Cafe&Meal MUJI

營業中

休息中

今日有事要去又一城，平時自己一個通常會上Food count食飯，今日因為食飯時要開notebook做嘢，所以決定幫襯Muji, 一來唔會搭枱，二來有較多空間及時間。午餐繁忙時間需要等位，大約20分鐘，到俾枱我時，店員的招呼幾好，留意到2人枱其中一張係梳化位，主動問我想要圓枱，2人無梳化定有梳化，呢點值得加分!食品方面都有幾多選擇，最後揀咗牛油雞肉雜菜咖哩飯。落單可以用QR code直接用Smart payment俾埋錢，都算方便。備餐時間亦算快，當然係因為已經一早整好保溫的原因。味道我個人認為適中，份量方面亦唔會太細，足夠我的胃口。本身Muji的堂食環境其實應該係幾好，可惜今日坐我隔離的係一枱3個女人，由揀食品至落order已經好嘈，食物到後一個又不停分來分去，但另一個又keep住話唔要咁多，真係好擾民！如果唔係因為佢地，環境我會俾4分。

之前香港未有cafe muji，係日本都有食過😂最近回唔到鄉🥺唯有去d係日本有食過又唔洗點排隊既餐廳回味下啦😂✨-帶位員工好有禮貌同貼心，盡可能安排舒適既位置俾客人。可能疫情問題，依家可以係臺掃QR code就可以落單，好方便。-去過好幾次，冷盤既✨厚燒玉子同熱盤既✨藜麥雞都係必食😋

友人邀請去吃這家，我以為會很精緻好味。結果四個餸很淩亂的擺放在一個大盤子上，小小份。不美觀沒關係，味道應該還行吧？結果，藜麥烤鷄又硬又無味，應該是冷凍鷄反復加熱的，而且藜麥里有沙。八爪魚就是冷凍的加上罐頭菠蘿。米飯也硬。菠菜的醬汁都糊在一起，不爽口。我不是一個特別挑剔的人，但Muji的水平令我大跌眼鏡。我衹能用差來形容。就是一個包裝的遊戲吧。菜單看上去很好很美，但實物口感味道都很差。不會再去。非常不舒服的一餐！

星期日嘅下午，咩都唔想做淨係想靜靜地休息同放空一下🥺九龍塘嘅呢間Muji Cafe，空間感都唔錯，我地兩個人仲坐張長嘅橫枱，真係好relax好舒服😌分別叫左兩個套餐，有兩件蛋糕一個布甸兩杯野飲係又一城黎講，呢個價錢有間cafe比你坐算幾抵玩架喇！🍰蛋糕套餐($65)🍰兩品季節甜點套餐 ($95)鮮果芝士班戟蛋糕🍰賣相吸引，最底係曲奇餅底，中間都幾多士多啤梨，怕酸嘅我當然食完之後即刻用玫瑰阿薩母紅茶浪口啦🤣伯爵茶戚風蛋糕🍰，口感就當然無鮮果芝士班戟咁creamy，但就茶味十足🍵，鍾意Earl Grey嘅可以試下

又一城呢間Muji都開左幾年，第一次係到食野，啲野食既用料好健康，呢日唔太肚餓，終於試左。🔸有機藜麥烤雞雞皮上面有黑椒同藜麥，味道好似土匪雞翼😂雞肉唔鞋👍🏻🔸芝士波菜麵卷芝士唔會好漏，調味唔錯，推介👍🏻🔸沖繩苦瓜菠蘿沙律苦瓜爽口，苦味比較重，過後有少少回甘，但沙律唔特別吸引🥲🔸香橙茴香雞肉沙律普通咗啲😂🔸芝麻味噌拌豆腐菠菜豆腐碎配合菠菜口感幾特別，如果多少少芝麻味噌會比較好，整體比較清淡

好多人都鍾意無印風裝修🪵，想享受舒適日式木系格調，去Muji Cafe咪得囉🤣！依家都有得用QR code點餐，即時用信用卡/電子錢包俾錢，店員就會送餐點過嚟，超方便的😎~呢個環境加埋無印音樂，牆上書架仲有啲書籍可以借嚟睇📔，真係好relax，好啱假日好好放空自己！一件蛋糕，一杯茶，簡單渡過輕鬆下午😚~好想繼續放假啊！————————————————👅蛋糕套餐($65)👍🏻自選一款蛋糕及指定一杯飲品，揀咗賣相最吸引嘅鮮果芝士班戟蛋糕🍰~最底一片薄薄地嘅曲奇餅底，班戟係蛋糕質地🥞，夾雜微甜忌廉同鮮士多啤梨，口感幾豐富，影相都幾靚！我哋笑最頂嗰粒士多啤梨肥嘟嘟😆，靚得嚟好假咁👍🏻熱滴濾咖啡係好齋嘅齋啡☕️，單飲唔算好苦，附送一個奶球沖淡一下👅 兩品季節甜點套餐 ($95)👍🏻 其中一款季節甜點係伯爵茶戚風蛋糕🍂，蛋糕體加入茶碎焗製，散發恰到好處嘅茶香，配埋忌廉食濕潤感剛好👍🏻另一款係本和香甜布甸，近焦糖嘅布丁會滑啲，但下面又粗糙啲🍮，焦糖嘅濃稠程度同水差唔多，焦糖甜味較淡，比另外兩款甜品失色👍🏻莓果有士多啤梨🍓、藍莓同紅桑莓，應該用糖醃製輕輕過，部分會酸啲，睇你好唔好彩啦👍🏻飲品選擇咗玫瑰阿

露筍水果沙律清新感度高既前菜,清爽露筍加上橙,士多啤梨及雪梨令味道帶酸酸甜甜香氣.洋蔥帶子蝦肉沙律帶子及蝦肉同樣彈牙新鮮,以檸檬汁加以醃製入口鮮味更突出.日本洋蔥香甜又唔會過刺激.味噌昆布蒸比目魚清香既昆布味噌清湯浸住滑嫩比目魚,入口相當舒服溫和.比目魚肉帶一陣魚油香,魚肉細嫩.燒烤汁煮豬肋條甘筍燒烤醬汁帶一陣香甜濃郁既果香,配上肉類提昇肉香.豬肋條入口滿滿豚脂香又唔會過份油膩.黑毛和牛配醬油烤蘑菇黑毛和牛肉嫩又充滿脂香,入口唔會有筋而且容易咬開.唔需要額外調味已經好足夠.配菜既青瓜,蕃茄及洋蔥新新香甜.伯爵紅茶杏仁撻伯爵茶味無令人失望,茶味相當濃郁之郁帶陣陣彿手柑清香,淡雅既香氣.批底唔會過厚,牛油撻皮脆口鮮果芝士班戟蛋糕Pancake出乎意料之外地有驚喜！本來有少少怕pancake內既水份放係雪櫃內會好容易乾掉,但入口卻相當濕潤軟綿,配上輕盈細滑既忌廉整體都唔會過甜膩.士多啤梨紅菜頭甘酒果汁雖然甘酒名字上帶酒但實際含酒量相當低,經白米發酵後帶出濃醇甘甜香味.不帶刺激性而且口感溫順,好似飲緊smoothie.配上士多啤梨及雜莓令味道帶點酸酸甜甜味道,開胃新鮮.紅菜頭唔會令整杯果汁帶蔬

想著要去啟德遊輪碼頭參加攝影📷比賽，就先要充實肚子😀我們先決定在又一城吃午飯🥣，上一次來到muji to go已經想試，今次就試一試吧😀餐廳在muji的要角，門外設有自動取票、並提供qr code以供隨時查閱，值得一讚✨☝🏻👍🏻食物方面點了一個1）牛油雞肉雜菜咖喱🍛雞十六穀飯+明太子醬汁雜菌厚燒玉子2）班戟早餐🥞先試了甜品🥞一大篤忌廉🥚🥝，配合蜜糖，草莓醬，邪惡之極。pancake就鬆鬆軟軟，不過不失，相比起專門店就當然略嫌失息。然後試了預先設定的牛油雞肉雜菜咖喱雞十六穀飯，配了一個冷配菜（明太子醬汁雜菌厚燒玉子），整體配合不俗。雖然味道有點像街邊的咖喱飯，但吃下去卻是一個小驚喜，起初以為配菜只是一磚普通皊豆腐，但吃下去，蛋餅包裹著雜菜，日本菇等，配合明太子醬，口感非常十足👍🏻至於咖喱雞，唔太辣，不喜歡辣但喜歡咖喱的朋友值得一試。還送上一杯凍琉球紅茶，味道一般，只感覺到凍味。日期：2021.5.16

無印cafe都開左一排，今次終於黎食到啦😄木系嘅裝潢好有家居風，好多人都係同朋友食下野傾下計。除左甜品，主食都好有特色，採用新鮮嘅日式食材，更有健康感💚🔸 番茄醬虎蝦昆布麵(HK$128)第一次食昆布麵，原來係由昆布蓉混合小麥粉製成，綠色嘅麵條食落口感好順滑😋配上蕃茄醬更加清新，另外仲有2隻大大嘅虎蝦，已經開殼左食個陣都唔驚狼狽呢😆🔸 黑毛和牛配醬油烤磨菇 (HK$228)係無印仲食到黑毛和牛啊，有分100g或200g。肉質都唔錯，散發濃郁牛味。另外仲有好多蔬菜伴碟(烤磨茹、青瓜、洋蔥、細蕃茄)，可以去除油膩感。不過中意食肉嘅可能就唔太夠喉啦，因為蔬菜分量感覺較多😂

好耐之前已經俾佢嘅梳乎厘同其他甜品吸引左🥰🥰今次去開有cafe嘅muji 終於有機會試！但食左野所有就同👦🏻share左一個set。有機會再試埋主食😗⁣🥞梳乎厘奄列套餐 $108 （8/10）⁣梳乎厘都幾大個🤪幾啱兩個人share🤎⁣就咁搖隻碟已經曉動L動L🥸⁣面頭有燒焦左嘅焦糖～配有朱古力醬、楓糖醬同忌廉🍫⁣切開比想像中厚實，唔係好重空氣感果隻。入口比較實在，唔會一入口就即溶。⁣蛋味都幾濃🍳，配埋糖漿感覺超幸福的🥺！⁣⁣🍶熱琉球紅茶 +$0 ⁣就係一杯熱熱嘅紅茶，冇咩特別。⁣

又一城呢間muji cafe樓底夠高，地方夠大🥰 好舒服半自助式，攞位後透過個QRcode落單或者出去收銀處落單都得，之後就會有專人將食物送埋枱😊今日試左個邪惡下午茶餐－梳乎厘奄列配新鮮生果，梳乎厘表面係有糖，搵火槍燒過所以做到脆口嘅感覺😋裏面就非常軟熟， 配鮮忌廉加糖漿加朱古力醬……真係非常非常邪惡又非常非常好味🤣🤣，連埋杯飲品只係108蚊😇價錢算超值，因為呢個梳乎厘嘅份量都唔細，如果你唔係好肚餓，其實兩個人都ok㗎😉另外亦都試咗個羽衣甘藍帶子沙律，啲羽衣甘藍比我想像中少，反而其他嘅沙律菜就多左啲，至於醬汁就未必係個個接到嘅甜椒汁， 但係整體嚟講呢都感覺係個清新嘅😋見到餐牌都有吾少選擇，下次會再來試其他。

一直都想試下Muji Cafe，揾左個下晝約朋友去試。當日餐廳唔算多人坐低一陣就用QR code落單，揀左兩款冷盤小食一款熱盤主食，分別係紫薯青蘋果沙律，烤雜菌伴半風乾蕃茄，赤味噌炒苦瓜豚肉，配上十六榖米同餐湯。紫薯青蘋果沙律：非常清新，將紫薯做成蓉再混合蔬果，平時少機會食到，或者多數用普通薯蓉，夠哂誠意。烤雜菌伴半風乾蕃茄：第一啖以為有啲宿，後來發現係落左黑醋忌廉醬，讚！赤味噌炒苦瓜豚肉：熱食相對平淡啲，豚肉有少少韌，但賣相都相當不俗。Menu入面仲有好多款式，蔬果，魚類，肉類都有。無論你係素食者或其他飲食習慣都揀到你心宜選擇。而且會用唔同時令食材同埋醬料。唔想食白飯或十六榖米，仲有麵包揀添。和風定食非常精緻亦注重擺盤，同時講究食物既營養。菜式間唔中仲會改下款式，最啱啲常常都想試新野既朋友。

之前每次行muji經過 muji cafe都會想試吓，只可惜唔啱時間。今次去開又一城，又想食個tea，就決定食muji cafe.下午茶時間都好多人等位，大概等咗20 mins先有位，可以用手機落單。.梳乎厘奄列 (2人份量）$88份奄列既賣相好吸引，而且好大份，足夠兩個人share。食落有d似梳乎厘pancake既空氣感，個面有焦糖脆脆地，口感好好。佢配咗朱古力醬同蜜糖，再加埋cream一齊食，好match。價錢唔貴，cp值好高

難食到不得了晚上和友人去了又一城muji餐廳，這次是我們第一次，亦是最後一次.我們點了四餸套餐，兩杯茶。侍應送來的時候，都分不清是什麼茶，而且亦都冇顯示清楚是什麼茶，侍應竟然聲稱用鼻子去問，可以馬上要求他這樣做，但是她仍然堅持那去廚房分辨是什麼茶，在這疫情期間，可否講求衛生一點啊，這些衛生常識都沒有，實在是令人憤怒。食物方面，點了兩個冷盤，一個是茄子，一個是蝦沙律，茄子是10分之硬，沒有味道可言，以蝦沙律，亦是失望收場，哈氏冷藏無味的，亦沒有放什麼調味。另外兩個葉盤，分辨是豚肉和炸雞，都是極之失望，炸雞的雞肉，硬而無味，豚肉內的肥肉，更是多於瘦肉，請不要告訴我，這是一間推崇健康的餐廳，這個價錢，提供這些服務及食物質素，簡直是不知所謂。

Weekday過左lunch hour，都要等左一陣先有位。叫左5品set lunch，3款涼菜2款熱菜，配味增湯同飯。涼菜特登叫咗唔同平時比較少見嘅沙律，水果同菜都好新鮮，但係火箭菜個味比較奇特得好唔係一般人接受到。熱菜方面叫咗雞翼，味道正常，但係見到明顯有啲好幼嘅雞毛未清得晒，有啲唔係好接受到。整體來講味道可以，但係可能期望太高，覺得又唔算真係超級好食。個人覺得叫4品抵食啲。另外叫咗抹茶芭菲，好有日本風味，仲略嫌雪糕量太少，食到中段已經冇雪糕啦。