更多
2004-07-01
14 瀏覽
頭盤係海鮮拼盤, 生蠔同螺都新鮮好味, 仲有煙三文魚、燒吞拿魚同酥皮焗蘑菇.餐湯有兩款揀, 兩樣都正. 鍾意濃味既就蟹肉濃湯啦, 味似龍蝦湯, 真係好濃, 有少少海鮮腥味. 鍾意清d既就可以揀雜菌湯.主菜有好幾樣揀, 鴨胸夠嫩唔un, 份量仲好大, 食晒真係幾漏. 銀鱈魚配意大利飯亦好, 不嬲奄尖兼細食既朋友都食左大半碟.甜品係杏仁甜酒疏乎厘, 我覺得可以再鬆軟d添(成餐飯唯一彈過既一句), 不過味道好好. 可惜真係太飽, 而且自己一向唔"好"souffle, 食左兩啖都要放棄.唔記得提個set包杯red/white wine, waiter會好認真咁走黎問下你, 佢地隻house wine岩唔岩你飲, 然後先倒比你. 雖然問我都唔識, 但都好appreciate佢地既服務, 而且杯酒以跟餐送既黎講, 應該唔錯, 好易入口.呢間餐廳既食物質素真係幾好, 都叫物有所值(set dinner for two $560+10%), 搵機會去試埋佢個Bouillabaisse先.
餐湯有兩款揀, 兩樣都正. 鍾意濃味既就蟹肉濃湯啦, 味似龍蝦湯, 真係好濃, 有少少海鮮腥味. 鍾意清d既就可以揀雜菌湯.
主菜有好幾樣揀, 鴨胸夠嫩唔un, 份量仲好大, 食晒真係幾漏. 銀鱈魚配意大利飯亦好, 不嬲奄尖兼細食既朋友都食左大半碟.
甜品係杏仁甜酒疏乎厘, 我覺得可以再鬆軟d添(成餐飯唯一彈過既一句), 不過味道好好. 可惜真係太飽, 而且自己一向唔"好"souffle, 食左兩啖都要放棄.
唔記得提個set包杯red/white wine, waiter會好認真咁走黎問下你, 佢地隻house wine岩唔岩你飲, 然後先倒比你. 雖然問我都唔識, 但都好appreciate佢地既服務, 而且杯酒以跟餐送既黎講, 應該唔錯, 好易入口.
呢間餐廳既食物質素真係幾好, 都叫物有所值(set dinner for two $560+10%), 搵機會去試埋佢個Bouillabaisse先.
張貼