影片
營業時間
今日營業
11:00 - 22:00
星期一至四
11:00 - 22:00
星期五至六
11:00 - 22:30
星期日
11:00 - 22:00
公眾假期前夕
11:00 - 22:30
以上資料只供參考, 請與餐廳確認詳情
優惠
呢間韓式燒肉店已經喺太和廣場開咗一段日子，今日第一次試，覺得都幾抵食，一人烤肉又得，親子亦都非常適合，十分推薦。見到一人烤肉套餐Menu已經覺得好吸引，有多款肉類不同配搭，亦可以揀肉量，可以較容易揀到啱心水嘅套餐。我哋一行三人，每人揀咗一個套餐，再開心share。每個套餐都包含牛肉雜菜湯，白飯或溫泉蛋紫菜飯，仲有飲品。個人推薦溫泉蛋紫菜飯，需要加$15 ，但真係比白飯豐富好多好加分，滿足感🆙另外每人加$12 ，就可以任食白飯泡菜牛骨湯同埋任飲汽水，超抵！枱面上有多款醬汁調味任君選擇。汁燒牛舌套餐(200g)我好鍾意食牛舌，所以揀咗呢個套餐。牛舌比預期中好食，係厚切牛舌，本身已經有醬汁醃過調味。烤到表面微焦就剛好，表面超香，食落去係非常軟嫩嘅質感，一啲都唔係，好好食。西班牙豬五花＆黑毛豬肋條＆特級鷄爽肉套餐(300g)呢個有豬又有雞嘅套餐都唔錯，份量都好充足，啱晒幾個人每款試少少。豬五花烤耐少少好香口，雞肉真係非常爽口。牛肉三拼套餐(300g)呢個啱晒牛魔王，一次過食晒三款牛肉。三款入面我最鍾意食牛小排，脂肪冇咁重，但亦有油香，肉味亦重。最後埋單時，仲送咗幾個銀幣，可以喺門口夾公仔，食飽飽仲有得玩，大滿足
繼續閱讀
一行入鋪唔知點解覺得似大陸野d色彩配搭 字體設計個feel似大陸d酸菜魚舖頭d裝修上網查一查發現係太興旗下真係睇唔出 舖頭裝修中資味好濃😂可能為左縮皮揾左大陸人設計講返食物我食下午茶時段老老實實 2025年佢d茶餐係抵食既$48 有3塊牛 3塊豬一碗珍珠米白飯 一碗牛肉湯兩格前菜 一杯玄米茶食完唔會飽 但下午茶想食light d絕對ok叫石鍋湯餐 仲要白飯前菜野飲任添但要午市晚市用正價百幾二百蚊就真係唔會考慮因為唔係賣平 賣性價比純講食物質素既話 我會話係中下最好食得碗飯同隔離d醬 (蒜蓉醬 韓式辣醬真心正)泡菜唔夠爽口 有酸味湯得咸味 無乜層次肉好薄 無乜肉香呢個質素我只接受到食個50蚊有找既茶餐要用多過100蚊食真係不了
繼續閱讀
推薦: 期間限定<<宮崎和牛套餐>>😋喺呢度用餐真係玩味十足！一人都可以燒肉，仲有火車送餐，免加一服務費，實在太吸引！我叫咗人氣宮崎和牛套餐，裡面有宮崎A5和牛肉眼蓋、A4肩肉同A4三角腩，肉質鮮嫩，油花分布均勻，入口即溶，令人回味無窮，搭配白飯食，簡直完美！牛肉雜菜湯都好清甜。飲品方面，要左濟州漢拏柑橘汁清新爽口。最後叫左紅豆味鯛魚燒作為甜品，甜而不膩。總括來講，這間燒肉店既有質素又有創意，無論係肉質或者服務都令人滿意，值得一試！
繼續閱讀
今次去咗間韓式燒肉店，送餐車造型好特別，會直接送到你坐既位，一個人都可以去食燒肉。今次我試咗佢哋嘅環遊世界三拼套餐。佢哋嘅美國牛胸腹、澳洲M9和牛腹肉同1++慶州韓牛小腿，啖到鮮嫩多汁，每款牛肉都有獨特風味，提供既醬料選擇都非常多。牛肉雜菜湯清爽暖胃，溫泉蛋紫菜飯香氣撲鼻。泡菜同中華沙律爽口開胃，令人回味。韓國海太果肉梨汁消暑怡人，大醬雞蠔肉鮮甜多汁。整餐用餐體驗一流，特別推介牛肉愛好者嚟試下！😝
繼續閱讀
你冇睇錯，$29真係有燒肉食太和呢間校長燒肉都開咗一段日子下午茶經過見冇人就入去試吓我叫咗下午茶一份牛同豬五花嘅套餐$48套餐已經本身包含咗白飯，飲品，前菜，店員仲話五點前呢啲野全部任裝，老實講就係入去食呢啲都抵本身諗住咁平，啲肉質素應該都麻麻哋，點知牛五花肉質幾好，好厚實，仲有牛味，不過豬就差啲前菜有泡菜，中華沙律，青瓜，芽菜我最鍾意食就係青瓜醃得好夠味，配埋燒肉食可以解油膩感呢個價錢都冇乜嘢可以彈個優惠唔知做到幾時，經過可以試吓
繼續閱讀
您可能會有興趣的...