Bugis@叻沙・海南雞飯 (已結業)

好姊妹被派去新商場嘅分店工作，今日Day Off就決定去搵佢食lunch，當作支持支持她的午餐時間只有1小時，所以就決定喺返V Walk入面搵嘢食。記得依間Bugis@喇沙·海南雞飯喺其他地方都有分店，食過亦覺得好食，所以今次就喺度快快食lunch吧<新加坡小魚椰漿飯 - 香茅豬扒>香噴噴嘅香茅豬扒煎得乾爽又不油膩，配埋有淡淡椰漿香味嘅椰漿飯同埋脆脆小魚仲有脆邊嘅太陽蛋，好吃好吃<油酥餅 (配砂糖) >見到隔離枱個油酥餠幾靚，所以都叫咗個同她一齊食。油酥餅好香同酥軟，估唔到配埋砂糖又係另一種風味。

呢個V walk開左之後好多餐廳都好吸引，今日見入面呢間Bugis海南雞坐左好多人，人氣幾高，香港人心態都係跟隊啦😂入面裝修好sharp，食食下先醒起原來係荔枝角d2 place食過😂叫左份海南雞飯，加炸蝦🍤。呢到既主打就係海南雞，雞肉真係好滑，我鐘意中間個汁酸酸甜甜好開胃。不過我更加likey個油飯!!香得黎又唔覺油膩，輕鬆食一碗😆😆😆炸蝦係加配既，雖然有d唔似星洲野，不過又炸得幾好食🤣

這晚來到南昌站上蓋的商場吃晚飯。商場人流多，食肆的種類選擇也挺多樣化。最後選了東南亞風味，餐牌自1人套餐，價錢中規中矩。最後點了海鮮叻沙摻摻及新加坡小魚椰漿飯配南乳雞翼套餐，配送的小食則點了酸辣鳳爪及沙嗲雞肉串燒；另外還加配了一小食（薯絲炸蝦）及馬拉盞通菜。點餐後不消數分鐘已上菜，上菜速度好快！且食物並不是預先準備好已涼掉的，是熱辣辣的。海鮮叻沙摻摻這裡的叻沙是有點辣度的，湯頭帶淡淡的椰香；海鮮的份量不吝嗇。新加坡小魚椰漿飯配南乳雞翼套餐雞翼醃得入味，南乳味突出；要值得一提是這裡的白飯煮得很不錯，好有咬口，配上辣醬拌飯吃光光。小食—酸辣鳳爪酸辣鳳爪醃得夠入味，辣辣的！沙嗲雞肉串燒沙嗲醬是精萃，甜甜的帶點花生香，拌飯吃也是很不錯。薯絲炸蝦即叫即炸，熱辣辣食十分香口。價錢合宜，且上菜速度快，會再encore的。哈哈

南昌上蓋個V WALK聽講幾多野食, 而且新開未係太多人所以幾好行, 今日得閒就過黎行下順便食個lunch, 見到BUGIS, 知佢有幾間分店不過就一次都未食過, 見佢有lunch set同tea set又唔洗排隊於是就入左去。新加坡無骨海南雞飯可揀油飯同白飯, 但食得海南雞梗係要配油飯啦!! 佢既油飯做得唔錯, 非常香, 食落油膩感卻又不太重。海南雞正正常常, 有雞味亦不太肥, 份量頗多。迷你海鮮叻沙摻摻雖則佢話係迷你, 但係我覺得份量同平時食一碗既真係差唔多, 而且因為摻摻有油麵又有米粉, 正常食量女仔食一定夠飽肚! 唔夠飽都可以另叫小食, lunch set加廿蚊就可配一款, 另外我地再叫多左幾款。白雲酸辣鳳爪夠凍亦夠爽口。黃金庶蝦香茅煎豬頸肉煎得幾香又唔會乾總括黎講幾抵食, 跟餐仲有野飲配埋, 我揀左熱既龍眼水, 幾特別又唔會死甜, 可以一試

今日唔洗番工，就去最近新開嘅商場V Walk行吓街食吓嘢咁啦，咁今日又咁鬼熱，我就食D冇咁熱氣嘅lunch 啦。之前都喺其他地方食過呢間Bugis 㗎喇，味道好，lunch set性價比又唔錯，咁就再食啦。我今次食嘅lunch set係麻辣無骨海南雞飯套餐。海南雞一如既往咁滑溜、鮮嫩，皮肉分明，啖啖雞肉，份量都足夠中午食嘅。佢個麻辣汁真係起到畫龍點睛嘅作用，麻辣度洽到好處，配合鮮滑嘅無骨嫩雞，真係一啖一次新鮮感；一口一個海南島。再講吓個油飯，每粒米飯都沾滿油光，上枱時仲感受到飯氣蒸騰，呢一刻，我覺得有種家嘅感覺......

香港肉骨茶試過唔小，但都搵唔返多年前喺馬來西亞食過既味道（當然我都知冇得咁比），一唔係湯唔夠味，就肉唔夠林。直至今日，知道開左間新既shopping mall，唸住行下啦，比我見到呢星星馬餐廳，又挑起我想搵返「馬來西亞的味道」嘅心，一於試下啦。入面吾係好大，但都仲坐得舒服嘅。我地研究完個menu，一至決叫兩個set share, 因為佢每個set 都有前菜小吃同飲品。另外散叫一個石鍋通菜。呢間唯一吾好處係似乎吾多夠人，又或者我地坐得太入侍應見吾到，寫完食咩，舉好耐手都冇人見到，最後行出去搵個staff 落單，比張單佢時我千叮萬囑「枱號寫錯」並叫佢地更正返，因為我搵吾到自己張枱個number, 呢位職員都好有禮貌話會改返啱嘅。朋友叫左個海南雞飯餐，另外叫前菜酸辣雞腳同埋小吃叫左肉骨茶，雞好滑，雞腳好彈牙而且我鐘意佢夠酸🤤我叫左海洋阿摻喇沙，或者係娥唔多鐘意油麵嘅原故，所以米粉食哂，湯底好濃郁，海鮮好新鮮，蝦肉一d都吾梅，整體講吾錯的。小吃的都係揀肉骨茶，細細碗又試下啦，點知好食到.......唔可以話同馬來西亞一樣，但有8成都有7成似。湯味濃郁，輕輕聞到小小藥材味，飲完個肚好暖，感覺好養

南昌站開左新Mall “V Walk”, 裡面多間新開餐廳大部分都好吸引, 行左一個圈都係決定食好多人等緊位嘅BUGIS(新加坡🇸🇬武吉士😎). Lunch set選擇多, 加20蚊嘅add on都好多款.>海鮮叻沙摻摻 (HKD69)勁豐富勁豐富勁豐富嘅叻沙🍜. 海蝦, 青口各兩隻新鮮唔係一般雪藏貨👍🏻. 切半白魚蛋一咬非常彈牙, 爽湯嘅豆卜帶黎一返星馬風味, 叻沙湯底足料味濃幾乎清碗, 粗麵x米粉兩種口感夠哂正宗, 屬抵食之選.>魚湯龍躉頭x米線 (HKD64)家姐揀左清d嘅魚湯米線, 內有大量醎酸菜炸蒜提味. 件件龍躉肉都大件多肉, 同湯底味道勁夾, 米線口感都好好. >沙嗲雞串 (HKD20)一碟三串沙嗲雞, 雞肉比一般餐廳大件d, 沙嗲汁調較得好好食, 多啲一定更惹味.>鮮蝦薯絲卷 (HKD20)造型精緻嘅著絲卷口感好似一紮炸薯條包蝦脆卜卜.>不得不提Li間鋪最抵個點係餐飲, 唔使額外加$$竟然有黑糖珍珠豆漿, 凍生薑龍眼茶, 羅漢果水揀. 仲要係非常大杯足料gaaaaaaaa!

難得有一日假期梗係去拍拖仔啦係門口望入去已經好多人食緊野直覺話我知應該唔差望下個門面設計同擺位都好有特色，仲好乾淨一坐低店員都好有禮貌遞上餐牌最後叫左幾樣主食同小食1,海鮮喇沙滲滲依樣不得不讚，個湯唔會太膩又唔會太稀太淡，夠味得黎又恰到好處青口同蝦絕對夠新鮮，鮮甜可口配搭住油麵加米粉，傳統既喇沙依樣真係必食之選2,南洋肉骨茶配白飯小弟鍾意食藥膳料理個湯整體上煲得好入味連舊排骨都入哂味，唔會覺得柴軟骨部分亦輕易咀嚼一啖飯一啖茶一啖肉簡直係滿足！3,煎魚餅魚肉煎得岩岩好出面脆又唔會過熟無腥味，無咩可挑剔4,豬頸肉同魚餅一樣，夠脆又唔會太熟爽口又唔會柴加埋個類似泰式辣醬單食又得，配飯都一流5,香茅牛肉湯米以為佢會比較啖味點知一入口就有衝擊香茅味重，牛肉唔會過熟米粉我睇應該係用左新加坡米粉非常爽口6,白雲鳳爪甜酸適中，鳳爪夠凍但又唔會好難咀嚼做冷盤係好唔錯非常適合做前菜，開胃之選7，羅漢果水+黑糖珍珠豆漿羅漢果水唔會太甜又下火又清毒岩哂煙酒人士黑糖珍珠豆漿根本同甜品無分別但係係一道好好味既甜品黑糖珍珠出名甜配上無乜糖既豆漿兩者融合，甜度岩岩好夠哂凍，夏天要黎消暑就爽叫咁多野都係兩百幾蚊我覺得真

其實平時好少搵新地方行，見Vwalk未行過同男友去拍下拖，行到肚餓就喪點嘢食，門面望落唔錯又有堆客系入面，一於試試👉🏻香煎魚餅平時出面食魚餅大多配埋蜆介醬，可以有助特出魚餅鮮味之餘，顯去魚餅嘅腥味，而佢嘅魚餅冇配任何醬，睇得出佢嘅相心，而的確冇失望到魚餅香得尼冇腥味👉🏻香煎豬頸肉煎得夠香，面頭帶有甜味，可能有搽蜜糖系面去煎，配合泰式酸辣醬，非常香口👉🏻酸辣鳳爪（8件）呢到嘅鳳爪全都系無骨而又夠爽口，酸辣味道都調較唔錯，唯一要挑剔可能系酸辣汁多到好似湯咁浸住鳳爪，或者唔需要加太多湯汁👉🏻香茅牛肉湯米粉由於湯河比較好賣售完，我地將湯河轉做湯米粉，其實湯米粉同湯河粉都一樣比較吸湯汁，所以結果出尼都非常滿意，個湯底真系夠濃味又唔會太膩，配搭香茅同牛肉真系香上加香👉🏻海鮮叻沙摻摻呢到嘅叻沙摻摻有兩種面系入面，分別系拉麵同米粉，仲加上唔少芽菜，即一碗麵有齊3種口感，個湯底味道調得唔錯，唔會太稀太傑，仲不得不讚3隻青蠔都超肥超鮮👉🏻肉骨茶配白飯呢到嘅肉骨茶都唔錯，入面嘅牛肉同蛋都夠軟身夠吸味，連個湯都一啖接一啖咁飲，佢可選配湯/飯，感覺上配湯配飯都唔太夾，其實可以唔配，不過又明就咁肉骨茶就真唔夠飽，

南昌站最近開咗個新商場 今晚專登同朋友過嚟行街！ 見到有食新加坡菜既「Bugis」，所以就決定喺度食晚飯！套餐跟小食，主菜同飲品！小食選擇左沙嗲豬頸肉串同沙爹雞串，各兩大串，味道不錯，沙嗲不會太咸，唔太辣沙爹醬足夠！主菜方便就點左「Bugis」的招牌菜海南雞飯同巴東牛肉小魚椰漿飯！#巴東牛肉小魚椰漿飯巴東牛味道吾錯，牛肉腍好味，小小辣，挺惹味！小魚同花生作伴碟，鹹鹹地，餸飯一流#新加坡無骨海南雞飯黎到食新加坡野 點可以唔點佢地主打既菜呢！海南雞飯賣相吸引，而且十分出色！套餐包括無骨海南雞、油飯、老火湯和3款醬油，旁邊有少少酸菜做配菜！海南雞肉質十分嫩滑，不乾身，雞香味濃，特別鍾意佢去骨既做法，食落每一淡都係肉，完全沒有骨，方便進食，幾貼心既！同埋個油飯油而不膩，點埋三款的醬汁，甜醬、薑茸和辣椒醬，更惹味可口，非常滋味！老火湯無味精，清甜美味，真的是必食！

上次去咗荔枝角嗰間分店食過一次，覺得幾唔錯，今次喺南昌接男朋友收工，見到VWalk已經起好啦，見到又有呢間餐廳，所以又走入去食。今次個餐單有少少唔同，今次叫咗兩個一人餐，都幾方便，有主菜，小食，同埋配餐飲品我飲凍華田，加左d棉花糖，岩晒中意甜既我。男朋友飲凍羅漢果水，比較健康，味道清甜的。主菜我哋叫咗個生牛肉喇沙烏冬同埋海鮮喇沙摻摻摻摻即係油麵加米粉，個食法都幾特別，幾有咬口，有兩種唔同口感。雖然我唔食得辣，我哋兩次都有食佢個喇沙湯，但都真係幾香椰香味，幾好味。我梗係食海鮮喇沙，青口大大隻，蝦又大大隻，每樣都分咗隻比男朋友！大家都食得幾滋味。生牛肉喇沙烏冬，生牛肉放落熱辣辣既湯剛剛好，唔會熟晒，仲好軟小食方面，佢個鮮蝦薯絲卷我真係好鍾意，因為佢啲薯絲唔油膩，但係又好脆口。豬頸肉串燒配沙嗲醬都好好味，帶d花生碎有啲咬口，啲肉好林好多汁！我哋仲單點叫咗四隻南乳雞翼，因為男朋友最鍾意食雞翼，我又好鍾意南乳，好香口，總括而言，今餐飯都幾好食，同埋VWalk新開，有興趣都可以黎試吓同行下新商場！

晚飯時間排左15分鐘左右😶坐左係門口邊2人座👯‍♀️每人各叫左1個自選1人行❣️🔺新加坡無骨海南雞飯➕酸辣鳳爪➕桔仔特飲❣️先講下鳳爪先💭大大隻好爽脆👍🏻味道偏酸🙃岩我❣️海南雞有雞腿🍗雞翼✔️雞胸3個部位❣️肉好滑皮唔油👍🏻油飯好香😍🔺海鮮叻沙摻摻➕原隻棒棒脆蝦➕生薑龍眼茶❣️脆蝦好正😍外皮炸到金黃色👍🏻入邊嘅蝦係半生熟🤩好特別做法👍🏻摻摻有油麵同米粉❣️湯底唔重味精❣️有青口✔️魚旦✔️蝦✔️蛋✔️全部餸都幾入味👍🏻龍眼茶好多龍眼🍹🔺馬拉盞炒通菜❣️熱鍋撈完有滋滋聲😂聽到已經好開胃👍🏻通菜加埋啲炸蒜片食落好濃味👍🏻好有火候❣️放到最後都仲係熱😂

這個商埸新開，所以趁放假來行吓，順便搵食，食市都吾少，逛了一會後，選了這間叻沙、海南雞飯專門店，想入坐時，侍應表示海南雞賣完了，😱😱唯有食其他嘢，meau吾算多選擇，它只有一人套餐同四人餐，所以我們選擇了兩份一人餐，大家share可以試多少少款式，首先上咗一人份參量肉骨茶，藥膳味較濃，但吾錯，再來兩份小食，沙嗲雞肉串燒同絲綱海鮮春卷，串燒好味春卷則一般，主菜是咖哩雞鍋配白飯同湯仲有一款是巴東牛肉椰漿飯，巴東牛味道吾錯，牛肉腍好味，而咖哩雞份量大，扺食，飲品可以升級轉桔仔特飲，配咖哩可解辣（因為個人吾食得辣）所以覺得好夾，下次一定要試海南雞😊

晚餐既一人套餐算係幾抵食，包一款小食、主菜同部分免費飲品。跟餐小食我地嗌左酸辣鳳爪（4件），同埋沙嗲豬頸肉串燒（2串）。鳳爪配埋個泰式辣汁夠晒開胃惹味，做前菜岩晒。而豬頸肉都幾厚身，香茅味較重！黎食新加坡菜當然要揀海南雞飯啦！呢度既海南雞賣點就係無骨，食落口雞肉同雞皮都好滑，份量剛好，但就略嫌欠點雞味。雞油飯唔洗驚會太油，另外配三款醬料同一碗紅蘿蔔湯🥕。「一人套餐經典系列— 紐西蘭生牛肉喇沙讚岐烏冬🍜」估唔到呢度都有fushion野！又紐西蘭、新加坡、日本，聽落好似有啲伏但又唔差啵。湯底辣辣地，好重椰香味，生牛肉吸晒湯都幾入味，另外讚岐烏冬不嬲彈牙好食就唔洗講啦！我地睇過menu呢款係無得單點架，想試既朋友仔記得嗌個套餐試下啦。野飲方面我地分別加左$18嗌左特飲。佢既椰汁紅豆冰算係比較甜，唔想飲咁甜既可以試下恐龍美祿，尋找兒時回憶。「馬拉盞炒通菜🥘」跟餐個人覺得成餐最好食嘅就係呢個馬拉盞炒通菜，非常入味，完全停唔到口！同埋佢係用石鍋，可以保持熱度，我哋食到最後都仲係暖既。「南洋肉骨茶」跟餐加配肉骨茶係一人份量，跟餐只需加配$15非常抵食。肉骨茶藥材味不重，無咩胡椒味，排骨嫩滑。

Vwalk新商場，開左好多唔同商店，食肆都有唔少。午市見呢間Bugis 勁多人排隊，就應該唔錯，去左食。午市套餐價錢大約$70左右包飲品，所以好多人排隊。我地叫左兩個午餐加一個小食拼盆。海南雞飯可配粉或雞油飯，揀左雞油飯，好香好黃，味道唔錯。雞亦都好滑，點埋d醬汁好正！另一個午餐叫左海鮮喇沙，有摻摻，兩種唔同既麵及米粉。喇沙味好香，唔會太辣。配料有青口、蝦、魚蛋、豆卜等等，都幾豐富。小食拼盆炸蝦好食，好脆；庶蝦就林林地，魚餅煎得夠香。仲有串燒雞。好豐富。餐飲叫左黑糖珍珠豆漿及龍眼蜜，偏甜，建議小甜。