Bubble Tree (成業工業大廈)

營業中

休息中

餓底今日來到觀塘工作，3點3都未食lunch！即刻搵個地方醫肚，見呢間Bubble Tree幾清靜就試下。Menu設計幾靚，是餓底喜歡的畫風！食物選擇也頗多。煙燻黑椒燒牛肉大啡菇墨汁包三文治餓底最鍾意食麵包，尤其是有特色的麵包，呢個墨汁包賣相贏晒！餡料滿滿的，燒牛肉加芝士再加啡菇，一咬，口腔內充滿不同質感的食物爭先恐後地被咀嚼，天啊！太好味了！食完一個好滿足！Latte 加肉桂飲品可以加flavor，餓底加左啲肉桂，好香！食飽飽悠悠閒嘆下咖啡，人生一大樂事！

平時食午飯，有時經過這家餐廳，都無機會留低試試。這次同老公响附近，就到這家餐廳食個晚餐。這家位於工廈的食肆，環境很簡約，有單人位、四人位以及長枱，就算幾多人去食都適合。法式慢煮豬仔脾配有機紅米飯三條豬仔脾，唔算好大條，合適女生的食量。肉質嫩嫩的，加埋醬汁帶微辣的，非常惹味。加埋紅米飯整個感覺健康咗～烤焗丹麥原隻豬手配有機紅米飯 轉薯條豬手大大隻，以為好難切開。原來肉質超腍，食落好彈口，煮汁跟豬手非常搭配，真係食個番尋味。發現價格相比豬仔脾便宜，真係好抵食。飯後來個心太軟，食完暖笠笠又滿足~

觀塘工廈裏一間又一間餐廳，最近有點冷清，正好適合享受獨處的下午茶時光！🔸蜜糖芥末雞扒意大利軟包三文治 ($50) - 這裏的包都可以轉成牛角包，幾脆口，蜜糖芥末醬酸酸甜甜的很開胃，值得一提的是雞肉不會很乾，像某連鎖店那種，但雞肉稍為有點碎，個人更喜歡厚肉感🔸心太軟配雪糕 (+$25) - 跟餐價，首先個擺碟好靚，旁邊仲有開心果碎增加香脆口感，雖然沒寫明是什麼雪糕，但也配上了我最喜愛的曲奇味雪糕！流心效果很好，帶點苦味的朱古力不會太膩，但是獨食難肥，自己一個把心太軟吃光也是有點濟，不過還是滿好吃~

最近肺炎疫情嚴重大家都無心機出街食但困在家太久　好想出去食一下今日來到觀塘工廈試一下小店呢間比較難搵　但食完一Ｄ都唔後悔仲一定會有下次餐牌選擇都唔少　一個飯／粉再加少少錢就有湯沙律同甜品個Ｄ價錢都好抵食坐位都好闊落　好岩同朋友來傾計食飯叫左２個湯S1-南瓜湯 同S3蕃茄甘荀湯同一個S5-田園素菜沙律配牛油果真係估唔到+$5 就可以飲到個真材實料打出來的湯仲要都算幾大碗完成唔係罐頭或者溝麵粉沙律都有半個牛油果咁多 都係+$8 好抵呀!!!P10-大啡菇配雞肉南瓜汁燴意大利飯－$60大啡菇煮得好林　好香南瓜汁配意大利飯好香甜甜地　好好食加埋雞肉粒　有Ｄ咬口唔錯不過我就覺得Ｄ　飯有ＤＤ　乾　太可接受P12-烤焗丹麥原隻豬手配有機紅米飯-$75嘩....有2大隻豬手好好好多呀個汁甜甜地酸酸地好開胃同埋煮得好林好入味!男仔食都覺得多好大份超抵食+$25叫左個甜品 S7-雪糕窩夫真係估唔到連甜品都有驚喜bor窩夫係我最愛的質地脆脆地又熱加埋雪糕熔左d一齊食實在太好食啦!!仲係有2件 做得都好精緻好想再食多件呀!!!!呢間小店食物超有質素又唔貴睇得出年輕老闆係好有heart 去做一定要多多支持 下次

放假，梗系搵埋朋友們一齊來屋企開餐啦。叫左10人份量餐。準時送到，外賣哥哥好大力，一人抽7大盒食物呀。一齊看看有咩食：凱撒沙律配難肉(約15磅)瑞士汁雞中翼(24隻)凍肉盤(約25磅)(好豐富，有煙三文魚,巴馬火腿,煙火雞辣腸,火腿,沙樂美腸)迷你牛角飽三文治(4款共12件)(番茄芝士,火腿芝士,吞拿魚沙律,蛋沙律)經典肉醬(豬肉及雞肉) (約4磅)焗豬扒飯(約5磅)鲜果窩夫配未古力糖 (12/件)紫薯忌廉湯成份外賣款式齊整，菜,肉，甜品，湯都有。凍肉盤三文魚新鮮，火腿挺香的。牛角包有不同餡添，芝士外有沙律菜。朋友鍾意食瑞士汁雞中翼，她話汁香肉嫩。而我自己愛焗豬扒飯，香噴噴豬扒肉嫩。有朋友讚鲜果窩夫配朱古力漿，窩夫今午整架，味道不錯喔。

年三十晚一家大細返屋企食飯，媽媽年紀大費事要佢煮，所以就叫了到會返屋企食。在網上送外賣的網站見到這間bubble tree，食物都幾精緻，所以叫了幾盤足夠至少6人分享。外賣速遞至家中，食物全部都以錫紙盤盛載，再以紙盒包裹保溫，配上餐具及膠夾，餐具齊全。南瓜湯味道濃郁清甜。食物方面，有雞胸凱撒沙律，芝士粉及醬汁另上，沙律菜爽脆。雜錦火腿有幾款風干火腿，各有特色，還有煙三文魚。牛角酥未算香脆，但份量十足，有吞拿魚、蛋沙律及芝士火腿，味道不俗。雞翼、肉醬意粉及焗番茄豬扒飯味道就不過不失。甜品水果窩夫有驚喜，雖然雪過不香脆，但外賣真係算幾好味。

因為觀瑭工廠區開左好多年宵地方, 所以特意去行下, 咁見成業工業大廈都好多野食, 就直接食埋個晚餐, 我地見到Bubble Tree就入去食下, 係半自助形式, 先自己落單, 再有人送上食物, 餐廳環境好舒服, 我本身對食物都不太希望, 點知蟹子蘆筍煙三文魚伴香蒜橄欖油意粉好好食, 意粉好份味好香蒜味, 軟硬度適中, 好正!!!!!! 大啡菇雞肉配南瓜燴意大利飯個菇好多汁, 雞肉配南瓜原來好夾, 兩個主菜都好正, 點知最出色既都未講, 墨汁包多士真係要比個LIKE佢, 好香跪, 好在有叫, 唔係真心走寶, 另外都叫左田園素菜沙律配牛油果, 新鮮好味, 開胃, 我地再食埋甜品,雪糕Waffle同朱古力心太軟配雪糕, 真心好完美既一餐, 多D支持小店, 其實他們都好用心製作, 食得出用愛去製造食物, 仲要另外提一提佢個ICE APPLE TEA, 唔會太甜, 好飲

今日係工廠區搵到間小店食個飯，雖然地理位置唔係太好，鋪頭都冇咩特別裝修，但係簡單嘅裝修同傢俬就營造左一個好舒服嘅感覺，放工想同另一半撐枱腳岩曬。坐低睇下食咩，個Menu就係個枱墊，不得不提下，個餐牌真係設計得好靚，而且佢設計嘅套餐都好多元化，想飲湯加幾蚊又想飲汽水再加幾蚊，總之叫左主食其他任加，岩曬我呢啲樣樣都想食，但又成日都唔知點計餐。烤焗丹麥原隻豬手配意大利飯 $75飯同豬手分開上碟，唔怕D汁撈埋左一齊影響左飯既味道。一見到隻豬手就知道煮到好淋，食落相當好味。而且意大利飯入面仲硬硬地，口感好唔錯。煙燻黑椒燒牛肉、大啡菇墨汁包三文治 $50原本個三文治係配大啡菇，但係賣曬，鋪頭幫我轉左雜菌，好好食。個包唔會太乾，而且都大份。墨汁包多士(3件) +$8多士係三文治個款包，變左多士好香而且配湯同單食都好好食，跟餐價好抵。南瓜湯、蕃茄甘荀湯 +$5 / soup南瓜湯都唔錯，但係蕃茄甘荀湯就比較失色，味道略微酸左D。凍蘋果茶 +$5味道比較清淡D，可能蘋果茶熱飲都好飲D。凍綠茶鮮奶 +$10Greentea Latte，都幾好飲，唔算好大杯但係都夠飲。Overall黎講都CP值都算高，始終

不打多，不打少。星期五就是要跟伙伴好好交流交流，一群人找個地方也不是容易的任務，話說我們早一天就已經預約好位置。在約定的時間過後15分鐘，也沒有一位員工作出位置安排。你知道嗎，吃午飯就那一兩小時，如果不能承接訂單，那應該早早通知。結果一團八人就一直呆等。餐廳大慨有一半人還沒東西吃，還好意思叫人家等。 最後當然不歡而散了。食物沒幸品賞就不評價了，倒是一肚氣吃爽爽的。4人以上就不推薦了，反正他們也沒這樣的桌子。

今日係觀塘做完運動，跟朋友食番個lunch先，之前係東廣場已經想食，後尾見到佢搬左係樓上舖，地方都很骨子，睇完menu先比$再等叫號碼自取食物！我地2人點左：煙燻黑椒燒牛肉·大啡菇墨汁包三文治 $50: 個墨汁包烤得好鬆脆，內有鮮嫩煙燻黑椒燒牛肉、大啡菇好鮮甜多汁，加埋配有青瓜、番茄🍅、沙律菜，食得更健康！大啡菇·雞肉配南瓜汁燴意大利飯 $60: 賣相很精緻，大大隻啡菇舖係面，滑嫩雞肉配南瓜汁燴意大利飯，意大利米粒較堅硬，味道濃郁，更有口感！另外加$5 各有南瓜湯、紫薯湯：每款湯別具風格，各有特色！芝士肉醬炸薯條🍟$35: 餐廳新推出菜式，脆口粗薯條上面舖滿熱辣辣既肉醬，熔掉既芝士有拉絲感覺，再點埋番茄醬一齊食更滋味！熱綠茶鮮奶$28: 綠茶味道較濃，唔會太甜，口感較清爽，再來一口軟綿綿的奶泡😋凍朱古力$34: 口感有點像奶昔般，味道甜而不膩，香醇濃郁，充滿奶香。+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

呢間鋪以前喺東廣場已經好受歡迎，最近發現佢搬咗上去成業工業大廈，第一時間去幫襯！一開𨋢門行前幾步就見到鋪頭，室內外裝修簡約但不失格調，仲有一大塊黑板畫滿左嘅公仔，店主又幾有心機喎！之前都已經好鍾意呢間鋪頭度食嘢，因為真心覺得佢物超所值。估唔到擴張左鋪頭之後價格依然係咁優惠！Menu一張睇晒，簡單得來有好多配搭，叫完主菜可以揀唔同價錢去配搭餐湯，飲品或者甜品，最重要係我叫晒想要嘅嘢，包括沙律、飲品同甜品，$100都唔使，仲要係好食！煙燻黑椒燒牛肉•大啡菇蜜汁包三文治- 三文治上枱已切開一半，見到餡料層層分明，有芝士、生菜、大啡菇、燒牛肉、沙律菜、青瓜、芝士，豐富嘅層次加埋鮮艷嘅色彩同墨汁包形成強烈嘅對比，鍾意嘅點小小碟上裝飾嘅醬汁，甜甜地更加好味！蟹子·蘆筍煙三文魚伴香蒜橄欖油意粉- 之所以話呢度食物物超所值，除咗睇價錢囉，睇埋佢嘅擺盤就知道，煙三文魚整成玫瑰花形狀上碟，加上少少修飾，普通嘅意粉變得更加吸引。除咗三文魚之外，仲有蘆筍做配菜，健康得來又好味。另外我哋每人加咗一款甜品，分別係朱古力心太軟伴雪糕同埋窩夫雪糕。朱古力心太軟- 上枱時是已係輕輕切開半流心嘅狀態，見到朱古力醬慢慢流出

今日放工同朋友去咗平時無咩人知既隱世餐廳往往商業中心就係餐廳嘅發為雖然佢哋冇咩人知咁如果唔特登去係唔會知佢嘅存在但只要你仔細搵搵其實有好多呢啲價錢唔貴又好食嘅餐廳我哋去到嘅時候好舒服無咩人然後見到佢價錢勁抵食完全係晏晝嘅價錢食到滿足嘅晚餐由於我同朋友都係心大心細咩都想食嘅人然後我哋就叫咗一個蝴蝶粉，一個燴飯，同一個意大利軟包再加湯加沙律同多士牛油果同沙律菜全部都好新鮮呢個價錢份量好足夠好抵食紫薯湯，好特別真係好香紫薯味墨汁包多士蜜糖芥末雞扒意大利軟包呢個勁好食，啲雞同埋裏面嘅配菜都好新鮮卡邦尼蝴蝶粉賣相好靚，味道冇咩特別，但好食嘅香蒜忌廉汁意大利飯佢個汁勁好食

今次係Bubble Tree 搬上樓上鋪後第一次惠顧！ 好彩透過openrice，終於找到你！新鋪多咗好多位，環境舒適，坐得比以前舒服得多！ 當然最緊要係嘢食嘅質素，一如過往冇得彈！酒店級嘅質素，工廠大廈嘅價錢！ 用料新鮮，製作認真用心！ 我同仔仔都非常鍾意食今日我倆都食咗新鮮白菌配雞肉伴忌廉汁意粉，另外加十蚊購買咗一杯凍朱古力咖啡。 嘢食同嘢飲都非常滿意，一如過往嘅好新張期間，響openrice惠顧coupon，仲有85折，真係抵食！