반찬앤쿡 Banchan and Cook (太古城中心)

營業中

休息中

最近好鍾意食韓國嘢～前排去左太古城行街見到依間韓國餐廳幾靚咁就入左去。餐廳半開放式用餐區以乾花同暖色系裝潢點綴，簡約韓系文青風。同埋佢似food count形式，想坐邊都得～仲有Detox water可以自助拎～ -烤牛肉蛋包飯流心蛋一刀切開如熔岩般，香濃郁且質地絲滑。而牛肉肉質軟嫩不乾柴，醬汁甜鹹平衡。-韓式炸雞🍗我地簡左無骨炸雞的蒜香🧄同柑橘🍊炸雞的炸衣薄脆不油膩，肉質好。蒜香甜中帶微辣，而後者清新驚豔！柑橘醬酸甜清爽，中和炸物油膩感，夏季必試！底下有薯條，加埋啲汁好食！-醬油黑毛豬白切肉配大醬生菜🐷厚切豬肉好大塊，口感腴潤不柴。如果細塊啲就好，差啲放唔落個口🤣搭配大醬、蒜片、青辣椒及泡菜，冇諗過配黑毛豬包生菜原來好好食！-Banchan & Cook 提拉米蘇🍰顛覆傳統～外型好似黑森林，入面夾層紅豆蓉，咖啡酒香比較輕盈，幾得意 - 軟絲絲紅豆・豆花沙冰🍧豆花香滑，紅豆微甜不膩，適合不嗜甜者。 - 士多啤梨紅桑子梳打🥤氣泡感十足，酸甜清爽，與炸雞堪稱絕配。

Banchan & Cook - 嚐吃套餐烤牛肉蛋包飯招牌嘅蛋包飯，滑蛋配上炒飯，再加上惹味醬汁嘅牛肉。無骨 炸雞半份炸雞可以選擇冇骨或者油骨，而且口味多，有原味、甜辣、柑橘同埋芝士，我哋揀咗蜜糖，炸雞香脆嫩滑多汁，表面有年糕，底部有炸薯條。 燒醬油黑毛豬白切肉配大醬生菜之後就係經典嘅韓式食法，啖啖肉嘅五花腩黑毛豬配上泡菜、大醬再用生菜或者紫蘇葉夾着一起吃。Banchan & Cook 提拉米蘇甜品就叫咗Tiramisu。焦糖脆脆，鮮奶咖啡軟綿綿紅豆，豆花沙冰

坐落係太古城中心 環境開場嘅韓式花系餐廳🌸落完單自己搵位/拎餐具/水 自助形式 所以無加一🤣✨烤牛肉蛋包飯 $98✨韓國無骨柑橘炸雞 (半份) $108✨燒醬油黑毛豬白切肉配大醬生菜 $182✨Tiramisu $68✨濟州綠茶鮮奶 $42✨紅豆豆花沙冰 $58蛋包飯賣相吸晴 金黃色漲卜卜 趁熱切開有流心效果😍蛋香十足 撈埋炒飯食 每啖都索滿蛋汁同惹味烤牛肉🤩炸雞外層沾滿柑橘醬汁依然香脆 配撘煙韌年糕+幼薯🤪厚切黑毛豬肉質嫩滑 油脂分布均勻 蘸上咸香大醬 配爽脆生菜 紫蘇葉 蒜片 泡菜 清新解膩😆Tiramisu有d失望 咖啡味欠缺 原來入面係紅豆 頗甜🤣兩杯drinks都推介 抹茶味濃 紅豆豆花好滑 超香豆味😚📍地址: 반찬앤쿡 Banchan and Cook太古太古城道18號太古城中心2樓222A號舖東涌達東路20號東薈城名店倉3樓334號舖

一間充滿花花的韓式餐廳，入到去環境已經令人十分舒服，在前枱點好餐後，自由揀位 ，很驚喜的是免收加一 。玫瑰醬海鮮年糕海鮮有青口，八爪魚，蝦，很足料，年糕又長又煙韌，掛滿濃郁玫瑰醬，入口先有蕃茄的味道，隨即爆發龍蝦湯的鮮甜，海鮮味道層層遞進，很特別，令人回味無窮。醬油黑毛豬白切肉配大醬生菜黑毛豬肉質嫩滑，脂肪分布剛好，蘸上鹹香大醬後，包在爽脆生菜裡，一口咬下，肉香、醬香和菜香完美融合，清新解膩。韓式炸雞無骨半份蒜香味雞肉外脆內嫩，蒜香撲鼻，甜甜的醬汁黏在每一塊雞件上，每口都帶有蒜香及香甜，令人一件接一件。Banchan&cook 提拉米蘇這個比較特別，中間有紅豆，加上咖啡香和淡淡酒香交織，甜度剛好，口感豐富。溶化朱古力賣相十分漂亮，忌廉加上朱古力，完美配搭伯爵茶鮮奶咖啡茶香與咖啡香交融，奶味細膩順滑，令人心情放鬆。

太古城中心真係好鬼大，每次想搵餐廳/舖頭都搵一大輪。Banchan & Cook舖位好開揚，有別於一般韓式餐廳傳統裝修，呢到似係一間cafe多啲。有落地大玻璃同埋打卡一流花花枱。嗌野食模式就同food court差唔多，係counter落完order拎部震震機，嘢食拎得嗰陣時會響～水、紙巾餐具都係自助，餐具係即棄式。當日試咗幾樣嘢，白切肉同炸雞都唔錯。醬油黑毛豬白切肉配大醬生菜，厚切半肥瘦🐖，配青辣椒、蒜片、泡菜同大醬，包住生菜一齊食，每一啖都幾滿足。炸雞一定要食有骨既先夠好味，炸粉唔厚，皮幾脆，每一嚿都沾滿甜辣醬，仲配埋韓式年糕同薯條。醬油黑毛豬白切肉配大醬生菜 $182韓式甜辣炸雞（有骨半份) $118橡果黑毛豬卡邦尼意粉 $102軟絲綿紅豆·豆花沙冰 $58白桃甜蜜梳打 $46Banchan & Cook 提拉米蘇 $68

餐廳半開放式空間加上植物點綴好有空間感，坐得舒服，啱晒打卡餐點有炸雞、蛋包飯、韓式煎餅等菜式🔖［ 煎雞扒泡菜奶油燉飯 ］雞扒外皮香口肉質滑嫩，燉飯醬汁creamy，食到香濃忌廉奶香加咗泡菜及雜菌令味道同口感更清新，食多咗都唔會膩🔖［ 無骨甜辣炸雞 ］醬汁味道微辣，甜甜哋好易入口炸雞外層沾滿醬汁依然香脆，件件雞肉都有醬汁包住，肉質嫩滑多汁🍗越食越想食🔖［ 燒醬油黑毛豬白切肉配大醬生菜黑毛豬肉半肥瘦，肉質夠腍而且好入味，醬油嘅甜香配上泡菜酸酸辣辣，味道更有層次伴碟仲有生菜、紫蘇葉同蒜片，中和返豬肉嘅膩感🔖［ Banchan & Cook 提拉米蘇 ］忌廉輕盈入口即溶，中間有綿密紅豆蓉幾有驚喜🔖［ 軟綿綿紅豆 豆花鮮奶咖啡 ］奶泡+咖啡+紅豆+豆花好有層次果然韓系嘅咖啡都唔會令人失望

Banchan & Cook之前去過唔同嘅分店 基本上每一間嘅食物質素都好好 所以間唔中都會嚟食👍🏼 而位於太古嘅呢一間分店 佢係自己攞餐 重點係唔使收加一服務費 而且環境幾好 係一個好大嘅賣點🤩🍀無骨韓式甜辣炸雞半份炸雞嘅份量好多 兩個人食都好足夠 今次我地揀咗韓式甜辣口味 味道濃郁 唔會太辣 而且炸得夠脆口 好開胃🤤 仲有炸薯條配埋 可以滿足口癮😛🍀煎雞扒泡菜奶油燉飯賣相好靚好吸引 泡菜燉飯味道香濃 每一啖都會食到少少泡菜 再配埋煎雞扒 味道好夾😋 雞扒亦都煎得好香 雞皮煎得香脆 雞肉依然保留到肉汁 值得叫黎食😜🍀燒醬油黑毛豬白切肉配大醬生菜黑毛豬肥瘦平均 口感形成佢哋對比 燒醬油嘅味道亦都好濃厚 加一兩片蒜片 再用生菜包住一齊食 食落更加清爽😚🍀伯爵茶拿鐵伯爵茶嘅味道幾清香 又唔會完全蓋過咖啡嘅味道 恰到好處 幾好飲🤣

今次我嚟到太古城中心呢間人氣超勁嘅韓式Cafe — Banchan & Cook，同大家做個深度實測！呢度裝修行小清新文青路線，乾淨舒服，勁啱打卡！今次我就點咗佢地幾款招牌菜，睇下係咪真係咁堅先！💥視覺味覺雙重衝擊！烤牛肉蛋包飯 🍳🥩首先嚟嘅係呢個幾乎枱枱都見到嘅烤牛肉蛋包飯！ 佢個蛋包飯一上枱，個樣已經好吸引，金黃色嘅蛋皮脹卜卜，非常飽滿。 最精彩嘅部分嚟啦，當店員輕輕一刀切開，半流心嘅蛋汁即刻好似瀑布咁湧出嚟，超級治癒！ 啲蛋汁又滑又充滿蛋香，撈埋個飯一齊食，每一啖都掛滿蛋汁，口感一流！主角烤牛肉都唔嘢少，肉質鮮嫩，配埋佢地秘製嘅醬汁，味道濃郁得嚟又唔會太膩，絕對係必點之選！ 🍗甜辣惹味！無骨炸雞啖啖肉 🌶️食韓國嘢又點少得炸雞？我叫咗個無骨甜辣炸雞半份，試下佢嘅味道。 呢個炸雞一上枱就聞到好香嘅甜辣味，外皮就算沾滿醬汁都仲保持到酥脆嘅口感，完全唔會腍晒。 而且佢係無骨嘅，啖啖肉食落真係好爽！雞肉炸完之後仲可以保持到嫩滑多汁，一啲都唔乾身。甜辣醬嘅調味啱啱好，甜甜地帶少少辣，非常開胃，配埋面頭嘅果仁碎，口感層次即刻提升！除咗炸雞，旁邊仲有啲炸年糕同薯條，索晒啲醬汁，一樣咁好味！🥬清新

今次黎到太古城中心依間韓式蛋包飯餐廳👍 內部裝修採用開放式設計，樓底高空間感足✅ 走小清新風設計，部分餐桌更以鮮花作點綴，超夢幻打卡一流❤️ 首先當然要叫餐廳出名嘅蛋包飯😋 㨂咗同場好多人食嘅芝士和牛漢堡蛋包飯🤩 蛋包飽滿美觀，一切開水嫩嘅滑蛋傾瀉而出，超迷人😚 蛋包下藏了一塊勁厚勁足秤嘅漢堡肉❤️ 見到都勁心動🌟 配埋堆滿碟邊嘅芝士汁，真係邪惡又惹味😈 明太子蟹肉紫菜包飯一樣正👍 包飯圓碌碌包住多款清爽醬料，表面堆滿蟹肉同埋明太子醬🤩 真係勁正❤️ 食落口感豐富，滋味一流❣️ 食韓國菜一定要叫返碟炸雞🌟 㨂咗半份蜜糖炸雞✅ 炸雞香口卜卜脆，表面淋滿甜美嘅蜜糖，食落甘香可口，滋味極佳❤️ 甜品㨂咗開心果芝士蛋糕💚 賣相幾靚👍 食落質感軟滑細膩，開心果嘅味道出眾，甜度剛剛好，開心果迷必選✅ 飲品㨂咗一杯熱伯爵茶鮮奶咖啡，一杯青檸梳打❤️ 前者醇香順滑，啡味回甘🤩 後者藍澄澄好迷人，入口清爽酸香，解膩一流👍 

店舖設計簡潔，座位舒適，近落地玻璃位更開揚，類似美食廣場⋯⋯自己揾位、攞餐。。。烤牛肉蛋包飯 有蕃茄味嘅炒飯幾開胃，連同滑蛋一齊食好味，烤牛肉質感滑溜，而洋蔥嘅甜味令牛肉更清甜。有骨炸雞半份炸雞嘅味道好啱我，甜甜辣辣野味到好想食多件，就算炸雞有骨，食落都係啖啖肉，肉質唔會乾，其次仲有煙靭嘅年糕同脆脆薯條，豐富又多元化。燒醬油黑毛豬白切肉配大醬生菜紫蘇葉放上泡菜、蒜片、厚切嘅黑毛豬肉，加入帶微辣嘅調味料，黑毛豬肉更野味。飲品軟綿綿紅豆.豆花鮮奶咖啡望落去好有層次感，將咖啡融合香滑豆花和香甜紅豆，飲住香濃咖啡又感到豆花嘅滑紅豆嘅香甜。軟綿綿紅豆.豆花沙冰入口沙冰凍冰冰，裡面有紅豆粒加滑滑豆花，喜歡飲落唔太甜。

今次推介 Banchan & Cook 一間好韓風嘅輕食Cafe，位於太古城中心，環境超Chill，啱晒同朋友聚會同打卡！📸一入到餐廳，裝修好有韓式文青feel，木色主調加花花牆同花花枱，仲有大玻璃窗，陽光洒進嚟，影相出嚟IGable到爆！🌸✨ 自助點餐好方便，店員仲好nice，成個氛圍輕鬆又舒服，似足韓劇場景😎講到食物，先試芝士和牛漢堡蛋包飯 ($148)，蛋包滑到不得了，切開蛋汁流出，混和牛漢堡同芝士，Juicy得嚟味道濃郁，份量仲好足！🍳🥚 明太子蟹肉紫菜包飯 ($92)，色彩繽紛，蟹肉鮮甜配明太子，口感層次豐富，食完好滿足！🦀🌊 柑橘炸雞 (半份) ($108)，外脆內嫩，年糕條煙煙韌韌，仲有薯條喺底，唔會太油！🍗😋 甜品推介開心果芝士蛋糕 ($62)，呢個味道有驚喜😍質地軟滑，開心果香好突出，甜度啱啱好！超鍾意✨🍰 軟絲絲紅豆豆花鮮奶咖啡 (凍) 同 軟綿綿紅豆豆花沙冰 (凍)，紅豆咬口一流，咖啡香濃順滑，沙冰清新，再配埋豆花喺底，真係好好味！夏天飲超爽！不過因為佢用紙杯承載，睇唔到佢嘅層次🙈但味道一流🧋❄️

呢個明太子吞拿魚意粉真係令我大開眼界，不過係負面嗰種。首先，罐頭吞拿魚腥味勁重，一打開已經聞到嗰陣味，完全冇新鮮感。明太子本身應該有啲鹹香，但同吞拿魚混埋一齊，味道好怪，完全唔夾。意粉又煮得太淋，冇口感，成碟嘢食落去冇層次，全部味道混埋一齊，完全分唔到邊樣打邊樣。食一啖已經想停，真係有啲頂唔順。😩另外，我仲試咗佢哋嘅甜辣炸雞，點知都係超級鹹，食完成個口都乾晒。最失望係原來成間舖只係food court形式，環境又嘈，坐得唔舒服。啲餐具係即棄。總結嚟講，呢餐真係冇咩值得推介，下次都唔會再幫襯。啲嘢食仲要勁貴。

早排去太古接朋友收工，今次就去左位於太古城中心的韓式Cafe食dinner，環境走韓式風格滿滿打卡位，Menu都有好多選擇，值得一試芝士和牛漢堡蛋包飯必食招牌蛋包飯，一切即流心富蛋香，蛋包飯係炒飯底幾好食，扒厚身，入口肉汁豐富充滿牛味，加上芝士好邪惡明太子蟹肉紫菜包飯紫菜包飯食得多，紫菜包著青瓜.蘿蔔絲等配料，配上鹹鮮十足的蟹肉同明太子，好足料自選無骨炸雞 半份炸雞呢度可以揀有骨/無骨，口味都有好多選擇，今次揀左柑橘，酸味有助中和油膩感，炸雞外皮香脆，入口嫩滑多汁，值得一試，旁邊仲有年糕同新鮮沙律開心果芝士蛋糕芝士蛋糕入口順滑，芝味香濃，作為開心果控表示大滿足，粒粒開心果碎，堅果味香濃軟綿綿紅豆•豆花鮮奶咖啡豆花味香濃，紅豆香甜，配上咖啡有助中和甜膩感士多啤梨紅桑子梳打藍色好吸睛，士多啤梨酸酸甜甜好開胃⑤

呢間主打蛋包飯嘅韓式Cafe，用咗好多花花🌷做裝飾，食物亦都相當精緻，打卡一流ღ 芝士和牛漢堡蛋包飯滑溜溜嘅蛋切開包住香噴噴嘅炒飯同和牛漢堡，漢堡扒勁厚身勁juicy ，加上濃郁嘅芝士醬，邪惡度爆燈～ღ 明太子蟹肉紫菜包飯面頭嘅明太子帶鹹香，加上蟹肉令紫菜包飯更添層次感ღ甜辣無骨炸雞炸雞甜甜辣辣好惹味而且無骨食落啖啖肉好Juicy伴碟仲有煙靭年糕同脆脆薯條ღ 開心果芝士蛋糕蛋糕質地軟滑香濃加上開心果脆脆，口感豐富ღ 荔枝梳打｜白桃甜蜜梳打兩杯梳打賣相吸引，飲落清爽唔會過甜

明太子蟹肉紫菜包飯 ($92)內餡豐富，有醃蘿蔔、甘筍、青瓜、玉子等等，面層再加上明太子和蟹肉，爽脆微甜又惹味，讓人一口接一口。甜辣無骨炸雞 半份 ($108)炸雞可選有骨或無骨，無骨是懶人首選，啖啖肉，口感酥脆不油膩感，甜辣交織，惹味開胃。芝士和牛漢堡蛋包飯 ($148)半熟炒蛋放在漢堡和炒飯上，把蛋切開，半熟蛋液徐徐流下，相當吸引。份量十足，和牛漢堡鬆軟，肉味香濃又富油香。開心果芝士蛋糕 ($62)口感軟綿滑順，既有開心果堅果香，亦有濃郁芝士鹹香。凍軟綿綿紅豆•豆花鮮奶咖啡 ($52)賣相吸引，層次分明，將咖啡融合香滑豆腐花和香甜紅豆，散發地道風味。