Big John (已結業)

某日放早時和朋友來個快見面交收，朋友突然爆一句「肚子餓翻了，想吃個Big John」～就成了老娘第一次來會見「大約翰」😅快5時了，還算多客人～小小的舖面全是「high table」看店內裝潢，店主應該是愛狗之人款式還算多，但下午茶來說還是輕食一點～（等會還要愛回家，7時半入席呢～選了個樓梯底的隱世位置下⋯點了兩個餐《雞翼薯條》☆☆☆其實食物本身沒什麼驚喜⋯但勝在夠熱！友人點的《芝士火腿酥》☆☆☆也是熱辣辣取星˚✧₊⁎⁺˳✧༚˚✧₊⁎⁺˳✧༚簡單分享～請淺嘗

香港人都知道，尖沙咀食肆普遍價錢是遊客價，相同質量的食物往往比非遊客區貴20%或以上。由於肥仔奇近來經常出沒尖沙咀，當然要搜一下「開飯網」查探有何特色、便宜、好吃之處。是次第一回光顧Big John，見其門口狹小，若非熟客，一般路人甲乙丙是難以察覺此舖是食肆，更大可能誤以為這是一間髮廊。店內牆上掛滿狗照片，想店主必屬愛狗之人，不言而喻。顧客左右兩旁面壁而坐，中間一路直通店門，簡單直接、善用空間，目測只容十多人。內裡盡頭收銀位旁尚有數個樓梯底下座位，最宜「傾密偈」。此店採取先付款後捧餐方式，先到裡邊點餐付款，然後取得號碼牌，約等數分鐘，就有專人捧餐叫號，應聲收牌上菜。麵包軟而不熱，啖之無麵粉香。雞扒炸老了，太乾。自家製的醬汁亦難以補其不足之處。奶味茶味不出，入口亦欠滑，雖未至於難以下咽，亦只算中規中矩之作。

雖然知道態度問題一直存在，本來多次幫襯都能吞聲忍氣， 但今次真係無可奈何無法忍受。好聲好氣禮貌對待店員但多次換來不知所謂的惡劣態度！水準平平 真真正正俾錢買難忍！雖然屬尖沙咀較方便的小店，除了預左必定受氣，一直都是心中數一數二喜歡的選擇。但多次受氣的情況 就算免費都不會再去！店員的語氣，態度 仲衰過大排檔 ！！！去得食野就必定係想放鬆一下休息一下，下下受到佢地理所當然的不禮貌對待，真係幾好心情都破壞曬！無論當食外賣 都受到如此態度，真佩服！

五天半的工作 , 相信如我般的上班族 , 放工後會好好食一頓午飯而迎接假日的來臨 , 可惜 , 我今日還要加班 哭哭 , 放工之時剛好還是下午茶時段。肚子空空的我 , 正忙著尋找食店之際 , 原來男朋友已古惑地引領我到這地方 - Big   John  。店外平平無奇, 感覺很舊式 , 玻璃門上張貼著動物的貼紙及 植物磨砂玻璃貼 , 沒有抬頭行路的我倆 , 又走過龍了 ,  哈哈行進去, 店內裝修簡約 , 牆以藍底油紙皮石面作主體裝飾 , 座位全是單邊高椅位, 坐下面對著一幅一幅牆鏡 , 鏡面貼著menu , 省卻位置又看得舒服。加上掛著不少動物的擺設,如狗,猫等 , 愛動物的你一定要來試試。說回食物方面 , 其實都有很多款式選擇 , 如果你也想試一試此店的下午茶, 可於下午3:00 至 8:00 來到 , 沒有看錯, 是直到 8點 。以我當日所見 , 最少有六成的客人都是附近返工的SALES , 就證明這裡是尖沙咀的恩物 , 價廉物美。當天 , 我們叫了好味格仔餅  和 火腿芝士牛角酥 配以青檸梳及煲檸樂薑。這兩款飲料都要加錢,你亦可選擇原配的凍飲或糖水,值得一提糖水在當日已一早沽清

有時一個人會在尖沙咀lunch，唔知食咩好，朋友介紹呢間 big john, 食物種類好多，我因為太肚餓叫了個紅燒豆腐班塊飯，即刻煮，的確好食😋，又唔貴，下次想試格仔餅😍

特色湯麵套餐 $52招牌炸豬排麵 Signature Fried Pork Chops with noodlesBig John真係好抵食😝 呢個套餐包哂 🍜+小食+飲品都係$52~ 豬排炸得金黃香脆😚 麵加左菜&香蔥, 就咁食都已經好正...紅豆冰加$4, 呢度紅豆冰無咁甜, 但飲到最後冰溶左就偏淡格仔餅 Hong Kong Style Waffle "Grid Cake" 小食仲可以選多士, 豬排,雞翼....但來到緊係試佢地招牌格仔餅啦😎 格仔餅即刻整起, 外脆而入面比平時食既更加實在🌞 食完大滿足, 超飽~~

一個下午，來到尖沙咀，見這間雖然開在街上，但門面相對其他餐廳食店隱蔽的 Big John未幫襯過，便入內吃個下午茶。店子裡面陳設與門面一樣，都顯得比較陳舊，店子老闆明顯地是個愛狗之人，所以店內有不少狗狗的照片作為裝飾。也許這兒昏暗的燈光給人感覺較為隱蔽吧，我覺得簡直是一個蛇竇的佳選。特別是這天我被安排坐到店內一個拐彎進去的面壁位上，就算有人前來這兒用餐，如果不拐彎肯來的話，也一定看不到我呢！吃的是「五香肉丁煎蛋雞翼撈丁」，又有五香肉丁，又有煎蛋，又有雞翼的撈丁，還有薑蔥豉油，材料比其他撈丁才來得豐富，把所有東西撈勻勻，快快把它吃光，也許不算怎麼美味，但足可填飽肚子。沒喝飲品，換成例湯，是普通不過的「青紅蘿蔔湯」，湯味平淡，勝在沒下味精。簡單的下午茶，誤打誤撞來到這個尖咀蛇竇好地方，都算是與它的一種緣份。

話說尋日下午諗住去試下，去到門口見裡面無位加上地方淺窄就企喺門口等啦，之後都有人排我地後面，跟住無耐有個四眼仔叫我地入去，我地以為有位，點知係得一個位，同時間近門口位置有2人走，點知比後面既人捷足先登坐左，咁無辦法啦，可能人地都以為我地有位坐，之後將個1位讓左比位女士，而眼見其他人都仲有野未食晒加上不斷有店員喺身邊行嚟行去，咁我地就退返店內門口等，等左一陣跟住有一對男女入嚟，同時間有一對人走，佢地就想埋去坐，我同友人話我地嚟先架，果位搶位女士話呢度唔係茶樓排隊等位喎（可能佢係舊式茶樓企喺人地後面等位時代成長），我地谷氣之下就走左。下次真係見到有位先去，無位要我同人爭位就咪攪喇，幾好食都無用啦。

幫襯左好多年，一向都知吾係好禮貌，不過喜歡他們的炸豬排，所以都仍然幫襯，奈何今日經歷過這麼惡劣的態度，我同自己講幾鍾意食都吾會再想去了。我跟先生食午市，人多又傾傾講講，一時不留神聽不到叫號，那個女的，可能她叫了幾次我們都聽不到，她走過來態度臭串惡劣的話我地「應下人啦，嗌左好多次啦」，我們已經立即講對不起，因為真的聽不到，她居然繼續話「聽吾到？嗌到我喉嚨都爛啦」。我無名火起不過都再say sorry，我們兩個人都真係聽吾到叫號，已經夠嬲啦，然後他們另一個店員再繼續加多句「個個都話聽吾到架啦」。我谷住道氣，食埋我碗豬排米線同格仔餅，我同老公講我吾會再幫襯了，幾想食都吾會再幫襯了😤各位，未受過氣的就繼續食啦，受過的，要好好想一下為咩重要幫襯了，炸豬排係keep到水準，旦格仔餅已經吾好味，林的！重加曬價，如果用$94蚊食個lunch要咁樣比人惡劣對待，我情願比多幾蚊大把選擇！

Big John 嘅食物系列其實係中西合璧嘅free style配搭！個人最鍾意就係佢個撈丁加一款小食同飲品嘅套單！今次同友人分別點左雞扒同豬扒撈丁配格仔餅！格仔餅唔使多講！鎮店之寶名不虛傳！外脆內軟配埋奶同花生醬一絕！而撈丁就雞扒勝過豬扒少少！雞扒個皮炸得好似乳豬咁脆！從未試過嘅香脆可口感覺！豬扒都脆同薄味道唔錯！而個薑蔥撈丁好香！又配埋白菜比客真係幾好！可以唔使淨係食肉！至於飲品就推介奶茶系列！茶香奶滑水準之作！絕對可以再encore!

趁住晏奏無乜人就走去食左個格仔餅好耐無黎過依度喇，個環境無乜點變，同以前一樣。以前響附近番工日日黎食嫁，簡直就係飯堂一樣。今次再黎好有番屋企0既感覺叫左個格仔餅同凍檸茶做TEA個格仔餅好厚身，食落好SOFT，中間有小小似食緊蛋糕感面頭好多醬，好甜好夠味，食到中間食倒好香濃0既雞蛋味。感覺好足料好有份量，同街邊溝哂水果D完全唔同！真係好欣賞呢個格仔餅，飲埋杯冰凍0既凍檸茶就PERFECT

去尖沙咀行街，tea time 時間經過橫街呢間不起眼的餐廳，餐廳外的menu上選擇都幾多，就入去試下 。點了五香肉丁雞翼煎蛋撈丁，加五蚊有個番茄薯仔煲瘦肉湯。五香肉丁食落有d辣，幾香,唔似雜嘜牌子雞翼係鹵水雞翼，好入味，肉好滑，唔會因為浸的鹵水汁太耐而老曬煎蛋普普通通，不過都有d(窿)邊,好好味啊食得撈麵，麵一定要無水先好食！呢個麵真係一滴水都無！麵身硬度剛好！最後到個湯啦，真係好足料，絕對唔係罐頭湯加水的成品，真係好多番茄，薯仔同肉，飲落口唔油，絕對可以清清五香肉丁的油感！

I'm here to announce, I've fallen in love with this secret place in TST. Shopping around TST with friends, and I want some snacks even after a proper lunch. I might have over looked the shop Big Joh, since it doesn't look attractive from the outside, but my friend recommended it.Once you entered the shop you will see very interesting nostalgia decorations & dog pictures. The shop was full in the weekend afternoon, people were focusing on their food. The atmosphere was quite special I would say a

星期一又到番工日，特登book了今晚睇戲掃一掃blue Monday mood。睇戲前匆匆忙忙到附近吃點東西，見到呢間格仔餅的評價非常高又有熱食又近就決定試一試。不是有人帶路我應該走過呢間餐廳都不會為意，門口不算吸引很容易讓人忽視了。走進去店鋪很小，兩排牆都坐滿人，大家都對著牆在吃。地方很小兩排位子都滿了正想走時入面有人喊到裡面還有位，轉過角落原來還有三個隱蔽位。 隨意點了碗菜肉雲吞麵和香煎雞扒麵，當然要配套餐試一試它出名的格仔餅。麵和湯底都合理地普普通通，一碗淨麵只要$32的價格也不會期望太高吧！不過雲吞幾大粒皮薄又足料，白菜豬肉餡啖啖肉，湯底不會過咸吃完不會很口渴，碗麵還有不少生菜倒是意料不到。香煎雞扒的雞外皮脆卜卜肉質頗嫩滑，在這個價格實在不能要求更多了。 其實碗麵幾好食，不過我卻吃不下因為地方實在很髒。特別是我們坐在裡面的轉角位，牆壁剝落到一塊塊的，牆上掛著很多大大小小的動物相，對著我們的一個相架蒙上白茫茫的一層，對著幅好像已發霉的相坦白說有點噁心真有點吃不下。 最後上場的是今晚我們選吃呢間的原因：即叫即整的格仔餅，很細心的它是要食客要食前才下單，不過上碟時並不是

一進到店內有點嚇到，因為人超多，我都等了一個字才入到去。因為鋪面細，大家都坐得好近。要左個格仔餅，再加杯華田，搭配腸仔跟煎蛋。熱辣辣的格仔餅以焦香脆口為主，加入我鐘意既煉奶、牛油同花生醬，另外叫左脆皮腸熱狗，包是烘得熱，加入酸瓜的沙律醬，好fresh。30蚊有找既下午茶，邊到搵。