Burgeroom (美麗華廣場1期) (已結業)

因工作關係，今天要到尖沙咀工作，不知不覺又到了晚餐時間，同事提議食完野後再工作近近地喺美麗華商場覓食揾左位於商場一樓-Burgeroom鮮蘑菇牛肉漢堡漢堡本身有一層厚厚牛肉，鮮蘑菇，蕃茄及生菜，我們加左牛肉果醬及洋蔥牛肉食落唔韌，幼嫩多汁，有囗感，加埋蕃茄，洋蔥等配料，味道十分清新，而麵包十分柔軟有彈性吉列大蝦沙律大蝦炸得脆卜卜，炸粉唔厚香辣單骨雞翼配蜜糖芥末醬雞翼分成兩件，方便進食雞肉辣辣地十分惹味，蘸埋蜜糖芥末醬，味道更有層次

今日難得放假去左尖沙咀同女朋友行街,行到美麗華見攰攰地又肚餓就諗住去搵嘢食,因為知道最近美麗華開左好多食肆｡突然見到一間門口好美國風嘅餐廳,好華麗,我同我女友二口同聲就話"不如食哩間!",哩個時候我就知我地一定冇揀錯!一行入去間餐廳俾我感覺到好似去左外國一樣,裝修到好似美國街頭咁,因為佢有個指示牌寫住"Order Here",正係哩個指示牌都已經夠哂特別!一坐低有個侍應好有禮貌咁用英文同我介紹有咩食,同點樣點餐,真係好似去左外國咁。我就二話不說聽佢講出左去"order here"到order左1款小食,2款Buger同埋2杯嘢食。order完好快就已經上左第一款burger,就係"蜜糖芥末大烤菇煙肉牛肉漢堡",不得了!無論烤大菇定牛肉都一樣咁 Juicy!!跟手再嚟埋個"芝士旋風薯條",啲芝士同薯條熔為一體熱辣辣香噴噴,無得輸!再嚟埋個"鵝肝牛肉漢堡",正到唔知點形容!最後就到"玫瑰鮮奶咖啡"&"榛子泡沫咖啡",味道適中啱哂我唔鍾意飲甜嘢既人。成個過程連食埋都係用左50分鐘,正宗 快 靚 正 !我一定會再番嚟食多次,因為好多款Bruger我都想試!

係尖咀返工既我，今日特別想食漢堡包行過美麗華BURGEROOM咁多次，今次終於行入去BURGEROOM裝潢望落有酒吧既感覺，感覺幾CHILL環境寛落，可以同朋友輕鬆吹下水最開心既係見到有午市優惠，LUNCH 可以加30蚊，有薯條+飲品因為就咁叫杯ICED TEA都講緊32蚊，30蚊就有薯條同飲品真係超抵牛魔王當然要芝士煙肉牛肉漢堡~ 再要埋菠蘿上場畫面感係震撼既漢堡很高，用口食真係有D狼狽，所以轉用刀叉牛肉好厚，煎得好香，而且肉味濃郁呢點幾估唔到因為自己喜歡食麵包，所以要讚埋佢既麵包烘得幾靚，帶微焦糖色都因為牛肉味好重，醬同生菜就更顯重要，令肉味既膩感降低，輕鬆食完一個(雖然好飽)我一向食BURGER都好鐘意配菠蘿，因為甜甜地，又多汁，簡直係PERFECT MATCH WITH牛肉再要講下套餐配既粗薯，係原個薯仔粗切，所以薯味很重，正正的，入面薯蓉都很有口感蜜桃茶見好多人推，所以我同同事都叫左，佢既甜度唔高，我地兩位女士好欣賞食完感覺還不錯，不只食物，環境也很吸引，相信將來還會再來

好耐冇同朋友食呢間burger，對上一次食係銅鑼灣，估唔到仲keep到水準!環境裝修做得好好，門口仲可以打下卡！整個餐廳好有氣氛，鍾意佢有Bar檯feel睇返Menu先發現，原來除左burger都好多選擇！黎到burgeroom點可以唔食burger，叫左兩個burger，一個係pineapple barbecue sauce beef burger ，一個係mega cheese burger 兩個burger都好大個，食晚餐絕對夠飽，個漢堡牛唔好同一般快餐比，因為呢間burger贏左，勝在個牛勁juicy，同埋個pineapple勁開胃，食極都唔會膩。Mega cheese burger反而冇pineapple咁開胃，但同樣地塊牛都非常可口真係要多D黎返burgeroom食burger.小食叫左個芝士捧同埋個牛油果薯條，芝士捧可以拉絲，朋友好低能咁話一定要影！真係可以拉到幾長，好重芝士味！鍾意芝士唔可以錯過。個薯條加埋牛油果醬更出色，食左咁多野，都食得落，就係因為個醬做得唔錯！一啲都唔膩！

依家轉左去佐敦返工就算同朋友食飯都揀返旺角尖沙咀區了今次朋友就推薦不如去食美麗華既burgeroom 諗起好多年前好像都食過銅鑼灣果間但已經忘記個味道係點 就決定再試多次先～.我地點左2份小食單骨雞翼配蜜糖芥末醬 芝士薯條估唔到小食都咁足份量單骨雞翼好大隻 好香脆好好食 芝士薯條都好大份本身好怕啲芝士醬一凍左就會一舊舊好彩呢個唔會 芝士係軟身架！芝士非常香濃 薯條係略為厚切 唔會有太熱氣既感覺.另外點左個牛油果醬芝士牛肉漢堡雖然肉係好大件 但好彩有好大塊蕃茄同生菜balance返牛油果醬提升左牛肉既鮮味 唔會太膩呢個包好大件架 細食女生share無問題。.另外點左杯蜜桃茶fresh一fresh仲有粒粒果肉添

行開美麗華，咁啱見到呢間專食burger嘅食店，決定一試～ 入到去發覺環境唔錯，地方寬敞，坐落幾舒服，好啱傾計吹水👍🏻呢度提供嘅漢堡選擇都算多，有哂分類，想食牛，海鮮，雞甚至素食小吃都得，價錢亦算合理。講到食漢堡，點可以唔選擇牛，所以分別選咗一個大烤菇芝士牛肉漢堡同一個蜜糖芥末大烤菇煙肉牛肉漢堡🙌🏻呢個烤菇芝牛堡相當有份量，牛肉相當厚身，肉味香濃，非常juicy，芝士溶化哂，充滿芝士香，麵包烘過幾挺身鬆軟，但要一口咬到所有材料都有點難度!呢個芥末煙肉牛堡，份量都幾大，一個女仔都未必食得哂，中間塊煙肉烘得非常脆口，芥末醬溶入大啡菇中，更添風味~ 水蜜桃冰茶，清香不太甜，有水蜜桃香味，有消膩感～

之前同朋友食過呢間漢堡,覺得D漢堡超級好食,地點又方便,放假就帶媽咪去食lunch.唔使等位,裝修帶美國工業風,播住美國POP Music,特別有Feel.我叫左牛肉漢堡,加30蚊就有薯條,咖啡,真係超級抵,媽咪叫左脆鱈魚柳漢堡配薯條,玫瑰泡沫咖啡,另外必叫既香脆單骨雞翼配蜜糖芥末醬.牛肉漢堡真係超級巨型,成個漢堡有手掌咁厚,雙層免治牛肉好厚身,好似係安格斯牛肉來,好有牛味,又多肉汁,下面有蕃茄片,生菜片,沙律醬,我拿住來食時,D肉汁不斷咁流出來,好爆汁,牛肉味好濃,配菜好fresh,好好食.仲有厚切薯條.香脆鱈魚柳漢堡,份量一樣咁浮誇,咁吸精, 鱈魚柳炸得好脆,好嫩,配合芝士,沙律醬,蕃茄片,生菜片,一D都唔膩.連少食漢堡既媽咪都話好食.大家仲可以Share一半來食添.之前食過香脆單骨雞翼配蜜糖芥末醬,要再encore,一貫既水準,外皮炸得好脆,入面既雞肉Keep住好嫩滑,唔會乾身,仲係單骨好方便食,點上蜜糖芥末醬,甜甜辣辣咁,好野味,係我必叫既小食,拿來點薯條都好岩.最後梗係要嘆返杯玫瑰泡沫咖啡,我都係第1次試,清香既玫瑰花味原來同咖啡係咁夾,兩者平衡得好好,唔會互相搶左味,加上泡

我今次係為咗想食呢個雙層鵝肝牛肉漢堡而嚟嘅🍔🤤好巨型呀 如果一個女仔自私食真係會好飽好飽鵝肝煎得好香 厚切 口感一流芝士溶得好靚 半溶狀態牛肉好大塊又厚身 加埋蕃茄🍅同生菜🥬唔會太膩 每口都好juicy 香口。唔想咁多嘅話可以揀單層鵝肝牛肉漢堡啊會無咁full❤小食點咗芝士粗薯條呢個好明顯比之前大熱嘅shake shaxx 好食好多薯條份量好多而且厚切 裡面仲有好多薯蓉食落唔會太熱氣 除咗淋上面嘅芝士醬仲有茄汁可以點 甜酸味都有齊芝士醬係有啲軟身嗰款 唔會一凍咗就全部痴實晒👍🏻嘢飲揀咗冰玫瑰朱古力玫瑰味唔會過重 呢個有驚喜呢杯嘢好飲一啲都唔易之前試過pret嘅玫瑰朱感覺over咗反而呢間就啱啱好 就算冰溶咗都唔會變得好淡無乜味喺美麗華商場入面食完又可以繼續行街真係方便啊！

媽媽話左要食漢堡成個月，搜查過後終於帶左佢黎呢間試～第一次黎到尖沙咀鋪，環境好有feel，忍唔住叫呀媽唔好坐住，要影張靚相先，店面空間好大，而我地就下就食，所以都唔多人，可以慢慢傾下計鵝肝牛肉漢堡好少會有嘅配搭，係餐廳口啤下亦都對佢嘅鵝肝好有信心，不失所望，無論係煮法做到外脆內軟，定係內裡剛好嘅油分同油香都好完美～配上薄薄嘅溶芝士同厚牛肉竟唔覺得太Over，下面新鮮蕃茄同沙律菜都好大幫助，厚牛肉保留原汁原味，滿滿肉汁大烤菇沙律食漢堡比較油膩我一定會配番樣口味簡單d嘅菜式中和番，又估唔到除左沙律菜新鮮外，烤菇都整得好好食，好厚好香菇味，仲要加左粒粒番茄醬就更Fresh心思蜜桃冰茶＆菠蘿冰茶看似簡簡單單，但果味好重，好味！一定要提番晏就有得加$30配薯條飲品，好抵隊

漢堡通常給人一種速食快餐的印象，都市人務求快手快腳早啲收工，午餐晚餐只能「捱」漢堡包。好不容易等到星期天，學習放下心情，靜靜細味特色漢堡！鵝肝牛肉漢堡 ($165)漢堡落足材料制作，一層一層疊得高高的。鵝肝煎得很香，入口即溶。中間夾着那塊牛肉漢堡肉味濃郁，充滿油脂肉汁，食落一點都不鞋口。面頭的麵包已預先微微烘香，這些小節餐廳一點都不馬虎。香辣單骨雞翼配蜜糖芥末醬 ($60)單骨雞翼絕對係我呢啲懶人嘅恩物，輕輕鬆鬆就可以食到啖啖肉。上枱時雞翼仲係熱辣辣的，外皮炸得金黃香脆，包着嫩滑多汁的雞肉，非常可口。微辣的雞翼加上酸甜惹味的芥末醬，令人愈食愈開胃。最後不得不提餐廳的侍應非常有禮，而且笑容十足。這間是會令客人回頭再來光顧的漢堡店。

想試burgeroom好耐，今日係尖沙咀做完野即刻諗起食依間😋嘩…剩係睇menus d相已經流哂口水，樣樣都想食。研究左一輪，決定食煙肉芝士漢堡🙊🙊大家記住啦，決定左食咩就要去收銀度order野食…lunch hour加$30就有薯條同野飲，都幾抵下，食漢堡點可以冇薯條飲品😏好邪惡呀⋯⋯order完野食，俾左個感應器，放返係自己張檯指定位置就得…榛子朱古力，好濃郁好飲👍終於有得食啦⋯⋯煙肉芝士漢堡嘩嘩…真係巨無霸，一咬落去好滿足🥰🥰牛肉吾會太乾，切落去見到d肉汁流出黎😮生菜好脆，不過煙肉食到去尾就覺得咸左d。另外，食吾出芝士味，可以俾牛肉同煙肉搶哂風頭🤣薯條外脆內軟👍巨無霸真係當之無愧，自問都算大食ge我都食吾哂。如果細食，兩個人食一個漢堡再加d小食就岩岩好…值得一讚就係冇加一服務費

尖沙咀美麗華商場內裏有好多不同餐廳🍴，今次看到一間特色餐廳，看着門面已經很有外國風，用上車軚作裝飾，特別顯得粗獷，配合漢堡薯條的誕生，finger food 的來源。現在正值中午12時，很多辦公室亦未到午飯，我們就搶先來個午餐漢堡時間。餐牌看似簡單，但顯出心思，為客人分出熱門牛肉，海鮮類，還有素食類。對於可以食牛的人來說漢堡必定是吃牛肉的，牛肉也有很多選擇，有配鵝肝的，鵝肝的油份加上牛肉的肉香，想起也令人垂涎三尺，另外亦想選了大花菇的，花菇跟牛肉是絕配，加$30就可以配上飲品薯條🍟。先來個飲品，左邊是蜜桃冰茶，不算太甜，有蜜桃味，配上淡淡的茶香，滋味解渴。右邊的是橙汁，要另外加錢的，不過橙汁味濃，不是果汁先生。這個就是鵝肝牛肉漢堡餐，看了也覺得分量十足，配料不吝嗇。只是在看這張相片也令人很想再去一次。鵝肝可以看到是半溶的狀態，油分充足，下面一層半溶的芝士蓋着牛肉，主角牛肉又不是全熟的，鎖住了肉汁，不會太乾，再配上新鮮番茄和生菜， 10分經典的一個漢堡，亦可看到底層面包沾滿了牛肉汁，可見10分鮮味。先試了一點鵝肝，鵝肝的生熟程度控制得很好，保留了鵝肝的香味。牛肉充足，沒有過熟的狀態下肉汁

呢間Burgerroom其實就唔係第一次黎食，因為上次食完之後一直都念念不忘，好快就忍唔住再黎食🥰今次就揀返大烤菇芝士牛肉漢堡，而男朋友就揀左另一款 煙肉芝士牛肉漢堡 仲叫左蜜桃冰茶飲坐低等10分鐘左右就有人送到上黎比我地食la大烤菇芝士牛肉漢堡一如既往既好食，大烤菇好多汁唔會太乾，牛肉好多肉汁，兩者十分之夾。男朋友既芝士煙肉牛肉漢堡，煙肉有好香煙分味，又唔會太咸，煙肉大大塊 正！最後蜜桃冰茶唔會太甜仲有好多蜜桃粒粒係底成餐都好滿足呀！

喺附近放工同朋友過嚟食burger叫咗個mega cheese burger 同埋 bacon cheese burger仲有牛油果醬芝士薯條，奇異果汁同埋蜜桃冰茶每人around $170漢堡好大嚿好多肉汁，但係芝士略嫌有少少鹹，同埋唔夠熔，如果可以熔多小小相信會好味好多☺️

夜晚同朋友喺美麗華搵食，無意中發現burgeroom，去到嘅時候尚早，唔洗等位於是二話不說入去坐低食burger梗係要試經典嘅牛肉啦～我哋揀咗『雙層牛肉芝士漢堡』一齊share，另外叫咗份『香辣單骨雞翼配蜜糖芥末醬』呢個漢堡單睇外表巳經好吸引！食落超多肉汁，濃濃嘅牛肉味，正👍🏼兩塊牛肉上面都有芝士，味道好夾。另外個雞翼又係好味到震，一上枱似啱啱炸起，熱辣辣的🤤雞翼都算大隻，咬落都好多肉雞翼本身辣辣地，好香口！飲品方面我哋就叫左自家調製嘅『蜜桃冰茶』杯底好多果肉，不過飲落味道淡左少少如果餐牌上嘅飲品唔啱飲，都可以自己去店舖中間倒清水另外醬料都係自助㗎～