Balencia Bakery & Cafe (已結業)

畢生第一次寫食評. 真係唔寫唔得. 食品真係差到無人有. 可以煮到咁難食都不容易. 員工態度又差到無人有. 懶到呢.... 都唔知係洋蔥湯定洋蔥水? 唔該專心返去做麵包西餅. 做壞個名

店員服務差，食品水準低，都是做好自家的麵包店吧！明白不可盡信餐牌圖片，但不要差那麼遠，完全不同，我叫了午餐的滑蛋豬扒飯定食，不但蛋不滑，還好似蒸蛋，豬扒也不用講，十分難食，餐湯簡直不用喝，跟飲水無分別，唯一直得一題是他們的跟餐的麵包，也算是能吃，相比其他已經是十分好吃！如果大家真的有幸路過此店，無論有沒人排隊也不要去試，包保各位中伏。店員服務也差到無朋友，還以為自己在茶餐廳吃飯，落單態度不好，好像沒有出糧一樣

位於沙田呢個專賣傢俱用品既商場,餐廳數目5隻手指數得曬.正常晚飯時間,見佢唔洗等,有大把位,就坐低食野啦.點知出事! 兩個人,我地叫左南瓜軟殼蟹意粉,滑蛋豬扒定食,再追加左個薯餅小食咁樣. 上菜速度算快既,但係一擺低,嘩真係嚇親,滑蛋豬扒定食d蛋賣相好核突,點解咁都可以拎出黎比客食?豬扒淋曬,又煮到好鹹…南瓜軟殼蟹意粉非常普通,份量少.薯餅炸到過左火,咬落好硬. 簡單黎講:呢間野可以稱得上係「本年度最唔掂」既餐廳. 各位如果要入去食,真係考慮清楚先.

暑假就快放完，要約埋幾個舊同事吹水食飯，為左可以食完飯去IKEA行下，我地去左附近的一間餐廳。人唔算多，所以晚飯時間都唔洗點等位。滑蛋豬扒飯個賣相唔錯，但份量比較少，如果炸豬扒的表皮可以脆d會好好多，不過味道都算唔錯。炸南瓜薯餅我個人認為幾好味，炸得唔錯，外脆內軟，配上南瓜，好味。日式麵鼓湯正常的味道，以紫菜豆腐為主，沒有太大特色，味道都算不俗。雲利拿拿鐵本身對杯飲品有d期望，但味道比較淡，可能比較多冰，對野飲有少少失望。

意粉同飯-比BB食最好，煮到爛哂，千年油炸的薯條充滿油益味，串燒的肉是梅的，牛角酥就實到掟死狗，有Quota都唔好黎浪費，為一可取，服務員態度很好，食物唔啱即換

去宜家逛之前食個飯，見哩度唔係好多人等緊位，便打算試下。攞飛，等極都冇人安排座位，望入餐廳，8成係空既枱，係餐廳出面等緊的食客（包括我），都一頭霧水點解會無人安排入座。原來成間餐廳只係得一個職員負責帶位，但該職員又成日走左去落單/抹枱/送餐/埋單，所以係出面排晒隊，佢係完全睇唔到。到佢睇到，就會好滋悠咁行去門口㩒飛帶人入座。食物質素係中下，飯的味道OK份量OK，而薯餅既外層炸粉勁厚勁硬。最差係杯飲品，明門張相寫住巨峰葡萄汁，送到黎點睇都似汽水多D。我明白照片只供參考，但真係完全找唔到張相同杯飲品一絲的相同之處。真係食完一次，唔會再試。未食過，就試都可以唔洗試。

買家俬無咩餐廳選擇，以為好食過ikea 餐廳，點知嚴重中伏。咖哩飯，本身以為最穩陣，點知好酸，好奇怪。滑蛋豬扒飯，無滑蛋得炒蛋。難食到難以置信！唉。。。真系浪費食材！

Came here for dinner after a long day of work. Ordered steak ($118) and it was ok, but the service here really needs improvements. There are not enough waiters and had to wait a long time to find one for help. (I’ve been here for lunch as well and this problem is even worse during lunch.)

想静靜坐下，好好享受。經過見餐廳環境不錯，便試一試。餐牌好多選擇，相片也吸引，誰不知食物上枱及入口的感覺也强差人意，超乾的迷你牛角飽上枱時竟然放在沙律蔬菜上，所以牛角飽底部全是日本沙律汁，麵飽也濕了，明明碟上還有很多空間，非常失敗的一間餐廳。加錢的日本果汁就更失望，只是超淡又有小小桃味的糖水，真係飲水仲健康過佢，炸鱿魚圈又凍又乾，冇味冇道，而墨魚麵就真係有略腥的膠墨魚味。而沙律菜似賣剩的質素。超強中伏感。

同朋友去開沙田睇傢私，行到攰就嚟咗呢間餐廳食野。朋友用app訂位有半價優惠，即時覺得好抵食因為係平日，人唔太多，所以唔需要等位餐廳環境唔錯，我地坐咗兩個幾鐘都唔會比人催你走叫咗三文魚及北海道魚子忌廉意粉同埋北海道濃湯咖喱野菜飯，各配一杯飲品。意粉夠哂汁，食落唔會太乾薯餅新鮮炸既，熱辣辣略為不足既係牛角包已經凍咗，如果可以叮番熱就更好!朋友食濃湯咖喱飯，d料好足，佢話好似食極都食唔完咁本來想試埋甜品，但大家都已經好飽，下次再食~

行完IKEA決定試下 A1 bakery既西餐. 星期日等 10mins 算acceptable. 叫左All- day Breakfast, 牛角包系淋既, 冇口感冇可言, 其他都正正常常.我地另外加左Cheese cake同Pancake 配ice cream. 個pancake 好重牛油味但好實心... 有啲失望..Cheese cake 系平時A-1 賣既cake, 味道不錯~A1 bakery既包同蛋糕一向唔錯, 但正餐既水准can't keep up with bakery lol

最近兩三個月，差不多每隔一兩個週末都去了沙田家居廣場，順理成章午餐都在裏面搞掂。這天就隨便揀了「Balencia Cafe & Bakery」。餐廳門面極為寛趟，又開闢了一個角落兼賣麵包及蛋糕；裝修極其簡約，比較具有特色的可算是這個路牌了。被安排坐在靠近牆邊的餐枱，牆壁上安裝了一個大木架，放滿多件簡單擺設及塑膠假盆栽，感覺休閑，相當配合家居廣場的生活主題。細看午市餐牌內容，雖然款式並不太多，但價錢合理。餐廳原來隸屬「A1 Bakery」集團旗下，記得一年多前曾經光顧集團旗下位於將軍澳的另一間不同品牌的餐廳，價錢較「Balencia」貴、味道中規中矩，但各款特色麵包質素的確相當不錯。只可惜「Balencia」這個餐廳品牌的午餐並不包括任何特色麵包。本來時間匆匆，沒有打算記下這篇食評，但日式咖喱豬扒飯（$68）的質素簡直難以置信地差劣、越食越不能接受，臨時決定記下這一頓難吃的午餐。餐牌上的日式咖喱豬扒飯照片已經唔算吸引，但總算保持完整外型；只不過實物的豬扒飯竟然還要嚴重走樣。先講日式豬扒飯的重要賣點之一麵包糠脆皮，竟然可以未切開豬扒，表面的麵包糠脆皮已經完全與豬扒分離，嚴格一點來說，麵包糠

以前拍拖時期，最愛漫無目的咁閒逛傢私店，幻想下夢想的安樂窩是如何，甚有樂趣不過現實還現實，屋企個櫃爛左，就總要買返個新的從中午逛到傍晚，消耗了不少體力，要食D返嘢補充一下!!看到這家店裝潢簡潔，座位之間甚為寬敞旁邊還有售賣麵包的corner，說實在我是被麵包吸引了過去的我點了一份 三文魚及北海道魚子忌廉意粉 加 菠菜忌廉薯餅，附有沙律及麵包沙律配以黑醋汁，沙律菜仍屬爽脆，中規中矩軟芝士起了加分的作用而牛角飽內部層次不俗，不過如能先翻熱，口感會更佳 三文魚及北海道魚子忌廉意粉忌廉汁濃稠適中，與意粉份量的比例適宜，意粉掛汁程度不錯唯忌廉汁略為稍鹹，加上三文魚本身已經有鹹味，因此要飲多少少水才行以我所知，這餐廳應該是走和洋料理風格，怎料竟然有泰式炒金邊粉，便膽粗粗試一下泰式青木瓜沙律金邊粉偏甜，而且感覺不是即炒，旁邊的春卷也比較油膩~~在和洋料理餐廳真係唔好叫泰式嘢....以往光顧這集團旗下其他的麵包店及西餐廳，水準均不錯的今年年頭更開設會員制，當時曾心動想JOIN，而家唸返，還好沒有

A-1 旗下，真係買麵包食好了。中不中、西不西、泰不泰、日不日， 無一樣嘢似樣， 叫日式滑蛋豬扒飯， 漬物已經奇，似潮州菜甫多過似日或漬大根， 每件豬扒浸滿鹹到苦豉油，真係無可能食到， 唯有要求換過。之後換了泰式炒金邊粉， 可以講得出每樣材料但除了比半隻青檸比你，無嘢似泰式， 包括個青木瓜沙律， 勉強碗冬蔭功有少少似。另一客日式鯖魚， 白飯唔使懷疑一定唔會日本米，但都唔好煮到一舊舊，好嗎？兩個人安排坐四人檯，侍應上菜時食物放係無人坐果邊要自己拖返埋面前， 收碟又無問下先， 無啦啦係你側邊伸手去你面前攞起，你比個奇怪表情佢先問你要唔要，真係好待別。呢個商場得幾間食店， 呢間真係最差果間，去食隔離果間快餐店都好過佢100倍，起碼你知比幾錢就有乜質素食物，食呢間嘢不如去傢俬舖食熱狗好過。

附近只有一間沒人排隊餐廳，諗住係A-1 唔會差去邊..........點知中哂伏！！點了墨魚汁意大利粉，意大利粉個汁超級咸，除了咸味什麼味道都沒有，個半隻無頭蝦同餐牌完全兩回事，隻蝦仲係雪到肉梅哂，鱿魚炸漿硬過我條命。果杯要加$16嘅所謂日本制果汁，同去超市買支濃縮橙汁冲水呃細路沒分別！！！沒可能再去吃一間垃圾餐廳！！！