Ben哥米線 (已結業)

香港人愛吃米線，首選多數是譚仔，但當你試過Ben哥米線後，你的首選好可能會從此改變必試這裡的酸辣蕃茄湯！蕃茄味非常濃郁，有大量新鮮蕃茄蓉，加上少許酸辣，令人十分開胃。我點了豬紅，雞肉和墨魚頭，每款配料都份量十足，充滿誠意，而且每樣都好好食雞肉：大大塊，和譚仔的雞肉碎完全是兩回事，吃到有用酒去醃過，肉質爽滑，一點都不鞋豬紅：好入味墨魚頭：每次來都必點，平時街邊墨魚頭一串都要$20，這裡份量一定超過一串，所以非常抵食！重點是整得爽脆新鮮，誠意推介另外要說說這裡除米線外，還有五穀米線，五種顏色，分別是：原味，玉米、蕎麥、高粱和黑米，因為不是食清湯，所以沒吃得出味道的分別，唯一分別是有色的米線比平時吃的白色米線軟滑得多，喜歡這種口感的可以一試，反正不用加錢^_^麻辣牛𦟌麻辣皮蛋以上兩款小食都不錯，價錢頗抵，我比較推介牛𦟌，皮蛋新鮮，但可以更惹味最後想讚揚一下reception 那位負責收錢，落單，帶位一腳踢的哥哥仔，反應純熟迅速，沒有錯漏，得敬業

今日同同事lunch, 驚lunch hour好多人又有啲趕時間, 於是就揀左米線; 同同事四個人入到去唔使等雖然有個meau, 但價錢都係跟番lunch set咁嗌小鍋米線(魚腐+芝士腸+豬軟骨) 平時好驚叫清湯米線啲湯真係好似白水湯底咁清, 估唔到呢個小鍋米線係酸菜湯底🤩, 有酸菜配料, 好開胃! 豬軟骨同魚腐都冧身幾好咬自家糖心蛋@10貪食叫左個小食, 呢個價錢既糖心蛋都高汁! 切半上直程見到流心蛋入面既流心好融心, 蛋黃唔會太熟, 作為流心蛋都合格! 不過如果有酒香更好整體泥講, 呢間係新蒲崗既lunch都抵食

前幾日行行下突然落雨，所以求其係附近搵一間入去食lunch。3點左右呢啲時間無咩人堂食，成個場得幾台客，第一次食唔知叫咩好所以望左幾個OpenRice食評。最後決定左食蕃茄麻辣湯底，配菜方面就試下好少見既韓國魚蛋同埋豬皮。蕃茄麻辣湯底，配韓國魚蛋，豬皮以蕃茄麻辣湯底黎講真心食落覺得好普通，味道真係超級普通，相比之下我覺得米線陣個蕃茄麻辣湯底仲好食其次韓國魚蛋同埋豬皮都係全塊上，勁大塊完全無剪開一小塊，點知一路食就一路彈哂啲汁出嚟好聽啲就大舊抵食，唔好聽既就係難食到就算送都唔想食韓國魚蛋口感可以接受，但豬皮係完全唔入味仲要鞋既🤢總結係幾後悔入左黎食，寧願去食譚仔更開心

今日叫外賣沙嗲米線 之前未食過又幾好味 第一次食又唔錯 配左蘿蔔 豬紅同新出既響鈴卷 響鈴卷吸晒個汁好正午餐有3個餸仲有杯嘢飲 一排冇返工突然諗起就想食 不過今日好多人等外賣 等左我10分鐘左右 不過今日真係好鬼熱 想入面等又排晒人落外賣啦 咁我都識做唔會阻住人 唯有企外面等 有少少流汗 不過咁多人都算快架啦 個譚X米線上次等左我半個鐘都未有 好在係商場下面有得遮擋 下次都係早少少落黎買定 仲keep到水準 不過我都係鐘意食五穀米線 提示：叫佢落單爽口d返到去啱啱好唔會過冧

叫外賣速遞，結果...啲野食搞錯左一半失望一：叫沙嗲豬骨湯底米線，但黎既係小窩湯底...試唔到沙嗲湯，仲要食咁清既湯底，好無癮仲要沙嗲湯底係貴過小窩湯底既。。失望二：叫蜜糖黑椒雞翼，但結果嚟嘅係辣蕃茄雞翼，還好辣野我都仲可以食得到，如果係其他唔食得辣嘅人就慘喇。。還好雞翼都不過不失啦。。失望三：叫咗三個餸，金菇、蟹柳、仿鮑片，但餸得好少，味道也真的很一般。。失望四：呢間米線店的米線很粗，食落較硬身爽口，品質不太好，可能會有人喜歡吃，但唔係甘岩我口味。其實，做侍應既。。可唔可以認真一點，浪費幾秒時間，對一次單，清清楚楚，係咪真係咁困難呢？總括而言，不會再幫襯這間米線店了。。也不會推介給朋友們吃。。

又係我作為Ben哥嘅忠實fans，佢新出嘅芫荽味湯底一定要試吓本人本身唔識芫荽，但係朋友叫咗芫荽湯底我試咗一啖之後次次黎都食芫荽湯底其實Ben哥好多湯底選擇最受歡迎嘅係麻辣，酸辣湯底，另外有蕃茄湯底同埋新出嘅芫荽湯底好似車仔麵咁揀自己鍾意食嘅餸，今次我揀咗豬腩肉同埋紫菜豬腩肉係用滷水路過嘅，6分肥，4分瘦，入口即溶而且有好濃嘅滷水味！紫菜Ben哥都算好大方，俾咗大半餅紫菜，如果食米線係食湯底嘅話紫菜一定係絕配，因為紫菜實在太吸湯喇，所以成也湯底敗也湯底，而呢個芫荽湯底成碗都係綠色，打卡一流

好鐘意食呢度既麻辣米線 外面好少會食到呢隻味 員工有推介我食新出既x1493辣雞翼 試左3隻ben哥烤雞翼 幾好食 不過製作時間比較長 等左10分鐘左右先有 問返原來係即燒會等耐d

趕時間見咁耐無食ben哥，所以嚟食點知太多人叫外賣，都等咗陣晚餐$44 有3 款 $7內的餸 送一杯熱飲蟹柳、芝士腸、墨丸試咗蕃茄酸辣湯，蕃茄好香，但食落唔太重蕃茄味都有小小蕃茄酸加小小辣墨丸就比較粉，唔夠彈牙其他就冇乜特別另外朋友叫咗 蘿蔔、牛丸、韓式魚蛋見韓式魚丸幾特別就決定試下韓式魚丸原來係魚糕，幾大塊用嚟吸湯底都幾正蘿蔔就唔夠軟， 如果煮耐啲會更好😄牛丸就幾ok, 大大粒 爽口

去食早餐，點了三餸公仔麵餐$32。聽到廚房阿姐同個樓面講咗一大堆說話，話係兩餸唔係三餸。樓面冇同我哋解釋，放低左張單，後尾我發現加多左$6。我問佢點解，佢俾咗另外一張餐單，係二餸公仔麵餐 $32，話我哋額外多一個餸要 $6。我話你哋改餐牌強行卒走個一字，冇卒到呢一張喎？加上你冇寫加餸要$6！佢態度依舊，當冇事發生，唔肯改嗰張餐牌。

呢間店我食過3次：第一次是堂食，蕃茄酸辣不錯。第二次是外賣，都是點蕃茄酸辣，食食下點解一D酸辣都無？於是睇下張單，發現店員落了蕃茄。第三次是堂食，堅持叫蕃茄酸辣，飲第一啖湯點解都係無酸辣味？一睇張單，發現都係同樣錯誤，都係寫蕃茄米線，於是同店員講，店員話加返D辣比我⋯ 碗米線再返來係滿內辣椒碎，每一啖米線都有咬口⋯但係酸去左邊？？？試過兩次都係錯，希望店員落單時留意下，相信我唔會黎第四次了⋯⋯⋯⋯⋯

成日經過都冇入去試，剛好新年初四冇餐廳開，見佢有開入去試下，意外地有午餐set 三餸米線加飲品$4x。男朋友叫左芫荽菠菜湯，我叫辣蕃茄湯底，估唔到比預期好味，喜歡佢冇譚仔既化學強烈嘅味道，有種實在煲出黎既湯底感覺，仲可以揀五色米線。最後，男朋友連湯都飲晒下次必定再去！

想食熱湯麵 經過ben哥米線一於試下😊店鋪幾大 食客數量都多搵到枱坐低時想搵人執枱但店舖大 只有兩個人工作 都明白佢地走黎走去好忙 所以幫手放好旁邊等佢地得閒先執😂有張點菜紙 劃好交俾佢地就得叫了三餸蕃茄湯米線：有魚皮餃、腐皮、肉醬😋😋😋蕃茄味濃郁 味道唔錯～～腐皮好味 米線必點配料😋😋😋魚皮餃唔錯 可惜只有兩粒 太少了另外點了小食尖椒皮蛋 本來點菜時很想吃的！正想吃的時候 發現皮蛋連調味汁結冰了完全是一早弄好 從雪櫃裡拿出來就放上枱等融冰才能吃味道一般🙈🙈🙈但好的是皮蛋上蒜量很多

豬軟骨，雞翼，都係普通房的，弊病都係住得太耐，好似係食一舊就散咗肉咁，朱紅魚香，冇特別，總之就係冇乜特別，都要買成51蚊，唯一可取之處，就係杯熱檸茶，個茶底好香，冇過火，處理得非常好. The environment is decent, yet table is not cleaned. Not much attentive services. Food is just normal for the price. I found it’s ok to seat and kill time

最近喺新蒲崗呢呢頭返工，所以決定要發掘吓呢區嘅美食🤫今次就首先食咗全港有幾間分店嘅Ben哥米線先因為我仲係學生所以可以叫學生餐，真係平咗好多㗎🤑學生餐仲送埋野飲，凍熱同價，店員仲好好人肯幫我走埋飲管♻️麻辣米線辣得好正，餸都好夠份量😙值得一提係我今次叫咗佢個五榖米線，食落感覺都健康啲😋地址：新蒲崗大有街3號萬迪廣場地下B舖

話說有一晚叫米線、凍檸茶走飲管。本來好有信心會走飲管，張單都有寫x飲管，但最後佢無走到。我心諗，無辦法啦，佢真係一時唔記得左手快快放左支飲管入去。下次當面同佢講一講可能好d。點知半分鐘唔夠佢走埋黎講左聲「哎呀」，忽然拎走我支飲管扔落垃圾桶⋯⋯我算半個環保魔人，但我唔focus 講環保。畢竟我無可能要求所有人同我一樣努力環保，同呢到唔係講環保ge 平台。件事反映到新蒲崗店員工有以下問題：1）問都無問就拎起我支飲管，無尊重客人意願。其實支飲管插左入杯野到，無啦啦呀姐走黎徒手抽起個感觀都幾唔舒服。2）你開得x飲管呢個command ，姐係你有意照顧環保人士需要，但你又唔教員工走飲管ge意思，咁禁黎做咩？