BB開心茶座

營業中

休息中

落單態度唔好，預左要等，等左半個鐘野食未到，追佢，舉手望住扮睇唔到，行黎行去執枱，遞手遞左5分鐘先至理我，追單，再等，最後等左1個鐘，唔久等! 比錢時仲要問我齊唔齊，痴線!

遊車河到鹿頸，吃馳名鹽焗雞，叫了半隻，但略嫌過鹹，價錢$110半隻，份量少，性價比不高！有郊外feel, 門口可泊車，食物一般，因為週末人較多，所以店員態度.....，招呼欠奉！叫了麵，另2杯飲品，檸茶少甜變無甜，咖啡無甜變少甜，因為生意太好，店員太忙，有點不耐煩，所以不敢要求換掉！

夏天又來啦，行山又太熱，於是去郊野逛，比大家參考一下我行郊野的路線啦鹿頸>雞谷樹下>鳳坑>谷埔 （3-4小時）第一站黎到BB開心茶座，當然係嘆個早餐啦。$45早餐，有蛋、煙肉、多士、火腿通粉、再加杯熱齋啡，真係一個Good morning對於我來說，火腿通粉選擇就咁用熱水加鹽黎煮，非常適合不太喜歡早餐食濃湯底的我，另外一些煎物亦不會太油，多士都烘底了（不用加錢很frdly)總括來說，早餐質素唔錯價錢亦不過不失，行山起步之選。

上星期天氣晴朗，所以決定去郊區遊吓車河，去到鹿頸附近，見到有兩間露天茶座就想食啲嘢，我哋睇左兩間茶座嘅餐牌，仲諗緊去邊間嘅時候，BB開心茶座就有個女侍應走出嚟招呼我哋入去，咁當然就入咗去BB開心茶座喇，佢好好招呼，我相信佢係老闆娘，佢推介我哋食鹽焗雞、牛筋腩同埋豬扒。個老闆娘好健談，同我哋傾左幾句，最近嘅疫情令佢哋失意大跌，試過全日得幾枱客。我哋揀咗鹽焗雞，牛腩豬扒湯河。我覺得鹽焗雞同牛腩冇乜嘢特別，但係個豬扒就真係好好食，好香口好鬆脆。去效遊我最鍾意去露天茶座食吓野，環境清靜，但缺點係多蚊蟲，一定要搽蚊怕水。

今日黎行山，落大雨所以黎呢度避下雨🌧️順便食番碗豆腐花。呢度$15碗，都唔算平。呢度好多明星相，有好多大粒野，當然唔少得行山之友發哥。豆腐花唔係好啫喱狀，好似有啲散，口感唔係我平時食開咁。落左紅糖、糖漿，都未有太大幫助。有點失望。

每一次的北區遊，總會是一個三步曲。一是去寺院食素、二是去沙頭角望望，三就是經鹿頸入新娘潭、大美督、大埔回去市區。而鹿頸，幾乎是每次都會停的一站，因為食完素宴午餐，大家仲有少少食力時，一定會在村前的茶餐廳，享受返一碗美妙的山水豆腐花。我們慣常去的寶號叫《BB開心茶座》，是一間好多人，包括明星都耳聞名而至的名店啊。這一天，我們又路過了，當然來一碗開心的豆腐花。大家都知道，這《BB開心茶座》有好多野都好好食。但，每一次來，我們都是吃好午飯才來。除了食碗所謂的山水豆腐花之外，胃子是沒有再多的空間去容納其他的。所以，這一次來，及每一次來，我們都不例外，是一人一碗豆腐花。香滑的豆腐花，要普遍糖水或是要薑汁，落單是加一聲就可以了。我就比較喜歡加黃糖，因為加上黃糖之後，豆腐花的甜味會更香，而且，入口的糖味會是帶點滋潤的。此外，這兒的豆腐花，無論是熱食或是凍食，都那麼的香滑，這也是我們每一次經過都會為豆腐花而停一停的原因。當日，我太早起床了，所以加點了一杯咖啡來提一提神。我其實很少會叫港式咖啡的，但間唔中飲下又不壞。這一杯咖啡，如常地特濃，奶味很香，滑滑淡奶香之中夾帶濃咖啡的苦澀味，再以一茶匙的沙糖吊返

有去開鹿頸Morning Drive (MD)嘅朋友都應該知道呢間餐廳或者咁啱去開鹿頸行山朋友都會有嚟過呢間餐廳！今日小弟去左MD 就揀咗食呢間餐廳叫左個英式早餐同埋一個上湯水餃，興英式早餐入邊有好多嘢食例如茄汁豆、煎蛋、薯餅、吐司等等，份量多而味道都過得去喇，不過不失！去得MD 通常都志在同朋友一齊遊吓車河食個早餐傾吓計😂個水餃都可以喇，個湯唔太油同鹹，餃子隻隻都大隻飽滿！都算係食得過！一早再加多杯凍檸樂真係正呀！😋去開鹿頸或者去MD 嘅朋友仔就唔好錯過啦

假日同朋友去鹿頸行山，一場嚟到就試下呢間BB開心茶座。點咗個牛筋腩撈麵，首先牛腩汁都幾夠，啲牛筋入口即融，平時唔太食牛筋嘅我都覺得幾好食，而牛腩就更加唔使講，夠哂「林」，又入味，加埋個麵又夠彈牙，唔怪得咁多行山客都嚟食啦！推薦啊！

以前食過呢間鹽焗雞同其他餸都吾錯，今次鹽焗雞味道差左兼量少飯少，麻辣麵原來系車仔麵，夠辣餸得幾片份量少，直情茶餐廳質素都冇，今次最後一次幫襯，只系貪佢易泊車之後可以行吓

天氣超好🌞好耐冇食豆腐花了☺️☺️☺️-今日同朋友行鹿頸之前，去左BB開心茶座食車仔麵$30一個餸(另加一款餸再加$10)及豆腐花每碗$15 。豆腐花都幾大碗，豆腐都幾滑！車仔麵d料都吾錯！食飽飽就出發鹿頸谷埔郊遊超近超方便😎😎😎

行完鹿頸過嚟食嘢，朋友話呢間雞翼薯條紅豆冰好食。。我就試吓佢個秘製豬扒米粉。。豬扒調味好味，唔算落得太多鬆肉粉，不過塊豬扒一塊過啲難食，如果切開一片片會比較好另外叫咗招牌鹽焗雞米粉，鹽焗雞整得唔算太鹹，雞件都啖啖肉，呢個價錢來講非常抵食最欣賞係兩個湯底都好清，淡淡地唔會太油膩

星期五，黃昏，我朋友開車經過，途經這茶餐廳，露天已坐了四個外國遊客，三個香港人見到大大隻字，招牌鹽焗雞，秘製豬扒叫了一碟鹽焗雞飯叫了一個餐蛋公仔麵叫一個秘製豬扒 可能已是黃昏6:20，就嚟想收工，招牌鹽焗雞飯，隻雞好似用微波爐翻叮，有點失望，反而鹽焗雞醬，味道不錯，旁邊的菜心，好似唔熟咁， 偏硬餐蛋麵，普通公仔麵，味道一般，麵有太淋秘製豬扒，竟然是南乳豬扒味，有點驚喜😊服務員態度友善，見了有小巴剛到，溫馨提示，這三個香港人，錯過了這小巴，要等半個小時

帶埋柴犬 郊遊, 短短地行 鹿頸谷埔, 出發前先來個「英式早餐」：雙蛋、煙肉、餐肉、雙腸、火腿、焗豆、鮮蕃茄、牛油多士、鮮橙汁.... 食材都算新鮮，份量亦適中，性價比不錯；但對呢類食物嘅烹調冇乜特別要求㗎喇, 值得一讚係件多士幾有水準😁😁始終處於真正郊區，環境一定唔錯😊而且附近可以泊車，非常方便。

👎👎👎👎👎諗住食個美味嘅午餐, 點知有個非常非常唔愉快嘅午餐經歷, 普通嘅餐肉蛋出前ㄧ丁都整得好難食完全冇出前一丁味嘅出前ㄧ丁, 英式All Day breakfast 配中式炒蛋九唔搭八, 有套餐配唔介紹畀客人等客人畀多啲錢👎👎👎👎伙記工作態度超級超級超級差愛理不理，簡直貼錢買難受😡😡😡😡😡千祈唔好中伏, 行過經過 路過就算 千祈唔好貼錢買難受, 唔知點解咁多人like都唔知係咪假嘅不可思議🤔絕對冇下次😑

同朋友行山，未出發已肚餓。一落車就見到呢間士多，先行醫肚。我叫左美式全日早餐加薯餅，而我朋友叫了美式早餐。這個全日早餐認真豐富，有煎雙蛋、香腸、蕃茄、茄汁豆、牛油多士！加埋薯餅，真是好夠飽！太陽蛋煎得好靚，好好食；香腸味道適中不過鹹；牛油多士厚切，牛油亦香；薯餅十分脆，亦有濃郁薯仔味，口感很好！要挑剔的是，飲品太甜，用太少水沖了。掉返轉，其實老闆好闊綽，加左好多阿華田/好立克粉。😂行山前真是充滿力量，滿足的一個全日早餐！