break (已結業)

依間位於觀塘海濱旁商廈內既半開放式cafe，以石灰色為主調，主打日式主食、輕食及飲品，環境寬闊。一入門口就有一個特色小屋卡位，周圍有唔少植物擺設，窗邊座位更採光度十足，寧靜舒適，好啱係度Take A Break放鬆一下🌱❀ 煙三文魚牛油果醬牛角包 🥐牛角包烘得好鬆脆，充滿牛油香。入面仲有牛油果醬及捲成玫瑰花形狀既煙三文魚，好足料😍 碟內亦附有沙律，配料有蘋果、紫菜及沙律菜，酸酸地好清新❀ 吉列豬扒三文治 🥪麵包內夾住一塊剛剛炸起既厚切吉列豬扒，食落熱辣辣，炸粉薄又好香脆，而且肉質嫩滑多汁，入面既醬汁令味道更惹味～旁邊都配有沙律，清新解膩❀ 黑糖雪糕配蕨餅白玉蜜紅豆 🍨依杯黑糖雪糕上配有甜甜既紅豆，蕨餅及白玉都煙韌軟糯，好有口感，配料好豐富✨❀ 暮光 ☕️賣相好吸睛💕 杯內有一個橙汁冰球配上tonic water，另附有一小杯espresso，將espresso倒入杯內，熱度會令橙冰慢慢融化，加上杯底既燈，形成twilight般既景像，好特別又有心思🥰 橙冰會中和espresso既苦味，加上清爽既梳打水，味道好夾～❀ 炭焙烏龍拿鐵 ☕️烏龍茶味香濃，有微微炭香味，清甜唔膩

ITT苦主就係無野食無野食無野食見break openrice好多好評想試好耐Lunch time嗌咗48度慢煮三文魚牛油果飯 $148有前菜同湯但野飲要再加錢。。。味道就正常好食啦三文魚🍣+牛油果🥑+三文魚子有咩可能難食🤣🤣🤣但計埋148唔包野飲仲要再加一 真心唔太抵食都係同層嘅flames抵食啲仲再好味啲！！！😂～

以前觀塘區跟現在的己變了很多。尤其觀塘海濱公園一帶，不但風景美，還有好多美食。今日去了海濱匯的一間西餐廳，以日式，西式cross over，幾特別。牛肉生羗燒定食牛肉採用了韓國品牌植物牛肉片，即素食。賣相幾可亂真。質感都十分相似。好喜歡燒汁，不太甜膩，每粒飯都沾滿，還有一絲一絲羗條，惹味十足。鰻魚丼鰻魚十分肥美，啖啖焦香。醬汁恰到好處，濃度適中。Cappuccino 海馬拉花幾特別。味道甘香，品質不錯。

去咗觀塘搵朋友見到間餐廳好似幾靚咁就去試吓啦我朋友叫左Dirty我朋友話好好飲因為本來對餐廳嘅咖啡冇乜特別期望估唔到係有Cafe嘅質素我叫咗個杯叫做炭焙烏龍茶拿鐵好香烏龍茶味想講超級好飲囉超級推薦我叫咗個三文魚意粉勁多三文魚子一見到真係好開心估唔到會咁足料忌廉汁又好滑三文魚有好多性價比超高朋友叫咗個南蠻炸雞牛油果飯佢落左醬汁 好好味唔係好識點形容因為個味真係好特別炸雞件件都趣口呢一間西餐真係好高質超推薦大家去食呀

今日全日落大雨，食晏都係買外賣方便啲，橫掂Break兩點後有自取八五折更加抵。南蠻炸雞牛油果丼外買包裝精緻，一盒又五大件炸雞，份量十足，攞到返去食都保持熱度，每件雞香脆可口，肉質鬆軟，牛油果醬健康，中和炸雞既罪惡感。香煎芝麻吞拿魚牛油果丼呢個烎飯簡直色香味俱全，同樣份量十足嘅吞拿魚外皮剪得微香脆，沾上芝麻十分香口，刺身級數吞拿魚微熟，肉質口感都有流，同樣配上牛油果醬，健康又好味。鹿兒島金栗紫薯餅Break既炸物非常出色，外表金黃香脆，裏面紫薯香氣四溢，食一塊實在唔夠喉。Set lunch包括有餐湯同沙律，雖然係外賣，但係用精緻嘅杯裝住，好睇又好食。另外仲有包一杯$24內飲品，十分豐富。

依間Cafe係位於觀塘嘅海濱匯，如果唔係朋友介紹，真係唔識黎。依度除咗堂食位置仲有個咖啡吧，如果唔洗食野淨係黎買杯咖啡都得。雖然呢度係以咖啡為主，但係食物一樣係好高質素。鰻魚丼賣相一流，鰻魚亦都非常之肥美，配上粒粒既日本米，憑着食材嘅質素，可以令簡單既菜式變得高級。跟餐嘅麵豉湯亦都相當足料。煙三文魚菠菜忌廉意大利麵分量非常之大，除咗煙三文魚仲有三文魚子，同埋芝士片，所有材料都好match，芝士味香濃得來唔會好膩。嚟得break梗係要試吓佢嘅咖啡啦，今日既Americano係用埃塞俄比亞嘅咖啡豆調制，味道比較fruity，最適合而家大熱天時去飲。另外就係呢度最出名嘅獨角獸拉花latte，咖啡師傅拉花技巧真係一流，睇咗好耐都唔捨得飲🤣。雖然餐廳遠離市區，但係真係好值得黎☺️

難得今日放假,約左朋友食個hea Lunch 佢住觀塘付近，去左海濱果邊食野地點超舒服，又新淨又乾淨，店員超友善有禮貌Lunch 有85折一個係慢煮三文魚牛油果丼，三人魚好滑，牛油果好creamy 用靚靚日本米另外要左一個生薑豚肉燒，用日本黑毛豬，肉爽又正~~天氣熱加$10 一杯蜜桃冰茶(原價$34 ,跟餐減$24 )少少甜好好味~~折咗之後兩個人都係$250!!人又唔算多環境又好又新淨得閒去坐吓真係幾舒服幾嘆

返工咁辛苦晏晝take a break要食個精緻午餐就好似今日要介紹呢間位於牛頭角同九龍灣之間嘅咖啡店店名都係叫break地點雖然隔攝位於商廈裡面但店面空間開揚食返個靚午餐飲返一杯用心沖嘅咖啡絕對令你叉足電煙三文魚菠菜忌廉意大利麵意粉上有塊烘乾芝士脆片脆卜卜食落好得意忌廉意粉質地介乎creamy但未到好結身面頭灑咗啲芝士碎個汁重忌廉奶味意粉質感彈牙掛汁中間夾雜煙三文魚同菠菜成件事均衡咗食落相對冇咁罪惡😆仲有三文魚籽係面頭更加升呢😍Set附上嘅抹茶蕨餅都好好食好煙韌🥰蛋黃漬蔥吞拿魚茸三文魚籽丼賣相好吸引期間限定嘅菜式壽司飯面有層厚厚嘅吞拿魚茸夠新鮮一啲都唔腥撈埋蔥花食會冇咁膩仲有脆卜卜嘅三文魚籽係旁邊份量都唔少最驚喜係個蛋黃漬用醬油醃過嘅蛋黃鹹鹹甜甜蛋黃漿慢慢流出來 真心正🥰

𝐆𝐈𝐌𝐌𝐄 𝐀 𝐁𝐑𝐄𝐀𝐊今日係牛頭角做完野想去觀塘海濱長廊對住個海chill 下~ 附近好多新既餐廳，係openrice選定餐廳就出發喇！2:30左右餐廳唔多人，我有考慮過轉堂食，不過初衷係對住過海chill chill，加上外賣有折，所以最後都簡咗外賣。 豚肉生薑燒定食（日本黑豚使用) Pork shogayaki rice (japanese rice) $108 跟餐有沙律菜同麵豉湯，麵豉湯味道適中，特別災落咗櫻花蝦，鮮味即時提升。豚肉生薑燒飯第一層鋪咗厚切豚肉同埋生薑蓉小山，中間係炒野菜(椰菜, 芽菜, 洋蔥)，下層係日本珍珠米加燒肉汁。營養配搭非常均勻。豚肉完全唔鞋口，野菜分量多，撈埋生薑蓉食好正丫Cake of the day 跟餐+$38 我揀咗原味Cheese cake 🍰 原來係半熟流心芝士蛋糕☺️芝士味濃郁，口感非常軟滑可口Ice shaken tea peach 冰瑤茶 $34，跟餐減$24 飲品有好多選擇，今日揀咗桃味手搖茶少甜，味道唔錯。喺樹蔭下邊吹住海風睇海，嘆住冰凍嘅蜜桃茶，爽呀！

Wfh時間比較flexible,所以約朋友喺附近食野，我地黎左海濱匯呢間cafe食個靚lunch先。由於呢個時間唔係太多人所以我地有得揀個卡位坐。幾闊落其實可以坐到四個人。我地2個人order左2 set lunch, 再加一個小食。48度慢煮三文魚牛油果 $148套餐跟湯及前菜。慢煮三文魚食落暖暖地比較淡味，但加埋三文魚子咬落爆汁鹹鹹地，即刻中和返曬個味道，加埋牛油果呢個恆常無敵嘅配搭，感覺健康又飽肚。煙三文魚菠菜忌廉汁意大利麵 $118套餐跟沙律及前菜煙三文魚唔會過鹹，加埋爆汁三文魚子 ，creamy既忌廉汁，上面仲有一塊塊既芝士，係滿足既☺️芝麻雞翼三隻 $38係呀我平時食開嗰隻芝麻雞翼既味道呀😋新鮮炸起熱辣辣，外層脆卜卜，雞肉juicy. Dirty +$14Chamomile tea +$10話時話2點後入座野食可享八五折，即刻平返幾廿蚊可以用嚟泊車😂

今日專誠去九龍灣搵朋友 同佢慶生朋友喺附近返工 推薦呢間日式小清新cafe餐廳幾靚而且坐得舒服 職員亦好nice安排我地坐屋仔卡位 幾適合閨蜜食嘢打卡南蠻炸雞牛油果丼 ($108)呢款係餐廳招牌 好邪惡呀炸雞炸漿唔厚 食落冇油膩感雞件啖啖肉 而且仲有5大舊慢煮三文魚牛油果醬丼 ($148)三文魚經過慢煮 保持超嫩滑肉質配上creamy嘅牛油果醬 成個配搭係冇得輸兩款定食配櫻花蝦味增湯同前菜 幾豐富炭焙烏龍拿鐵 ($31)朋友仔嗌嘅烏龍拿鐵 靚到唔捨得飲炭焙過嘅烏龍茶 飲落真係更有層次富士蘋果芝士蛋糕 (+$28)每啖都食倒粒粒富士蘋果 幾清新推介比鍾意食甜品但又怕肥嘅大家半熟芝士蛋糕 (+$28)蛋糕中間仲有少少流心嘅狀態每啖都係濃郁芝士味 一定滿足倒芝士控

武漢肺炎開始靜咗d, 又有人要離開香港過新生活喇 咁我地就緊係出去食啦， 唔買外賣， 食餐好嘅， break係必食之選呀， 我今次醒目呀， book定位，唔駛等.我地4 個，要分枱， 但係都ok啦， 周圍都係咁上下。。。 最好笑係我地4 個都order同一款，就係北海道帶子•黑松露•巴馬火腿•溫泉蛋•意大利面， 真係好香，真心食物好高質素， 真係好好食，佢仲有得order嘢飲，我order lemonade, 只係加4 蚊， 好抵, 其他coffee呀， latte 呀， chocolate 呀，都係加18, 拉晒花喎，抵俾啦！！！漸漸地，呢間已經變咗我地食farewell飯之選。。。。 而家咁嘅時勢，應該陸續有黎。。。

今日同唔同事去完九龍灣做嘢 做到午飯時間都過咗 於是就食個靚靚下午茶放鬆下煙三文魚牛油果醬牛角包 牛角包外皮脆卜卜入面好有牛油香 而且夠曬鬆軟上面嘅煙三文魚鹹鹹香香 配上creamy嘅牛油果醬 成個配搭好夾黑糖雪糕配蕨餅白玉蜜紅豆 黑糖雪糕甜而不膩好有夏日嘅感覺 蕨餅同白玉煙煙靭靭又帶點清爽 紅豆煮得非常軟綿綿是日蛋糕就叫咗焙茶蛋糕捲 蛋糕鬆軟不在話下 入面嘅焙茶忌廉 茶味同奶香配合得恰到好處 一齊食非常有層次招牌檸啡 好有夏日嘅感覺 檸檬味同咖啡味配合得天衣無縫Green tea latte 綠茶味濃郁得嚟又唔會苦澀 加上鮮奶好滑呀

今日放假同朋友黎到觀塘嘅海濱匯,呢度係正海濱長廊隔黎,食完野可以順便落去行下海旁睇日落都幾捨意☺️Break既環境好舒服同寧靜,老闆安排左我地坐一個特色小屋卡位下午茶時段有85折優惠仲包一杯特色飲品 非常抵食😋我地叫左一個三文魚籽吞拿魚蓉溫泉蛋飯.魚籽鮮 吞拿魚入口即溶 好甜唔會腥 份量亦足我地仲叫左個芝麻雞翼沙律,雞翼好脆又夠入味 難得我地影哂相仲係熱辣辣講到最驚喜係個甜品,原本對卷蛋係無咩期望 勁驚係瑞士卷feel, 點知個焙茶卷蛋入面個cream真勁有茶味 蛋糕質地亦非常軟綿綿 好高質 另一件半熟芝士蛋糕質地亦非常有質感 重芝士味!總括而言呢間餐廳有意想唔到既驚喜!缺點係地方有少少遠，熱辣辣行過嚟真係搞唔掂，所以最尾我哋都係搭的士🚕

Came here during a weekday lunch hour. Usually during peak hours, you could expect wait for around 15 minutes for a table.Its location is quite remote if you travel to here by MTR. But if you are working nearby (there are a lot of industrial building and decent office places in this area), this place is really convenient. Although there are more than 10 choices in this building, this one is unique given their quality, service and environment.All the lunch comes with starters, drinks and desserts