Ben哥米線

營業中

休息中

Heard that there’s a new Chinese noodles 🍝 place opened so decided to give it a try myself for lunch today. Went their during their tea time so that I don’t have to queue! the menu was innovative and eye catching so I ordered this tomato 🍅 soup base straight away. With a lot of meat like chicken, pork and veggies as my dishes with mixed veggie noodles recommended by them. space was really spacious and clean. I was shocked once my noodles arrived as the portion was huge! And the toppings I picked

平時食米線都好都係食嗰間連鎖米線店，今日就試吓觀塘一間工廠區入面嘅小店！有一樣野要特別推介嘅就係佢嘅五穀米線：普通米線、蕎麥米線、 玉米米線、黑米米線、高梁米線！全部都係五穀類，對身體有益，食米線都可以食得健康！小窩米線 配 雞肉+蜂巢豆腐我幾鍾意食呢個米線因為佢本身個面底已經係五穀米線，特別健康！而且佢啲雞肉食落其實幾滑，同埋蜂巢豆腐索晒啲清湯，好好食！酸辣米線 配 雞肉+豆卜酸辣米線一向都係咁好食！酸菜所帶出的酸味；辣肉碎及湯底所帶出的辣味（個人覺得唔係太夠辣嘅），不過酸辣始終會令人一口接一口停唔到！同埋啲豆卜索晒酸辣湯，超好食！麻辣米線 配 豬紅+蘿蔔個人覺得麻辣湯底唔夠麻辣！豬紅口感一流，夠入味又而且食落口嫩滑好食！同埋而家九月蘿蔔唔算當造，所以未係最甜，不過配合麻辣湯底，入晒味，好正！五色雞翼$38 可以試齊五款口味：瑞士雞翼/麻辣雞翼/蜜糖黑椒雞翼/柚子雞翼/BEN哥烤雞翼！雞翼算幾大隻，而且每款口味都將突出，有甜有辣，一次過滿足食雞翼嘅願望！個人比較喜歡柚子，因為酸酸甜甜好開胃，第二就係麻辣雞翼因為雞翼外皮很香脆，而且鐘意食辣！

呢間米線位於近觀塘碼頭一座商廈o既一樓公共空間，採納開放式設計，地方算光猛闊落。佢見做緊下午餐優惠，$39 有雙餸麵連冷熱飲品，比正常慳成十蚊，梗係要幫襯！佢有好多特色湯底揀，蕃茄、酸辣、麻辣呀呢d 不在話下，竟然仲有芫茜菠菜湯﹖即刻試下。實物可見，成碗都係綠色，聞起上o黎滿滿o既青草氣息，好足料，絕對會係芫茜控o既至愛！另外麵底都想講，除o左普通米線，亦可以選擇五穀米線，係唔使加錢的，呢樣我最鍾意。五穀淨係聽個名都知係健康o野，對腸胃實係好。由蕎麥、玉米、黑米等等各自搓揉而成o既麵條再湊成一碗，其實食落因為芫茜好重味，所以唔係好食得出本身咩味，口感就同普通米線分別不大。餸o個度揀o左一份韓國魚蛋同一份花枝卷(花枝卷加$1)，兩樣都係點菜紙上highlight o左o既食物，應該都係特色o野。韓國魚蛋超大片，真係食韓式部隊鍋會食到o既o個種味道；而花枝卷則彈牙肉地，裡面釀入粒粒花枝。呢間米線sell 緊一隻招牌雞翼，有五種口味，可以散叫又可以一set 咁叫，嗌o左一set o黎試下($38/set)。肉眼唔太能分得出ben 哥烤雞翼同辣蕃茄，但食落係好明顯唔同，辣蕃茄辣度其實唔算高，想

黎到觀塘攞貨，順便食埋野，想食米線就黎左Ben哥，近排興起的另一品牌米線，有好多特別的湯底。天氣熱，先來一杯凍檸茶走甜，茶底幾香又不澀，好飲。要了芫荽菠菜湯底肥牛墨魚丸五穀米線，上枱時真係綠色一片，賣相其實唔太好睇，哈哈。望真啲，除左芫荽同蔥外，仲有不少菠菜蓉，感覺好健康？！湯底清新好香芫荽味，飲落一啲都唔油膩。要了較少見的五穀米線，除了原味，仲有蕎麥，玉米，黑米同高梁，雖然食落唔係好大陣味，但口感中多了點纖維，幾好味。食左個健康米線，就梗係要食啲炸物中和下，哈哈，點左鹽酥雞，要左X1493辣味，呢隻辣椒粉幾出名㗎。炸得酥脆香口，個辣粉真係幾辣，鍾意食辣嘅不妨一試，辣得好刺激。價錢不貴又好味，唔怪得咁多人食。X1493的介紹，有興趣仲可以買辣椒粉走。芫荽湯底真係好正，有無芫荽控呀呢度？

我係觀塘返工，Ben 哥米線好近我公司，所以經常做咗我飯堂不嬲都食開麻辣米線，但係我見我同事成日都食酸辣蕃茄米線，今日就轉下胃口食蕃茄酸辣米線啦😍💛 蕃茄酸辣米線午餐可以揀三個餸，揀咗豬腩肉，紫菜，花枝捲蕃茄酸辣米線，原來蕃茄酸辣係咁好食㗎 ！係用蕃茄打成湯再加算啦，好好味，蕃茄湯底有蕃茄蓉食到粒粒蕃茄，蕃茄得來又酸又辣 ，令成個湯米線昇華晒！豬腩肉，有四五層，一肥一瘦一肥一瘦，滷水老得好入味而且係簿切，一啲都唔會覺得漏紫菜，如果一間米線店有紫菜叫，我一定會擇，一黎好鍾意食紫菜，二黎紫菜吸晒所有湯嘅精華超入味！花枝捲，真係有粒粒花枝，類似魚春卷咁，花枝爽口彈牙值得一試！Ben 哥絕對唔會令我失望，可唔可以開多幾間分店啊😍😍Ben哥米線 (觀塘)觀塘鴻圖道78號1樓3號舖

食厭左譚仔 三哥的話😂不妨試下BEN哥分店幾多 新蒲崗/觀塘/九龍灣/美孚都有重點係選擇多 價錢親民 仲送冷/熱飲添.芫荽菠菜湯米線🥬嘩 第一次食芫荽湯底 沒想到碗湯好綠啊應該係將菠菜打碎 再灑上大量芫荽在表面湯底飲落都幾易入口 唔會話過太草青味 可以接受▪️雞肉+響鈴卷雞肉份量非常多 而且肉質嫩滑 十分推薦響鈴卷都夠脆 沒有油味 吸收哂湯的精華.酸辣蕃茄湯五穀米線🍅暑天真係好岩食酸酸辣辣的東西 好開胃酸辣蕃茄湯選擇了小小辣 個人覺得比較剛好免費升級了五穀米線🌈米線/蕎麥/玉米/黑米/高梁雖然唔係好食得出嘅味道上的分別 但口感明顯滑啲▪️腩肉+牛丸+蜂巢豆腐腩肉薄切嫩滑又不失肉香 牛丸咬開會爆汁彈牙蜂巢豆腐吸哂酸辣蕃茄湯的味道 勁好味.麻辣墨魚頭🦑本身想在米線配料時選擇 但最後決定單點小食才$28就有大大的一碟 CP值超級高墨魚頭十分爽口 同時又夠嫩滑 很入味不過個人唔食很太辣🥵所以尾段就被麻辣味KO左整體來講係好食嘅 愛辣人士不妨挑戰一下.五色雞翼🍗見到$38就可以試齊五款口味 就貪得意叫左分別係瑞士/麻辣/蜜糖黑椒/柚子/BEN哥烤雞翼雞翼幾大隻 每款口味都幾鮮明突出 夠入味個人比較喜

成日聽同事講Ben 哥米線嘅蕃茄湯底好正，今日終於有機會試吓喇！.因為想食小食，只叫咗兩款餸，揀咗必試嘅蕃茄湯，配料揀咗魚皮餃+炸醬米線，飲一啖湯，湯底果然好濃郁，而且每啖米線都食到濃濃嘅蕃茄味，啱晒鍾意重口味嘅蕃茄愛好者！.魚皮餃同炸醬都唔錯啦，正常水準，仲加左雞翼小食，雞翼夠入味喎，而且食落juicy，必點！.再睇睇menu，配料方面都幾多選擇，特別啲嘅有墨魚頭、麻辣金錢𦟌、辣腩肉，有機會可以再試試！

食黎食去都係譚仔，今日轉左新口味就試吓Ben哥米線，今次選擇了麻辣湯底，三餸米線選了豬腩肉，墨魚，紫菜看似是好簡單嘅食材，但麻辣湯底10分濃郁，湯裏還有肉碎口感十足！豬腩肉5分肥5分瘦，入口即溶魯得10分入味！是必食之選墨魚爽口彈牙必配！紫菜好似好簡單但係紫菜給了所有湯汁是最好味的！米線可以選擇原味米線或者五穀米線其他湯底方面還有芫荽紅最愛的芫荽綠色湯底，由於我不是芫荽紅所以我一定不會試😅😜來觀塘記得吃Ben哥米線！

今日同事叫左個芫茜湯底真係無諗過會係咁既樣，成碗滿滿全部舖滿芫茜，大黎到我地不約而同地笑左出黎，真係要芫茜控先攪得掂呢碗野，我都係叫番我最普通最大路既酸辣湯底算喇，佢仲有個新野沙嗲湯底呀！

兩年前左右，已經系觀塘區附近食午餐，而呢間米線已經系轉左手叫做「Ben哥粒線」，但比之前果間。。拿！本來就已經唔系好好，轉埋手就都仲系比想像中一般般。HKD45 +3蚊 雞肉牛丸芝士腸米線 熱奶茶雞肉有層滑lunlun感覺系面，但咬落軟熟。(以前系勁鞋🤭)芝士腸無味唯獨個牛丸！系有汁！一般彈牙。奶茶還可以。但我就應該唔會再返黎食。呢間賣點系勝左牛丸，同份量系真心夠多既，雞肉片片咁都系可以，但唔知點解肉面食落滑lunlun。貌相OK既。

米線同配料好似未煮熟就摞出黎咁，好硬，啲腐竹咬到塑塑聲⋯唔知講乜好。改名之前幾好食，附近性價比超高之選，而家無嚕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

身為米線控嘅我星期六要去觀塘，知道呢間舖換左手，又係做返米線，當然要去試下啦，未夠1點到達，星期六嘅關係，只得幾枱客，仲要係差唔多食完嘅，中途仲試過包場5分鐘添~因為食過佢前身嘅米線，知道大部分座位都係嚮商場內劃出黎嘅，好open area嘅，得少部份係正常嚮店內嘅位，坐出面商場啲位好熱唔夠冷氣，加上近電梯出入口，空氣冇咁好(之前家人及我都食過幾次佢前身，食完都真係會病，唔知有冇關係)，所以今次坐最入近廚房反而涼返少少呀~一坐低就睇下有咩食啦，本來諗住一個要墨丸，一個要豬軟骨嘅，比單職員時佢話依家有優惠可以3個7蚊餸就47送熱飲，叫十蚊餸就補差額，送熱飲及汽水，凍飲加2蚊，所以就改一改張單，一個叫左呢個優惠餐3餸，7蚊墨魚丸，十蚊軟骨及金錢，另一個就淨米線，可以免費轉五穀米線，咁colorful又新奇，當然試下啦，先黎飲品，我杯檸茶要超少冰，但冰量同奶茶一樣，唯有自己畢走佢啦，米線都好快到，米線份量正常嘅，不過餸就好迷你，先講墨魚丸，我未見過咁細粒嘅墨丸，以為係魚蛋添呀，味道普普通通啦，金錢有四塊，但又係好細塊，同好薄身，好似紙咁薄，我出去食係呢到兩塊合併嘅size為一塊，同有厚度

今日星期六要上班，我見自己胃口唔係太好。所以選擇了一間在公司附近餐廳食早餐。雖然店內的座位傢俱依舊，原來以前在這裡食米線的餐廳轉了新名，我點了鲜奶麥皮及腿治，還有一杯熱奶茶。鲜奶麥皮麥皮加上鲜奶呈現了一片白色，加了小小糖，好似在品嚐燉奶般，十分滋味。腿治兩片白方包夾了一片火腿，可能是很少吃，所以也覺得吃落我些特別。熱奶茶奶不多，呈茶色，我落了半包糖，我的最愛。這裡近公司，環境也舒適，下次都會再來的。

今日咁啱出開嚟觀塘，我同兩位朋友仔，一行三人都想食下米線，又坐得舒服，有杯嘢飲下，就嚟到依間Ben哥米線！湯底有4種選擇，有辣有唔辣，有酸辣麻辣，不同辣度選擇！配菜種類都算多，價錢就中等啦！要加嘢飲就加$6，就可以了！我就試左個麻辣湯底少少辣，因為喉嚨有點痛，不能吃太辣，有點可惜！不過叫左個配菜係金錢展，就有點驚喜！好淋好入味，韮菜又吸晒湯汁嘅味道，整睇嚟講，依碗米線都算好味道！唔怪得知人流都算係多的！杯飲品檸檬🍋蜜塘，不太甜，都不錯啊！