Bhc chicken

營業中

休息中

幫朋友慶生，一開始諗住卜位，點知一打過去就話：「我地只限walkin啊。」ok咁咪wallin，6:20過到去拎飛，我就問個reception要等幾耐，佢就話一個鐘左右，咁我就出咗去行一陣先，點知7點左右返到去 佢話張飛已經過咗 要重新拎飛再等一個鐘。我即刻呆左同佢講：「但係你話等一個鐘，我未到一個鐘就上嚟啦喎」之後佢答我從來無應承過客人等幾耐！下？咁你叫我重新等過個陣又話要等多一個鐘？真係呆左，拎飛個陣又唔講明過左要重新等，又唔叫我地留電話 有位就通知...之後等左半個幾鐘入左去，因為多人要分兩枱，佢比左前後枱我地，我地就問一個齊陰女侍應隔離枱食完可唔可以坐過去 佢話可以，咁就食住先啦。到隔離枱走左 張枱未執未抹，我地同職員講想坐過去，點知個職員話：「等我執咗枱先好冇」心諗乜撚嘢態度。。。之後有三位客人唔知點解無啦啦入左嚟想坐個張枱，我哋再同職員講話想調過去，佢竟然答返我哋一個勁冇腦嘅回答：「但係有客人已經入左嚟。」下？？？？所以？？？咁我地調過去，個3位坐我地個枱都一樣啫，條友真係唔識用腦。之後佢話：「等我問吓先」就走左，仲一去不返。。。張枱仲未執完，隔一陣佢帶個3位客人去第二張

炸雞bhc進駐香港幾年，今日先第一次路過一試。一去到好快就決定要$368二人餐：包炸雞|沙律|兩杯飲品~特飲另加$38。點知原本有幾頁既飲品餐單只提供汽水同幾款啤酒、都唔太岩味同岩數🤗📌於是只點了呢個RETRO原味炸雞$168:一咬落去、十分之脆卜卜且有肉汁流出，可惜欠缺肉味及炸粉也偏多。另外，佢地既雞塊也偏瘦削，或者就係炸粉偏多既原因。📌咁係咪就唔好比機會佢呢？呢度既環境又幾韓國學生餐廳feel。有點隨意、有點街頭：年輕中、大學生聚腳地，同場有一半以上都係年輕學生哥學生妹。係呢度用餐，有種回到學生時代嘅感覺呢！

外賣，但入到去好多人企係counter唔知做乜叫左雙拼雞（原味和甜辣味） 非常”中式”的味道，kfc都比他好食,另叫了薯條.......家裡的小孩都唔食，太lum 無跟酸蘿蔔唔好食浪費了quota

無可否認依間係我係香港食過最好食既韓國炸雞幾好食都好但員工既服務態令我唔會再幫襯講真 系香港已經好耐冇見過咁嘅服務態度衰過大排檔！！！🤬🤬有一位紮辮嘅男侍應態度非常差我同老婆食完冇耐佢已經過黎收枱 收既時候整跌左我地既野扮見唔到 仲一句唔好意思都冇好冇禮貌！冇幾耐 拎埋新既杯仲將menu放係我地張枱到！！仲要專登收走枱上既水樽！！驚我地會有原因繼續坐係到冇幾耐又走過黎同我地講：「埋單可以出去埋」其實我地都系啱啱先食完食到咁飽 想坐低抖陣都好正常者😅有人等位想快啲番枱我明白其實同我地講聲有幾難？用依啲咁既方式趕客埋單仲有加一服務費真係唔知得到啲咩服務🤷🏻‍♂️🤷🏻‍♂️🤷🏻‍♂️🤷🏻‍♂️🤷🏻‍♂️

一入到餐廳員工已經冇乜嘢服務仲要我諗住飲杯水，個杯裏便大量污跡完全冇洗過、而家疫情咁嘅衛生程度...只可以話完全冇理個食客嘅死活然後就係啲垃圾員工，叫佢換咗個杯10萬個唔情願仲要喺度眼啤啤...然後我叫咗佢一個芝士薯條佢比錯野仲要喺度鬧翻我哋轉頭、冇錯係鬧然後好大聲咁樣同佢啲同事批評我哋多嘢食都齊啦我問佢手套喺邊佢直接開咗個櫃然後超唔好服務咁樣走咗、全部員工都咁垃圾特別係有紋身嗰個..

第一次食，雞冇肉都算，多骨到𠝹親上顎。啲蛋老過劍橋啲呀公呀婆，完全可以話係難食。侍應態度又差，嗌完啲嘢食又冇反應，都唔知有冇落單。芝士薯條係淋嘅，簡單啲來講就係成間野啲嘢食難食到癲。我未試過喺OpenRice寫食評，希望大家睇完唔好再嚟呢間度食，除非你想試吓伏啦。難得嚟食下嘢，本身都唔係話嘴刁，但係真係難食到一個點係我接受唔到。問心唔值呢個價，嬲到癲。我已經寫咗145字，去到而家杯嘢飲都仲未嚟。成間嘢都唔知做乜，執咗佢算啦。

適逢白色情人節老公一起身就話今日食啲特別啲嘅嘢食🤪開心到我呢然後佢話去飲茶😐唔知係咪見到我面有難色🤣所以隔一陣佢就話不如食炸雞然後我哋突然諗起嘴刁仔介紹我哋屋企附近有間炸雞佢話好好食跟住我哋就跟佢嘅指示嚟咗我哋見到個Menu已經覺得好吸引上面啲裝潢都幾舒服枱與枱之間都分得好開我哋做咗基本程序之後就搵張枱坐低然後order左一個餐入邊係有沙律有薯條有嘢飲同埋一碟炸雞我都冇為意原來個餐係三百幾蚊唔怪得知炸雞咁大碟沙律好夠份量，亦都好好食，入邊仲有好多唔同嘅材料但係老公竟然話薯條嗰個粉好好食問我知唔知係乜😝我淨係識食鬼知咩跟住嗰個芝士波我反而覺得好食過啲薯條不過都係一粒起兩粒止所以跟餐有兩粒一人一粒係啱嘅😎重頭戲嘅炸雞嚟喇第一啖咬落去嘅時候簡直同我喺韓國食嘅炸雞一樣雖然出面嗰啲皮都係有啲厚度但係佢嗰個面頭係仲有脆脆地嘅感覺而且啲雞肉好嫩仲有肉汁彈出嚟跟住我突然醒起呢個牌子好似韓國有個喎原來真係由韓國嚟嘅😂🤣

來自星星⭐️⭐️的炸雞二人餐：包左兩杯飲品🥂，一款炸雞🍗，一個沙律🥗，仲有一籃芝士炸薯條同兩粒芝士波！呢個套餐簡直～簡直～係超值之選呀!我地4人一枱仲叫多左一款炸雞一齊食,食完個個都話飽到頂喉嚨呀!!!!BBU-LINKLE PLATTER $338😋 芝士味炸全雞 BBU-LINKLE CHICKEN呢款雞咁好味,肯定要翻CHECK啦!!!甜甜嘅芝士粉包裹著成件雞,食落鬆脆香口,睇到D芝士粉多到咁,你都唔好話唔驚「漏」呀!不過,你食過就知真係唔油膩,仲越食越想食呀!!‼️好食指數 9.5/10 ‼️推介指數 10/10😋 芝士炸薯條一樣係超多芝士粉!!!幼薯🍟炸得好香脆 你真係食唔停口嘅、無呃你！第日真係喉嚨痛架~~‼️好食指數 9.5/10 ‼️推介指數 10/10😋 芝士波一上枱即刻食拉晒絲~~好甜嘅芝士味，充滿奶香呼，對於鍾意食甜既人係會覺得好正架!!!!I’M LOVE IT!!‼️好食指數 9.5/10 ‼️推介指數 10/10😋 MACHO-KING CHICKEN $178一入口好大陣蒜蓉🧄香蔥豉油味,醬汁甜甜地,配搭左D🌶紅椒🫑綠椒子，甜醬汁令到件雞食落有D漏，不過夾埋D蒜泥辣椒子

細佬生日 一家４口 加男朋友一齊慶生４人限聚關係我同男朋友２人一台 爸媽同細佬一台打算早幾日預定座位 但員工話ｗａｌｉ　ｉｎ　ｏｎｌｙ　態度沒有禮貌不過是細佬想食 就算 沒有多講ｏｒｄｅｒ時服務員黑口黑面 冇用紙筆寫低又冇重覆ｏｒｄｅｒｓｐｉｃｋｙ　ｊｅｙｕｋ　ｄｅｏｐｂａｐ叫服務員睇下有冇點小30mins前話有 30mins後都未上台再吹多次 45mins左右先到炸雞份量係好大份 味道唔錯但如果客服態度唔好 生意都做唔長 由其係香港

同朋友食生曰飯，選擇韓式炸雞店。可惜款式不多。沒有選擇招牌芝士味，選了指定款(sweet& spicy /原味)。味道嘗可，雞肉都 juice. 推介salad. 場內環境舒適，八點後突然播音樂，吵了一點，後來同店員示意，稍微調整好些。服務亦算可以。

之前喺韓國食過覺得好好食上個月 第一次同朋友喺香港食 炸雞果然冇令我失望都係咁好食 😋今次同朋友兩個人食咗 BBU-Linkle 芝士口味炸雞 同埋芝士口味 薯條 第一眼已經比滿滿嘅芝士粉吸引住 😍芝士粉味道帶甜又有啲鹹 食落好好味 而且分量十足 兩個女仔食都夠晒飽 但可惜坐喺冷氣風口位☃️啲食物好快就吹到凍哂 但因為嗰陣時已經客滿 所以冇得轉枱啦😢 希望店舖可以考慮加設風版 避免冷氣風直接吹向食客頭上 （真心吹到有啲頭痛）😵😵同埋店舖指示唔夠清晰😐指示牌寫住廁所暫停服務但有見到有人出入廁所 最後舉左好耐手💢終於見到店員可以問原來指示牌係錯😑😑 希望店舖可以盡快改返指示牌啦 🤭不過整體而言每張枱嘅分隔距離較大 可以比到朋友們一齊傾偈係一個唔錯嘅地方 😛👍🏻

服務態度奇差，你可以當係自助餐，如果可以，我希望佢係有個智能面板喺度，咁就可以自己落單，自己，取餐自己搵位坐低，有服務員就好似冇服務員一樣，自己黎可能會好啲，野食係唔錯，建議外賣。如果唔想有唔好嘅體驗！！

事件1 - 落錯單卻屈客人第一，個女職員冇覆單第二，佢睇錯左我要點既炸雞，但佢卻堅持係我指錯。（我嫲嫲唔食得芝士，所以我真係唔會點芝士炸雞比佢食）事件2- 無熱水同一個女職員同我地講：佢地既熱水煲煲出黎既熱水有啲污糟，啲熱水係用黎拖地。（離哂譜。請問廚房係何來有熱水煮飯？）

店員態度勁差，我地嗌左2枝酒，已經俾左身分證店員check，但店員唔信我地已滿18歲，成餐飯cctv咁望實我地，後尾仲再一次問我哋拎身分證，仲要求check我哋水杯飲緊嘅係水定酒，用餐經歷超唔愉快，而且店員每一句話嘅態度都好惡劣。本身諗住開開心心食餐聖誕飯，都俾呢位店員搞到冇哂心情，而且依位店員仲叫左佢其他同事一齊望住我地，一分鐘望左我地60眼左右，仲企定定係我地隔離，令到我地成餐飯都好唔自在，食物雖然唔錯，但係冇咩特別。

今次上左旺角分店試下呢間過江龍炸雞店✨兩個人嗌左三樣野食 飽到傻!!第一樣係BBU-Linkle炸雞 ($188)💫評分: 6/10💫份量好大 但係明明加左錢嗌全翼上到枱係得6隻翼 6隻脾。。。。講翻味道 芝士味唔差 又夠熱夠脆👍🏽肉質都嫩 但係冇醃製過 所以其實食到肉入面冇乜味 而且都幾易漏😗😗第二樣係Cheese Ball ($58)🧀🫕🪤💫評分:5/10芝士味唔太濃 出面個皮有d似炸年糕皮 都幾煙un可以試下嘅 不過唔好抱太大期望😣第三樣係叫Egg LoL ($118)🍳💫評分:2/10💫佢呢隻egg roll係我食過最難食嘅egg roll..個蛋超厚 但又全熟 完全冇左滑嘅口感芝士又好少 加嘅菜都冇乜存在感🥬🥦食一舊已經好濟。。留翻個肚食其他！