bong

bong pro-dry aging
91
5
2
港鐵黃埔站 C1 出口, 步行約5分鐘 繼續閱讀
電話號碼
34829892
開飯介紹
韓國西餐廳,在香港自設廠房,主打乾式熟成牛肉。景觀不錯,能遠眺到紅磡碼頭。 繼續閱讀
附加資料
Homemade afternoon tea set at 1500 - 1800
營業時間
今日營業
12:00 - 23:00
星期一至日
12:00 - 23:00
付款方式
Visa Master 現金 AE
其他資料
網上訂座
Wi-Fi
酒精飲品
VIP房
電話訂座
賞訂座積分
外賣服務
加一服務費
室外座位
有關餐廳
香港自設廠房 一流「韓式熟成牛排」
bong 設於紅磡嘉里酒店內,遠眺紅磡碼頭海旁,氣氛情調一流。餐廳主打「韓式熟成牛排」,在香港自設廠房用牛肉本身的天然酵素在120天裡熟成,讓肉質嫩滑多汁,甚至媲美一級韓牛肉質。bong 主要用美國中西部伊利諾州的「Aurora 穀飼黑安格斯Prime 級牛扒」,使用的酵素比一般強勁3倍外,120天的熟成期也比坊間的30至60天更久,讓肉質更軟嫩。

除了「韓式熟成牛排」外,bong 也有多道主打菜。先是主菜-「意式章魚沙律配芥末醬」、「藍鰭金槍魚刺生配芥末醬」都是開胃之選。bong 的麵包也是每天新鮮製造,相當鬆軟。

主打菜有「熟成雞胸肉釀鮮蝦、蘑菇和西蘭花」,嫩滑雞胸肉一炸一煎兩食,非常香口;另有「香煎銀雪魚配藏紅花忌廉汁」滑口忌廉汁配上新鮮魚肉,口感幼嫩。

有關獎賞計劃
食評 (105)
 紅磡嘉里酒店個位置比較偏遠出左地鐵仲要行十分鐘先到換來的係風景比較靚,有好有唔好呢度好多餐廳,今期介紹呢間乾式熟成牛肉店 晚餐就食唔起,中午過黎食就比較便宜一點午餐有三個價位Lunch Special business lunch同最高價位既Executive lunchbusiness lunch 就最抵食有齊湯,沙律,熟成牛肉,甜品,意粉,茶咖啡$300一位以呢個價位,合理,水準出色 跟正式西餐一樣先上牛油,餐包睇細節,牛油隻碟都有預冰,good麵包有加熱,已見其細節用心麵包外層脆口,中間鬆軟 是日餐湯南瓜濃湯味香醇而有淡淡甜味,健康又清新顏色呈緋紅橙黃 濃稠度適中 換第3道就係沙律配上特製沙律醬汁沙律菜脆爽,醬汁不太濃,配合得宜 最後就到主菜上一份熟成牛扒 150g碟伴有烤蔬菜同焗薯一份裝盤好靚,賣相已嬴三分牛肉經過熟成後,更有風味肉質變得更為細緻,肉汁更豐富同時會附上六款唔同既醬汁或鹽供食客配搭個人最喜歡係粉紅鹽,配上牛肉味道更鮮嫩 today pasta 番茄肉醬意粉前菜食完牛扒同沙律麵包,已飽七分再上一份大約2-3口既意粉食完就真係非常滿足意粉有彈性之餘配埋濃郁既番茄肉醬非常開胃又夠飽 收碟換新餐具就準備上甜品今日係蛋糕,三層味道,係朱古力味既蛋糕味道相當突出,最後底層既朱古力好濃又夠甜 Sorbet 水果雪葩,清新味蕾 最後餐飲選了咖啡同檸檬茶作尾結茶味香而濃水準高,午餐值得一試,非常推薦 繼續閱讀
(以上食評乃用戶個人意見 , 並不代表OpenRice之觀點。)
等級4 2019-10-02
560 瀏覽
朋友結婚,今日約左我係黃埔比炸彈。呢個炸彈我就一定收呀啦,個啲令人流晒淚既蛋,真係一個都唔想收。咁開心既事,當然要揾個地方慢慢傾慢慢嘆。黃埔嘉里酒店入面呢間,環境、氣氛和食物真係岩晒我地。午餐有3款,揀左中價既商務套餐。小女子係第一次食商務套餐乍。作為藍領,可以享受商務套餐,真係好興奮Sweet Pumpkin Cream Soup南瓜湯,忌廉味都幾重,又甜又滑,唔錯。麵包又香又軟,一定要食Green Salad with Orange沙律菜和生果都很新鮮,仲有少量甜甜既腰果作配菜,另沙律味道不至於太單調。Dry-aged Sirloin Steak (150g) 單睇調味料都好講究認真,有6款咁多,任君選擇。件牛扒更加不用說,非常出色好似係第一次食dry-aged steak, 用風乾既方法處理牛扒,肉汁和肉質嫩度都會大大提升,仲會有特別既風味。件牛扒雖然係薄身,但其實都好大件。要左Medium, 略帶紅肉,生熟度剛好。口感非常正,肉質真的很軟嫩,無筋,還要很多肉汁。吃起來有種與別不同既感覺配菜也不可忽視,燒茄子、蕃茄、青瓜和蘆薈都很新鮮又多汁。Today 's Pasta食完件扒其實已經好飽,很擔心食唔晒啲意粉會浪費。不過一見佢既份量即刻安心晒。一口蕃茄意粉,份量雖少口感卻十足,意粉軟硬度適中,有嚼勁。蕃茄蓉酸酸甜甜,好開胃。最後係甜品時間三層雙重朱古力蛋糕,低層加左粒粒果仁花生,增加口感,好似食緊金沙既外層添芒果雪芭,芒果味又香又濃,甜甜的,一啲都唔酸,口感軟滑,剛好中和牛扒既油膩感。嘆住杯咖啡,繼續我地既girl talk。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-10-01
449 瀏覽
辛苦咗成個禮拜Happy Friday緊係要對自己好d,朋友推薦去紅磡試一試韓式熟成牛。訂枱18:30到達剛好遇上日落,一路睇住個日落,再一邊嘆住個夜海景一邊晚餐,心情非常愉快!麵包香脆,內有果仁及紅莓好特別!點咗個Dinner Set BSweet Pumpkin Cream Soup-南瓜味濃香甜,口感細滑綿密。Grilled Scallop with Salmon Caviar-帶子味濃厚有鮮味,魚子醬甘香,三文魚油香味十足,非常肥美。Sous vide Chicken Salad-沙律菜新鮮雞肉軟腍,千島汁好醒胃。Dry aged Ribeye steak (250g) with King Tiger Prawn-Medium 剛剛好不過熟,熟成牛油脂分佈均勻,肉汁豐富,牛味濃郁,口感軟腍。伴碟菜種類多,有微微炭燒香味,配上黑醋好夾。另有三款鹽及醬料配牛排。Sorbet-香芒味雪芭清清味蕾,芒果味香,不過甜。Chef’s Recommended Pasta-Handmade Linguine 煙韌,蕃茄味濃,帶微酸。Today’s Dessert-忌廉軟滑,朱古力味濃,帶微微苦,餅底有脆脆及果仁,口感豐富。另點了Crab Meat Chesse Truffle with Homemade Linguine,手工意粉配上蟹肉、芝士及忌廉,啖啖都食到蟹肉及芝士非常滿足! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-26
450 瀏覽
bong pro dry-aging 位於紅磡碼頭嘉里酒店旁,傍晚時分🌆可睇到海景兼有日落睇,一間可飽覽美景用餐的食肆😍視食都覺好味!👍有高質西餐廳質素Business Lunch set($300/set)1.) 芝士竹炭麵包🥯睇落黑掹掹會增加麵包密度、口感細密😋芝味無窮♾2.) 南瓜湯(Pumpkin Soup)我覺得超好味,超鍾意食南瓜🎃棉棉的超重南瓜忌廉口感3.) Orange Salad )有堅果同埋佢配嘅醬汁都好夾佢個橙唔錯4.) Dry aged Sirloin Steak(乾式熟成牛肉)7成熟左右,牛肉脂肪均勻分布,牛肉的風味特別,牛肉肉質十分之軟嫩、多汁,乾式熟成的牛肉肉質很軟與肉質的風味獨特有驚喜5.) Sorbet 紅桑子雪葩, 食得出是鮮果製作6.) Daily Pasta: 鮮蕃茄汁意粉)好濃郁嘅蕃茄味,好新鮮,配合埋佢煮得岩岩好嘅意粉好正啊!Daily Dessert 甜品:double chocolate三層的雙重朱古力蛋糕🍰相當creamy 室內用餐優雅時尚 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-23
458 瀏覽
紅磡區自從有咗地鐵之後真係方便左好多,今日就嚟到嘉里酒店呢一間開左1年有多嘅地方食正菜🤤因為第第一次嚟所以搵左一陣先知道喺邊度。睇嚟之前知道呢度嘅屬性牛係招牌菜,果然餐牌上每一道牛同豬都好講究,唔單止部位,佢所用醬汁都經過精心挑選。,務求令食客可以品嚐最優質嘅肉類👍🏻為咗可以試清楚豬銅牛嘅屬性分別,我哋每人各自叫咗 Dry aged rib eye steak (牛牛) & Dry aged pork shoulder butt steak (呀豬)來個大對決🤗店員為我地送上麵包籃,包身微暖,食落非常軟熟,隱約食到淡淡蒜蓉香味,we are so ready to eat!!!!!!係主角黎之前,店員端上6位配角,原來係可以因應返唔同嘅口味去配搭牛同豬黎食。除咗比較普通嘅蜜糖芥茉之外,當然唔少得岩鹽,酸青瓜等等..每一個配角都能夠襯托主角嘅光芒😻Dry aged rib eye steak看似平凡其實內裡大有乾坤,將牛扒美味層次加倍提升,熟成後的牛肉更嫩滑,而且油份更集中,肉質腍滑唔會好肥膩,令人一試難忘。如果話啱啱嘅熟成肉眼係牛排界嘅一哥,咁我呢塊熟成豬就係豬肉界之王喇😅 軟嫩嘅肉質以及完全沒有豬的那股特別怪味,令整道菜更加完美,火候控制冇得彈,晤鞋口之餘仲非常多汁,沾上醬更加美味😋呢一餐真係Prefect! 同時享用兩種頂級肉品,正好可以比較邊一種先係最美味嘅肉!連我呢個牛魔王今日都覺得呢頭熟成豬係有驚喜嘅🧡而且餐廳望到海,燈光、成個氛圍都令人食得好relax! 值得推薦✌🏻 繼續閱讀
(以上食評乃用戶個人意見 , 並不代表OpenRice之觀點。)