299
117
59
港鐵金鐘站 F 出口 繼續閱讀
電話號碼
28208571
開飯介紹
cafe TOO自助餐的精選包括雪蟹腳、麵包蟹、日式刺身、即製泰式沙律、燒特級美國牛扒、火喉十足的燉湯及原籠小籠包等。而一向受歡迎的甜品固不遑多讓,多達8款不同口味的雪糕、即製班戟和梳乎里等在美食舞台上大放異彩。 繼續閱讀
營業時間
今日營業
12:00 - 14:30
18:30 - 22:00
星期一至五
12:00 - 14:30
18:30 - 22:00
星期六至日
12:00 - 15:00
18:30 - 22:00
公眾假期
12:00 - 15:00
18:30 - 22:00
公眾假期前夕
12:00 - 15:00
18:30 - 22:00
付款方式
Visa Master AlipayHK 現金 AE 銀聯 JCB 微信支付
座位數目
266
其他資料
網上訂座
Wi-Fi
酒精飲品
自帶酒水
泊車 詳細介紹
電話訂座
賞訂座積分
外賣服務
加一服務費
以上資料只供參考, 請與餐廳確認詳情
有關獎賞計劃
食評 (526)
等級4 2025-06-18
1223 瀏覽
同家人食自助晚餐,若餐廳有大量海鮮及多款甜品的都是我首選。這裡提供大量頂級本地海鮮,是吃得到的鮮,定能滿足海鮮愛好者。巨大竹簍裡是清蒸新鮮龍蝦和蒜蓉粉絲扇貝,龍蝦膏尤其軟滑甘香,龍蝦肉爽彈鮮甜;扇貝鮮甜美味。而冰鎮海鮮區就像海鮮市集一樣,有鮑魚、瀨尿蝦、琵琶蝦、麵包蟹、三點蟹、海螺、蝦、蜆等,琳琅滿目,鮮美滋味,吃這麼多次琵琶蝦,還是第一次有膏的呢﹗一系列熱食海鮮,分別有糯米蒸花蟹、避風塘炒羅氏蝦、惹味川醬炒海鮮、陣陣酒香的茅台醉蝦、鮮辣泰式冬蔭功煮螺、酸辣得宜的酸菜海鱸魚等,全部都必食﹗在不遠處看到像海味店擺放的花膠櫃,原來是翡翠鮑汁炆花膠 ,大大片花膠炆得軟腍入味,又是無限供應,女士們至愛。再來蟹肉花膠燴麵,想直接當作花膠羹吃掉呢﹗敲鐘時間是燉湯出爐啦﹗六月份是花膠五指毛桃燉瘦肉湯,最適合這時節飲用﹗在這區還有鮑魚雞粥,另有提供老火湯及西湯,而甜品區那邊也有美顏花膠杏仁茶啊﹗日式料理區一邊也非常吸眼球,三文魚子隨意加,滿瀉的丼飯,幸福感滿滿;各款口味的玉子燒、壽司、多款鮮美刺身、天婦羅及料理。旁邊有新鮮爽甜沙律菜、芝士拼盤及凍肉拼盤。一系列西式美食,分別有烤牛肉、烤德國腸、蔬菜薯菜、煎鴨胸配香橙燒汁、烤羊腿、焗芝士意大利雲吞等等。飽滿的蝦餃及用料十足的燒賣,及有叉燒油雞燒鴨等燒味。今次較為特別的,是這中東菜美食區,平日比較少機會吃到的,這晚可以每款試少少,各款口味的鷹咀豆泥、茄子泥、芝士紅菜頭、葡萄葉、羊膝飯、雞卷等等。日系甜品區讓人看到心花怒放,多款抹茶口味甜點,抹茶黑芝麻蛋糕、抹茶Tiramisu、咖啡泡芙、芝士蛋糕、抹茶撻、朱古力撻、柑橘寒天、大福、草莓卷、馬卡龍等等,還有低調高手的雞蛋仔格仔餅、窩夫、雪糕、水果粒、巧克力塊等等,甜品愛好者絕不能錯過。自助飲品區有特式飲品,另每位也奉送一杯奶茶/咖啡/檸茶/檸水。 繼續閱讀
(以上食評乃用戶個人意見 , 並不代表OpenRice之觀點。)
等級4 2025-03-24
6754 瀏覽
日本美食, 認真無人不愛! 尤其今年應該不會去日本, Café Too的東瀛風味之旅, 確實能一解相思之苦.  這天的準備好好的胃口去迎接超長的buffet line!!   有好多美食都超吸引!!! 例如自製三文魚籽丼, 新鮮現切吞拿魚、也有油脂豐腴的大拖羅、中拖羅及赤身.  三文魚籽可無限添加, 好震憾!! 非常鮮甜!和牛壽喜燒, 有豆腐、秋葵、京蔥、娃娃菜, 全部都入味, 甜度剛剛好!日式串燒, 例如鯖魚、鯛魚、雞軟骨、雞腎, 而本地白鱔更獲得超多讚.  喜歡天婦羅的話, 這裏也不缺. 清酒煮蜆隻隻都脹卜卜、多料的粟米豆腐海皇羹及蟹粥, 真的是….最緊要有個大的胃口! 朋友端來的吉列和牛震憾味蕾!!!! 外脆內軟, 肉質仍然嫩滑, 會多吃幾件~  鮮甜刺身, 肥美油潤的大拖羅, 又有每天兩款空運原條鮮魚, 當晚的是深海池魚、金目鯛, 讓人口水直流.    藍鰭金槍魚、鮟鱇魚肝、油甘魚、三文魚等, 必定能滿足喜歡吃魚的你.連鮟康魚肝也有!!!海鮮方面, 清蒸龍蝦及蒜蓉蒸, 兩款都好好味, 肉厚多膏又鮮甜, 是回本之選!凍鎮海鮮也極受歡迎! 麵包蟹、花蟹、沙白、海蝦, 長腳蟹, 瀨尿蝦都有!一系列中西式美食, 例如中式熱葷有栗板海參煲、蝦餃燒賣、咖喱魚、椰汁香芋雞煲、豉油雞、蜜汁叉燒及燒鴨, 極多選擇.燉湯成為了我吃自助餐的其中一個重要item, 印象中好像只有一輪, 是晚的粟米栗子腰果赤小豆馬蹄燉瘦肉, 補腎去濕, 非常適合春天.食肉獸大快朵頤~ 香煎鴨胸蜜糖芥末汁、烤羊架配燒汁、意大利雲吞配忌廉汁、烤雞烤牛肋骨.   麵包那區也有頭盤, 例如蟹肉沙律、烤蝦小米沙律、魷魚青口沙律等, 一些side例如乳酪醬, 好好味! 大家記得去這邊啊~ 因為再行過少少就是自助飲品區.  三款mocktail之餘亦可自製珍珠奶茶bubble tea.甜品區以櫻花點綴, 抹茶麻糬撻、黑芝麻榛果蛋糕、焙茶咖啡泡芙、芒果大福、 百利甜酒tiramisu等都係我的心水. 其餘的甜品有焙茶蛋糕、焦糖餅乾布朗尼、朱古力撻、烏龍茶士多啤梨卷、北海道芝士蛋糕、抹茶黑芝麻蛋糕等.低調高手雞蛋仔, 即整特別香脆好味, 每粒雞蛋仔中間都不會空心或過脆, 就是想吃這款~6款Gelato, 款款都俘虜了我!!!  雲呢拿、牛奶朱古力、鐵觀音, 我最喜歡冧酒提子、泰式奶茶、焙茶!!自助晚餐, 成人每位由HK$828至HK$888, 供應期由2月20日至5月10日 繼續閱讀
(以上食評乃用戶個人意見 , 並不代表OpenRice之觀點。)
向來熱愛日本料理嘅我,今晚去咗港島香格里拉酒店 café TOO,全新推出東瀛風味自助餐,無限供應三文魚籽、新鮮現切吞拿魚、和牛壽喜燒、冰鎮海鮮、新鮮蒸龍蝦、豐富甜品等,食得我滿心歡喜!🔹無限三文魚籽自助餐其中一大亮點就係無限供應嘅三文魚籽,食客可以隨意搭配蒸白飯,自製獨特三文魚籽丼,有得食又有得玩,每一碗都可以根據自己嘅喜好來調配,感受日本料理獨特嘅濃郁風味。🔹新鮮現切吞拿魚廚師以精湛技術現場切割新鮮吞拿魚,從大拖羅到中拖羅,再到赤身,配合辣吞拿魚沙律,味道更加昇華,真係一場視覺同味覺嘅雙重享受。🔹新鮮出爐麵包Corner無論係軟麵包捲、硬麵包捲定係法國長棍麵包、芝士蒜蓉麵包或者皮塔餅,款款新鮮出爐,香氣四溢,麵包控如我超滿足。🔹奢華和牛鐵板燒鐘意濃郁風味嘅朋友,一定要試和牛壽喜燒同和牛鐵板燒,味道醇厚,肉質滑嫩,配上各式日式串燒如燒雞肉串、鯖魚、鯛魚等,真係令人回味無窮。🔹新鮮壽司壽司櫃有多款新鮮魚生,金槍魚、三文魚、鰤魚等各種選擇應有盡有,更有每日新鮮空運到港嘅獨特日本魚種!壽司方面,有吞拿魚、蟹棒、多汁和牛等,盡情滿足味蕾。🔹特色招牌菜café TOO 仲有幾道特色招牌菜值得一試,例如鰻魚茶碗蒸,加入海苔同毛豆,口感獨特。而玉子燒則配上北寄貝沙拉、海藻同芝士,絕對係一個味覺盛宴。🔹西式頭盤選擇相當豐富,包括煙三文魚、凍火腿同風乾火腿等,仲有多款芝士可供選擇,無論係芝士迷定係肉類愛好者,都可以搵到自己嘅心水美食。🔹冰鎮海鮮絕對係食客最期待嘅環節,花蟹、海蝦、半殼青口等新鮮海鮮,無論係搭配醬汁定係單吃,可以大快朵頤地盡情享用。🔹龍蝦無限量供應新鮮蒸龍蝦,提供清蒸及蒜蓉蒸兩種口味,保留活龍蝦鮮美彈牙口感。🔹中式熱葷有香港人最愛嘅燒味,例如豉油雞、蜜汁叉燒、燒鵝等,配以XO海鮮炆伊麵同椰汁香芋雞煲,令人食指大動。🔹海帶蒸海鮮細膩口感充分展現新鮮食材嘅美味,加上傳統烹飪技術,有驚喜。🔹西式美食提供烤雞、燒牛肋骨、香煎鴨胸等選擇,樣樣都香氣四溢。🔹日式熱食日式熱食當然唔可以少~有炸吉列和牛、天婦羅同和牛壽喜燒,必試炸吉列和牛,外皮薄脆酥香,色澤粉嫩,保留和牛鮮嫩肉汁,油花分佈均勻,肉味濃郁。🔹甜品甜品區亦係另一個亮點,提供六款口味Gelato、各式各樣蛋糕,如黑芝麻榛果蛋糕、北海道芝士蛋糕、柚子士多啤梨蛋糕、百利甜酒提拉米蘇、烏龍茶士多啤梨卷、焙茶蛋糕及焦糖餅乾布朗尼等,仲有低調高手嘅雞蛋仔同夾餅,無限享用,真係甜品控福音!🔹飲品可選Fruit Punch、Grapefruit Lime & Lemon Tea、Orange Juice等,每一款都香甜可口,清新又解渴。cafe TOO ✨📍香港金鐘金鐘道88號太古廣場港島香格里拉7樓 繼續閱讀
(以上食評乃用戶個人意見 , 並不代表OpenRice之觀點。)
等級4 2025-06-25
0 瀏覽
上個星期放假又去食自助餐!因為呢個自助餐嘅主題係海鮮同花膠,梗係要約埋班朋友同老婆大人去食啦。首先同大家睇咗啲健康嘢食!例如色彩繽紛嘅自助沙律吧,全部都好鬼新鮮鍾意食沙律嘅真係便唔好客氣。跟住去到日式區炸雞、章魚小丸子、玉子燒、壽司都有,呢個位既嘢食相信小朋友應該好鍾意。我呢個大朋友見到又有三文魚籽任食都一樣開心到飛起。刺身今次都有好多款八爪魚、希靈魚、三文魚、吞拿魚同埋油甘魚,三文魚睇落好肥美咁喎一陣試吓先。嚟到今次嘅主題海鮮凍海鮮區有海螺、麵包蟹、海蝦、青口、琵琶蝦、大蜆、花蟹同埋鮑魚,鍾意食海鮮嘅朋友點都有自己啱心水嘅選擇啩。唔鍾意凍嘅可以食熱辣辣嘅海鮮!首先推介俾大家就係清蒸龍蝦同埋蒜蓉粉絲蒸扇貝。跟住仲有大量嘅中式海鮮熱食!最吸引我嘅係糯米蒸膏蟹同埋避風塘炒羅氏蝦,其餘仲有炆米、點心同埋中式老火湯都係唔錯嘅選擇。如果鍾意食燒味嘅我都好推介大家試呢度嘅出品,老婆大人最鍾意豉油雞我就比較鍾意食叉燒。西式嘅嘢食都唔少第一樣要食嘅梗係烤牛肋骨啦!見到師傅切開之後粉嫩嘅肉色真係流晒口水呀。另外仲有德國香腸、烤雜菜、椰菜花忌廉湯、烤羊腿同埋意大利雲吞呢啲西式美食。呢個位就係海鮮池入面嘅龍蝦同羅氏蝦都好鬼新鮮。粉麵檔除咗有豬骨同雞湯之外仲有花膠蟹肉撈粗記住留肚整返碗啊。繼續仲有好多正嘢食好似三鮮炒芥蘭、海皇冬瓜羹、酸菜魚、茅台醉蝦、泰式冬陰功煮螺即炸天婦羅,乜嘢國家菜都有得試好多元化。跟住就係在場女士們見到都會雙眼發光嘅花膠!可以無限任食翡翠鮑汁炆花膠,嚟啦男女老幼都一齊補充多啲骨膠原。最後仲有清真嘢食除咗好多豐富嘅前菜沙律之外仲有扁豆湯、卷餅、煎雞同埋牛肉串,不過最吸引我嘅就係嗰個阿拉伯羊肉飯。呢度嘅甜品區都係好強勢架!不過今次多咗切咗粒嘅生果鍾意食嘅我哋開心到彈起。意大利雪糕都有六款口味咁多正呀!有柚子、櫻花紅豆、黑芝麻、焙茶、綠茶同埋牛奶士多啤梨口味,一陣話俾你哋聽邊隻我最鍾意。其餘仲有好多特色嘅蛋糕、朱古力、馬卡龍同寒天呢啲甜品。呢度嘅自助飲品區好有誠意架!有好多款自家調嘅特飲我就最鍾意雜果賓治。雜果賓治飲落酸酸甜甜好有生果香味,老婆大人嗰杯檸檬特飲就夠晒酸啱晒佢口味。刺身全部都立立令好新鮮!三文魚好鮮嫩油甘魚就好有油香好食呀。凍海鮮有老婆大人最鍾意嘅琵琶蝦!我仲將三文魚籽配埋一齊俾佢,食到佢笑咪咪咁嘅樣睇見就滿足,不過我就最鍾意食凍鮑魚夠晒淋滑又有鮮味我食咗好多隻。呢個時候梗係整返碟鮑汁花膠嘆吓啦!每次可以攞一碟有好多絕對唔使排長龍,花膠炆得好入味仲會配埋隻冬菇同埋生菜好骨子。七點鬆啲就會有燉湯送聽到鈴聲就可以出去排隊攞,呢個燉湯係五指毛桃花膠湯有陣陣椰子味好香甜又滋潤。飲完靚湯就食熱辣辣嘅海鮮!清蒸波士頓龍蝦好有鮮味,蒜蓉粉絲蒸扇貝就夠晒惹味,兩樣都好好食可以encore。跟住仲有一大碟熱食同老婆大人分享!嗰隻有我拳頭咁大嘅羅氏蝦真係勁香口,啲蝦肉仲鬼咁爽彈有料到呀。叫咗支紅酒同朋友一齊嘆吓,呢個時候梗係食牛最啱Key啦。烤牛肋骨嘅肉好香同好淋,不過有筋有肉嘅肋骨就更加吸引。最後整返碗足料嘅花膠蟹肉撈粗咁就飽飽喇。飯後整返碟豐富嘅生果先!有人切晒粒食起嚟超方便呀哈哈。老友整咗碟滿漢全席意大利雪糕勁靚!每樣試咗一啖之後就揀咗兩隻心水整多兩球嘆,焙茶係老婆嘅飛彿而我就鍾意黑芝麻味,雪糕味道夠濃又夠香滑真係好好食。杏仁茶真係勁濃杏仁味加埋有花膠喺入面夠晒滋潤。食埋低調高手嘅格仔餅同埋泰昌餅店嘅蛋撻真係飽到上心口喇。 繼續閱讀
(以上食評乃用戶個人意見 , 並不代表OpenRice之觀點。)
年紀開始大真係好需要補充骨膠原同蛋白質,怎樣吃得矜貴足夠但又唔肉赤當然是吃自助餐吧!這天就跟一大班好友去品嚐可以無限補充骨膠原及蛋白質的自助晚餐。就是到港島香格里拉酒店的cafe TOO,品嚐再譽歸來的海鮮美食坊盛自助晚餐。甫踏進餐廳便看見冰鎮海鮮專區,竟然有我最愛吃的琵琶蝦太驚喜了吧!另外還有大蜆、花蟹及鮑魚等著我去寵幸。轉彎便是日式專區身包括有八爪魚、希靈魚、三文魚、吞拿魚及油甘魚,途中還會轉其他款式例如甜蝦等新鮮刺身。上次的主題三文魚籽依舊保留又可以任吃真開心,餐廳還貼心地預備了迷你魚生丼方便品嚐。壽司及卷物當然少不了!另外還有多款口味的玉子燒、唐揚雞塊及章魚小丸子。別以為冰鎮海鮮只有剛才那數款!這兒還有海螺、爆羔麵包蟹、海蝦及青口,海鮮迷絕對可以盡情地品嚐。前菜區有各式麵包、芝士、煙三文魚、風乾火腿、凱撒沙律及自助沙律吧。旁邊則是自助飲品區!有橙汁、西柚青檸檸檬茶、雜果賓治、檸檬特飲、凍奶茶及榛子凍咖啡,全程源源不絕的供應。來到長長的熱葷區放滿了各式的中西美食極之豐盛!打頭陣是非常吸引的超新鮮清蒸龍蝦及蒜蓉粉絲蒸扇貝。然後有雪菜火鴨絲炆米、川醬炒海鮮、蝦餃、燒賣、糯米蒸花蟹、避風塘炒羅氏蝦、沙參玉竹百合煲糖排等。燒味檔這夜供應有豉油雞、蜜汁叉燒及燒鴨,全部賣相也很吸引尤其豉油雞。西式美食有牛迷必吃的烤牛肋骨,另外還有烤德國香腸、烤雜菜、椰菜花忌廉湯、煎鴨胸、意大利雲吞、烤羊腿及燒椰菜配水瓜柳。粉麵檔會供應豬骨和雞湯大家可以自選食材製作一碗獨家的湯麵。或者不用思考地點碗花膠蟹肉撈粗,矜貴又好味還可以補補骨膠原呢。緊接著有茅台醉蝦、三鮮炒芥蘭、海皇冬瓜羹、泰式冬陰功煮螺、酸菜魚、砵仔焗蠔、海鮮炆腩肉及即炸天婦羅。來到這個區看見一櫃花膠我雙眼開始發光了!這個美食檔位是供應翡翠鮑汁炆花膠,而且是任取任吃的實在太吸引喇。最後還有超豐富的清真美食!包括有扁豆湯、雞肉沙威瑪卷餅、阿拉伯羊肉飯、煎雞及烤牛肉串、辣椒素醬蝦,還有一系列清新的印度前菜及沙律。來到甜品區琳瑯滿目的美點選擇超多!不過這次令我最開心的是有新鮮切件水果供應,還有最愛的菠蘿我表示好滿意。自助餐仍然保持供應低調高手的雞蛋仔及格仔餅!喜歡本土甜品的朋友記得留肚品嚐。焙茶蛋糕、朱古力鳥結、焦糖餅乾布朗尼、馬卡龍、抹茶撻、朱古力撻、蜜柑寒天、芝士撻、芒果及黑芝麻大福、櫻花車厘子卷、抹茶蛋糕、柚子士多啤梨蛋糕、抹茶提拉米蘇、焙茶咖啡泡芙及北海道芝士蛋糕,那麼多花款怎也會碰到喜愛的甜品吧。意大利雪糕口味包括有柚子、櫻花紅豆、黑芝麻、焙茶、日式綠茶及牛奶士多啤梨。這刻要展開補充骨膠原蛋白質之路!先來一碟自選沙律滿滿甘甜火箭菜配芝麻醬吃得開胃又舒心。刺身每款也選來兩件跟車爸爸分享!全部都充滿光澤好新鮮當中最喜歡的就是黏糯鮮味的甜蝦。來到品嚐冰鎮海鮮取了琵琶蝦、花蟹、鮑魚和大蜆!車爸爸更發揮創意將鹹鮮的三文魚籽鋪滿在海鮮上,吃下增加了口感和鮮味是升級的鮮味。車爸爸更將蟹肉拆出來伴上三文魚籽弄成三文魚子鮮蟹杯!幸福的我可以肆無忌憚一口吃嘴巴懷孕了。吃過精彩的前菜及冷盤後到品嚐熱辣辣的美食!率先當然要吃新鮮的蒸海鮮,龍蝦非常爆羔肉質也鮮嫩非常好吃,蒜蓉粉絲蒸扇貝亦鮮味十足好味道。繼續品嚐其他豐富的海鮮及中式美食!每次來吃自助餐都要嘆粒大蝦餃,茅台醉蝦充滿酒香肉質亦好爽彈,糯米蒸花蟹同川醬炒海鮮就夠惹味,而醬香味十足的油雞是我心水之選。不過說到最精彩的肯定是避風塘炒羅氏蝦!有拳頭般大隻的羅氏蝦肉質爽口有鮮味,蝦頭還充斥橙紅蝦羔非常吸引。來到品嚐這夜的重頭戲翡翠鮑汁炆花膠!炆得入味又煙靭的花膠滿滿的骨膠原滋味,配襯翠綠菜膽及香口花菇極像飲宴菜式,我要多吃幾份補充多點骨膠原啊。時間來到七時許聽見響鈴聲音表示燉湯將要出場!此刻大家自動自覺去排隊取五指毛桃燉湯,熱騰騰的燉湯材料十足喝下非常滋潤。西式美食我選了一碟素菜!當中的炸薯仔真的超香口還有烤甜椒亦是我心水之選。來到滿足澱粉質的時間!好友選來花膠撈粗麵而不喜歡粗麵的我則選擇了瀨粉,伴上滿滿花膠蟹肉的瀨粉口感超爽滑,加上軟涓花膠和蟹肉的鮮味非常唰嘴。甜品第一時間當然要吃意大利雪糕啦!這麼多口味當中我最愛的是焙茶和黑芝麻味,Gelato口感好香滑味道又濃郁記住留位吃多兩球啊。這碟甜品中我試了最喜歡的馬卡龍其他就交給朋友慢慢品嚐。我為了低調高手的格仔餅和孤獨的雞蛋仔而留肚!格仔餅香脆可口塗滿花生醬及煉奶超級邪惡但勁好味。最後吃多件泰昌出品的蛋撻便圓滿結束,相信這晚補充了不少骨膠原及蛋白質哈哈。海鮮美食坊盛自助餐由即日起至年8月31日供應,自助晚餐逢星期一至四收費$828/位、星期五至日、公眾假期及前夕$888/位,12位以上可享8折優惠、香格里拉會會員更可享85折及同行小童半價優惠。 繼續閱讀
(以上食評乃用戶個人意見 , 並不代表OpenRice之觀點。)