BURGA (形點I) (已結業)

行完街係商場food court 搵野食！最後決定食burga😌大大隻炸雞鎚，外皮金黃酥脆，肉質嫩滑多汁，味道調校得恰到好處，非常可口。雙層芝士牛肉漢堡兩塊相當厚實嘅免治牛扒，外表焦香誘人，裡面鬆軟嫩滑又juicy，味道適中，仲有兩塊已經溶為一體嘅芝士，濃郁嘅香味，幼滑嘅口感，配埋鬆軟嘅麵包，一啖落口，口感味道超正！酥皮龍蝦漢堡酥皮嘅漢堡真係第一次試，酥皮外層酥脆，裡面軟滑，炸龍蝦餅鮮甜爽口，又有黑松露嘅香味，夾埋酥皮一齊食，口感好特別。超讚嘅薯條，十分脆口，唔洗蘸醬汁已經有薯香味👍🏻👍🏻👍🏻最後整番啖冰涼解暑嘅汽水，好滿足。