Boca Tapas & Wine Bar (已結業)

約埋朋友去晚餐同埋飲酒, 朋友比較熟識佢地d食品, 所以由佢話事, 佢叫左約8-9個菜, 其中印象最深印係佢地d麵包, 三文魚, 烤羊肉串, 炒蘑菇, 炸薯仔等等, 餐廳似係酒吧為主, 環境都幾暗, 食品似係小食份量, 服務態度十分好~

講得無錯，呢度嚟 過幾次，嘢 食確係唔多掂，但wine係ok既，個人覺得佢既white sangria 比較好呢度都係吹水舖，但好多人吸煙，唔啱 我

有次行經呢度，見幾full，所以試．食個越南春卷，有甜酸汁伴碟，但唔好食！又叫個三文魚柳（頭盤），唔難食但無驚喜．仲叫個西班牙式的炒飯(Paella)，但係唔係海鮮，而係雞肉同青椒等，最唔得亦係呢味！Order時話要等大半個鐘，出黎係連鑊仔，特色啦．食落口只覺微暖，唔夠熱，飯有雪味，唔知係咪因為雞肉未解凍得晒就放埋一齊炒所致，份量唔細，二百幾蚊．可能呢度飲wine較適合，幾乎檯檯都飲紅或白酒．無idea可以叫waitress推介．服務都係麻麻，只對部份人有笑容（可能係熟客）．隔離檯黎班講英文既新加坡人擾攘，有十幾個，可能慶祝生日，全部叫杯林寶堅尼飲，有人打爛杯，個waitress即刻黑晒面過黎指指點點，教班友點飲，雖然佢無錯，但應該表現得cheerful，始終係飲酒既地方ma，呢情況成日發生ga啦．