Beard Papa's (已結業)

由最初係Sogo開店時己開始有食這芭芙,因每次也會俾佢d香味吸引住,其實價錢真係不廉宜,成$10一個,又不是太大個,但個芭芙是暖的而中間的忌廉是凍的,一暖一凍的效果,真係好好味0家.

朱古力脆皮泡夫，唯一一樣堅持的，是用unsweetened chocolate；其他呢，唔...泡夫水了細了，忌廉水了少了- 由以前充滿整個泡芙空間，變成只充斥了半個空間；忌廉豆豆少了，texture 薄了，沒以前般那麼爆醬，那麼香濃，那麼creamy，同那麼教人回味。還是要謝謝您。

差不多每星期補習後後經過都會買ｐuff=]原味十分好=]有時候個ｐuff仲暖暖地加埋ｄcustard.. >3< 超正試過紅豆同綠茶=]紅豆: 我本身好鐘意食紅豆!! 個custard甜左少少..但加左紅豆粒就加加加分^^ 紅豆ｌovers一定要試~綠茶: 甜味幾夠.. 唔會話太甜好鐘意佢有d淡淡既綠茶苦味!! ^^>3<

10月頭開始有栗子味!超好味!不過做到10幾號ja,宜家無左lu你諗下,生日蛋糕果d有栗子味,加埋落d puff到,都ok啦!10月中就有南瓜味..味道就..清清地..好唔好食就見人見智啦,南瓜好似一般都要黎煮送咁,加埋落puff度,唔知話佢新配搭定............如果第1次食呢間野1定要食原味puff,$10果d!第1次食,就食新口味,一定覺得呢間野唔好味!因為我帶我d朋友去..佢地都咁講我見有d店就有撻賣,都ok ge..上次食左1個$20ge 芒果朱古力杏仁撻,食完都飽啦,不過芒果就有d酸,可能呢季d芒果唔靚?!?!哈宜家有積分儲,''給''印仔架,同幾個朋友去食野,買d返屋企食,咁好快儲完一張架,旺角呢間應該最旺啦,次次都見有人排隊,服務都ok,有禮貌,間野成日都好多人,見到d員工都做到氣喘,間野好光猛,d員工好似著好多衫咁,好熱咁wor@_@近排加左d裝飾,好似配合返萬聖節

到MK 開會後，乘MTR 回家。傍晚六點半的旺角MTR 站裡的Bread Papa，擠滿上班族和學生，共通點都係三十歲樓下的年輕人！家中長者愛此店的泡芙，不理年齡，我都排埋一份！萬聖節前，推出新品「南瓜味」，於是買了三件「南瓜味」（$13）和一件「朱古力脆皮」（$12），合共$51。貴，但相信有品質保證！南瓜味泡芙（$13）：三個字：「唔好味」！問題出於餡料味道唔湯唔水，南瓜味係有，但好淡，蛋奶吉士味亦不見，調味唔掂！朱古力脆皮泡芙（$12）：呢個正常些少！試新野係好，但要冒相信的險！

間唔中都有離bread papa買puff食，一見有新味道，都必然會試試，試過咁多款(仲未試到綠茶味，只聽講話出過，但次次去到緣慳一面)，我都係覺得原味好食d，食落唔太甜唔太膩。早幾日試過一隻「士多啤梨芝士條」(希望冇記錯名字啦)，士多啤梨好新鮮咁款，中間夾著一層朱古力，配搭起來太甜d，下次試試冇朱古力餡果隻，睇下會唔會咁甜先。

買左ice cream puff 同cream puffice cream puff 太貴,味道又一般...都係cream puff 好味^^不過d 價錢又真係貴左d....不可以成日吃

食完pokka, 趕及o係beard papa關門前黎買個雪糕puff食. 只係淨返兩個呍呢拿雪糕puff, 就要埋佢. 之前明明睇過佢地o既雪糕係用movenpick, 但食落唔係好似, 反而味道淡淡, 似港產雪糕多d?! anyway, 個puff依然係好香脆美味, 不過下次都係食返吉士餡^_^!

次次經過都聞到香味,已經想試左好耐同老公買左個ICE CREAM PUFF黎試啦,MINT CHOC味的..一食,2個對望,失望眼神...個PUFF真係好普通囉,食落完全唔香囉又硬又冇牛油香味...係唯獨個雪糕食得下落肚囉...14蚊食個咁既野,真係唔抵

我差不多次次黎食都係食原味泡芙,覺得o的cream好好味,我試過佢地其他口味同脆筒,都係覺得原味最好味。但唔知點解而家愈來愈少cream?我覺得o的cream先係一個泡芙o既精華。

平日走過旺角mtr station, 都會聞到好香牛油味由呢間舖傳出來^o^試過它的原味泡芙($10), 外層的皮有些軟, 很香牛油味, 不會太厚, 中間有凍凍的的東西, 或許可以用"牛油味的乳酪"來形容, 成件好好食! 一個份量頗多, 會有些飽, 但不會滯!另外也買過它的芝士蛋糕條($8). 是長條形的, 酥皮上在一層很厚的芝士蛋糕, 我認為那些芝士蛋糕和泡芙的心很相似, 不過比較硬. 整條很好吃, 不過蛋糕很細, $8也頗貴.

到MK 旅行社查詢前，女友嚷著要吃點小吃。於是買了「朱古力脆皮泡芙」（$12）、「芝士蛋糕條」（$9）。泡芙：披上朱古力脆皮的泡芙，唔錯。吉士布丁餡，依舊嫩滑甜美，風采依然！芝士蛋糕：有脆脆的千層酥皮作餅底，芝士味濃度適宜，質地好light！女友說這兒的「芝士蛋糕條」比Italian Tomato 好，真的各有捧場客。係好有實力的街頭小吃。

有時經過旺角地鐵站，都會被佢地香噴噴既ｐｕｆｆ香味吸引住，買件離食，個ｐｕｆｆ皮香不特只，裏面Ｄcream凍冰冰，真係好好味架之不過星期日果日，係屯門吉之島逛逛下，見到開左間分店，咪立即去幫襯囉~~~~點知其實味道依然係咁好味，但最可惜就係d cream 唔夠凍，冇旺角果間食落咁涼快~~雖然我了解自己唔係食緊雪糕。

行經旺角地鐵站,見有d肚餓就買番個原味puff黎食!!咬落口個puff好鬆軟,裡面d cream都好滑同好香,十蚊個確係抵食!!

d puff 都幾好味，好多凍冰冰既cream，無論出邊款口味都一樣咁夠味道，但係食既時候就麻煩d 啦，咬落去, d cream bit 好容易bit 出離......一定要先準備紙有先好食......