Cafe Paradise (已結業)

之前經過間餐廳有好多人等位，就諗住搵日去試下前幾日，平日就尊登行過去試下啦，點知就中服一去到未入門就問有無訂位，無訂位限時45分鐘要交枱，諗住行咁遠黎試下，就無所謂啦點知中曬服，一坐低叫野食，唔洗15分鐘上曬前菜同主菜俾你，上完主菜仲要叫埋餐飲，全部野食，真係得個湯得，其他全部👎🏻👎🏻👎🏻👎🏻👎🏻👎🏻餐飲叫杯最簡單既凍檸茶，杯茶全部都係茶楂，侍應仲要話茶楂黎炸！！之後用左半個鐘食完呢餐飯，仲要趕你埋單，急到懶呀！想同朋友/情人平平靜靜食餐飯就唔洗考慮想食快餐就可以一試！😂

好幾次想來這間餐廳吃飯，這次男友終於訂到位了。 我點了一個卡邦尼dinner set，有餐湯、沙律、主菜、餐飲和加$28轉甜品。 而男友則因應我的口味，點了紅菜頭忌廉帶子意大利飯一上到來，超吸睛的，帶子煎到剛剛好，義大利飯加上紅菜頭汁，感覺很fresh，比起卡邦尼的濃郁，我更喜愛這個飯，可惜份量少了一點。 整體而言，每晚高朋滿座是有原因的，雖然餐廳食物的選擇不多，可能這反而是保持食物水準的關鍵

太子一向多高質cafe，今次見到呢間Cafe Paradise， 記得在網上見過人地推介，就試下啦！Cafe行簡約典雅路線，幾適合女仔約三五知己來吹水。Dinner竟然有豬手（見到已經流口水A_A），而且價錢不算貴。150蚊左右已經有沙律、湯、甜品和飲品。田園沙律沙律菜爽口新鮮，不過不失。雜菌忌廉湯非常“傑”身，應該落足料，飲落有粒粒菇菌，唔會過鹹。香脆豬手配燒汁（＄148）最期待的豬手來了！很少cafe能夠食到烤豬手。一上來，哇，份量好大，未食已經擔心食唔曬xD雖然佢提供左d燒汁，但我個人比較鍾意唔蘸汁就咁食，會更香脆。外皮烤得非常脆，而裡面的肉就保持滑嫩，算系高水準之作。辣辣芝麻雞翼（＄45）又系一個驚喜，芝麻雞翼通常系放題先食到，點知間cafe又有！xDD新鮮炸出來，咬落去仲有熱辣辣的肉汁流出來。Affogato@Paradise(+$25)呢個可算系成餐飯的精華，必食推介！是由兩大球雪糕加上一份chocolate bailey 同一份espresso一開始想先分開試下雪糕同d醬，點知分開試味d汁好苦！！後尾就發現蠢左，應該將雪糕溝d醬，醬的苦中和雪糕的甜，反而恰到好處。唔會死甜

是日與男友來到Cafe Paradise，是之前路過見到頗熱鬧的cafe這次來到(8點左右)依然熱鬧，要稍等一下才可入坐。Cafe地方雖然不大，但白色搭粉藍色的牆身，感覺很少女，適合姊妹來聊天~剛入座，店員便向我們講解餐牌晚餐有set dinner，包餐湯、沙律、主菜、甜品和餐飲。$120-130一個餐，算是相宜以牛排或豬手作主菜的set價錢會貴些。餐牌上只有7個set dinner可選，但其實散叫的主菜也可加錢upgrade成set，夠彈性，選擇多了羅宋湯及沙律：羅宋湯很好味，蔬菜很多，酸度剛好 (之前在別的餐廳有喝過過酸的羅宋湯，所以現在會很在意那酸度~)肉眼牛排配燒汁($208)：點了七成熟的牛排，很大的一塊，肉質軟嫩，筋不多，不沾燒汁也可其實牛排下還藏著一堆薯角上枱時，店員會問我們要不要茄汁或芥末~帶子紅菜頭意大利飯($128)：不在set dinner menu上，而在regular menu中選，和加錢upgrade成set dinner。相比牛排，我更愛這飯光是紫紫紅紅的賣相便十分吸引飯粒並無米骨甜甜的，帶微微的紅菜頭味帶子煎得很香，沒有過老綠茶紅豆mousse：是跟餐的

一年一度的中同2人gathering. 地點選左係中間點的太子朋友話食過依間係長沙灣的分店唔錯, 可以try try 太子的分店我地都係叫豬手餐, 價錢合理又有set食都係$148首先係湯同沙律白湯幾好飲, 沙律就不過不失啦主菜黎啦,豬手的外層有少少難切, 要好好刀法至得,但真係好香脆, 脆到好似食緊燒肉咁, 裡面的肉都算嫩滑不過個汁的味道有D淡,而且同豬手唔係好match, 我覺得就咁食唔點汁好味D最後係甜品, 落單既時候waitress有問我地加唔加$25 可選其他cake,上左甜品後終於明白點解佢會叫我地加錢原來係得咁細個不過以太子黎講, 依個價錢都唔算貴, 同埋食物質素也不錯

今日第二次食呢間餐廳，幸好不用等位，上一次係食tea,今次係食dinner,店鋪依然狹窄，坐左近門口既一張檯門口門口放著旋轉木馬既裝飾和朋友叫了一個set & 散叫食物，餐包了忌廉湯，幾creamy還有沙拉，不過冇咩味最想食既香脆豬手，味道不錯幾厚肉，不過皮有點難咬散叫既煙三文魚蜆肉意粉，有濃濃既忌廉味，如果多d 料就更好另外叫左黑松露薯條，香脆可口，醬帶有濃濃黑松露味，好食最後還有一口甜品，略嫌有略細，不過幾滑帶有朱古力味，為這個晚餐帶來完美既句號。

走入太子界限街先知原來太子有咁多好嘢食，今日揀咗西餐廳Cafe paradise。餐廳唔算好大，座位細細，但係兩個人坐，空間到足夠嘅。未叫嘢食，已經感到呢度嘅招呼非常之好，侍應好有禮貌，有求必應，仲主動幫我地影相添。餐牌有散叫食物，可以加錢轉套餐，亦都有晚餐餐牌，見到晚餐都幾好食，幾豐富，方便起見，我哋叫咗兩份晚餐。一份係香脆豬手配燒汁，另一份係肉眼扒配燒汁；晚餐都有跟湯、沙律菜、飲品、同甜品，百零蚊一個餐，都好化算，好抵食！香脆炸豬手，賣相好吸引，比起相片所見大隻好多，望落去感覺炸得好香脆，起初以為會好乾爭爭，但係一切開，發現原來入面啲豬手肉係好淋好軟嘅，食落口除咗外皮香脆之外，啲豬手肉其實係好鬆軟嘅，肥瘦均勻，連皮一齊食，口感好豐富，雖然呢份晚餐係配咗燒汁，但係個侍應都另外俾咗茄汁同芥辣醬我地，我個人比較鍾意芥辣醬，因為佢可以吊起啲肉嘅鮮味，令口感可以帶有少少辣味嘅刺激，令食物質素更加提升！ 令一份晚餐肉眼扒配燒汁，塊肉眼扒雖然唔係好厚切，但係就好大塊，外面煎得香脆，擺設同賣相都好靚，全熟嘅肉眼扒食落口都唔覺得硬，最緊要冇血水流出，冇雪味，雖然外面睇落煎得好乾身，但係裏面嘅肉汁都能

之前黎開太子已經留意過呢間小小的cafe,畢竟界限街真係有好多野食今日就同我最親愛的朋友試一試dinner~Book左八點都幾full下，事前睇openrice 有個豬手好想食，但去到已經sold out下次要早d去！叫左兩個dinner set ,個甘荀湯好好飲！super rich and creamy 我地叫左chocolate paradise ge加強版係有一球Mövenpick雪糕！會唔會太高級？好彩聽waitress 介紹，真係好好味~呢個medium rare ge 牛扒啱晒我地怕太生太怕太熟既人亦唔多筋南瓜海鮮risotto成餐最驚喜係呢個！首先任何有南瓜既野我都零抗拒力的，佢一送到黎其實我見好似好小咁but no no no risotto係好rich ge!!每一啖都充滿住南瓜好creamy既味道，入面有蝦有帶子，飯既口感好好，軟硬適中，叫之前純粹我個人喜歡南瓜，但我朋友試左都好中意仲要附近幾檯原來都有叫，之前睇其他post反而唔算多人推介wo,大推必食芝麻雞翼，炸到卜卜脆丫最後黎個甜品呢度仲有度好係d waitress 好nice,雖然好full 但唔會催你，落

係太子接完女朋友放工，梗係要搵間美食天堂醫我地個肚啦。Cafe paradise 係太子已經出哂名好食，不過之前就一直未有機會試到。 佢有兩個timeslots 1800 同 2015，好似平時食其他放題既時間。 我地去到大概2000，見到全場爆滿，心唸好彩有做booking，唔係都應該有排等，因為出面已經都有幾group人等緊。 入到去見到裝飾簡約，見到牆上有好多即影即有既貼紙相。侍應好主動同我地解釋menu上既菜式，仲會細心介紹佢地既signature dish。 熱心既態度未食已經令我地feel到好warm，因為而家唔多呢d食肆俾到客人呢種感覺。 我地叫左兩個set，一個係帶子紅菜頭意大利飯，另外一個係280gram 美國頂級肉眼牛扒配燒汁。兩個餐都有跟意大利菜湯同田園沙律。 意大利菜湯略帶酸甜，用料十足，非常開胃。 田園沙律就有沙律菜同蕃茄仔佐以沙律醬。先黎既係意大利飯。可以見到既係意大利飯有別於平時既意大利飯。因為加左紅菜頭既關係d飯變左粉紅色，但係照舊有意大利飯既香滑味，而且仲更加好味，更加健康。飯上有兩粒大大既帶子，但係原來仲有好多細細粒既帶子。 賣相正，美

能夠食到一間用心製作，有誠意的餐廳并非必然的事！此食店食物質素佳，大家可以試試！餐牌別緻，少少的立體圖型已經好特別！Set dinner 的前菜：沙律典型的西餐前菜，蔬菜新鮮鮮甜。主菜：海鮮南瓜燴意大利飯海鮮配料豐富，主打的南瓜汁濃郁香甜，有如即打磨的南瓜，南瓜愛好者一定鐘意！意大利飯口感十足，食落粒粒分明！餐飲：凍奶茶簡單的飲品，最能嚐到餐廳的質量及誠意。奶茶非常幼滑，奶與茶味調得剛剛好！甜度適中！一點也不馬虎。

甫進店便感受到特式西餐的風味，很有創意的裝璜設計，牆身貼滿食客的即拍照片，洋溢歡樂笑容！美國10安士頂級肉眼扒，點了五成熟，肉質幼嫩彈牙，口感十足。薯角脆卜卜，有著即炸的香口，伴碟的配菜亦很新鮮！另外點了芝麻雞翼，非常香口鬆脆，肉質幼嫩到不得了，推介呀！很有氣勢的野莓沙冰味道香濃，非常適合炎炎夏日飲用，每一口都透心涼！份量十足！是日甜品是芝麻蛋糕，有著濃郁的芝麻味喔！mousse 蛋糕幼滑，一件唔夠喉呢！

同朋友慶生，中间位置，不外乎油尖旺区，最後都係揀咗太子一帶， 勝在多選擇。朋友選咗呢間cafe paradise西餐廳， 餐廳雖然細細間，但係好精緻， 都可以坐得耐，唔會趕人走，我哋幾乎坐到打烊先走，哈哈！大家都懶得諗，所以叫咗兩個晚餐， 一個喺美國頂級肉眼扒配燒汁，另一個係香脆豬手配燒汁。套餐本身已經配有忌廉粟米湯，同餐前沙律，一杯飲品，同一個甜品，份量都好豐富。忌廉粟米湯，好creamy，材料都好多，好豐富，沙律菜就好新鮮，餐廳上菜好快手，不用等得太久。呢排腸胃唔係幾好，所以肉眼扒叫咗全熟 ，因為肉眼扒一般都比較淋，全熟應該都冇問題。上枱時，見到塊扒嚇了一跳，塊扒勁大塊，真係估佢吾到，賣相非常靓，外皮煎得有D燶燶脆脆， 靚嘅牛扒就係要煎到咁樣先至好食，牛扒下面仲有好多薯角，薯角外皮炸得好脆，內裏就好鬆軟，牛扒切開唔會見到血淋淋， 而且好輕易切得開，唔會硬掘掘或者鞋潺潺，能夠保持嗰種软淋感覺，加上煎得脆脆的外皮， 既香口又入味，好好食。香脆炸豬手都係比想像中大件，豬手底下一樣有薯角，豬手炸得好脆，好香，但係又唔會乾爭爭，食落口，外皮好脆 ，肉身好淋， 皮和肉中間有一層厚厚的脂肪，但絕

係太子嘅朋友介紹呢個小小 cafe, 本身想 book 7:30 但已經 full哂, 只能 book 8:15pm, 心諗有無咁 full呀， 到8:15pm去到真係仲有人等位喎, 嘩, 好彩訂咗枱啫.   講真又真係無諗過係深水埗到太子交界嘅界限街會有間咁有特色嘅 cafe, 其實遠遠已經見到白色外場嘅Paradise,   加上靚靚嘅旋轉木馬係門口,  仲有個白雲燈箱, 想唔俾人留意到都唔得啦. Cafe 雖然細細, 但佈置浪漫, 廚房出面仲貼滿客人嘅相片, 令人感覺好親切.  服務員帶了我地坐低跟手遞上餐牌,  因為見隔離枱未有人, 偷偷地拎埋隔離餐牌睇, 原來有分別㗎,  佢嗰個打開中間位有個立體旋轉木馬,  好有心思呀. Set 晚餐除咗主菜有多款選擇之外, 仲跟餐湯,  田園沙律,  是日甜品同咖啡或茶.  是日餐湯係忌廉粟米南瓜湯,  粟米無渣, 好creamy. 田園沙律菜, 新鮮清爽.   老公點咗280克美國頂級肉眼牛扒配燒汁 $208,  足足有10安士嘅肉眼好足份量,  外脆內嫩, 剛剛好係叫嘅5成熟, 好多汁, 牛肉味濃, 跟炸薯角. 我就叫咗香脆豬

朋友住屯門，我就住觀塘，搵個中間點，就係太子食。鋪面好有西方風格，落地玻璃，燈光昏暗。睇完餐牌，朋友話想食，咁就入左去了。我地每人一人叫左一個SET，每個SET都包頭盤、主菜、甜品、飲品。「毋庸置疑」今日既頭盤係雜菜沙律，同埋忌廉洋蔥蜆湯，兩者味道都冇懸念，不過不失吧！「粉身碎骨」主菜我點左煙三文魚蜆肉天使面，原本以為煙三文魚係偏生，用黎鋪係天使面上面，點知佢係拎左黎同個面一齊煮。一路食果陣一路見到啲煙三文魚碎碎地，冇左成塊咬既快感，不過呢個就係各花入各眼既，哈哈。至於個白汁，奶味偏濃，又稠，天使面又容易掛汁，所以每一啖都食到滿滿既白汁，如果鐘意食白汁既朋友，一定會愛上。「甘之如飴」飲品方面，冇叫到普通既汽水，檸茶檸水，反而點左杯熱朱古力，因為呢間鋪終於係行西餐廳路線，都係試下啲西式飲品。一上枱，見到個拉花，就知道餐廳都係用心經營的，對飲品既要求一絲不苟，呢點真係幾值得欣賞。但我就略嫌有點甜，朱古力味亦都可以再濃返少少。「錦上添花」最後到甜品，呢個真係見到餐廳既心思！佢唔單上係普通雪糕，佢仲附上兩小酌既醬汁，一份係朱古力百利甜酒，一份係特濃咖啡，店員話可以淋上去同雪糕一齊食。本身以為個

喺深水埗街到身水身汗又肚餓，周圍都得D麻甩茶記，參唔多到太子嘅時候見到呢間裝修特別嘅 Cafe Paradise，二話不說即刻入去。Waitress 好 friendly，好有禮貌，安排我坐喺窗邊好舒服。佢哋個 menu 幾得意，中間有個 popup 立體摺紙，好有❤️！我想食 Carbonara 不過 menu 寫配 Spaghetti，問可唔可以轉 Penne，完全冇問題👍🏻個 pasta 有跟湯，幾香濃。加$15.00就可以加 coffee，梗係要啦，waitress 介紹咗杯🌹玫瑰 Latte ☕️，拉花係🐷仔，好得意，我又要 post IG 呃 like 😏杯 Latte 好好飲，奶同咖啡比例剛剛好，D玫瑰味好香，又唔會蓋過咖啡，Pasta 煮得 Al Dente，啱啱好！個汁creamy 得嚟唔會膩，煙肉好香，加埋D菇，好味！辣辣芝麻雞翼，熱辣辣，外面好酥脆，入口好 juicy！其實唔會辣，反而係好香口，怕辣嘅朋友完全食得，冇問題！停唔到口，我自己食晒4隻!呢間 cafe 真係幾舒服，係呢區龍蛇混雜嘅 chillex paradise! 行開呢頭一定再嚟！