影片
營業時間
今日營業
11:00 - 22:30
星期一至四
11:00 - 22:00
星期五至六
11:00 - 22:30
星期日
11:00 - 22:00
公眾假期前夕
11:00 - 22:30
以上資料只供參考, 請與餐廳確認詳情
優惠
係太和近火車站商場呢間好有特色嘅餐廳「Bingle Bingle空中列車烤肉」門口望入去就俾佢嘅裝修吸引咗餐廳內原住枱行路軌上面有個太空艙最特別嘅係食物係由「空中列車」送上嚟真係幾得意又新奇大人細佬都開心***重點係比較衛生***👍👍唔洗由廚房送出嚟會經常好多人👍呢度有不同國家品種肉選擇👍仲有五款醬汁自行調味原來餐牌上沒有介紹二人餐我地用手機do code 落單時發現啱晒選擇困難証嘅人仕👉🏻自選燒肉二人餐四式涼菜(泡菜+大豆芽+青瓜+中華沙津)西班牙豬五花+黑毛豬肋條+雞爽肉(各50g)牛五花+肩胛牛柳+牛小排(各50g)石鍋大醬湯(可選擇泡菜湯)可以加$10升級為紫菜飯2碗追加👉🏻宮崎A4和牛三角腩(50g)玄米茶2杯 (可以加錢改其他飲品)以上肉類可以自行加錢升級******************************豬五花烤耐少少好香口😋雞肉真係非常爽口😋豬肋條帶少少筋好彈牙估唔到好正😋😋牛五花肉味香濃😋牛小排有少少油脂香突出肩胛牛排肉嘅比例多啲脂肪少咗啲宮崎A4和牛三角腩肉汁豐富油脂剛剛肉味突出啱啱好唔會太膩買單時送二個幣仲有得玩可以選擇夾公仔或者扭蛋
繼續閱讀
呢間韓式燒肉店已經喺太和廣場開咗一段日子，今日第一次試，覺得都幾抵食，一人烤肉又得，親子亦都非常適合，十分推薦。見到一人烤肉套餐Menu已經覺得好吸引，有多款肉類不同配搭，亦可以揀肉量，可以較容易揀到啱心水嘅套餐。我哋一行三人，每人揀咗一個套餐，再開心share。每個套餐都包含牛肉雜菜湯，白飯或溫泉蛋紫菜飯，仲有飲品。個人推薦溫泉蛋紫菜飯，需要加$15 ，但真係比白飯豐富好多好加分，滿足感🆙另外每人加$12 ，就可以任食白飯泡菜牛骨湯同埋任飲汽水，超抵！枱面上有多款醬汁調味任君選擇。汁燒牛舌套餐(200g)我好鍾意食牛舌，所以揀咗呢個套餐。牛舌比預期中好食，係厚切牛舌，本身已經有醬汁醃過調味。烤到表面微焦就剛好，表面超香，食落去係非常軟嫩嘅質感，一啲都唔係，好好食。西班牙豬五花＆黑毛豬肋條＆特級鷄爽肉套餐(300g)呢個有豬又有雞嘅套餐都唔錯，份量都好充足，啱晒幾個人每款試少少。豬五花烤耐少少好香口，雞肉真係非常爽口。牛肉三拼套餐(300g)呢個啱晒牛魔王，一次過食晒三款牛肉。三款入面我最鍾意食牛小排，脂肪冇咁重，但亦有油香，肉味亦重。最後埋單時，仲送咗幾個銀幣，可以喺門口夾公仔，食飽飽仲有得玩，大滿足
繼續閱讀
位於太和商場呢間韓式烤肉店地理位置十分方便，太和火車站出閘大約行兩分鐘便可到達。燒肉店裝修以宇宙科幻元素設計再加上採用列車以路軌貫穿各個座位將食物安全送到，極具特色，由點餐至送餐都以全自動化系統操作，好有元宇宙feel。餐廳有多款不同套餐提供，仲有七款醬汁蘸料任君選擇，有：Bingle 自家秘製燒肉醬汁、香草蒜蓉燒肉汁、芝麻沙律醬、韓式辣椒醬、香辣蘸料、黑胡椒及玫瑰海鹽，按個人需要自創喜歡嘅味道。每份套餐都包含牛肉雜菜湯、白飯🍚(+15蚊可轉配溫泉蛋紫菜飯😋)、玄米茶，仲有泡菜、芽菜等前菜。餐廳毫不吝嗇，凡購買套餐均可無限添加，讚！燒汁牛舌套餐厚切牛舌芯烤至外層焦脆，內裏仍保持軟嫰彈牙，肉汁豐盛。加上美味嘅燒汁與牛舌互相交織，完美襯托出牛舌嘅濃鬱味道。牛肉三拼套餐豐富牛肉三拼， 有牛五花+肩胛牛柳+牛小排，一次過滿足三個慾望😂好味到冇朋友😋。燒肉店服務員態度友善，工作投入認真又細心，真係要畀個like佢👍食完之後以為好滿足，點知原來仲有抽獎😂今餐真係又食又拎，happy😃
繼續閱讀
一行入鋪唔知點解覺得似大陸野d色彩配搭 字體設計個feel似大陸d酸菜魚舖頭d裝修上網查一查發現係太興旗下真係睇唔出 舖頭裝修中資味好濃😂可能為左縮皮揾左大陸人設計講返食物我食下午茶時段老老實實 2025年佢d茶餐係抵食既$48 有3塊牛 3塊豬一碗珍珠米白飯 一碗牛肉湯兩格前菜 一杯玄米茶食完唔會飽 但下午茶想食light d絕對ok叫石鍋湯餐 仲要白飯前菜野飲任添但要午市晚市用正價百幾二百蚊就真係唔會考慮因為唔係賣平 賣性價比純講食物質素既話 我會話係中下最好食得碗飯同隔離d醬 (蒜蓉醬 韓式辣醬真心正)泡菜唔夠爽口 有酸味湯得咸味 無乜層次肉好薄 無乜肉香呢個質素我只接受到食個50蚊有找既茶餐要用多過100蚊食真係不了
繼續閱讀
推薦: 期間限定<<宮崎和牛套餐>>😋喺呢度用餐真係玩味十足！一人都可以燒肉，仲有火車送餐，免加一服務費，實在太吸引！我叫咗人氣宮崎和牛套餐，裡面有宮崎A5和牛肉眼蓋、A4肩肉同A4三角腩，肉質鮮嫩，油花分布均勻，入口即溶，令人回味無窮，搭配白飯食，簡直完美！牛肉雜菜湯都好清甜。飲品方面，要左濟州漢拏柑橘汁清新爽口。最後叫左紅豆味鯛魚燒作為甜品，甜而不膩。總括來講，這間燒肉店既有質素又有創意，無論係肉質或者服務都令人滿意，值得一試！
繼續閱讀
您可能會有興趣的...