都幾好食，加咗話梅去浸所以好香話梅味，見佢D番茄仔全部都去晒皮，都幾花功夫，不過去咗皮食落口就真係嫩D。魚湯烏冬個奶白色嘅魚湯真係好正，魚味好濃，好鮮甜，似係真係用魚自己煲，煲得出咁嘅味都應該要用好多魚先至煲到出黎，呢碗野$68真係超超超值。佢入面D餸有魚蛋、魚片同魚片頭，仲有棵菜，真心抵食。有單為證，真係$68架，魚湯烏冬加麻辣魚扣或話梅漬番茄仔再加罐裝汽水，物超所值。

今晚幫襯Cafe Whale，老細話改良咗上次個初版花雕雞油一夜乾馬友漢堡，於是我又試吓啦。左邊呢樽貌似香水嘅就係花雕酒，好似噴香水咁樣唧落個包同件馬友度，噴霧式好均勻，我自己鍾意噴多啲因為真係香啲。舊原件馬友都幾大件，所以要用牙籤定位。件馬友仲加入咗金華火腿粒，帶出一種中式鹹香味，金華火腿同馬友嘅味道都幾夾，改良版無論係味道同個樣都有所提升，尤其是支香水花雕。佢嘅薯條都好食，食漢堡包點都要食啲薯條先夠滿足嘅。

星期六下午，想在太安樓找個舒舒服服的地方坐下，決定試試這間叫了個軟殼蟹沙律，滿滿一大盆，首先軟殼蟹頗大，滿口蟹肉，很滿足，上面有兩朵漂亮的食用花，沙律菜也不是一般的羅馬生菜，有超新鮮BB波菜和火箭菜，有酒店級數，$88包飲料一點也不貴朋友叫了個鮮魚湯烏冬，魚湯一滴也沒有留下，烏冬又滑又彈牙，還有店員的笑容，我在太安樓又多一間飯堂

呢個下午茶餐$45真係非常之高質兼抵食，三件魚柳加薯條一份，以為平平無奇，點知個炸魚柳非常有驚喜，一咬落去就知道唔係一般嗰D魚手指炸魚柳，食得出鮮味，咬得到一梭一梭的魚肉，食完之後仲Feel到有魚油停留喺口腔，如果唔係有著名大廚師推介都真係未必會試一試，問咗侍應先知原來D魚柳係用新鮮懵仔魚整嘅，唔怪之得有咁豐富嘅魚油啦，點埋佢個秘製沙律醬真係無得頂，如果鍾意食魚嘅朋友一定唔可以錯過。另外佢個薯條都好食，應該係即叫即炸而唔係一早炸定或者翻炸，非常有誠意。

今晚收工時間經過西灣河太安樓，忽然想食啲暖笠笠嘅嘢，於是就嚟到呢間burger店食佢嘅魚湯烏冬。佢嘅魚湯烏冬即叫即煮，唔會一早整定晒喺度，所以絕對係有溫度有誠意之作，雖然只係幾粒魚蛋魚片頭同魚片再加埋娃娃菜同烏冬，但係真係感受到廚師認真製作。呢兩粒酒漬番茄仔酸味味好開胃，我見佢嘅製作應該唔簡單，又要剝皮又要將啲蕃茄仔煲熟再要用話梅水浸返佢一兩日先至夠入味，係正嘅。$68冇加一仲送埋汽水都真係物超所值。

✍︎︎🦑芥末蛋黃醬吉烈墨魚漢堡🍔 $98吉列墨魚扒|芥末蛋黃醬|芝士|新鮮沙律菜|牛油軟包呢個絕對有驚喜💓吉烈墨魚相當彈牙，仲可以食到墨魚粒，增加咗口感(*¯︶¯*)🐟黑松露醬沙巴魚龍躉漢堡🍔 $92炸新鮮龍躉魚柳|黑松靈蛋黃醬|新鮮沙律菜|牛油軟包食食下聽到隔離姨姨揀餐牌時話呢個即係魚柳包姐心𥚃OS:呢個好食好多了吧！⁽͑˙˚̀བ̇˚́˙⁾̉肉質新鮮嫩滑，係真係龍躉味道真材實料啊‼️❥一個外賣 一個堂食兩個包體都非常鬆軟，堂食包皮烘到已經好脆點知外賣個嗰自己再焗咗5分鐘，包體更加合我心意(⁎⁍̴̛ᴗ⁍̴̛⁎)••••••••••••••••••••••••••••••🔎Cafe Whale 🐳西灣河筲箕灣道57-87號太安樓第三街A61 A&B號舖••••••••••••••••••••••••••••••