Bistro Délifrance (已搬遷) 新店位置

好難食呀!! 個湯幾腥, 雖然算多料, 但冇乜味! 沙律只係得幾片生菜, 兩粒車厘茄, 加一堆仔栗米粒, 全set野叫做好食d既竟然係佢地話隨餐送既蛋醬croissant, 重係小型size 添bor. 有冇搞錯, 收咁既價錢, 算唔算扼錢呢?

一盒有四個唔同味既酥,岩晒我呢個又鍾意食又花心既人,包括藍莓酥,提子酥,吉士酥,同朱古力酥。先食藍莓酥,好多藍莓醬,酸酸地,幾好味!然後食吉士酥,吉士味道唔夠,唔香唔甜,仲硬硬地!再食提子酥,同大既差唔多,味道比較甜,但係好食,唔好係太過油!最後食朱古力酥,我最鍾意,酥皮包住朱古力條,好多朱古力味,好食呀!如果要排次序, 我會排列如下:朱古力酥,藍莓酥,提子酥,吉士酥。推介呢個雜錦酥,因為一次過可以食唔同款,而且細細個,食晒都唔滯。

同車打芝士扭條一樣,所謂扭條其實係一條酥皮,提子唔係好多,但係令扭條多左d甜味,酥皮既質地同味道雖然ok,同平日一般水準,但係太油, 唔係咁好。

名不副實!只係一個扭成辮狀既酥,面頭灑上杏仁/花生粒,車打芝士呢?去左邊?用眼睇,我就好艱難先睇到酥皮某段黏住少少芝士,用味覺,完全感覺唔到茨士既存在!師傅係咪唔記得落芝士?$7一個算比其他款貴,我覺得被騙呀!好唔扺!

呢款包既餡同佢既外表一樣咁簡單,唔好睇佢外表平平無奇,內涵卻俾足料。無諗過,包餡竟然係一大磚硬既忌廉芝士,唔係好creamy個隻,而係一條硬個隻喎!所以有好濃既芝士味,有少少芝士酸而又唔好酸,鐘意食芝士既人(好似我咁)就會覺得好正,但係唔鍾意既話可能會食到想嘔,因為真係好「芝士」!

我都有試過呢隻包, 都覺得佢太過甜,蓋過晒其他味,而且個包一乾左,就會好硬,好難食..個人比較中意佢個白汁三文魚軟包,~~

呢款係Delifrance新出既包,都幾大個,而且幾靚,外坙造到似提子咁,包面有好多糖,好似舖左一層雪一樣,所以叫雪球。初時我以為所謂朱古力,只係得包面既一d朱古力粒,知食先知原本包心都有朱古力,真係幾好。朱古力係好味,包都ok,但係有一樣唔好,就係包面糖太多,令到味道太甜!

hotdog 條腸太大條,又凍,麵包又硬,好難食!杯奶茶唔香滑,奶味又唔夠,又唔熱,飲水好過!sevice好差,有時要等10分鐘先整到出黎!早餐個omelette都ok既,不過覺得自己好似食緊飛機餐.不過,個tiramisu cake都幾好食,一杯既tiramisu都ok既,另外,要推介一下佢既麵包,$10個,好大個,煙韌得黎又軟,都幾好食!

長形既軟包上面有幾條乾身既火腿,中間係滑蛋,呢款包我最鍾意係個滑蛋,我唔知佢係咪加左一d醬係點,應該唔係齋蛋,有少少似薯仔沙律味(咁形容法可能有d怪,但係我真係有咁既感覺…),覺得好好味!

咁就盛惠$43,多d三文魚都話鴉,得個幾片,仲要係薄個隻,用幾棵草墊住,就賣到咁貴,又唔好食喎!最最唔抵都係呢個餐喇!早知試黑椒蟹柳牛角包餐好過!

今早食左個火雞芝麻包,係一個面頭滿佈芝麻既包包住一件住既火雞肉,個包雖然唔係好軟,但係都ok,但係件火雞有少少靭,唔知定係我牙齒唔夠利,一咬會將唔多作件火肉掹左出黎,搞到好狼狽…另一樣唔係咁鍾意既係個包心中間有一”pat”沙律醬,我覺得唔需要,無左好d!不過,整體上個包ok既!

朋友仔屋企冇飯食, 拉左我出黎飲野同食晚飯. 想食得平同埋所謂o既健康d, 就黎呢度. 我地都係嗌set dinner, 而家加幾蚊送一杯tiramisu, 好多人要, 我地就冇要.煙三文魚沙律醬法包同吞拿魚沙律醬法包, d 餡好多, 味道ok, 但個靈魂係個包, 嘩! 脆到o丫, 不過delifrance水準唔穩, 以前食過好好o趙但過為韌o而唔脆既法包. 南瓜湯過得去, 沙律夠凍, 但唔新鮮. 整體唔會話好抵, 不過一次半次冇所謂, 但我好鍾意食法包, 真係買條法包返屋企食仲好.

琴日下晝勁眼訓,去Delifrance買左杯Iced Cafe Latte,又幾好飲喎!我見到佢落左好多鮮奶,而且係用純鮮牛奶喎!咁16蚊一杯都值既!比Starbucks同Pacific Coffee等便宜嘛!

今日又去delifrance食野~ 食左個白汁三文魚+吞拿魚軟包餐~真係好好味~~~ 另外加左兩蚊要左杯tiramisu~ 點知,勁難食~ 又無芝士味~ 個底仲濕濕地~ 真係好失望~ 幸好只是兩蚊~~~

今日外賣左個tea- 法式迷你三文治+熱檸茶~~~ 都幾好味~ 而且仲可以一次過試哂三款味道~ 三文魚就最好味~ 白汁碎蛋都唔錯~ 但係芒果雞肉就麻麻~~~ 味道唔係好夾~~~ lee間d面包比起其他分店係大件d架~~~ 較為抵食~不過d女職員就比較木口木面~