Bove

營業中

休息中

Bravo宇治抹茶紅豆雞蛋仔，雖然堂食外皮夠脆，但無抹茶味，亦無蛋味，只得一個死甜味，紅豆更不多。一度懷疑用錯蛋漿做個批底，但店員堅稱乃是抹茶味，但裡裡外外飲眼見不到綠色嘅餅底，整個餅是啡色，真係唔知自己食緊啲咩😅😖

Brove位於元朗Yoho Mall food court入面，佢賣各式各樣既美食，有意粉亦有雞蛋仔、格仔餅👍🏻🧇佢既雞蛋仔有好多吾同味道可以選擇，有原味、紫菜肉鬆、朱古力等等⋯⋯今次就叫左紫菜肉鬆雞蛋仔，等左10分鐘左右就有得食，佢係即叫即整，所以勁新鮮、熱辣辣👏🏻雞蛋仔超大份，個外皮超級脆，好好食😋仲要餡料超足料，每一粒都包滿紫菜肉鬆👍🏻同雞蛋仔好夾好好食❤️👍🏻又係一間可以收藏既舖頭！

咁岩黎探朋友就黎左元朗Yoho mall，大鄉里出城開左咁耐先第一次黎真失禮🤣🤣🤣行行下經過Food Court，見到Bove新鮮出爐既雞蛋仔，行近啲原來仲有梳乎厘同格仔餅，勁吸引口水都流埋👅💦即刻同朋友買左紫菜肉鬆同雙重朱古力既雞蛋仔坐低慢慢嘆😝😝❗❗估唔到有驚喜❗❗一底都幾大份，2個人食完都有啲飽可能我地細食哈哈😅😅講番先，個雞蛋仔勁脆，紫菜肉鬆唔止紫菜多，肉鬆都超級多，粒粒都有，勁足料，唔怕一粒有一粒無😋😋😋試埋雙重朱古力，食落好有食緊心太軟feel，唔會太甜，最怕甜到要不停飲水，呢個鐘意食朱古力既朋友一定要試🥰🥰

自從上次食完個雞蛋仔 我就記掛住佢啦 我好想試佢其他既野 所以我今次叫左宇治金時格仔餅 由於我今次唔可以即刻食 我就買返屋企食 可惜我等嗰架巴士遲遲都未黎 由熱辣辣既格仔餅喺我手上返到屋企變到凍晒佢啲紅豆餡真係好多好多好多 而抹茶味依然濃厚我得閒就會去食其他味

諗住搵小小野醫下肚先 突然醒起呢間既雞蛋仔係一直都想去食 所以就去咗買 身為抹茶控唔洗多講 我就買左抹茶麻糬雞蛋仔 大概好似等左5-10分鐘度就有 一食落去口感已經覺得正 唔係好”林” 係脆脆地 之後佢嗰隻抹茶味夠晒濃厚 好味！無諗過做到呢個質素 所以覺得有驚喜！！

今日又去咗呢個商場行街，行到咁上下，我覺得有啲肚餓，不過出面又好晒，真係唔想去出邊曬太陽，今日天氣太好了，太曬突然諗起呢度有個foodcourt ，記得呢度嘅雞蛋仔質素都唔錯，所以忍唔住上咗嚟食雞蛋仔，今次叫咗個原味朱古力雞蛋仔， $25 ，加咗罐可樂， $6 ，價錢都叫好公道，加上呢度仲有座位可以坐，比20幾蚊，有冇位可以俾你坐，仲有Wi-Fi可以用，算係咁啦，覺得已經好好！出面大把雞蛋仔地方唔好講Wi-Fi，直頭冇位坐，要喺街邊食，所以呢度實在太好！雞蛋仔質素唔錯，熱辣辣，即叫即做，外皮唔算極度脆，不過都可以接受，內裏鬆軟，絕對唔係空氣雞蛋仔，好足料的，而且好多朱古力🍫！👍🏻

元朗形點food court真係滄海遺珠，成個商場咁大，原來隱藏咗一個充滿美食嘅好地方！今次食咗一日food Court就見到的呢間Bove，專門售賣鬆鬆軟軟梳乎厘🥞、香脆可口雞蛋仔🥚和爆餡格仔餅🧇等港式美食！⭐️今次同朋友叫咗兩款雞蛋仔，真係相當出色‼️相當高質‼️👍🏻👍🏻👍🏻📌紫菜肉鬆雞蛋仔🐖🍙🥠$30雞蛋仔外層酥脆，外脆內軟，鹹香可口，面層有紫菜包裹着，而雞蛋仔內裏相當震撼👍🏻👍🏻👍🏻‼️‼️係粒粒都有爆滿的肉鬆‼️‼️啖啖都係超多肉鬆🐖🐖🐖🐖‼️‼️📌雙重朱古力雞蛋仔🍫🍫🍫$27同樣相當震撼👍🏻👍🏻‼️同樣做到外脆內軟不在話下，而雞蛋仔蛋糊極濃烈朱古力🍫，同時帶有淡淡雞蛋香，配合超多粒粒朱古力，在半溶狀態，天堂級的享受😋😋😋😋

平時收工最喜歡食一個雞蛋仔骨格仔餅但自從疫情要戴口罩以嚟，已經好耐冇食過了。想不到在元朗yoho food court竟然能夠找到一間正宗好味港式街頭小食。他們的雞蛋仔和格仔餅，香脆，蛋香味濃。在基礎上發展各種口味，迎合各種喜歡嚐鮮的民眾心理。紫菜肉鬆雞蛋仔，雞蛋仔不嬲都是甜品，絕不想起會配上肉鬆紫菜，變化成外面香脆，內裏Q彈的雞蛋仔。雙重朱古力雞蛋仔，喜歡食朱古力的我，非常喜歡這款雞蛋仔，朱古力香濃，雞蛋仔表面鬆脆，內裏軟綿綿，如果配上雪糕更加一絕。格仔餅，非常厚身，其實我覺得格仔餅被窩夫更加好味，要做到外脆內軟並不是容易的事，他的蛋漿調配一定要按比例，不然就會太軟或太硬，基本就不是格仔餅。這個格仔餅做得非常出色，他的沙糖，花生醬，煉奶比例剛剛好不會太多，不會太少，每一格都有滲透著，讓您每一口都包含各種口味。雖然格仔餅畀雞蛋仔較甜，熱量較高，但是我對他仍愛不釋手。這間小店能夠發揚香港甜品特色，如果在其他地方可以開始分店更好。滿分為10分(1分最低，10分最高)食物：9環境：8衛生：8服務：8價錢: 8.5舒適度：8.5總分：8.5

走得去yoho mall foodie 其實係想食正餐,但係呢間雞蛋仔喺正門口,行過聞到陣味就已經心思思想食口味都算不少，最後揀咗一個雙重朱古力+紫菜肉鬆睇住佢整其實都幾過癮， 同埋睇落都算係幾乾淨嘅雙重朱古力裏面 每一嚿個心都有 一啲香濃嘅朱古力 外脆內軟裏面嘅朱古力啱啱好有少少溶唔會好甜紫菜肉鬆有一點鹹香味，紫菜就有少少脆， 質感畀朱古力實一點整體嚟講我自己最鍾意食朱古力，朋友最鍾意食紫菜肉鬆，因為食唔到咁多，下次會再食梳乎厘班戟，因為見人哋食嗰間都好似幾好食咁

小時候最愛好新鮮熱騰騰嘅雞蛋仔，今日去咗元朗 Yoho Mall逛街，去咗Food Court 見到《Bove》有多款味道嘅雞蛋仔，點咗肉鬆雞蛋仔、朱古力雞蛋仔。望著剛出爐嘅雞蛋仔，香氣撲鼻。紫菜肉鬆雞蛋仔 $30口感軟綿綿，入口即化。每粒雞蛋仔都包著肉鬆，好足料。🍫雙重朱古力雞蛋仔 $27裡面嘅朱古力碎粒溶了，食落有啲似心太軟😍，甜味剛好。@Bove@Foodeli HK@YOHO MALL 形點元朗Yoho Mall 1期2樓#美食 #好去處 #吃貨#吃貨人生 #香港美食 #元朗 #hongkong #yuenlong#hkfoodstagram #hkfoodlover #hkfoodpic #hkfoodig #hkeat #littlewitchwitch

行行下街當然想食下小食、甜品🥰Bove 既雞蛋仔、格仔餅同梳乎厘班戟提供多種口味，簡直有選擇困難症😂—————————————————📍班蘭朱古力雞蛋仔 (6/10)雞蛋仔即叫即製，新鮮熱辣。口感外脆內軟，而且裏面好足料，唔會得個殼空寥寥。有好多朱古力粒粒，可惜班蘭味好淡，除左個色之外基本上食唔出。

大家喺foodcourt門口就聞到一陣好香嘅味道😌原來係第一檔整緊新鮮嘅雞蛋仔同格仔餅🧇所以食完正餐，大家都話要買雞蛋仔食😆不過好飽，最後買咗一咸一甜share食～紫菜肉鬆雞蛋仔係台式crossover港式風味。店家比🉐️好足料，差唔多每一粒都有食到紫菜肉鬆😋 鍾意食豬肉鬆嘅我勁鍾意😍雙重朱古力雞蛋仔🍫同樣好足料🤩我企喺度睇住店家整，佢哋先將朱古力醬撈入粉漿，再加入朱古力粒粒🍪 初初以為會好甜，但食落又唔會喎👍🏼佢哋仲有好多其他味道，下次試吓先☺️

大家鐘意食雞蛋仔定格仔餅多d ?雞蛋仔越出越多新口味😍😍呢間小店有多達二十款口味永遠都有新鮮感🤪🤪即叫即做 所以好脆🙌🏾🙌🏾行街行到累簡左個一甜一咸味道補充下😋😋紫菜肉鬆雞蛋仔 $30餡料好足 粒粒都滿唒肉鬆！不過食到後期有點乾建議要買飲品一齊食😙雙重朱古力雞蛋仔 $27鐘意食甜野就簡呢個啦！😆個人鐘意食甜味雞蛋仔😋😋餐廳仲有意粉等食架！仲有疏乎厘！🙌🏾Bove 元朗元龍街9號形點I期2樓2042號舖Foodeli

熱到咁唔想食嘢，今晚一人一底雞蛋仔當晚餐算。時光飛逝，而家嘅雞蛋仔已經好多口味，同時間已經唔係當年啲街邊檔嗰隻明火炭燒雞蛋仔，亦都要三十幾蚊一底起跳。而家啲雞蛋仔似蛋糕質地多啲，我覺得各有各好，唔可以比較嘅。豬肉鬆紫菜口味，鹹版雞蛋仔，真係別有一番風味～值得一讚嘅係呢間真係好足料，極度豬肉鬆，啖啖都係豬肉鬆同紫菜呀～（仲諗住食雞蛋仔冇咁飽點知好飽呀！！）朱古力雞蛋仔就係甜食，入面有一粒粒chocolate chip，果然係足料。朱古力唔係dark chocolate個隻，所以我個人覺得甜咗些少。好鍾意甜食嘅妹妹就好鍾意喇！雖然Bove出名嘅係佢哋嘅梳乎厘班戟，原來佢哋啲雞蛋仔都唔錯，可以一試！

離遠已經聞到好香雞蛋仔味，而且重任何時間都好多人買，見佢整雞蛋仔忙個不停，直覺話畀我聽佢應該幾好食。侍應話俾我聽紫菜肉鬆雞蛋仔最多人食，我就叫咗一個，果然做到外脆內軟，唔怪得咁多人幫襯 ，味道唔錯，只是食多幾舊之後覺得略為甜咗少少，可能自己本人慣咗食冇咁濃味，但整體仍然是好食的。再叫多一個伯爵茶梳乎厘，有少少失望，唔知係咪一分錢一分貨，個梳乎厘真係麻麻地，味道普通， 配蜜糖太甜，好彩我已經叫佢拎上，都係建議食返雞蛋仔穩陣啲.呢間鋪頭喺商場food court裏面 ，所以環境就係food court嘅環境。