BnR (已結業)

假日去Megabox，見呢間都幾多人，下午茶茶餐廳價錢😍就入黎試下叫左個豬扒喇沙淮山麵$42配熱飲碗麵一上枱超香🤤份量好足，豬扒大大塊，味道唔錯😆朋友就叫左西多士，超多花生醬👀超邪惡🥶

喺九龍灣已經食到唔知食咩好 見到MegaBox開咗間新嘢(其實都唔知算唔算新）就試下佢其實呢間嘢招牌菜似乎就係藥膳湯麵不過當日我就揀咗個麻辣牛腱拌麵（個名應該係咁)其實佢啲牛腱係好腍好入味，而且份量都唔少，但係奇怪嘅就係佢啲面嘅溫度首先佢一定唔係熱嘅，溫溫地又好似唔算係，但又稱唔上凍總之就好奇怪咁佢個辣度都算辣嘅 一入口可能唔係好辣 但慢慢就會出嚟而且佢係麻同辣都有 偏辣多少少服務員都有話如果唔夠辣 可以再問佢哋拎之後嗌咗杯熱奶茶 份量都幾多整體而言我就覺得呢間呢個拌面麻麻哋但係其他朋友食藥膳湯麵，我就覺得佢哋個藥膳味真係超級濃，因為一放上枱面就已經聞到如果鍾意食淮山麵嘅話都可以一試佢哋似乎最出名嘅就係藥膳淮山麵

前兩日經app叫外賣，叫咗三個主食，一個兒童餐及一份正價麻辣溏心皮蛋。主食及兒童餐質素正常，但價值$50 的小食麻辣溏心皮蛋，送來時只有一隻。餐廳把皮蛋切開了四件，我還以為外賣送少了，打電話去餐廳查詢是否弄錯了，是否以為這是這是額外加錢在主食的份量之類，職員再三和廚房確認後回覆沒有弄錯，的確正價單點的份量，即是是$50 一客，只有「一隻」的皮蛋😅😅。真心好奇味道是否有什麼不同⋯⋯ 結論是，普通皮蛋一隻 🫣酒店價錢，平民味道，試一次就夠！

行行下見到呢間食花膠雞湯嘅餐廳，就即刻衝左入去食！首先，佢哋嘅藥材花膠雞湯米線真係好正呀。湯底清澈透亮，飄出好香嘅雞湯味，花膠嘅彈牙口感同埋軟糯嘅米線結合得好完美。每一口都能夠品嚐到花膠嘅鮮甜同埋雞湯嘅滋味，真係令人回味無窮。其次，花膠雞魚湯泡飯都好驚喜。杯杯飽滿嘅白飯浸泡喺香濃嘅魚湯入面，湯汁滲透晒每一粒飯粒，食落好有風味。加埋花膠嘅柔軟口感同埋嫩滑嘅雞肉，真係令人陶醉。最後，雞湯浸時蔬係一個清爽嘅配菜，令整餐更加均衡。時蔬保持住自然嘅脆口感，同時吸收咗雞湯嘅滋味，食落好清新同埋健康。凍冰冰嘅天氣～ 食一碗熱辣辣有質素嘅湯麵 真係好滿足

下午茶時段 諗住近近地 就係樓下叫個㗎央多士+杯熱奶茶(最後俾咗㗎央西多士！) 等收錢等左5分鐘 等外賣都起碼等左20分鐘 之後同事再叫多個雞翼薯條餐 只係遲我5分鐘落 都要再等多10分鐘 下次真係去mcd 好過

見megabox有新餐廳開就去一試，我鍾以藥膳味道，雞也很滑，有半條油炸鬼跟湯麪一齊上，我喜歡呢，最後連湯也全喝下。同伴叫咗胡椒朱肚雞湯麪，胡椒味濃，湯得好喝。

本身好少寫評論但呢間忍唔住要寫幾句，五個人去幫襯，大家都覺得食物味道正常一般，份量偏少，收費偏貴，性價比一般，自助落餐冇服務但收加一服務費，水都冇杯，食物上菜快，落單三分鐘左右就上到，但趕你走仲快，餐飲都未開始飲就催你走，不停有人行埋黎話唔係催你走但出面有人等你張枱叫你埋左單先，入到去坐底大概十五至二十分鐘左右就出返去，以為好多人排緊隊好心讓張枱比人但出到去見到成條隊得一台客，差評，以後唔會再幫襯。