BuBu廚房 (已結業)

Bubu 係我平時都好中意食既一間cafe! 係正我屋企樓下，唔使5分鐘就可以行到過去。呢一間係一對夫妻經營嘅西餐廳叫做bubu, 平時會有個小女孩係餐廳度好乖咁食野做功課同玩，我諗佢應該叫bubu😎今日大我嘅姨甥仔去食晏，叫叫咗兩個是日精選午餐，一個係蘑菇漢堡配薯條另一個呢就係卡邦尼意粉。個漢堡係用手打牛肉，塊漢堡扒好多汁，配埋熔岩般嘅蘑菇醬真係一絕。卡邦尼意粉啲火腿都好大塊，加埋隻生蛋撈起嚟食好鬼正。餐飲就一人嗌咗一杯檸檬茶同凍齋啡，兩個餐埋單都係百幾蚊，價錢平過出面西餐廳一半。真心推介又平又好食。

BuBu餐廳位置方便，處於杯渡站下面，店內燈光舒適很有情調，適宜拍拖人士談心的地方。1.👇雙層牛肉芝士漢堡份量十足，最好味的地方就是那些醬汁，簡直是整個麭的靈魂，咬下去非常有口感。2.👇11安士美國安格斯西冷扒，份量算大份，今次叫咗7成熟，熟嘅程度剛剛好，另外配菜啲薯條剛炸好非常香口。3.👇明太子三文魚意粉，賣相十分吸引，份量適中，三文魚十分好吃，芝士汁內勻入了明太子十分香口，喜歡吃芝士汁的一定要試。這間餐廳我一定會再去，因為我對這個雙層芝士漢堡真的念念不忘。

呢間位於屯門杯渡輕鐵站下面 投注站對面的一間西餐廳入到餐廳 老闆娘好nice招呼客人 比人一種很溫馨的感覺 老闆間中出來會問客人食品岩唔岩食 睇得出兩公婆很用心去經營🥰餐廳面積比較細 坐位唔多 但坐得很舒適餐廳很有心思 臨近萬聖節🎃 每枱有個小佈置又掛滿裝飾佈置 好有氣氛🤗🔺11安士美國安格斯西冷扒（$162）本來想要8成熟 老闆娘話會太勒 建議7成熟西冷扒肉質好有牛味7成熟岩岩好👍🏻蘑菇忌廉湯味道濃郁西冷扒配有沙律菜🥗 薯條🍟 及西湯🍵 🔺雙層牛肉芝士漢堡🍔（$138）漢堡包好大個😮 雙層牛肉每塊都好有份量加上醬汁 入口好juicy個包脆脆地 好味好正😋曲曲薯條熱辣辣又香口 炸得剛剛好🔺明太子蟹籽煙三文魚意粉🍝（$108）原本想叫餐牌上的明太子蟹籽帆立貝意粉老闆娘話缺貨 改咗用煙三文魚 意粉味道好 忌廉汁份量夠味濃👍🏻但煙三文魚比較咸左d🍴整體來說 食物質素好 係屯門難得搵到價錢合理又高質的西餐廳

有朋自遠方來，即興出黎屯門一試朋友仔推介嘅食堂，先唔講食物，小小店內坐得都幾舒服，地方唔大，但又唔會好迫咁喎。食物方面，生蠔前後叫左2轉，漢堡好多都想試😍因為有朋友唔食牛，揀左魚柳同巴馬火腿漢堡，本來想試心藏漢堡嘅，但諗住唔好咁激，食返健康少少啦，不過最後都加左個鵝肝多士🤣再之後呢，又忍唔住叫左個牛😂生蠔新鮮，漢堡成個連薯條都好好食，好想試埋其他款式，鵝肝我本身就非常愛吃仲要有松露😋，牛排剛好5成熟，好食，貨真價實👍

公司附近開左一間西餐廳，兩夫妻主持，環境唔錯，見佢lunch menu好抵食就試下今日叫左個白汁魚柳飯，落單時同老闆講多菜，一上枱沙律菜佔左4成～魚柳新鮮熱辣辣炸起好白好食，埋單46連飲品，抵食之選

老闆同老闆娘 好nice每個客人入到餐廳 都好似朋友一樣感覺好似去左日本 "深夜食堂" 咁老闆記住每個客人既喜好 每個客人坐低同老闆說說笑笑而且野食真係好味 又平雙層牛肉漢堡 由於老公唔食菇類 老闆好好 咁將菇轉做煙肉仲教我地好多關於牛扒既知識

今晚6月19日，同父母家人6人去bubu廚房食父親節晚飯，食到勁飽，份量夠大，味道可口，尤其是鍾意食芝士嘅人會特別喜歡！我哋叫咗個4人set餐，另外再點野食。4人餐叫咗:蘑菇忌廉湯（飲得出係新鮮打，唔係人哋粉溝出嚟嗰啲，手工野，濃郁好味)胡麻田園沙律，大份，d菜清爽👍足料海鮮拼盤（生蠔新鮮開、另有凍蝦、青口）（d生蠔好新鮮，額外叫多一打食，仲有唔同國家嘅揀，當日叫左日本同另一款，半打都係百零蚊，有質素👍👍鮮）日式松葉蟹蓋配多士明太子醬及黑松露醬（好惹味！第一次食，味道好夾）秘製雞翼（有d似鹽酥雞口感）都唔錯30安士斧頭扒、燒豬肋骨配薯條沙律菜（火喉控制好好，扒燒得啱啱好，中間粉紅色，仲好Juice）另外叫咗一個招牌蘑菇牛肉burger，要在此特別推介！有驚喜！一定要試吓！牛肉超有牛味，直頭以為自己食緊牛扒。廚師仲要做到5-7成熟，我懷疑佢d 漢堡牛扒 應該係自己整，我喺其他地方未有食過呢個質感同味道。所以在此推介大家一試漢堡。濃郁芝士卡邦尼意粉（鍾意芝士嘅可以叫下，但最好搵多個朋友一齊分享😂），如果唔係可以試吓佢其他意粉，食完你會好滿足，食唔晒可以打包朱古力心太軟，甜品外脆內流心，正常

星期日中午黎食，可能位置有少少隔涉，唔太多人，直入唔洗等。環境ok, 冷氣夠，唔油煙價錢正常，burger 本身跟粗薯條，同場見都多人叫意粉，諗住下次試下😋戲肉黎喇，第一張係雙層牛肉芝士，好！大！個！用2隻手會十隻手指都沾哂汁😂成面都係！醬汁酸酸甜甜，似美國個d 典型酸甜味道，個包係脆身的，好味！洋蔥圈正常啦，都係咁。第二張係怪獸，辣burger，多左隻辣椒仔係面，汁醬都係一樣，因為d 汁係好多漏哂出黎，之後用匙羹撈埋薯條，連汁同洋蔥食，好正！總結：屯門黎講，絕對ok，會再幫襯！**原來可以拎手套，記得問店員拎

疫情持續嚴峻，政府領導無方，市民只好自救。在嚴苛的防疫政策下，食店生存艱難，這家小店近日更發起派飯活動，感動之餘前來支持。蘑菇漢堡，跟沙律或薯條。牛肉煎得剛好，有肉汁。 沙律菜新鮮，份量足，配芝麻醬。紅糖姜茶隨餐+$10，杯子佈滿紅棗片，少許姜絲，不太甜。

🔖不時會係社交平台 update最新餐單/資料。適逢聖誕節🎄，店鋪都做咗唔少裝飾，成個氣氛都好開心。btw餐廳冷氣非常大風😆平日會有set lunch，唔係得西野，上次食左個麻辣肥牛飯都幾好食😆仲有蓮藕炆豬手，同埋佢d意粉好creamy!!! 每碟都大大碟，性價比都高！個次未有映相，下次再介紹返！🍽招牌蘑菇牛肉漢堡$80入面d蘑菇瀉哂出黎😆份量超多！大家都係唔好嘗試用手食，應該會食到你呢咁Hea😂但味道好食😋🍽經典牛肉芝士漢堡$80牛肉好夠份量，有兩條完整酸瓜係到。個包搽咗牛油🧈烘得脆身香口。粗薯條熱辣辣，不過好似唔夠鹽，可以後加多d夠味d!💡老闆得閒既話佢會出黎問下d野岩唔岩食，非常Nice!! 雖然餐廳細細，但唔同既節日都會有唔同既裝飾佈置。😋食物：️8/10🤵🏽‍♂️服務：8/10🍴環境：8.5/10💰人均消費：$80🤩性價比：8/10

於屯門馬會投注站對面的BuBu Kitchen. 細細間，唔多枱，比人一種溫馨的感覺! 老板一家都好nice. 食物方面，今次點了， 招牌蘑菇牛肉漢堡和牛油果醬軟殼蟹漢堡，兩個都係套餐，加10蚊有飲品，加錢也可以薯條轉沙律。但老板好好人送了一小牒薯條給我們試試! 真係香脆可口! 而主菜的蘑菇牛肉漢堡和牛油果醬軟殼蟹漢堡都各有特色! 蘑姑和醬汁香濃，再加上漢堡牛肉鬆軟彈牙， 混合一齊食，能帶出牛肉嘅香味。 而牛油果醬和軟殼蟹，出奇地配合，軟殼蟹也比較大隻，又唔油膩，爽脆而有蟹的香味。一個好豐富的午餐!

屯門有乜好食？話說先前有位屯門牛牛推介咗幾間屯門必食餐廳畀我哋！萬聖節同男朋友閒來無事去咗試其中一間~ 「BuBu廚房」係一間新開無耐嘅西餐廳，餐廳裝修好有心思，充滿萬聖節嘅氣氛，除咗滿店嘅萬聖節裝飾之外，枱面都仲有一啲頭飾畀客人打卡用，仲有萬聖節主題嘅糖送，真係好貼心！ 餐廳店面唔算太大，由店主夫婦二人主理，老闆同老闆娘都好friendly，交談之中先知道原來餐廳前身係一間專做外賣嘅小店，但為咗令客人有更好嘅體驗，所以先開咗呢個店面！ 🧡11oz安格斯西冷牛扒（$128）牛扒係由一大舊鮮牛新鮮即切，所以肉質好好！口感柔軟，食落都好有牛味，熟度掌握得啱啱好！牛扒厚身大塊，食完好有飽足感！ 🧡墨汁八爪魚意大利飯（$78）墨汁八爪魚意大利飯同平時食開嘅有啲唔同，個汁水啲，個飯嘅口感比較Q彈軟綿，食落好過癮、幾特別，個人都幾鐘意~ 🧡朱古力（跟餐$Free）朱古力賣相幾好，不過個人覺得略甜咗少少！ 🧡熱奶茶（跟餐+$10）奶茶好大杯，但淡咗少少同稀咗少少！ 整體嚟講，嘢食方面係好唔錯既，性價比都幾高，老細好好人，會記得熟客嘅喜好然後特製，好人性化！飲品方面就較為遜色少少，還有進步嘅空間~

其實我住附近 最近見開左間新店 見到裝修係我鍾意既輕工業風 上網揾下呢間店既資料 發現呢間店應該之前喺其他地方開業 而餐牌主要漢堡為主 同埋會有d意粉同小食。所以見今日放假決定去試一試 去到order左個卡邦尼意粉同埋招牌蘑菇牛肉漢堡 另外加多左兩杯凍檸茶。卡邦尼意粉中規中矩 但個價錢黎講 我覺得性價比幾高 同埋都幾多芝士 幾加分下另外個招牌蘑菇牛肉漢堡 呢個就一定無可能用手拎起食 因為d蘑菇流哂出黎 想講 $7x 黎講都好高質 個包皮連埋d牛油烘得好味 薯條都炸得啱啱好 加上我見店面有一男一女 諗應該係老闆同老闆娘黎既 人好nice 中途有過黎問一問個餐點 同埋有客堂食緊想嗌埋外賣 老闆娘都好細心咁話等佢哋差唔多食完先出埋外賣 費事擺得耐凍咗同個飯會變一餅野👍🏻下次有機會可以試埋佢個晚市 或者我見到佢social media平時好似有推啲午市set唔錯