影片
營業時間
今日營業
07:30 - 16:30
星期一至五
07:30 - 16:30
星期六
07:30 - 15:00
星期日
全日休息
以上資料只供參考, 請與餐廳確認詳情
不嬲都有食開，食物方面係好食，但服務越嚟越差，都知午市繁忙位置緊張，但有個短頭髮肥姐姐，呼喝咁叫你移位，每隔一分鐘又走嚟問你人齊未，出餐又搞到成個碗都係湯，我同事成手都係，問佢攞嘢抹返又叫你買紙巾$3包，餐廳內完全上唔到網，又淨係收現金有次出錯豬大腸，叫佢整過到最後都係就咁換返就算，成碗嘢都係大腸味，食左幾啖頂唔順埋單走左呢啲都唔係大問題，我覺得最緊要係態度，食飯要受氣真係搞唔掂。。。。。。。。。。
繼續閱讀
叫咗個墨魚 腩肉米線 少酸辣， d餸好足料又好食，尤其墨魚超級彈牙，而且又大粒！無數有幾多粒，但感覺好似食極都有。腩肉都好入味，好食酸辣湯係走偏酸路線，鐘意酸既朋友一定要試！外賣有分湯，唔錯👍🏼
繼續閱讀
某日lunch周圍太多人等位食飯咁岩見到呢間米線 好多人食又好多人等外賣 但咁岩有位就試下 午市送餐飲 叫左熱檸蜜 正常基本上都係揀湯底同餸咁另外1/2或1/3米線可以減$1小鍋米線 ($32)個湯底勁清淡 有幾條酸菜米線偏冧 唔爽冇咩口感叫左原片韓國魚蛋 ($7)姐係韓式魚糕 都幾大塊正常魚蛋味道😂另外叫左嫩滑雞肉 ($10)呢個都算幾多件雞肉 同埋唔鞋呢個餸都ok👌🏼番茄酸辣湯 ($34)個色勁紅 辣多過番茄偏辣 食開少辣未必食到豬皮 ($7)呢個都正常啦 冇咩特別
繼續閱讀
下午茶時段每碗-$5送熱飲～十款湯底任簡～有辣有唔辣任君選擇～餸都好多選擇$5-14不等～下午茶份量算係咁啫喱豬軟骨蕃茄米線～有芫茜粒、蔥花粒～濃濃蕃茄湯味～啫喱豬軟骨好入味好淋好好味秘制腩肉酸辣米線～厚切腩肉份量足～雖然唔係好入味～但係夠淋容易咬～簡咗小小辣酸辣湯底～一D都唔辣～好惹味好開胃～個人口味酸辣米線要好多芫茜碎先令湯底更特出～酸辣湯底D肉碎好肥～不過肥油香同湯底幾夾奶茶比較澀要比平時落多半包糖先得
繼續閱讀
去到觀塘唔知食乜嘢好，見到有間米線店幾吸引喎。就入去試一試。嗌咗個蕃茄雞髀肉米線，等咗一陣之後就見到濃濃嘅紅色蕃茄湯，食落去嘅時候蕃茄味非常濃郁。再試一試雞髀肉，非常入味肉質嫩滑。加上套餐附送嘅飲品，嗌咗個熱阿華田。CP值幾高。
繼續閱讀
您可能會有興趣的...