更多
2020-10-09
63 瀏覽
又係見多好評。就試試佢。啲set都貴。兩條友叫咗個一人餐加一個單點一杯嘢飲。Set湯。係正常蕃茄湯。Set蜆扁意粉。要讚賣相。第一次見餐廳係會排到啲蜆咁整齊。順便話埋你知粒粒有肉㗎。欣賞佢可惜個粉好油吓。蜆雖然無沙但都無乜味。算。主要係食crepe。膽粗粗叫個咸嘅。有三文魚波菜餡。好足料。估唔到啲菜撈埋佢啲汁同魚一齊食咁match。意想不到皮薄餡靚。另外嘢飲無影相都想讚。凍朱古力。照濃郁。好飲。不過食完間嘢有味精口渴嘅感覺。同隔離枱坐得好近。無乜冷氣。隔離枱出咗門口煲煙。煙味竟然抽返入餐廳同都唔算平。所以好壞參半比個ok算。
張貼