Bove (屯門市廣場1期)

上一次喺呢到食個流心蜂蜜雞蛋仔，覺得$28都值嘅，粒粒雞蛋仔都有粒蜜糖爆珠喺到，所以再嚟嘅時候就食多次點知今次再叫嘅時候，食咗成5至6粒，一粒蜜糖珠都無，就攞出去同個職員講，個職員話我係未食到有蜜糖嗰個位，仲係咁話再食入啲就有，然後我話若果都係無嘅話我咪要攞出嚟換過？因為無任何味道嘅雞蛋仔同呢個都相差$8，我無理由食無餡嘅都要比多$8啫然後個職員話，得得得，我換比妳，然後背向我再整一底時講句：痴線喂，個客仲企喺到妳咁大聲咁講，算係咩服務態度呀？食你哋嗰廿零三十蚊食物要受你氣？無下次😤…查看更多

放假，同屋企人去food court食嘢。不過自己又唔肚餓。好衰唔衰，聞到雞蛋仔味，一時口痕，點知就中伏。當時冇人等，落完單好快就有得食。但食第一啖，首先係一種好假嘅甜味。然後係覺得好淋，一啲都唔香，唔脆，食到個心仲濕濕地咁。都唔知熟透未。食完一粒，已經忍唔住同屋企人講好難食。都見到個粉漿上邊係有啲啡色一點點，相信嗰啲係伯爵茶粉。但又唔知點解食落去啲茶味又冇乜，反而好大陣香精味。可能係啲材料問題🤷🏻‍♀️雞蛋仔嘅嘢，難食極有個譜。個味唔好，如果口感搭夠，應該都OK嘅。可惜呢間係兩樣都冇。食底雞蛋仔，廿幾三十蚊係市價，本身都冇乜期望，亦冇諗過要寫食評。不過真係越食越頂唔順，先忍唔住影張相。食咗幾粒就放棄，無謂浪費自己quota。…查看更多

係香港最難食嘅雞蛋仔，真係非佢莫屬。唔係粒粒都飽滿嘅雞蛋仔，咬落去好硬、完全唔鬆脆，入面仲未熟透，而且又太甜，好似食緊舊濕咗嘅麵團咁，超級、超級難食，我估計應該係佢哋貪快，開到個火好大，入面未熟，已經過火，攪到成塊雞蛋仔硬過石頭，見到咁仲要比客果吓好嘢！我當時7:00pm去買雞蛋仔，佢哋其實冇咩客，真係唔使開咁大火，樓下街邊檔都整得好過依間野，佢哋啲後生仔店員好似唔想做咁，態度又差，求求其其咁，真係冇下次。好彩只係買咗個雞蛋仔試吓先。…查看更多

27/1 去買雞蛋仔，見到收銀位置高瘦嘅男職員抹完鼻涕冇洗手，直接帶返手套，帶住手套收錢之後再入雞蛋仔🤦🏼‍♀️衛生好有問題之前個姨姨同埋個女仔服務態度好好，衛生都好好多…查看更多

今日經過屯門市中心的美食廣場，想吃點另類的食物，看到美食廣場的門口店舖竟然有賣兒時的美食，當然立即要試一試重拾回憶原味雞蛋仔 $20外皮硬脆而中間有點軟身，味道一般，個人感覺普通，不過小朋友很喜歡吃原味格仔餅 $22格仔餅份量比想像中大很多，熱餅上面鋪滿已溶化的牛油，加上大量煉奶及半溶花生醬，一咬下去滿滿的滋味大滿足😋整體上味道不錯，下次會再吃格仔餅只是等待時間比較久，而且訂單安排有點前後混亂，尚待改進…查看更多