影片
港鐵上環站 E3 出口, 步行約7分鐘
繼續閱讀
營業時間
星期一至日
10:30 - 18:30
以上資料只供參考, 請與餐廳確認詳情
食家推介
今朝去開PMQ又見肚餓，cafe life咖啡一向ok所以諗住去食埋早餐，一入門口都未開聲店員已經有啲粗魯咁話「要嘟安心出行喎！」我話自己叫外賣而已佢先悻悻然收聲，之後我叫咗個quiche同一杯latte，只見店員收完錢一手揸落個quiche 度放入焗爐，我已經覺得印象差，之後焗好後佢問我要唔要餐具只係兩粒字：「餐具？」爭啲聽唔到佢問乜，最後我走咗揾地方坐低食野，前後三分鐘左右，個quiche完全係凍嘅......雖然咖啡ok但附近好飲嘅店真係唔少，咁嘅質素真係無下次
繼續閱讀
CP值：3/5價錢Price：- Mocha: $40- Cappuccino: $40- 杏仁奶油牛角包Almond cream croissant: $28- 芝士火腿牛角包Cheese and ham croissant: $28- 日式牛角包三文治Japanese style croissant sandwich: $72初一真係好難係中環搵到餐廳開門喺PMQ見到呢間有開所以惟有喺度食lunch所以本身真係冇乜期望但見到一個拉花嗰陣真係好驚喜而且咖啡亦都好香濃但我個杏仁奶油牛角包就真係太甜啦😩我朋友嘅芝士火腿牛角包都唔錯日式牛角包三文治餡料超級多但咁嘅價錢真係太貴啦So difficult to find a restaurant operating in Central on the first day of Lunar New YearWe had no choice but to have our lunch hereI had no expectation beforehand However, I was quite surprised with the latte art!😍The coffee was rich My almond cream croissant was too sweet😩My friend's ham and cheese croissant was not bad.As for the croissant sandwich, it was quite good with a lot of stuffing but really overpriced
繼續閱讀
今日星期日，去左行PMQ。今日好多舖頭都有開好多嘢行，好多嘢都好靚。不過，唔知係唔係因為今日天氣好凍，所以好多地方都開咗暖氣。加上着咗好厚衫，我哋行舖頭行到好焗又好熱。所以決定黎個中場休息，落去飲杯嘢先。經過朋友介紹，就選定呢一間。因為今日晏晝已經飲咗杯latte ，加上而家好口渴，就唔想再飲有奶嘅嘢。所以我就決定叫茶類(mango passion fruit ice tea)。好好飲，又解渴。不過佢芒果味比熱情果重好多，果味完咗之後就會有茶味，飲得出佢茶底好靚。成杯嘢飲唔會好甜，解渴一流。話咁快就飲完一杯，如果下次再經過我都會再買。重點係價格又唔算好貴。推介。
繼續閱讀
今次嚟到pmq嘅cafe life 分店，網上睇cafelife 評價幾高，而佢啲cake 都好有水準。今日特登嚟試試😂😂1️⃣Mont blanc - Cafe Life愛媛県の中山栗蒙布朗 （$78）賣相都ok，中間有少少斷開啲cream入口Creamy，栗子味重亦偏甜，最尾有栗子粉狀嘅感覺；中間有忌廉 海綿蛋糕 原粒糖漬栗子🌰；仲有一層焙茶慕絲係底，茶味濃；最底撻皮偏淋 少少平衡返甜味，但整體都係偏甜2️⃣Rose latte ($42)賣相好靚玫瑰拉花🌹一入口就係強烈Rose 糖漿味.... 冇乜咖啡味，適合平時唔飲開咖啡既人，應該叫返正常latte算3️⃣手沖咖啡（$60）雲南產地較少見到coffeeshop有雲南產地，酒桶發酵味好夠，似白蘭地味，偏濃帶有強烈熱帶水果味，酸質明亮，口感乾淨，冇雜味但欠缺層次感整體來說，cake 好過咖啡，價錢方面cake 偏貴，同建議用堂食杯presentation會靚好多😗
繼續閱讀
兩張大枱，對面已坐左一對情侶，然後張櫈面向外面坐，職員走埋黎話政府規定要1.5米空間，乜原來面對面坐會比面向外面坐會有更長距離?留意返其他2張大枱只係坐左2個人，唯獨呢張大枱係要坐4個人，可以係完全互不相識嘅人，中間又無膠片阻隔，唔通咁樣唔會增加感染風險?政府要求嘅1.5米距離究竟係咪想咁?女職員仲要話，咁你坐過啲啦，嘩，你張餐枱係可以坐20人咁長果種呀? 坐過啲就避到?ps. 男店員雖然無行埋黎，但係就一直企喺店裡望出黎，啲目光都幾唔友善，飲品亦一般，喺pmq咁多選擇，唔需要揀一間味道一般而又態度差嘅，奉勸大家諗真先好行入去pss 附上圖片顯示問題餐座
繼續閱讀