Bistro Délifrance (已搬遷) 新店位置

好差好差!!!衞生情況勁差,從未吃過一間衞生情況如此差的餐廳. 給客人的水有油漬在水面,換過三次才可勉強接受, 水杯也有污漬...放食具的籃子沒有清洗, 令人十分擔心... 食物味道尚算可以, 但由於已被衞生情況嚇親,因此食不下嚥...餐廳服務也不可以,仲要收加一服務費,員工都十分忙,亦十分生手...以後也不會去.

佢地自從推出$5一款酥/muffin之後, 我都成日去幫襯...最喜歡都係個朱古力muffin入面真係有好多好多choco chip既...個muffin又鬆軟$5一個真係十分抵食啦.今期佢地就係cinnamon bun都無得彈..個酥本身好香肉桂味..只不過縑比較油左少少..不過$5來講仲可以有咩好彈啦.

男朋友係附近見完工,join埋我一齊食tea,我想食cake,所以黎左呢到我要左個cake set,要new york cheese cake同ice lemon tea男朋友要左菠蘿雞肉薄餅同ice coffee我個cheese cake唔錯,texture夠實,芝士味夠濃,不過杯ice lemon tea就啖左小小,無0麥茶味男朋友個薄餅夠脆口又熱辣辣,唔錯雖然係下午茶時間,但都唔係好多人,坐得幾舒服,又有waitress送餐,唔駛自己去拎,不過而家delifrance好似愈黎愈貴咁lu~

今日試下呢款包,因為我好鐘意食芝士,特別係車打芝士,所以期望都幾大,但係比我想像中差.因為芝士好少,火雞似煙肉.而個包脹卜卜,但入面的芝士唔滿,令到個包入面好像空心一樣.

一啖咬落去,巳經見到d 硬芝士塞滿成個包,好厚.仲有一層層的煙肉,個包又軟.好驚喜佢會落咁厚的芝士落去..d 芝士唔會食到漏的感覺,係有d 芝士的香味.加埋煙肉有咬口,好掂!

今日早餐買左個包食,其實我早餐好小去呢間買麵包,因為都幾貴呀..一個麵包仔都要$8.我夾左個白汁三文魚包,入面d 三文魚係滿滿個種,好好味..但個麵包就幾硬..唔夠軟棉棉.我覺得幾好的就係食完唔會有種好油好(利)的感覺,幾健康的麵包

平時佢地d麵包都幾貴...不過一過7時就有7折平好多.有一晚好好彩仲有多款麵包可以選擇, 所以買左一大個丹麥麵包(個款似牛角包)原價$15, 特價$10.50.個麵包真係好鬆軟又有牛油香....一大個只係$10真係抵啦.

同同事一齊食lunch,要左新出既粟米火腿清新沙律個餐,本來$36既話我地唔會試,但係有$10coupon,所以咪試下囉!比想像中ok喎!本來以為沙律唔扺,但係原來沙律只係一部分,仲有兩片好似火腿既肉啦,三片法包啦,蕃茄啦,同埋幾多生菜。沙律有火腿同粟米,沙律醬份量唔算多,剛剛好。有一個食法唔錯,就係將沙律舖係法包上一齊食,幾好味架!至於杯凍檸茶,就俾人好涼快既感覺。$26就ok,$36就無謂喇!

上個禮拜行過,幫襯左下午茶餐.焗薯餐居然只係得半個薯仔,重唔係大果種;所謂既high tea除左有d細到冇得再細既tart之外,居然有薯片(好似lays果D)有冇搞錯?!成卅幾蚊食high tea薯片! 另外現正做promotion石板街moose真係好鬼好鬼死甜,除非好鍾意食好甜野,如果唔係既話(好似我咁)就覺得唔好食.重有就係唔知點解呢間delifrance特別多人,又唔係平又唔係好食過人....

不嬲都係同開d friends去…咁就通常都係一大班人咁去…各有各買ga la…<br />到第一次同bf去…(都好耐之前ga la…)…佢\之前無去過…因為佢\唔係太好包包…<br />但係我又好鍾意食包wor…所以佢\就陪我去la…咁佢\去買我去搵位la…<br />佢\拎完晒野返黎問我係咪走果時比錢…我話完佢\知之後,佢\話無人收錢law…<br />之後出返去…都係無人…唔你ar?? 錢都唔收…唔係咁唔憂做ar ma??<br /><br />講返d野食…果晚食左白汁鴛鴦配軟包同香芒雞肉意大利包…大約係咁上下la d名…唔記得la…再加左2個tiramisu…<br />今次無轉到d包…因為慣得諗…d味ok la…不嬲要求唔會太高…但係li 2款比較普通…相信唔會特別話encore law…<br />個tiramisu就麻麻la…無乜cheese味…同埋比較濕law…<br />

小弟食過全港不下10區既Delifrance，呢間服務就最差。其實都唔係講咩服務，個餐整好就埋位自己食，都係自作「業」。但係呢間次次食親都要等好耐，由排隊比錢到排隊攞餐都等得耐過人，食物質素都唔需要再講。仲有就係間間Delifrance個膠盤中間都谷起，攪到D杯杯碟碟東歪西倒，我真係唔肯定呢樣係咪「設計」（用來瀉力乎？），但就真係幾難睇，好似係比D滾水燙到變晒形咁。

晚上7:00後...所有麵包7折, 好抵呀!必食推介:香脆吞拿魚包, 雜錦芝麻軟包, 火腿片大包.

果日同個fd去食下午茶,發覺有個整三文治的男仔勁好人,問佢咩都話冇問題,好好服務!最緊要的係佢又靚仔喎~!我仲記得佢叫Brian Luk架,得閒上去睇下佢啦~!

今日同朋友黎依到tea,order左2個tea set,法式熱狗tea set塊百吉包好硬,用刀都好難切開,最好食反而係塊生菜法式迷你三文治tea set就麻麻地,三文魚果塊有d"腥",芒果雞肉果塊就唔係好matcg,比較好就係有蛋果塊另外仲加左$6要左個芝士薯仔批,俾果陣已經唔熱,暖暖地都冇,所以有d難食,而且冇芝士味下次都係order返d tarts 會好d

幾年嚮中環Delifrance 食野飲Coffee都真係唔錯，無論係環境，服務至到好唔好味都叫好．都算係一間大型而講究既一間Cafe．但係近排Delifrance將自己大眾化左，需求量多左，質地就相對差左．　服務都係一樣，雖然人手係多左，但係質數仲差過以前．去過咁多間，德福果到就真係最唔得．服務質數仲差過McDonalds，起馬MC記ｄ人都玩笑一笑，果間咁既Delifrance係多人去，ｄ人做到踢晒腳，但係都唔好好似唔想load咁．　我叫左杯普通Coffee，叫佢走奶，另外比杯奶我，其實嚮其他Cafe，或者係其他Delifrance 分店，佢都會比杯淨Coffee，嚮另外一個比杯奶你．可能佢地服務太好，沖埋比你，有如茶餐廳一樣．仲要沖到多奶少Coffee，激死我．前幾年Delifrance都係一個有氣氛既cafe，可以嚮果到Hi Tea，同朋友談心或自己一個看書既好地方．但係呢排好似變到大家樂咁，攪到Cheap晒．多人都唔係問題，不過ｄ人講野大聲，想嚮果到Relax下都唔得．我覺得如果你比得果個價錢去果一個地方，ｄ野食唔好食都唔緊要，果到就一定要有返咁上下既服務質數．