Cadero Grill and Oyster Bar (已結業)

今日落大雨，亂打亂撞入o左o黎呢個商場，食 lunch，見到 $118 Lunch Buffet，好抵！即刻幫襯。睇蕃前一位 「六月」會員留言，原來呢度Ｄ食物會變動，我今日食o既係忌廉湯；而個卷卷 dessert (即“右邊的酥皮盒好硬”張相左邊一件）今日已變了雪糕筒仔。可能今日我地１點就開始入座，試唔晒所有款式，中途已經飽o左。除了之前一篇食評提及的菜色，而我都好喜歡呢度Ｄ熱盆：－－炸的： anchove、魷魚圈、魚；燒魚(成條上)，燒雞翼、雞扒，煮蜆都有辣／唔辣你揀(又爽甜)；腸；另有不同麵包夾 ham款；全部都係熱辣辣出爐，waiters 捧住問每一枱客要唔要，好過放響出邊任人攞，保溫Ｄ食物無新鮮出爐咁好味，最明顯食得出就係 “炸物” 。如果唔係新鮮炸起，好易淋。服務好好，每次我地離開位去攞o野食，waiters 都會幫我地張餐巾接好，以為五星酒店才有這種服務，原來呢度都有。埋單時，個經理仲問o下我地意見，熱盆咁樣出好唔好？我地都覺得咁樣安排好好！

星期六下午去文化中心睇話劇,由於我1:45先到TST,3點開場,只有個多小時午膳,友人便提議來吃lunch buffet,$118/位(包1飲品), 如加$40可以有4款main course任選1款,食完感覺如下:地點:海港城內,方便,但座位好逼下,有戶外座位,但天氣咁熱,免得過就免,食物:餐廳其實唔算好大,因此,放置食物的檯唔多,款式亦有限,沙律的款式相對較多,比較好食的有魷魚沙律,幾鮮味清新,其他一般;還有風乾火腿,凍腸等等有煙三文魚,但我去到一會後,已經沒有了,亦不作補上,換了其他食物 湯只有1款羅宋湯麵包和格仔餅等等甜品算是比較多,有3幾款切餅,酥皮甜點,生果可能由於地方細,服務員會不斷從廚房取食物出來,有蛋餅,雞翼,炸魷魚圈,炸九肚魚,等等,每檯問食客是否需要,其中,我覺得白酒煮蜆最好味,蜆好肥美,酒味都適中可能始終不是主打buffet,但我唔加main course都好飽,其實食物質素係幾好的,始終King Parrot group不會太差,午市應不會再來,款式太少,晚市不是buffet可以試下!

因為BEA Card 有半價，所以試試！食物比想像中出色，d服務態度勁好、不過上菜很慢，食到很眼訓！當天是老公生日，book 枱時同咗佢地講，佢地送了件cake 比老公，仲有live band 唱生日歌，感覺很好！頭盤﹕凱撒沙律配鴨胸&牛油果 ~ 好新鮮、但很少鴨胸&牛油果蠔 ~ 廋瘦地、海水味很重，but 好好味！餐湯﹕焗洋蔥湯 ~ 湯上放了濃濃的芝士，正！蕃茄鮮蠔周打湯 ~ 很濃的蠔味，喜歡吃蠔的人一定鐘意主菜 ﹕露荀&車厘茄香草意粉 ~ 味道普通，而且油太多美國牛肋排 ~ 正！甜品綠茶餅配鮮橙 ~ 因為本身不愛綠茶，所以不覺得特別好食。酥皮蘋果卷配雪糕 ~ 個酥皮很脆、入面蘋果熱熱地，感覺好正！

一年之前來過一次, 主要食蠔,其他飯及steak 都不錯,今次見有東亞信用咭優惠,所以再試叫了指定二人套餐,內容如下:前菜1 : Virginica 4 隻, 幾新鮮, 但唔係我既favourite type, 因為係優惠套餐,所以係冇得 簡既前菜2: 意式吞拿魚刺身及帶子他他配山葵汁,友人話個帶子不錯 湯 - 蕃茄鮮蠔周打湯 - 好濃蠔味,與蕃茄容溶入湯中, 好特別,以前未試過主菜1: 燒美國春雞配玉米戟, 一般,因為雞唔算好滑, 個玉米戟反而幾好味主菜2: 綢魚柳配蕃茄意大利飯, 個魚好有魚味,煎到恰到好處, 甜品1 : 綠茶餅配鮮橙沙律甜品2 : 酥皮蘋果卷配雲呢拿雪糕 兩款既賣相都非常精緻, 水準都是standard 以上 飲品 : 凍檸荼這套餐的份量是好足夠兩個人食那裏是有分indoor and outdoor 既, 如果不是太熱,大部份人都會選擇出面, 因為可以對住個維港用膳,當日我們都有book outdoor , 但可能去得較遲,剩下角落近停車場的table, 車出入時會好嘈,

請我嘅另一個舊同學食飯，揀咗一間喺海港城算係新開嘅餐廳--Cadero Grill & Oyster Bar，又係King Parrot集團旗下。我同小公主先行到達，坐喺餐廳嘅一角，餐廳啲光線調暗到連餐牌都睇唔到，唔知佢地搞乜鬼。同學過了一會就來到了。同學以為我地要叫生蠔，所以揀呢間餐廳，誰不知我呢個主人家一向對Oyster都冇咩特別興趣，最後我地三個總共叫了六道菜。1 . Assorted Bread - 算幾軟熟，不過啲醋太少，冇咩味。2. 香辣蝦配柚子沙律 - 冇咩特別，只係好有泰國feel，你真係想像唔到竟然喺一間西餐廳食到這麼樣的菜式。3. 白酒辣汁煮蜆 - 唔夠白酒嘅香，份量又太少，每人得幾隻，唔抵食。4. 辣茄汁炸薯仔 - 好普通，汁又唔特別惹味，薯仔又唔太粉，不知所謂。5. 扖鱸魚 - 呢道係全晚最佳之作，個魚嘅表面煎得啱啱好，僅僅熟，好滑，配紅花汁，清清地，唔錯。6. 大蝦墨汁意粉 - 食到成口黑哂，啲蝦炸到冇哂味，淨係得墨汁味，好似同蝦格格不入。7. 帶子意大利飯配蕃茄菠菜 - 一向都唔鍾意食Risotto，但係都唔算整得好差，不過始終都唔夠我地煮嘅飯咁好味。Com

未試過呢度，見東亞card有二人套餐優惠，叫埋friend 同佢老婆一起試前菜有生蠔 - Virginica 4 隻，跟餐都好新鮮，抵讚Tuna and scallop 他他 - 感覺清新，作為一個開胃前菜亦一流湯生蠔忌lim湯 - 這裡主打生蠔，這湯蠔味夠洋葱湯 - 芝勁多，啱哂主菜美國來的short rib - 要medium，以套餐質素是超班，肉中味濃夾適量脂肪，好正煎魚茄汁rissotto - 飯幾有咬口，個sauce好味，魚ok，不錯甜品 - 萍果so +ice cream.................最後仲有coffee個餐$440 + 我加多杯white wine 五十幾.......great value for money

1對父子走去食蠔+扒 4只蠔 1只virginia$60 1只carnac $45 2只brisbane $40*2virginia同carnac 都好正, brisbane 就差啲grill: 澳洲肉眼扒 350g $350 肉味好夠, 脂肪入口即溶.紅酒: 會員贈券,冇點為意係咩 好似係澳洲08年.dessert 燉蛋 $48 ok啦, 普通 $ 6xx

今日同朋友來食飯~年多前來過~幾滿意~今次再來叫左兩款生蠔~都幾新鮮~~個人鍾意食美國o個款~清d~~龍蝦焗飯~好足料~~lobster 好新鮮~~飯底唔多~但我唔係咁鍾意食d 飯~~不過唔緊要~因為主角都係隻龍蝦度~和牛黑松露菌汁pasta~~和牛d 牛味好濃~~意粉都一流~short rib~好juicy~佢地火喉控制得幾好~要 medium rare~都幾腍~鴨胸~我覺得好普通~反而d 配料幾好食....燒羊肋~~好味~~佐酒一流~魷魚圈~無味.....我覺得唔太好食~服務都仲係好好~唔識佢會介紹你~~上菜速度我覺得可以慢多少少...環境ma....今日坐左係露台~好多車行過....好嘈.....都係坐番入面好d~有兩個結他手伴唱~氣氛幾舒服~~

情人節本身唔打算出街食,但突然心血來潮想出街慶祝但周圍都好多人,又冇BOOK枱,行左好耐,終於比我搵到呢間,見到呢間野幾氣紛,所以就吸引左我,但最唔開心就係海景位FULL晒囉,要坐一少角,可能情人節呱,完全都影響唔到我,情緒好高漲^^枱上點住個燭光,有朵黃色既玫瑰花,一路食一路有人彈結他唱情歌,當佢走到我旁邊唱時,真係好感動,餐廳入面既侍應個個都好NICE,重有即影即有拍照服務,所以我都同佢地一齊影相,最後走時有個花型既蠟燭送返比你TIM我叫左情人節SET餐~$9561)頭盤係麵包~冇咩特別(食完可以再加)2)菌類既湯~味道都OK3)生蠔~好新鮮,好正,食完想再食4)鵝肝~我鐘意加麵包食,碟上佈置成1個心型,幾靚5)安格斯牛排~我叫左6成熟,放入口慢慢咀嚼,有好多肉汁,好好食,好正必食

２００８／８／９下午茶之前無無聊聊地在OR搜尋下午茶BUFFET的資料,見到索價只是百零元的這個,今天放工後就過去試下.在海港城裡面找這間餐廳達十五分鐘,幸好可以三點正就來到門口.店子細之餘,位與位之間,甚至行走通道也是非常之窄.要小心翼翼地出入.拿食的位置只有近門口和收銀檯的兩個.前者是''意粉材料'﹑''沙律''及''PANCAKE醬汁'的集中營'.後者則是甜品區.不知道鄰檯的炸物,小吃從何拿來?唯有先從意粉類入手.拿著牌牌,先去集中營拿一堆自己喜愛的材料,好似有大大隻兼彈牙蜆肉, 雪藏但味道像新鮮貨的大蝦粒,三文魚粒,菇類,牛肉等等,再向廚師說明自己吃乜粉(今天只有天使麵和蝴蝶粉)和醬汁(白汁和鮮蕃汁),就可回位子等食.分別吃了三轉,只因意粉煮得十分出色!白汁很香很滑,不會稀如水又或者傑到一劈野;蕃茄汁很鮮甜,帶點微微的酸,十分開胃(配此汁者更會落乾蕃茄去煮,蕃味加強,蕃迷絕對歡喜!).蝴蝶粉彈牙和天使麵滑嘟嘟,配著那堆煮得到味的料,吃多多也不夠似的,太好味了!店方送每檯一碟西班牙小食也在吃麵期間來了,是三文治,麵包類,小巧且美觀.我吃了其中的西班牙火腿火箭菜包,火腿沒什麼問題,

本身係king parrot club,見到lee間有tea buffet, 打去問佢話係pasta, salad的buffet就去試下!!!佢個buffet就係有3款salad: 菜, 3色椒魷魚salad同onion西班牙火腿, 3個都幾好味!仲有個pasta bar, 係自己choose意粉的材料同汁,佢地入去整出黎,有好多野, 魚,蝦,菇,肉,好多!!每一台都會送一set 西班牙snack, 仲會有人間中問你要不要一d小食! 所以都算幾多野食!desserts 就有3,4 款cake, 2,3款pudding, jelly,同生果, 款唔多但quality 幾好!!service: 全間有十幾張table, 都有成7,8個人serve, 好nice, 好快手,又同我地介紹pasta d 料,都幾滿意~~~~4人15% off 後$410

女朋友仔生日,聽聞這餐廳夜景不錯,所以便來試試....他們的海景沒有我心目中咁靚 ,可能因為海與餐廳之間有一條馬路而且因為我們怕熱,所以坐裹面 ,所以與海的距離便更加遠了我們點了一些蠔, 蒜片炸蝦 , 蜆肉長通粉原本我們想點墨魚汁意粉 ,但他們的侍應很好,提醒我們墨魚汁意粉也有蝦,好像跟蒜片炸蝦重複了所以我們才改點 蜆肉長通粉他們也很跟西餐的次序上每一道菜色蠔也算新鮮 ,蒜片炸蝦-----如果蝦和蒜片分開食,那蝦便沒有蒜味了,哈哈長通粉也算ok,蜆真的大大隻美中不足的是,原本我們都想在寧靜的環境下享受晚餐但有一位穿著西裝的女仕,應該是他們的經理吧不停訓示侍應 , 我明白教訓才有進步 或許也可以閉門訓話吧

今晚和朋友晚餐,到了這間餐廳, 這間餐廳分為indoor同ourdoor, 我選擇左ourdoor 因被佢環境吸引...不過我坐唔夠15min, 就要求轉位了..事關我坐的位置係停車場出入口位..有唔少廢氣indoor環境一流, 無敵大海景, 可以睇到"幻彩詠香江" good..食物方面, 我點了三款菜 (1) 蒜片蝦 $75 (2) 蜆肉意大利粉 $128 (3) 安格斯牛扒 $310蒜片蝦-味道淡左一點, 同炸蝦一樣,粉多...無蝦味, 仲無咩蒜片蜆肉意大利粉-蜆雖然大隻, 不過有d鯹, 食左一隻無食過...同waiter講過佢無反應...=.="安格斯牛扒- 都未試過食牛扒食得共細件, 我order 5成熟,肉質有點柴, 個汁係磨菇汁都還可以..=.=" 這間餐廳係sell蠔同牛扒, 牛扒就好唔點...

呢餐飯呢, 都約得有d"騎呢". 話說果日本來我係滿心歡喜同食友們去菊膳和燒食lunch的, 雖然菊膳我食過, 而間野又冇伊呂波, 甚至和宴咁好, 但佢勝在夠平, 質素又唔差, 加上上次大家去伊呂波食燒肉時講到實約到行, 我都好期待呢次聚餐的呢.咁都唔知自己交左咩惡運, 明明約到實一實架啦嘛, 陰差陽差下, 竟然無去, 真係幾唔好彩下...幸好可能我平時有積福, 咁岩有朋友從天而降, 執左我呢隻dead chicken來呢庶開餐, 都叫執番半身彩.講番Cadero, 間野自開業以來大家對佢的評話都好似麻麻, 但佢叫得蠔吧, 嗜蠔如命的我點都要來試試至心熄. 間餐廳分開兩邊, 入面的對住海, 但太開揚, 好鬼熱, 而且對住呢位老死都唔駛咁浪漫要一路鹹汗淋漓一路比d更鹹的海風吹到披頭散髮, 都係坐近門口的果邊冷氣涼d.呢度蠔選擇唔多, 叫住4隻先, 分別係cherrystone, Eagle Rock, Virginica同Marrenes, 好食先追加, 結果唔駛, 因為唔靚又唔新鮮. 特別係隻cherrystone, 削到爆. 價錢又唔平, 仲要開得衰, 第一隻巳經食到一大塊蠔殼,

琴晚同老公兩個人去呢間餐廳食飯，慶祝週年紀念，因為係慶祝的原固特別搵間豪少少的地方，呢間餐廳面向整個維港，環境亦算舒適，淨係地方就已經加左不少分。服務方面：我地係第一次到這間餐廳食飯，唔知度有乜特別菜色，所以我地叫個waiter介紹下，由頭盤到主菜佢都幫我安排好好，其實我初時諗，比人發板容乜易殺到一頸血架？但係佢真係好詳細解釋各種生蠔的分別，由澳洲至加拿大，形形式式的佢都詳盡講解(最後叫左日本的珍珠蠔)，其他食物的份量適中，又唔會叫得太多野，而且佢會介紹d中價錢又好味既比我地........我都有係佢公司贊揚過佢，因為服務質素，始終係貴價餐廳的重要環節。食物方面：我地除左叫一打生蠔外，仲叫左兩個海鮮濃湯、蒜片蝦、特級西冷牛扒同美式牛柳同一支紅酒，簡真無得彈﹗價錢：埋單$1,500-