影片
港鐵馬鞍山站 B 出口
繼續閱讀
附加資料
Now TV 英超直播, Dartslive 2 飛鏢機
營業時間
星期一至四
11:30 - 01:00
星期五至六
11:30 - 02:00
星期日
11:30 - 01:00
公眾假期
11:30 - 02:00
以上資料只供參考, 請與餐廳確認詳情
原來已轉做純酒吧一年有多，雖然冇主食，但好在都有串燒，炸尤魚鬚，焗雞翼依啲小食。叫做適合我依啲夜晚唔食得多嘅人，同三五知己飲番幾杯傾吓計。環境裝修叫做走型格路缐燈光較暗，不過酒吧嚟講就叫正常嘅。講返食先，串燒種類唔多。都係熱門野，牛、豬、雞翼，火雞腎，咸牛脷，牛丸、墨丸、雞尾腸等。味道都幾好。啲Cocktail 都叫多選擇，想濃啲酒精同老細講聲都冇咋型。非常友善依度仲有飛鏢玩，老細得閒都會陪啲客掟吓鏢。馬鞍山嘅飛鏢友唔駛專登走出沙田大圍掟方便哂。聽老細講遲啲會攪番午市泰菜，到時試完睇吓有冇驚喜先。
繼續閱讀
68元啤酒買二送一（人頭計），飲完第二日頭痛。野食方面，只有雞翼、薯角、尤魚等等。。。乜餐都無。服務一般、傾計一般，不會太嘈。之前的餐牌全部無曬，可以選擇，不會再去。
繼續閱讀
馬鞍山★Blur曾經係teatime黎飲過coffee記得味道同環境都唔錯，今日放假想搵個寧靜舒適既地方慢慢嘆個lunch就諗起BLUR見到佢全黑既正門，就知係間走型格路線既餐廳入面以木傢俬為主，牆身灰色，燈光偏昏陰，吧台旁邊個藍色B字LOGO份外搶眼！小小既餐廳竟然有2部大電視，播既都係運動節目，相信係一班Friend既睇波勝地Lunch set menu有5個選擇，價錢$62-85連是日餐湯同咖啡/茶（平日免加一）。肚餓到不憾，好彩同Mr. Pig好快已經得到共識。- 黑松露蘑菇湯（跟餐）：第1眼已經比疑似麵包粒既物體吸引左，一食原來係油炸鬼！哈哈，好特別lol 脆就脆，不過都幾大陣油味 以為是日餐湯會頹頹地，點知勁足料，飲到好多蘑菇碎粒 Yummy～- 意大利蕃茄乾炒雜菜煙肉扁意粉（$62）：咦？蕃茄意粉唔係紅色嫁咩？睇清楚menu先知原來係蕃茄乾！一大碟既扁意粉香味撲鼻，加上colourful既配料（蕃茄乾&煙肉&紅蘿蔔絲&蘑菇&西蘭花），一次過滿足晒視覺同嗅覺 加左黑椒食落更加惹味，配料豐富食落有多重口感唔太好茄汁/膏所以少嗌蕃茄汁既pasta，今次依個係蕃茄乾好正呀，夾埋黎食酸酸又唔會太漏- 杏仁巴馬臣芝士炸龍脷柳（$65）：可以跟飯/意粉/薯菜。肥仔代表唔洗問一定係薯菜啦一望到條龍脷柳外面係薄薄既麵包糠炸粉而唔係加左啤酒好油果種已經心中暗喜舊魚好滑呀，仲要食落一d都唔油！不過宜家打食評先發現佢個名堂係"杏仁巴馬臣芝士"炸龍脷柳，但無論條魚定個醬都無一刻令我聯想到杏仁/巴馬臣芝士..薯菜方面，薯條都好多油下，d蔬菜就好似就咁白烚咁好淡我諗要飯/意粉會好d～- Irish Cream Latte （跟餐+$8，原價$28）：少有地發現有irish cream latte飲好開心！面頭既朱古力醬令佢既賣相加左1分。好鐘意咖啡同牛奶既香味，不過酒味可以再濃ｄ！- Salted Caramel Latte（跟餐+$8，原價$28）：大鄉里出城原來latte都會落鹽，仲要原來咸咸地又意外地夾！不過始終都係加左caramel syrup飲落偏甜。依到太舒服食完野坐係到嘆左好耐coffee都未肯走，不過見佢2點開始越黎越多人，都係讓番個位出黎。下次再黎坐過 終於係馬鞍山搵到個RELAXING PLACE埋單$157/2ppl。
繼續閱讀
難得放假，當然要外出走走。找了一下有沒有新餐廳是最曉食未吃過的，便發現了此餐廳。這家餐廳位於這個較偏遠的位置，平時行人較小，應是做熟客的生意。連住在附近也不太發現它的存在。真的十分低調。門面設計黑色為主，雖有玻璃窗，但也不是全透明的那種。整家餐廳外觀十分型格，是酒吧的一貫的風格。甫到步，因看不到內裏，以為倘未開店，完全不像有午餐供應。店員見我倆在外東張西望，便說已有午餐供應。店內與酒吧設計無異。設計時尚型格。還有兩部大電視供顧客看球賽，想必有球賽的晚上一定十分熱鬧。是日精選午餐免收加一，食物都頗為吸引。本懷著一試新餐廳的心，故沒太大寄望。選了西西里烤豬扒飯($58)和香煎摩洛雞扒意粉($58)。各配餐湯和飲料。是日餐湯為是出乎意料的好喝。蘑菇味香濃，而且質感較杰身。鹹度適中，喝了整碗已經止了肚餓感。豬扒先煎香，再加上西西里汁。西西里汁蕃茄味十分濃。飯汁配在一起吃的確一流，可惜朋友說別到最後汁不太夠，建議可多加一點汁。這雞扒意粉絕對是好吃。同樣地，雞扒先煎香後再配上汁。此摩洛汁雖與西西里汁一樣，亦是充滿濃濃蕃茄香，可是妙處就在此汁多了很多椒，豆類和香葉等材料。使蕃茄味以外多了椒的香味和微辣的味覺。而意粉則更顯心思。用小量迷迭香和牛油炒過，味道更香，可惜偏油了一點。全部扒類都給兩塊，一點也不吝嗇。還有時蔬伴碟，實在是十分豐富。
繼續閱讀