Bugis@叻沙・海南雞飯

營業中

休息中

新加坡菜系列🍜呢間新加坡菜位於荔枝角D2 one入面，平日都好多人食，呢間既海南雞好好食，隻雞好嫩，肉質超滑，今次叫左個喇沙麻辣海南雞拉麵，呢個餐好足料，碗麵本身已經有好多配料，有魚蛋、滷水蛋、豆卜，湯底好濃郁，好好味😋 海南雞配上特製麻辣醬超正🤤🤤真係食到流晒口水！野飲方面有得叫咸青檸水，呢杯係越南飲過，好好飲，好開胃🥰另外餐廳有分室內同室外兩個位置，室外食可享85折！！雖然冇冷氣但有大風扇，坐落又別有一番風味😂😂

同朋友路過荔枝角 見肚餓 嘆個下午茶先 第一次嚟 眼見已經好吸引 即刻試啖湯先 好好味呀 香茅豬頸肉叻沙摻摻 超足料 食到底都仲有好多豬頸肉 超正海鮮叻沙摻摻 湯底濃郁 又香又好味 配料同樣好足 下午茶餐都好夠飽 青口 蝦 魚蛋 樣樣都好好味 連湯都飲晒 有麵食又有喇沙湯飲 熱飲仲係送的 👍🏻👍🏻👍🏻👍🏻👍🏻仲有仲有⋯麵底好特別 有兩款撈埋一齊架 口感特別 米粉+油麵（好似係油麵） 如果成碗都係米粉就仲啱我口味依度海南雞好出名 下次一定要嚟試埋🐔🍚

首先和他餐牌上面的相片是完全不同的，但這個賣相美麗很多。入面有兩串雞肉串燒，三隻蝦，太陽蛋，兩片蝦片和最重要的印尼炒飯。味道是不錯的，可惜他餐牌上有辣的食物，在名字旁邊是有辣椒圖案的，但印尼炒飯沒有。當一個不喜歡食辣的人，當她看見這個餐牌會有什麼想法，印尼炒飯是不辣的。我跟服務員說為什麼這個印尼炒飯是辣的，有大大粒辣椒。他跟我說印尼炒飯是有辣的。那為什麼你沒有辣椒圖案在你的餐牌上。他沒有理會我。整體味道是不錯的，沙嗲汁也足夠，雞肉串燒就像攞貨回來的味道沒有什麼特別。三隻蝦也算不上不新鮮，但三隻蝦的蝦殼有些是完全沒有蝦殼除咗尾部，究竟係有清理或是沒有。

搵食搵到去D2place。聽朋友講D2place開左好多食市，就專程過去睇下啦。搵到呢間專賣新加坡美食的店舖Bugis，主打海南雞飯、肉骨茶和叻沙等星洲美食。一於就試試這店的招牌海南雞飯 吧！套餐有齊油飯、清湯及醬料(薑茸、辣椒醬，但沒有黑豉油)。雞件去了骨，有厚厚的雞皮，非常滑溜，雞味普通，此外，雞油飯則偏向較硬身，香味尚可以。以$68茶餐廳價一客來說，這客飯水準是很值的。

今日天氣唔算好熱，就由好遠既公司行左去 D2 Place 到食 Lunch D2 Place  本身都好多唔同既小餐廳，但係今日呢間係比較大間既星馬 type 餐廳。一去到呢間野會發現成間鋪都係呈長方形，基本上有一半都係同個商場 share 個冷氣，小人就唔太鐘意呢啲設計，夏天黎講又熱，加上又無咩私隱咁。另外仲有露台位，但小人黎左咁多次都係無坐過出邊既，實在太熱鳥！講返食物，都好多唔同既款式，今日小人揀左海鮮喇沙摻摻 $70喇沙摻摻係指有米粉同埋油麵，呢個配搭我估唔到佢大公司都有做到，個湯本身味道係好好又唔會太杰，上邊既蝦係新鮮蝦黎，青口都係大隻既，但今日佢既豆卜就唔係咁入味，魚蛋正正常常咁，另外要提既係佢隻滷水蛋！係好入味，蛋黃都好粉超正！價錢上，$70 只係得一碗摻摻同一杯特飲，Lunch 黎講都算係幾貴，但係佢生存係 D2 Place，都明白佢係一定會貴過人，好彩食物質素幾好，都值得食既。btw 我叫個杯係 酸酸甜甜咁都幾好味架！

係D2行下行下街，有少少肚餓。見到3樓都好似有d野食。見到呢間係食新加坡美食。見到又可以食下午茶就行入去打算點個麵食。我叫左個手撕雞湯粉。個湯底清清地，雞又幾香。份量都ok，對於我哋呢d大胃王，都夠飽。下次可以再來

由於中秋節正日要返工，所以今日約齊一家四口補做節飯！在屋企附近找到一間用海南雞做招牌菜的餐廳！餐廳位於荔枝角D2 place one入面！餐廳點菜是要自己到前台點的，然後結帳，坐回自己的桌子之後，便會有服務員把飯菜送到你面前！媽媽單點海南雞肉很嫩，醬料很好味！爸爸點了牛肉片只有幾片，不過有海鮮(三隻蝦，兩隻青口，魚蛋魚片生菜)，最下面會有米粉和油麵，爸爸吃得很飽！妹妹點了其實雞肉跟媽媽的一樣，只是醬料變成麻辣醬料！自己點了喇沙湯很好看，很大碗，有蝦有青口有魚蛋，最有趣的地方是，油麵加米粉！總括一家人都很滿意！有機會會再來光！

荔枝角除咗多工廈有嘢食，其實仲有D2 place嘅🤪 今次上咗去試泰菜😉 星期日tea time 都full wor 好在啱啱有人走就唔洗等喇😇 坐低原來係自助落單同俾咗錢先😂(但既然落單同俾錢都係自助 點解仲要收加一服務費呢🧐) any肥 叫咗個tea set 同lunch set，兩碗明顯個size 係相差一倍haha 大食的你自己衡量要「平啲」定「多啲」啦😎——————————————————🍛🍲咖哩雞米線 $49 (tea set)嘩 呢個真係同餐牌張相差天共地，舊雞係雞鎚，勁細舊之下仲要斬開兩舊😅 師傅刀工好好啊😊 先唔講舊雞細，啲肉仲要係鞋拾拾😫 同埋呢，係勁少肉囉！食到我有一刻懷疑係咪雞嚟😖 其次個咖哩係勁淡 feel 到係溝咗好多水😂 米線係腍嘅，整體嚟講，係食得落肚但係 大佬啊 呢個價錢 係咪俾埋啲咁嘅質素人食先?🙄 毫無水準可言😪-🐷🍜豬頸肉叻沙 $68 (lunch set)唔知係咪貴啲，所以係比個雞米線好啲嘅😑 個叻沙係粗麵拼米粉😶 湯底就酸多過辣😥 豬頸肉係浸熟😂 其實配料都合格嘅🤷‍♀ 但都係嗰句 唔值囉😂-🌶🐥酸辣鳳爪(6件) 跟餐 $22呢個又係經典😅

今日中午約左朋友一齊去D2place行下街，去到當然係搵下有咩食醫下個肚先。經過3樓一間餐廳，見到都幾多人食，而且係食新加坡菜，決定入去試一下。我地就點左麻辣無骨海南雞飯、新加坡茄汁紅飯配香煎豬扒及太陽蛋、野飲就點左凍朱古力同埋凍奶茶。呢個麻辣無骨海南雞飯，set lunch有一碗油飯同中湯。海南雞幾滑幾好食。最出色反而係碟麻辣汁，配海南雞好食，撈飯食又開胃又好食👍🏿新加坡茄汁紅飯配香煎豬扒及太陽蛋，茄汁紅飯食落有小小茄味，食落無咩特別，味道一般。豬扒幾出色，夠入味，肥瘦適中。野飲就推介呢杯凍朱古力，首先講下佢上面果堆cream，奶味好重，食落唔似係普通用一罐罐cream噴出來果d，似係用鮮奶即整！好香好滑好好味，好濃既朱古力味，好味道😋

今日陪阿媽行下 D2 place，行到咁上下就去3樓睇下有咩食，見到呢間對上一次行都未見過所以就諗住食呢間試下，我地7點半左右去到，好快就入得。個名都寫住海南雞飯就緊係試下佢個新加坡無骨海南雞飯，肉質幾嫩滑，油飯粒粒分明，個湯仲幾清甜有d栗米粒係度，唔會好油膩。呢個餐仲可以配一個小食，我揀左惹味沙嗲雞肉串，個沙嗲汁都幾好唔會好辣，雞肉都算嫩。然後配左一個免費飲品，凍既清新桔仔特飲，一開始覺得清新得黎帶點澀，愈飲愈甜，可能係我無搞好😂，但都幾鐘意飲。本來諗住嗌娘惹陳醋金沙骨飯，但點知賣哂，所以就嗌左醒胃冷烏冬配香茅雞扒。烏冬配料十足，酸菜好正，唔會話好酸，下低有d清湯都係酸酸地，成個感覺係好開胃，如果個烏冬再冷啲就更正。香茅雞扒就外脆內軟，肉質嫩滑。呢個套餐仲有碟唐生菜送，不過味道有d辣辣地。另外仲追加左個小食，南乳雞翼，南乳味十足，新鮮香脆肉質嫩滑，回味無窮。呢個就配左凍既清熱羅漢果水，甜中有點苦，如果羅漢果味可以重啲就更好，不過可能要熱先會重味啲。總括黎講，一個套餐可以食到好多野好多元化，好滿足，食物質素都高，值得一試。

今日難得放假同男朋友去D2 place睇戲，因為外面落太大雨，所以睇戲之前直接係D2 place搵下野食。行經過見到呢間新加坡菜既餐廳，畀個喇沙吸引左入去試一試。我叫左個海鮮喇沙摻摻，摻摻係油麵加米粉，食落口感好好，個喇沙沙好濃郁，配料有2隻青口、2隻蝦，仲有d豆卜，白魚蛋，鹵蛋，HKD69 lunch set連野飲都算幾抵食，因為配料既量都真係幾多😋男朋友就叫左個麻辣無骨海南雞飯，一送到黎見到原來都係正常海南雞，另外再配左一碟麻辣醬，一開始都唔太期望，點知食落係有驚喜！個麻辣醬唔同平時出面買到個d，呢個醬食落係好香，又唔會太辣太油，個雞配埋個醬係一流，值得推介！👍🏻

此分店座落地鐵站旁，很方便，食完還可以shopping 一番。見餐廳名，便知喇沙及海南雞一定是推介食品！點了兩份"自選一人行"套餐，非常抵食！🍸清新桔仔特飲🍸(免費) 果然好清新，開胃之選，還可以選擇少甜！🍧芒果沙冰🍧(+$18)好香好重芒果味的沙冰，唔太甜，配上新鮮芒果粒，酸酸甜甜又涼快，很適合炎炎夏日的時節飲用！🐤無骨海南雞飯🐤(轉脾+$10) 賣相跟預期的有過之而無不及，醬料有薑蓉，泰式甜辣醬及甜醬油，三種醬料各有特式！油飯有雞香味，唔覺油，正！海南雞脾一百分！！！找不到可挑剔的地方。雞皮薄少肥膏，雞脾肉嫩滑鮮香，啖啖肉不用去骨食。真心推介再推介！🍢小食--沙嗲雞肉串燒 &v香茅豬頸肉串燒🍢沙嗲醬味濃，豬頸肉爽口彈牙！清湯也不馬虎，清甜！🥗馬拉盞炒通菜🥗非常野味，通菜新鮮爽口！除了自選一人行套餐，主餐牌都有好多其他選擇，下次要食喇沙麵！

今晚同sis係D2 Place One既Bugis食個快閃dinner，都係每人order一款，然後happy share la。個menu實在太多美食套餐可以揀，最後揀左兩個sets：惹味叻沙湯配紐西蘭生牛肉同埋星洲椰汁咖哩雞配原隻棒棒脆蝦；餐飲就揀左：咸檸梳打同埋黑糖珍珠豆漿。兩個sets都份量十足，細食既sis加多2杯drink，呢兩個sets真係可以for 3-4人食都夠飽。惹味叻沙湯鍋配搭既摻摻（油麵+米粉）麵底好爽口彈牙，配埋個湯底即頭就牛肉海鮮叻沙超級鍋。以為咁就好滿足，未夠，亮點係估佢唔到既星洲椰汁咖哩雞，真係好耐好耐未食過咁好味既咖哩雞，佢既汁底咖哩同椰汁既比例簡直係perfect到食到停唔到口，已經唔記得左個肥字點字，即頭用埋佢d咖哩汁黎撈飯食。勁好味又抵食既星馬餐廳，正👍🏻👍🏻👍🏻

星期六1點幾嚟到都見到少量人排隊，但奇在兩個人竟然唔使等Lucky~做緊午市套餐，大約$60-70一個主菜送野飲，加$20加一個小食。海鮮叻沙摻摻樣唔錯，但食落湯底同餸都係平平無奇麻辣無骨海南雞河粉 (麻辣汁另上)雞好滑，但紅血絲仲望到好多，同埋都見到一D黃色脂肪，要扣D分估唔到個河粉係清湯底，但又幾好食喎，湯唔會係淡而無味而係帶D清甜，夾埋點左麻辣汁嘅海南雞食一D都唔膩鮮蝦薯絲卷炸到金黃香脆嘅薯仔絲入面包住彈牙嘅蝦仁，配埋酸酸甜甜嘅泰式醬，有口感有味道，兩啖一個，好食沙爹雞肉串燒燒得好乾身，本身就醃得幾好味，再點埋另上嘅沙爹醬，惹味好食，不得不提$20有3串，堅抵！加埋10%每人埋單一百多D，主菜小食野飲都齊，我覺得性價比都算係咁，佢嘅主菜選擇其實都幾多，除左泰式越式，其實仲有日式港式。小食亦有10幾款俾你簡，試左兩個都好食，個人認為必加！

朋友推介D2 place Bugis@叻沙·海南雞飯，見座無虛設我們決定要試下，點左出名的無骨海南雞飯和麻辣雞飯，雞肉厚身和很滑同好入味，很有雞味。油飯也很香不太油超正。麻辣醬不太辣很香，配紅蘿蔔🥕湯很清甜。真超值。另豬頸肉叻沙就更好味，豬頸肉滑滑嫩嫩，湯底椰味香濃加米粉索湯汁，黑糖珍珠豆漿，唔太甜夠健康，簡直完美配合。肉骨茶中藥味道適中，不太濃烈適合所有人士。排骨肉很淋嫩，配生薑龍眼肉熱飲，我們很滿意這一餐。會再惠顧其他食品。環境：不錯，乾淨企理服務：很好👍味道：好味，不太咸夠健康