Bene Pizza + Pasta (已結業)

之前經過奧海城都冇留意原來有這間食意大利菜的小店呢.嗯!! 今天就來試試看吧!!首先點了煙肉沙律同芝士肉丸.煙肉沙律:沙律內有好多芝士片,每一啖都充滿芝士的鹹香,加上我最愛的海澈沙律醬,再加埋麵包粒,煙肉,菜,fresh得黎又好夠味,很好吃!!芝士肉丸:依個又係有好多芝士,再加埋肉丸同埋番茄汁,看似簡單,但依個配塔真係好惹味!! 唔知係咪因為佢係前菜小食既關係,只有3粒肉丸呢,我唔夠喉吖,如果多D就好了 XD"主菜點了意粉同Pizza.白酒煮蜆意粉:意粉煮得剛剛好,很彈牙.但整體味道比較淡,可能係因為我食野太重口味吧 XD" 但同行友人好喜歡這個意粉呢.意大利火腿芝士火箭菜Pizza:一上菜果下我呆左!! 哈哈,真係好多好多火腿吖,真係非常足料呢!! 咬落去啖啖都是火腿,再加埋芝士,真係啖啖都超好滿足,我地仲食唔曬要打包添 XD" 不過食到最尾真的覺得有少少太鹹了,好彩我地仲叫左野飲同甜品姐甜品我地點了2個唔同既蛋糕,而我食既就係依個朱古力蛋糕.依個蛋糕我真係要俾滿分!! 朱古力味好濃好濃,蛋糕又做得好滑,真係超好吃!!飲品方面,我點了野莓汁配檸檬葉同接骨木花.好特別既飲品,單睇名字好

就算科技如何發達, 與朋友之間每天也用電話/電腦通訊, 但是也不及見面吃飯來得親切.我自問朋友間的友誼如何好好維繫, 一定要定期吃飯見面的, 我喜歡與好友一起吃飯談心, 一齊交換情報, 將大家開心不開心也好好傾一大餐.今次好友決定來到奧運站食飯, 因為大部份朋友在九龍區工作, 而且這地區屬於"旺中帶靜", 食飽之後"散BAND"也容易搭車走.而我們吃飯的地方就是位於奧海城2期的BENE PIZZA + PASTA這是吃意大利/PIZZA/PASTA的地方, 而吃PIZZA也要多人才能.....工作關係已經遲到了少許, 但朋友可以太肚餓了, 所以我才坐下, 頭盤已經送上了.頭盤是沙律 - 羅馬生菜煙肉沙律伴鯷魚汁, 味道不錯, 容易入口, 配上芝士片及大大塊煙肉, 很快便消滅了.之後來的是湯 - 雜菜湯, 不是跟包上的, 是跟長型的手指餅配合一起吃的. 而湯有很多配料, 有紅蘿蔔, 洋蔥及蔬菜, 以為味道會很濃郁的, 誰不知........味道是很淡味的......有點失望呢.再來是肉丸: 外面是芝士, 而且仲要可以拉出"芝士絲"來的. 而且味道也充斥了香草的味道, 而且味道是容易入口,

一天辛勞後,最開心就是跟友人們相聚一刻上星期小懶貓就來到奧海城二期106號舖Bene Pizza + Pasta裝潢簡約,舒適,毫無拘束感覺!小懶貓就超喜歡用蕃茄和大自然背景牆作裝飾,很warm好親切,仲充滿著活力 坐底閒聊一會就睇Menu點菜~先來前菜羅文生菜配香蒜銀魚柳汁配烤煙燻火腿 $68salad用上的是翠綠色的羅文生菜,生菜清甜爽脆富鹹香的銀魚柳汁有如神來之筆 !!!!伴有麵包糠和一條煙燻火腿雖然份量不是太多,不過絕對足夠2-3人享用傳統意大利雜菜湯Minestrone Soup是廣為人知的一款意大利雜菜湯通常雜菜湯是橙紅色的,而怎上枱就好像西蘭花青豆湯咁既色???相信Bene的雜菜湯是加入Pesto alla Genovese青醬.意國當地人是非常流行的唷~~青醬是松仁,羅勒葉,蒜頭,芝士,欖油和合桃製成而配料有紅蘿蔔,西芹及洋蔥,味道較清淡!Grandma Meatballs Polpette with Tomato and MozzarellaMeatball的肉汁豐富,咬落彈牙配上有彈性富口感的水牛芝士再混合蕃茄汁絕對能打開你的胃口,滿足你的味蕾自製意大利天使麵配鮮蝦

小時候西餐仍是停留在意粉, 薄餅或据扒,但現在當然知道這些食物其實很多都是由義大利傳統食品。而今次吃到的更是改良輕盈版的美食, 十分適合我們這些"愛吃又怕肥"的OL 了。餐廳內的裝修很年青, 以光猛的燈飾配以鮮艷的食品照片, 形造了一種CASUAL DINNING FEEL, 十分適合gathering~看到menu 中的食物樣樣都很吸引...由於未齊人, 我們先叫了飲品和餐前小吃先三十多度的天氣, 當然要來杯特色凍飲。我就叫了透明色的荔枝汁加香茅生薑及雪碧，味道很清新, 又不會太甜, 很好味。另外兩位朋友就點了野莓汁配檸檬葉及接骨木花，她說酸酸地開胃, 是很適合的夏日特飲呢~頭盤分別有: 沙律及芝士肉丸因為我不愛沙律, 未能評味。朋友們都說羅馬生菜都幾很新鮮, dressing 亦很好味。如果多啲煙肉就更好喎~芝士肉丸上菜時是冒煙的, 盤子也是熱得燙手, 剛從焗爐拿出來。肉丸的內質還很滑, 有咬口, 不會一舊粉咁。加上topping 的芝士味不會太濃太膩, 不錯!初時以為雜菜湯都是橙紅色的, 但BENE 的卻是緑油油, 很搶眼。意大利雜菜湯口味較近清湯, 用料很多, 有大量雜菜和香料

上星期放工同朋友去咗奧海城的Bene Pizza + Pasta食晚飯, 這是我首次來這裡食飯.我地先點了前菜, 包括羅文生菜配香蒜銀魚柳汁配烤煙燻火腿和烤意大利肉丸配蕃茄及蒙莎里拉芝士, 這裡的分量唔算太大碟, 可以試多幾種款式.疏菜新鮮, 煙燻火腿脆脆地幾好味, 但得一條, 份量就略為小咗一點.我自己鍾意食芝士, 所以覺得肉丸配芝士好夾, 若芝士再濃味一些就更好.餐湯也是不得缺少, 我就選咗傳統意大利雜菜湯. 這個是豆湯, 味道同平日飲的雜菜湯不同, 佢是以豆為主, 味道也較淡.這裡的無酒精雞尾酒幾特別, 我就揀咗荔枝汁, 香茅生薑和雪碧, 這個幾好飲, 不過就稍為淡味一點.  主菜我地揀咗兩款意粉, 包括自製意大利天使麵配鮮蝦香蒜辣蕃茄醬汁和扁意粉配鮮蜆, 番蒜, 白酒蕃茜汁.對於自家製的食品, 我會特別有興趣. 這個自製的天使麵麵質較硬身, 較有口感, 不過我自己本身是偏愛軟身一些的麵. 我愛這個有新鮮蕃茄做出來的汁, 較清新. 蝦也算彈牙.另一款是扁意粉配白汁, 這個相對較濃味, 醬汁和材料好夾.叫了一個薄餅, 就是意大利火腿, 貢哥蘇拉芝士和芝麻菜.薄餅舖滿意大利火腿, 賣

Pizza 可說是我喜愛食物之一,  今次與一大班朋友食左好多正野啊~羅馬生菜煙肉沙律伴鯷魚汁: 菜很新鮮, 有面包粒、芝士片, 汁既份量偏少, 而煙肉...就是這麼一條啦~ 作為前菜之一, 等個胃ready for黎緊既pizza & pasta, 是可接受的.傳統雜菜湯：淨睇menu, 估係慣常喝的那種橙紅色, 所以侍應奉上枱時真係有驚喜!竟然係青BB的, 還有陣陣羅勒味, 感覺很fresh! 湯料有青豆, 西近, 蘿蔔等, 但成個湯味道偏淡肉丸：我相信大部為食的都喜歡芝士, 尤其係拉得出絲既芝士. 估唔到呢款幾惹味~ 芝士加上蕃茄醬, 正! 肉丸醃得很夠味, 唔知係咪自己搓既呢呢, 都幾彈牙意大利火腿芝士火箭菜pizza：prosciutto很美味, 肉多肥膏少, 不會太咸; 火箭菜味道帶點辛, 較岩外國人口味, 食pizza用手拿著食較滋味, 用刀較難切開, 個人偏愛芝士, 若多D芝士更好自家製蒜香蕃茄醬鮮蝦天使面：跟慣常食的天使面很不同! 這個自家製的面質較硬身, size較粗, 食起來口感像硬身上海幼面. 蒜香蕃茄辣醬的味道帶出蝦的鮮味, 雖然上碟的蝦非原隻上, 但夠彈牙!

星期一早上帶着疲倦既身軀返工 ,成日都係周身骨痛中度過 ,之後放工仲約左朋友飯局 ,oh my god , 真係未停過 !好彩今次地點都好方便 ,唔駛轉來轉去 , 路途遙遠 ,放工去搭西鐵轉東鐵 , 45 mins 就到 ,仲可以 hea 住係車到瞓一陣 , 養精蓄銳 .位於 “ 奧海城二期106號舖 “ ,意大利菜 “ BENE PIZZA + PASTA “環境唔錯 , 設計好有時代感 ,一邊 kitchen , 一邊飲品同甜品區 .之後坐定定閒談中 , 等下朋友來 ,睇下 menu , 真係幾個女仔一個墟 .頭盤叫左 3 個 :沙律 Romaine lettuce with garlic and anchovy dressing, roasted bacon肉波 Grandma meatballs polpette with tomato and mozzarella菜湯 Minestone沙律 ~ 味道一般 , bacon 難切開 , dressing 又少 , 不過麵包碎就好脆 .肉波 ~ 好味道 ! 因為 meatball 好夠味 , 再加埋個 creamy 醬 , 正 .

人大了，時間少了，所以安排GATHERING時，已甚少攪戶外活動了，大家都怕熱，怕出斑，所以現在多數去食飯，今次去了BENE PIZZA + PASTA。先到的人，就去攞定位，環境都幾好，安靜舒適。意大利雜菜湯，HKD48，遠遠都索到個香味，令我把口蠢蠢欲動。平時的雜菜湯都是紅色，今次是綠色，個湯入面好多料，仲有幾條餅乾條踏撘配。飲落個味不夠嗅到個味濃，如果諗住用餅乾條點湯食的話，個湯又不夠杰身，餅乾條沾不上湯，但清清地飲都OK。烤燒意大利肉丸配蕃茄及蒙莎里拉芝士，HKD48，一客得3粒，太少了吧！我自己挑了一粒最少蕃茄醬和最多芝士的來食，覺得個味道幾夾，如果可以做到個肉丸更彈牙，我會更LIKE。沙律一個，條煙肉好脆，如果再多一條我更LIKE，鬼叫我是食肉獸。    自製意大利天使麵配鮮蝦香蒜辣蕃茄醬汁，HKD108，個麵的質地好得意，可能我LIKE淋，所以覺得怪怪的，但是個蕃茄醬酸得來有點辣味，幾醒神可口。最難得的是多蝦，隻隻都爽口彈牙。 鮮蜆香蒜白酒番茄汁扁意粉，個白酒味不太突出，但蜆肉粒粒飽滿，帶點鮮甜味。意大利火腿，貢哥蘇拉芝士及芝麻菜，HKD128，如果LIKE HAM的你，

早幾日約左個老同學聚會揀左呢間意大利餐廳。因為約左喺星期日又怕佢會好多人喎 所以我地預早BOOK左位一去到就入座，環境裝修幾好，氣氛不錯，燈光不算太暗而且幾寬敞。前菜係Grandma meatballs poipette with tomato & mozzarella(意大利肉丸)，粒肉丸口感唔算突出，但咬落去Ｄ肉汁出晒黎！好正！Mozzarella既芝士味唔濃，但同時亦唔會掩過蕃茄既味道。跟住係主菜PIZZA! 意大利火腿, 貢哥蘇拉芝士&芝麻菜, 哩個PIZZA係薄底既，啱啱焗完放上枱鹹香味撲鼻，可能期望太高，食落有點兒失望。可以見到火腿份量相當之充足，佈滿了pizza既面，一塊仔PIZZA上面起碼有成兩三塊! 只可惜因為我地兩個都比較食開淡味既野，所以我地兩個都覺得會有點鹹…但係值得一讚既係佢個餅底焗得好香口﹑脆身。另外一提係個PIZZA份量都幾多，兩個人食都仲得，幾足料！！！到我最愛既甜品，係榛子朱古力棒。賣相好靚！榛子入口又香又滑又軟，同朱古力真係perfect match! 朱古力唔會太甜又唔會覺得好漏，再點上酸酸甜甜既紅莓醬，更加有驚喜！佢既紅莓醬酸酸地好好食，好開胃，

相約住在大角咀既摯友晚飯，上嚟揾食店時發現蠻多正評既 Bene Pizza + Pasta，由於我好愛鹹香既 Parma Ham，而就甜品方面既評語也不錯，於是就提議到此開餐，好友也相信我的意見，於是馬上致電訂位，我已於一星期前訂枱，但7點左右既 booking 已 full，得番6點同8點半後既枱，我呢啲番工遲到局晏收既人就梗係揀後者啦！一心諗住朋友放早可先來攞位，早到早入既歌仔原來唔啱唱，因為呢度地方好細，真係要堅等上一輪食客埋單離開後先可入座。如是者我地就算8點半報到，都要等多5至10分鐘呢！店裝修確係唔錯，之前人家既食評都有提過，我唔多講，放左兩張相喺度for 參考啦！餐牌好簡約，有前菜數款﹑湯三款左右﹑意粉﹑薄餅﹑主菜(扒類才算喎？)﹑甜品6﹑7款左右同幾多飲品供選擇，研究完一輪，我地終於可以落單。飲品：荔枝生薑香茅七喜特飲賣相唔錯既飲品，朋友小孩說薑味好重，我自己本身幾愛薑茶的，如果唔係要留肚吃甜品，我都會點一杯。湯：意大利雜菜湯這個老公點的，一般雜菜湯都係紅色，好似羅宋湯咁，但這個竟然係我好愛既綠色，(我只愛其顏色，我唔飲架！)似綠豆湯多啲喎，跟三條餅乾條同吃，幾特別。入

在奧海城的Double Star，掙扎求存了好一段時間，終於都玩完。換來的新面孔Bene Pizza + Pasta，口碑不俗。這天跟好朋友食午餐，對方剛巧下午要在奧運上Training，來Bene就最好不過。大家都是甜人，卻不是大食之人，所以只點了一客Set Lunch，另多款小食，寧可留肚子吃甜品。午餐頭盤可揀湯或沙律，我倆都不喜歡喝湯，就要沙律作罷。凱撒沙律的生菜新鮮爽脆，配上脆香的火腿，同埋麵包糠，再灑點芝士粉上面，簡單卻好吃。另點的小食是意大利肉丸，想不到只得三粒，果然係小食。蕃茄醬跟芝士出來的味道是可以，只不過肉丸的質感比較實，完全唔得鬆化，跟手打的出品是兩回事。既然這裡自稱是薄餅專門店，主菜無理由唔揀佢既pizza吧！Margherita邊位略帶焦黑的，而且香噴噴，未食已覺得吸引。大口咬下，薄餅底夠脆，辣肉腸咸香之中滲出辣勁，惹味非常，再配以洋蔥及彩椒去平衡，味道不俗。以$98有頭盤有薄餅和餐飲的價錢，絕對合格有餘。午餐加$15可有是日甜品，不過當日的款式不夠吸引，乾脆散點。首先來的熱情果朱古力脆脆，又是近年好流行的半球體，可惜熱情果味有點假，完全缺乏應有的清新感覺，朱古

同friend去完澳海城睇戲，一眼就被呢間係門口掛滿大大小小蕃茄的意式餐廳吸引住。我地兩個交換左個眼神，已經二話不說走到門口攞位。點知等都唔洗等，侍應姐姐已經有禮地帶我地出入坐。入到去見位置都很寬敞，加上又用左木嚟做裝飾，好有一種田園Feel。然後，侍應姐姐更比左個溫馨提示我地：由於佢地嘅食物份量都好足料，所以建議我地兩位女士不妨order頭盤和主菜各一，咁就可以留肚試埋個甜品。嘩！淨係呢種服務態度已值得加分喇！我地見每枱都幾乎有點，所以都唔執輸點埋。嘩！一試就愛上。薯條不太乾，又熱又爽脆，最正當然係個醬啦！我地食到想另外再加個醬，不過個醬就真係太⋯⋯矜貴喇！下次都係慳啲食：）菜超新鮮。份量完全足夠2﹣3人吃！跟我之前係巴黎食過的質感好近似。好滑又彈口，最重要係幼得嚟又唔會黏埋一堆。忍不住一問之下，原來係每日用麵粉機新鮮自家製架！Suprise....食落唔會太甜或太膩，榛子同朱古力永遠係最好吃的配搭！唔錯！可以一試。由於我本人係好鍾意荔枝同薑，再加埋香茅感覺就好Fresh。

多次經過奧海城均被這間餐廳的裝潢及燈光吸引，但最後總會因為需要輪候而離開，上星期五無約人，特別預早訂檯過來試下，當日下午就貼心地收到餐廳的來電confirm，可惜最後遲到，餐廳亦有提醒可屆時可能要稍在等候，可能只係一位，所以很快便能安排入座。翻看menu，菜式賣相非常精緻，西餐不外乎沙律、湯、pizza or pasta，我見旁邊幾檯都有點parma ham pizza，新鮮焗起的pizza的確好香，其實心思思想試，但一個人真係食唔晒，最後只點了caesar salad，青豆湯同蜆肉意粉，菜式雖然簡單，但因為環境寬敞，都坐得幾舒服，與三五知己食飯相信係不錯的地點選擇，下次約多兩個朋友過來傾偈，順便點parma ham pizza，試下係咪真係咁正先

昨日心血來潮和朋友去左BENE PIZZA + PASTA 吃Dinner, 自從在去年去左意大利後, 一直對香港的pizza無咩信心, 但估唔到呢間出呼我意料之外.今次同朋友一齊由Starter, main course 食到Desserts.首先, starter : Grandma meatballs polpette with tomato and mozzarella $48, 意大利肉丸~上面果層類似抄年糕, 煙煙韌韌加埋人手掣的肉丸, 多汁美味~ 配埋茄汁, 剛好開開胃口~ 唔錯唔錯夏天唔飲下凍野, 真是好難過, 見MENU 呢款cocktail幾靚, 就試下點, Tickalicious (野莓汁配檸檬葉&接骨木花, 檸檬汁) , 酸酸甜甜, 果個接木花味, 令我想起青咖哩果個味道~~ 十分推介!!!Pizza: Prosciutto ham, Gorgonzola & argugula $128, 意大利火腿, 貢哥蘇拉芝士&芝麻菜終於等到PIZZA 啦, 我見呢款係MENU度好似是招牌菜咁, 但我在意大利時都食過2-3次, 果個味道十分深刻. 當PIZZA上台時,

餐廳深木色的餐桌椅、紅色波點的墊枱紙、還有牆上掛著的蕃茄照片，設計簡單，整體令人感覺舒服。來到的時候才7:30pm，不消一會就全店滿座了。先來個我最愛的巴馬火腿。驟眼看來，又是巴馬火腿配哈蜜瓜的傳統配搭，其實它加了少許醋和薄荷葉。蜜瓜中和了火腿的咸，而薄荷葉則帶來了清新冰涼的口感。擺盤方面很精緻，像一朵朵飄散的花，非常賞心悅目。生牛肉薄片的肉質非常嫩，口感跟魚生很相像。不過，這個前菜某程度上是考膽量，因為鮮紅色的肉，彷彿令人聯想非洲草原上動物的廝殺，不禁有點張口結舌。鴨胸mozzarella cheese蕃茄pizza，顏色艷麗，加上一圈圈的香蔥，煞是好看。這個pizza最突出的味道竟然是蓄茄，而不是鴨胸。Pizza厚薄適中，餅底散發著焦脆的香氣，邊沿位置結合了芝士變成可口脆脆感覺最正﹗最後來了杯特飲，入口味道是雪碧，但到了喉嚨椗便會嚐到濃濃香茅和生薑的味道。不知大家外遊時是否習慣帶香茅油防蚊?它的味道就像是要對著喉嚨狂噴香茅油一樣，過癮但過火。