Bears & Friends (已結業)

帶仔仔出去尖沙咀睇燈飾，之後去K11 Musea行街，臨走前係B2果層的Bears & Friends 夾糖食，這間分店都算大，除咗可以夾糖，仲有得買禮品包裝的糖果，用嚟送禮都唔錯。佢一知道可以夾糖食就超開心，店舖的職員會要求夾糖前要用酒精搓手液消毒雙手，先可以去夾糖。Bears & Friends的糖果口味都算多，最多係果汁味，佢哋$22 有100g，最少要買200g。我哋夾左大半杯$46，其實就唔係有好多粒，因為佢哋d糖都偏大粒，不過就幾好味，特別係西瓜酸糖。