Cafe Paradise (杏花邨) (已結業)

相約友人來到杏花新城， 看看outlet 有什麼促銷大減價。 現在遊客減少，不少商店都做優惠， 經過數小時血拼， 大家也滿載而歸 😁😁😁盡情購物之後，當然是選擇一間舒服的餐廳 稍作休息。杏花新城底層， 有不同的食肆可以選擇。 我和朋友都被這間餐廳的裝修吸引著， 夢幻的旋轉木馬裝飾🎠🎠， 還有糖果馬車🌌😍😍 地方寬敞 舒舒服服， 坐耐少少都唔會趕你走。這裏主要提供西餐， 還有pizza和鐵板飯， 款式種類算是很多。這裏的 四式雞翼拼盤十分抵吃， 秘製蜜糖雞翼🍯+蒜香雞翼 +水牛城雞翼 🌶+秘製咖哩雞翼, 仲有脆卜卜又惹味的薯角。夏威夷薄餅唔記得咗影相， pizza熱辣辣超多芝士， 意大利人唔鍾意pizza有菠蘿，但係我就好鍾意😆😆😆， 香甜菠蘿🍍🍍加埋火腿粒🍖 ，簡簡單單的配搭。黑松露醬雜菌炒烏冬， 呢個係是日晚餐， 78蚊包埋餐湯， 同埋配返基本嘢飲。 不過我另外加錢叫咗芒果沙冰。 沙冰幼滑綿密😍😍， 濃郁芒果味， 消暑解渴 啱曬夏天飲用😋😋

座落杏花邨商場一角嘅CAFE' PARADISE， 童話式裝修，旋轉木馬,大熊公仔同南瓜車，令人勾起不少童年生活回憶，可以帶小朋友在餐廳又食又玩，係食野兼打卡嘅佳選。今日同朋友食茶午餐，我們見有All Day Breakfast，份量十足，款式多，有十三款，就叫咗兩份，每款份量少少，有薯餅、炒蛋、煙三文魚、直布羅陀腸、炒雜菌、漢堡扒，田園沙律，窩夫等等，漢堡扒肉汁多、炒蛋滑、薯餅脆、炒雜菌鮮甜、即叫即製，配鮮橙汁一杯，朋友的一份雖然輕食一點，但份量也大，兩個大胃王，也能吃到飽👍

今日嚟咗杏花邨嘅黃店cafe食飯門口有兩隻pepe好得意💕雖然依度下午茶好平 但係我地想食牛扒 就叫左個最貴ge牛😍牛肉有厚度 仲有層脂肪啊媽好開心 覺得好好味 夠林佢個蒜蓉汁唔錯 我比較中意 另外有黑椒汁 薯條都脆轉套餐仲有沙律 同湯 飲品 😏👍依度飲品有好多選擇 等我地加錢試下咖啡先玫瑰咖啡影相又幾令窩 💖上面幾塊玫瑰乾 玫瑰味濃 一開始擔心無得叫少甜 但係都唔會太甜 岩岩好另一杯係朱古力咖啡 兩杯都唔會太濃咖啡 適合怕苦或小朋友口味ge人👧🏻👶🏻下午茶窩夫48咋😉 包飲品 好平啊個雪糕朱古力味濃 有驚喜 完全唔係小鳥🐦牌 最後壓軸出場 係今次最滿意黑松露白酒義大利雲吞 雖然無咩黑松露味 但係菇味濃郁 加埋白汁蒜頭 我地兩個都好中意 一陣就食晒 好推薦啊依度食物街坊價 下午茶 午餐都好抵 可以再幫襯

51黃金周要幫襯黃店，今日黎到杏花邨outlet買鞋，順便食晚餐，搵左間黃到金既平價西餐，晚餐餐牌價錢平均都唔使$100個餐 ，餐廳環境都佈滿Pepe✅✅😍叫左（寶雲酥雞扒配燒汁$78）+（石燒美國頂級穀飼牛肩$108），跟餐有餐湯同沙律送，+15蚊叫左杯凍榛子咖啡。食物質素不過不失，呢個價錢黎講牛肉有200g , 餐廳有裝修又多打卡位，不枉我專登黎幫襯😍 影相打卡真係要黎支持下💪🏻

其實喺杏花村要搵食都真係無乜選擇，不過不失就算好好嫁喇。旋轉木馬設計椰菜花忌廉湯～咸左啲6分厚西冷配燒汁，白飯～不過不失BBQ朱肋骨配意粉～肉好腍，一切就骨肉分離

繼上次食cafe paradise下午茶感覺唔錯，加上放假時晏起身，食完早餐又未咁快肚餓所以決定去食多次下午茶！今次就帶咗個黑松露炒蛋漢堡，不過就冇上次覺得咁好食啦，本身以為叫得漢堡都仲要夾塊漢堡扒係中間，點知嚟到漢堡包就比較大塊，無toast過，所以食落軟林林咁冇乜口感，不過黑松露炒蛋都幾夠香加上沙律醬就幾完美，所以都不過不失嘅。二薯條方便唔知點解今日嘅薯條好硬、較難入口，希望下次幫襯時質素有改善，唔會令我呢個忠實粉絲失望！

記得前果幾次寫食評寫Cafe Paradise都係寫午市或者晚市但好似就未試過寫下午茶，今日難得返工晏晝有幾個鐘要打躉，一於就試試呢間小店嘅茶餐質素啦！話就話係茶餐不過都有適合大食嘅我嘅選擇：鐵板牛肉飯，啲牛肉份量都適中脂肪比例亦都啱啱好，鐵板餐送到上枱嗰陣啲香氣係咁撲過嚟，所以呢個飯既食得，又聞得，今日天氣又咁熱，配返個特飲係菠蘿梳打汽水，消暑得來仲可以食完咁熱氣嘅飯後降一降火添！賣單呢餐大概$55，總算係唔使幫襯連鎖店之餘又食到餐唔錯嘅鐵板飯啦！

同男朋友成日係柴灣食野真係食到有啲悶啦，所以就決定去杏花邨睇下有咩食，其實都好耐無去過杏花邨，行行下見到一間餐廳有個旋轉木馬，真係好靚呀，好似去咗啲樂園咁，所以就入咗去試下。見到餐廳都有好多種菜式揀，日式同西式都有。仲見到佢啲野飲都幾特別，所以都特登揀咗2杯嚟飲。我地叫咗2個晚餐set，包埋一個餐湯、主食同埋一杯野飲。個餐湯係忌廉粟米湯，都幾好飲。第一個主食叫鐵板黑椒牛肉芝士奄列飯，佢個汁都吾錯，撈埋啲牛肉同飯就好夾，再加埋個芝士奄列，一啖飯一啖蛋，冇得彈。第二個主食係香煎龍脷柳配巴黎牛油汁，一開始俾佢個巴黎牛油汁吸引左所以叫，黎完試左一下就知冇叫錯。佢有少少似咖喱汁，不過再加上啲香草同creamy嘅牛油，配埋煎到岩岩好嘅龍脷柳，絕配！最後吾可以吾提嘅就係個兩杯朱古力，一試難忘！先講個杯棉花糖朱古力，相信好多人都有飲過，但係我最欣賞嘅係佢有用火槍燒下面頭個啲棉花糖同朱古力粉，令到佢地有少少焦糖feel，有口感，有味道！第二杯係杯玫瑰花朱古力，真係唔識用字去形容。淡淡嘅玫瑰味緩和左朱古力本身嘅後勁甜，令到成杯野一啲都唔膩，睇到依度嘅你一定要試下！

之所以話飯堂，因為住左近🏠食過lunch都覺得唔錯👍經濟實惠，絕對係性價比高📈所以閒時經過paradise cafe都幾多人排隊👥👥成日自己煮都想休息吓👩🏽‍🍳就諗起去paradise cafe 🌈一入去店員安排坐南瓜車🎃位，真係啱哂鍾意打咭朋友📸極推介呢個stone grill，好抵食！加$30有餐湯沙律🥗飲品🍹及甜品🍮🔸鐵板黑椒牛肉芝士奄列飯 $78 連飲品好似pepper ⭐️出品，但牛肉份量再多啲，再配以足料嘅奄列，大滿足呀🈵🔸美國頂級穀飼牛肩胛肉眼扒$78 200g呢個絕對推介，首先一讚店員細心講解點運用熱石食到最理想生熟程度，食到原汁原味嘅扒👍太心急想食嘅黑加侖子啫喱，perfect ✅

今日去咗杏花邨探朋友探朋友之前就去食飯朋友介紹話呢間質素唔錯 價錢公度就去試吓啦我去到嗰陣時係大概2:30下午茶餐同午餐都有一個餐大概$60左右 因為我哋早上冇食過嘢 所以就叫咗多啲嘢食我哋叫咗個6分厚切西冷牛扒配燒汁 $78同埋香煎龍利柳配巴黎牛油汁 $55再加一個下午茶凱撒沙律 $38首先到係兩個跟餐嘅洋蔥湯 清清甜甜幾好飲 西冷牛扒好大塊肉質亦都唔錯 龍利柳亦都超大塊 好似成支筷子咁長 配上意粉同牛油汁食好滋味凱撒沙律亦都唔錯 不過略醬汁落得太多 但係都係新鮮好吃是日特飲係青檸梳打 好refreshing 好清新食咁多嘢加埋都唔使$100一個人 真係唔錯啦~

食肉獸們又出動🏃🏻‍♀️🏃🏻今次嚟咗杏花邨呢度試一間係OpenRice見到好多好評嘅餐廳，呢度好夢幻，以藍色為主，餐廳入面有個旋轉木馬🎠同伴侶或者細路仔嚟就岩曬，可以打卡影吓相😍介紹吓我哋兩隻食肉獸今日食咗啲咩先😙食肉獸男友是日晚餐👇🏻鐵板美國安格斯牛肉珍寶漢堡蛋漿飯跟餐追加多左雞脾肉同埋意式肉丸飲品叫左杯雲呢拿沙冰😋店員好細心咁提醒我哋要趁熱淋左個蛋漿先，一淋個蛋漿，即刻聞到香噴噴嘅肉味😍男朋友表示對呢個牛肉漢堡蛋漿飯非常滿意，加埋雞俾肉落去滿滿嘅肉好滿足，蛋漿配牛肉漢堡味道勁夾👍🏻男朋友話佢利杯沙冰超好飲，一定要推薦👏🏻食肉獸女友是日晚餐👇🏻石燒紐西蘭牛柳配薯角跟餐 飲品叫咗杯荔枝梳打🤤因為我個人比較喜歡食牛柳，所以無試到佢個肉眼扒，下次會再嚟試返😋加咗錢跟餐，所以會有餐湯沙律同埋甜品飲品，就算係男仔都一定夠飽，利到既牛柳肉汁鮮甜，淋埋佢嘅蒜蓉汁勁好食😋食肉獸嘅大愛❤️荔枝梳打啱晒女仔飲唔會太甜🤗推薦大家假日都可以嚟杏花邨呢邊試吓呢間超夢幻既Cafe Paradise拍拖浪漫下或者帶小朋友黎影下相👍🏻🤤

杏花新城嘅cafe paradise，小朋友一定鍾意。餐廳佈置得色彩繽紛，成個遊樂場，中間有個旋轉木馬，有熊啤啤坐喺上面。今日同囡囡嚟食tea，揀咗一個小朋友鍾意嘅兒童餐，因為有玩具送😍兒童餐包咗杯蘋果汁，有兩隻雞翼，一份肉丸茄汁意粉，薯蓉粟米粒，同埋啫喱糖，女女食得好開心。我就叫咗個蟹子雞蛋沙律，加個下午茶餐的焗芝士忌廉汁吞拿魚意大利粉，送一杯是日特飲，係西柚梳打。日式蟹仔雞蛋沙律好大份，入面嘅沙律菜好新鮮，清新健康💯焗芝士忌廉汁吞拿魚意大利粉面頭嘅芝士焗到脆卜卜，香噴噴，吞拿魚份量都好多，食完非常滿足。

小弟都有幫襯開位於杏花邨既cafe paradise，平日經過見到受疫情影響，食客真係寥寥可數，真係好驚佢做唔住呀！決定豁出去，以身作則用屁股投票，坐低食個堂食，話比附近街坊知呢間小店真係要多多支持！ 時間為中午1點, 都唔洗點考慮了，叫左呢間野性格比高既lunch set，香煎龍利柳配芝士忌廉汁同薯菜，味道中上，不過佢薯菜由薯條轉左個焗薯，成件事健康有營養左，佢仲配埋蛋黃醬，認真夠哂邪惡，配埋特飲都只不過係55蚊，都算合理。附近街坊就算驚驚唔坐低食都幫手買個外賣，支持一下杏花邨少買少有既非連鎖食店呀！疫市都齊上齊落！

住喺杏花邨嘅朋友介紹呢間 Café，其實平日好少會嚟呢頭搵食，趁假期來商場選購運動鞋，就順便來吃頓下午茶。餐廳位於杏花新城地下，環境非常 IGable，童話式嘅裝潢，配以粉藍色的 fancy 設計，再加上巨型旋轉木馬、南瓜車同得意毛公仔，很適埋情侶或閨密們去打卡拍照。因為剛才掛住購物，連午飯也還沒吃，所以決定食得豐富啲，點咗一客 All Day Breakfast：Paradise Jumbo 同一份精選午市套餐：日式豬軟骨。All Day Breakfast：Paradise Jumbo ($123)  材料非常豐富，包括有西冷牛扒、炒蛋、煙火腿、煙三文魚、煙肉、直布羅陀腸、茄汁豆，薯餅、烤蕃茄、炒雜菌、粟米、田園沙律和窩夫等，份量十足！牛扒非常大塊，口感軟嫩。直布羅陀腸咬下腸衣薄脆、入口富肉香。另外煙肉同炒蛋亦很有水準，煙肉煎得非常香口，食落唔會太鹹，味道啱啱好；而炒蛋亦滑溜富蛋香，食味一流！薯餅新鮮炸起，非常香脆，入口薯味香濃，而且又唔會好油，食完真係超飽足。店裡的全日早餐，全部均配橙汁一杯，非常不錯。精選午市套餐：日式豬軟骨 ($55)  套餐可以選配珍珠米飯、意大利粉或薯菜，

Cafe Paradise - 夢幻旋轉木馬咖啡屋今日到了位於杏花邨的杏花新城，商場面積和層數也不算大和高，但也提供不同國家、款式的餐廳，在地面的看到一個旋轉木馬，走童話風的一間咖啡廳。鐵板香蒜牛肉飯熱騰騰冒着煙的鐵板，鮮嫩紅色的肥牛片，看著它慢慢變色，感覺非常治愈，而且牛肉香味慢慢散發着，肥牛片的油分滲到飯粒之中，飯粒上有炸蒜，再加上蒜蓉汁，雙重蒜味的衝擊。黑松露野菌意式薄餅脹卜卜有厚度的薄餅，但餅皮吃起來時一點也不乾，像麵包般鬆軟，上面佈滿着份量熔熔的芝士，看得出是兩種不同的芝士混合而成，而且有大量的野菌片，還散發着濃濃的黑松露香味。日式吉列豬扒配炸薯條脆炸厚切的吉列豬扒加上粗薯條，作為下午茶小食非常適合不過。澳洲白咖啡香濃的濃縮咖啡加上牛奶，有著牛奶的飽滿口感，而且奶香十足。水蜜桃花茶非常優雅的一壺玻璃瓶花茶，利用蠟燭暖着花茶，花茶味道清淡且帶點果香。