BDK Kitchen (已結業)

👉餐廳自製美顏茶(黑枸杞、桑葚、玫瑰花茶)辛苦加班幾天，女生要好好補血安神，改善睡眠，這款美顏茶配料中黑枸杞中的花青素是天然的陽光遮蓋物，能夠阻止紫外線對皮膚的傷害及保護皮膚。當然要跟餐配一樽，清清的玫瑰花味道，無糖，很健康，飲落感覺好清新無負擔🌟個人總覺得要支持一下小店經營，因為就正正是他們才令到這個城市變得有特色，而不是千篇一律的複製連鎖餐飲，如果食物是又經濟又實惠又健康，多幫襯幾次又何妨

長期客戶, 轉了手質素不如前, 轉手後第一次食, 叫左雞肉飯, 份量少, 飯爛, 肉少, 故意用菜墊滿整個飯盒, 制造多份量假象, 落三種汁, 只有辣汁味…. 希望多改善, 否則步上一手後塵

來大角咀做嘢的午餐快手之選👉FalafelWrap香脆鷹嘴豆卷Deep Fried Vegetarian Patties &Salad In Lebanese Bread素食之選，又健康又飽肚又好味推薦指數🌟🌟🌟🌟👉Beef Doner Kebab Wrap中*東炭燒牛肉卷Roast Beef &Salad In Lebanese Bread為什麼叫中*東呢？我猜此餐廳應該是提供halal food的緣故吧推廣指數🌟🌟🌟🌟💡可以📱外賣，節省等待時間💡星期一至五午餐時間每個餐還有跟紙盒飲品🧃

因為工作嘅需要，我嚟到咗大角咀，一個平日唔會太去嘅地方。行過時見到間細細間嘅Pizza店，即刻走入去試下！呢間店唔算好大，只有7個座位，可能多人會選擇外賣。真係好感激，餐廳逢星期一至五都有提供午餐套餐，但星期六同星期日就冇啦！不過老闆娘好好人，雖然我星期日嚟，佢話答謝我第一次嚟，就按午餐價收費俾我！所以我成日都講，做人有禮貌就會有好報。為咗表達感謝，我就加咗個小食，增加我嘅消費😅我叫咗個午餐Pizza，係炭燒中東牛肉薄餅（8寸）！個份量啱啱好，我最鐘意佢即叫即造，餅底熱辣辣嘅脆口！中東牛肉做餡料，味道好特別！整體嚟講，真係好好味！仲有一個小食係素菜春卷（6隻），都係即叫即炸，餐廳嘅所有美食都有一個共同要求，就係即煮即食！簡單嘅素菜春卷令人開心！跟餐仲送一盒紙包飲品！食咗先知道原來餐廳可以加錢換即磨熱咖啡，下次嚟一定要試試！

BDK kitchen 位於太子，深水埗及南昌港鐵站三站之間，可能要花一點時間先搵到店舖位置，但係，值得嘅眼見客人都係外賣為主嘅。舖內堂食位置不多，有幾個高枱位及一張長枱， 如果時間許可， 都係建議堂食， 畢竟食品新鮮出爐一刻係最美味Meat Lovers Pizza 食肉獸薄餅配料有炭燒雞肉，炭燒牛肉，火腿，洋葱，波椒及BDK 自家製三色醬。炭燒雞肉及牛肉不俗，相信係用Kebab同款嘅肉，燒過後的肉香口而又唔會覺得乾柴。自家製三色醬配合得美味， 估計青色嘅係羅勒醬， 白色嘅蒜蓉醬同橙紅色嘅辣椒醬， 相互配搭令Pizza 味道層次瞬間提升佢哋有個雙人套餐係$170就有Pizza, Kebab 同2 罐飲品，性價比相當高

只遇到了一間kitchen ，怪不得叫這個名字，原來廚房真的好大，而且是開放式的，整個食物製作過程一目了然，相比之下，堂食的位置就非常少了本來想試試香脆鷹嘴豆泥系列，可惜沒有了，好遺憾，希望下次過去的時候有點了蔬菜雞蛋卷和沙律，味道很清淡健康，很適合我，里面有蕃茄、洋蔥、青瓜、粟米、黑水欖及生菜等無意中發現牆上貼著Halal food，看來是衛生、健康的食品了🌟沒有加一服務費🌟可以wts下單，回覆超快💡所有照片均為live原相無濾鏡保持食物原樣

相信大家都去過啲著名連鎖pizza店, 食完之後必定口渴到死🥵, 擺到明就落咗好多味精喇, 啲材料又唔新鮮！所以外賣pizza我一定幫襯小店！BDK Kitchen 只做外賣, 位置喺大角咀比較靜嘅地方, 但就勝在門口可以停一停車, 攞外賣都方便啲, 而且裝修以簡約工業風為主, 畀人一種現代嘅感覺, 對佢嘅食物信心都大啲！落單又可以用Whatsapp, 非常方便！佢嘅招牌沙律份量十足, 外賣都竟然有擺盤, 值得一讚👍 雖然醬汁唔係好多, 但濕潤嘅生菜絲好容易入口！Kebab 🌯用上大量生菜, 烤肉味道啱啱好帶少少微辣, 味道平衡！😋而且啲肉一啲都唔韌！蘑菇黑松露薄餅非常好味, 食落就知道一定冇味精, 材料新鮮, 上面嘅沙律醬令到味道豐富🍕, 只係略嫌餅皮比較厚, 份量十足, 絕對有誠意！整體嚟講性價比好高, 每樣主食都送一罐汽水！店員有禮貌, 回復WhatsApp 反應快！如果喺附近返工, 絕對推薦（使鬼幫襯對面難食嘅 Pizza XXX 😜)； 夜晚揸架車攞外賣都非常方便！一間值得支持嘅小店！

睇完食評，今日膽粗粗whatsapp order 午餐，十二點鬆少少落單，因職員話十分鐘就可以去攞，但我住喺20分鐘以外路程，所以我就同職員講，一點左右先到取。就算我只係生客，之前無order過，店舖亦無收任何款項在先。我一點鬆少少先到達，pizza仍然係燙手嘅，回到家，食物依然新鮮好味👍

每日行去工作室都會經過這間外賣小店 BDK Kitchen，望下個餐牌都有幾款素食薄餅和中東卷等選擇，仲有鷹嘴豆泥餅都幾吸引。這天約朋友上來玩就順便試下，午市套餐連飲品都係五十蚊，價錢都幾實惠喎！街角小店設計簡單，隔離係車房同工廠大廈，平日都幾多人經過架。入面不設座位，以提供外賣為主，仲可以預先用 whatsapp 落單。基本上每個項目都有素食選擇，漢堡包和中東卷都使用鷹嘴豆餅，薄餅就有番茄芝士和蔬菜千島醬。跟朋友各點了一個午餐，再加一個小食，夾埋每人唔使HK$100，抵過食文青餐廳。Margarita Pizza (8 inch) HK$45午市套餐的薄餅細個少少，一個人食剛剛好。批底是那種不厚不薄的類型，芝士份量頗多，不過我覺得番茄醬可以再濃一點。香脆鷹嘴豆餅 (6pcs) HK$40見佢漢堡和中東卷都係用 Falafel，咁不如直接叫個鷹嘴豆餅食下，外層炸得香脆，中間是鬆化鷹嘴豆泥，口味唔算太重香料，正正常常咁樣啦。這間店就在我的工作室樓下，平日約朋友平平地食個lunch都係唔錯選擇喎。

下午茶時間係大角嘴附近，記起附近有間應該係新開嘅kebab pizza店，就去試試。Lunch set做到4:30pm, 野食連野飲比平時menu平10-20蚊，大部分都係$50-60，又包埋一罐嘢飲，扺食！但係堂食就只有一張面壁長枱，唯有外賣返屋企食。只係企咗喺店5分鐘，前後都有客人，證明附近嘅Office客同住宅客都幾鐘意依間！試左牛肉kebab，個sauce配合得好好味，少少鹹鹹酸酸，好開胃下次會再嘗試pizza~

大角嘴搵食之旅今日去到通州街尾既 <BDK Kitchen > ，見到佢哋賣既 kebab 炭燒鷄，真係去英國讀書既時候，D 宵夜回憶返曬嚟。呢度地點比較遠離地鐵，反而近港灣豪庭嗰邊，喜愛 kebab 又吾想過海既朋友絕對可以一試。BDK 入店感覺整潔，飯枱地下也沒廢紙垃圾，門面視覺感覺已經贏尖沙咀連鎖曲巴店。可惜店雖然不細，坐位只有面壁 bar 枱位四個；有啲難推薦朋友嚟食午餐，只好成為自己午飯既私竇。食物方面，點左當年我最愛既《炭燒鷄薯條》；比較可惜 <BDK> 冇做到 kebab roll 在客戶面前轉轉轉即燒即切；但調味既醬包話白色Garlic Mayo, 微辣既橙色 Spicy Sauce 同 點題綠色既薄荷醬，跟煎好既肉一併熱辣辣上菜；煎得少少焦邊少少脆既鷄肉同即炸既薯條；呢個組合，真係好油好高脂但係好好好好味。我坐喺店半個鐘，華洋客比例各佔一半，外國午餐客明顯比其他大角嘴食肆多。服務要义有义，要水有水，亦難得吾貴，有中英對照餐牌，下次黎試 kebab roll. 總結：好正。會返嚟 encore !

Selling not halal food and saying it's halal. Pizza has problem with!! not fresh!! They are hiding from customers ! ! I had worst experience of it!!!

大角咀開了很多不同的食肆，很開心見到開了一家新的食kebab的餐廳。餐廳主要是做外賣，堂食的話只有一張面壁的長枱。已經幫襯了幾次，除了Pizza之外，其他食物都不錯，不過都係第一次幫襯食lunch的時候order的黑松露醬ravioli最好食和抵食，$5x包一罐汽水，黑松露cream sauce 非常香濃，但由於是lunch special，所以不是在regular menu上，之後叫過兩次晚飯外賣， 都沒有再遇上…… 下次食lunch要再碰吓運氣😄

如果你嫌啲飯冇乜味嘅話，可以同佢哋講spicy。佢哋會幫你落少少辣嘅沙律醬。撈一撈啲雞肉同埋啲飯之後就可以起筷。你唔同佢哋講要醬嘅話，成盒飯就會變得好單調。佢哋好nice，只要你肯開口，佢哋會幫你加醬。如果你想嘆多啲雞肉嘅話，可以唔叫飯，叫薯條，咁樣嘅話雞肉嘅比例會再高啲。因為啲薯條係即叫即做，仲有佢哋會用個餐盒裝住，搞到個盒好熱，最好問佢哋攞膠袋，唔係嘅話好容易會跌到周圍都係。我未試過佢哋啲pizza，有機會嘅話，我想去試一試。

I have gone there for several times. The staff are very nice. They offer a wide range of halal food. I only tried chicken kebab, beef kebab, chicken with fries, and chicken with rice. I often go there because the restaurant is close to my workplace. Before the restaurant was founded, I always had to spend almost 30 minutes on buying halal food. I love the chicken with rice because it is not too salty. I would recommend those who are working in Tai Kok Tsui to try the food.