BAKINGHAM

營業中

休息中

行過見到依間有開心果味就忍唔住試下… 點知中哂伏：超級空氣、個皮又乾、裡面完全唔覺麻糬，一啲都唔煙韌、啲開心果醬好少，第一啖只係食到層皮完全食唔到醬。絕對唔好買！！

𥄫住依間bakery 一段時間終於有機會出手 #bakeham 最吸引我都係一系列嘅牛角包，心大心細之餘，最終揀咗被開心果蒙蔽眼睛👁️市面上唯一黑色牛角包 （應該係）😅🥐黑金開心果牛角包個名已經夠霸氣，裏便同埋外邊均有開心果醬，裏面嘅開心果醬都幾多，咬落去開心果醬必晒出嚟，牛角包夠酥脆、但一邊食一邊跌曬落嚟，食到成枱都係牛角包碎😆😆，整體ok, 系開心果醬甜左少少。🥯抹茶酥麻糬鹽水包帶返屋企做早餐 冇翻熱，一切開綠色奶酥非常吸引，但有一半係我最怕嘅麻糬，所以我將佢撩佢出嚟🥹包體相當紮實，充滿鹹香，加埋抹茶酥嘅奶香 味道好夾 ，食一個撐足半日。

見社交媒體網站有人推介過，有啲期待，經過就買左4個嚟食。$32/4個嚟講算係高價位，荔枝角附近有大把選擇。點知買左個空虛，原味麻糬波波得個殼，流心朱古力味就多一層假朱古力。😓

早嗰排收藏咗某社交平台推介嘅呢間麵包店，主打賣既係布丁麻薯。同朋友去開長沙灣嗰頭，近近地就行過D2 Place去睇吓有冇啱心水嘅嘢食試吓。店舖唔算好大，有個小corner比客人坐低，店舖主打黑色風格 幾新穎感。 見到有好多唔同款式嘅布甸麻糬，樣樣望落去都好吸引好難揀落手🤣最後簡左：牛奶布甸麻糬、焙茶布甸麻糬、抹茶布甸麻糬同原味布甸麻糬，$48 /4個，$13/1個。 有啲特別啲嘅口味，好似奶油玫瑰布甸麻糬，外表都相對打卡高，就貴少少$18/1粒牛奶布甸麻糬牛奶味唔算特別太濃，但係勝在夠香，外面包皮硬度適中唔會太硬，亦都唔會太腍，幾煙靭焙茶布甸麻糬味道幾濃郁，抹茶布甸麻糬抹茶味，中間口感唔錯。感覺下次去開可以試吓玫瑰味應該會幾吸引

由網店起家，7月係D2 Place 新開實體店嘅bakingham，店主一人主理👩🏻‍🍳本來見介紹麻糬布甸出名而吸引過去，點知去到見到原來係超迷你但$12粒就卻步了🙈店內有座位買完可以即刻食👍🏻烘焙款式其實都吸引，有牛角包、麻糬波波、布丁麻糬、曲奇餅、咖啡．黑金剛開心果牛角酥 $32賣相幾靚，面頭有開心果醬+碎，咬落唔夠酥脆，有少少麵包感，都有牛油香，面嘅開心果醬好甜😵‍💫內裏蜂窩組織都密，切開一邊嘅頭見到開心果餡偏埋一邊，點知咬咗兩啖就無🫠開心果味明顯又有堅果香，偏甜，但咁少餡真係完全唔值！(對比上次介紹過喺附近嘅doughman好味好多)．流心麻糬波波 (開心果、焙茶、抹茶) $9/粒，$30/4粒麻糬波波外皮少少煙韌，但內裹空心的😟→開心果餡味道都出，係較多醬嘅一粒→抹茶係偏奶味，唔係甘香嘅抹茶→焙茶味道茶味較出，但醬勁少…完全係空洞嘅….全部味道都係偏甜的，size唔大，但依個價錢可以一試嘅

路過所以食到好味既布甸包😋抹茶、朱古力、原味、焙茶 $45@44種味都好出色😋焦糖芝士 $16個人最中意焦糖芝士，覺得唔會勁甜之餘，其實可以食到2個以上😂😂😂下次會食埋其他味😋

喺D2搵嘢食，見到有間餅店，佢嘅麻糬波波好靚～因為佢個士多啤梨玫瑰味麻糬波波，我就唔小心俾佢吸引咗行咗過去🤩🎁聖誕節點都要食啲甜品嘅，$45/4個 （士多啤梨嗰隻要$18一粒）我買咗四隻味奶油士多啤梨玫瑰布丁麻糬波波佢嘅玫瑰花香真係好出色，奶油加埋士多啤梨布丁～好夾！之後嗌咗$45有四粒嘅布丁麻糬波波 （但我叫左3粒）佢原本有，焙茶味，綠茶味，朱古力味，原味我最鍾意係原味同埋焙茶味，個原味好重奶香！焙茶味好重茶味，仲要唔係好甜，呢個真係好好味但係因為我食咗個金濃味嘅焙茶，之後再食綠茶味，綠茶就冇咗味～ 不過飲啖水之後食綠茶其實綠茶都好出色🤩👍🏻只係冇焙茶味咁濃～講一講佢個口感，原本見到佢個樣，我以為中間係慕絲～就算佢話係布丁，我都以為係漿狀嘅布丁點知入口之後係固體布甸，點樣固體法呢，就係咬落去可以有形狀嘅🤩即係實實在在嘅布丁～呢一點我覺得好意外好驚喜～ 大概我形容為好似固體奶凍咁嘅感覺包裝都幾靚，四粒一盒啱啱好，我見好多人買來做聖誕禮物😆 不過我買完之後就一次過食晒

D2 place不嬲都好多小店😆今次去行市集嘅時候見到有間麵包店即刻忍唔住去睇！見到佢有好多特色嘅麵包，薄荷朱古力乳酪軟包，開心果系列等等，不過最吸引我嘅係玻璃櫃入邊擺滿好多唔同口味嘅麻糬波波，有啲係布丁餡，有啲係流心，同平時見到嘅唔同😆苦惱緊食邊隻味嘅時候，成盆焦糖芝士麻糬波波出爐，二話不說揀咗呢隻味！焦糖芝士麻糬波波($16)表面嘅焦糖好脆，咬落口係好creamy感覺，忌廉芝士好幼滑，而麻糬雖然唔係超級煙靭嗰種，但唔會好硬，同忌廉芝士個平衡做得好好！重點係食完成粒都唔會太膩🥹❤️下次會想試其他包類！

在香港荔枝角，Bakingham麵包店的確是個值得一試的好去處！他們的創新產品如布丁麻糬、麻糬波波、可頌和曲奇都非常美味，麵包控們絕對不要錯過。### 店鋪信息- **店名**: Bakingham- **地址**: 香港荔枝角長義街9號D2 Place ONE 2樓 224號鋪如果你在附近，不妨去嘗嘗他們的特色麵包，肯定會讓你驚喜！

諗住近近地試，點知中伏，叫mocha冇朱古力味，仲要個杯咖啡得三份二，攪完得半杯，飲到咁既服務大家覺得如何！！今時今日咁既服務態度，各位消費者又點睇，真係搞笑，4 0幾蚊嘅咖啡吾掂吾好學人開先，朋友個杯又係伏又苦又冇奶味，打開不是滿，d野偷工減料甘，仲要收Starbucks價🤦‍♀️我都飲開咖啡架，當我地第一次飲咖啡咁，我自己搞不如我自己沖埋，洗係你鋪飲咩

Bakingham店入面嘅麵包種類好多🥐🥯🍞🥖做早餐都係唔錯選擇！賣相好吸引，麵包大大件，絕對飽肚！實揀到一款啱你口味～𝑭𝑶𝑶𝑫𝑺1〉朱古力榛子牛角酥 $28（大推薦🌟）如果好鐘意食朱古力一定好啱你～外皮已經有濃濃朱古力覆蓋住，內餡仲有爆漿朱古力醬！加上果仁粒，口感幾好！牛角酥都好脆！2〉海苔肉鬆牛角酥 $26外皮超多海苔肉鬆，肉鬆嘅鹹香同海苔配合得好好，內餡帶有一啲微微沙律醬嘅甜味，口感層次豐富！好吸引～3〉芝士麵包  $18 （一袋4粒）每粒都大大粒，味道芝士味唔算太突出，但麵包好軟綿～4〉牛奶布丁麻糬  $12 （推薦🌟）第一啖咬落去，牛奶布丁超級好味，奶味香濃又滑身！底部配搭麻糬，口感煙煙靭靭～都幾驚喜兩樣野好夾！-人均．$20～40污嘴狗覓食指數．8.5/10#污嘴狗 #hkfoodie #hkfood #food #hkig #instafood #foodie #hkfoodblogger #hkpics #hkrestaurant #hkrestaurants #streetfood #美食 #好吃 #吃 #出去玩 #美味 #美食分享 #美食愛好者 #美食攝影 #美食旅

荔枝角 │ 新開張👀讓人想回訪的型格麵包店👾✽ 黑金剛開心果牛角酥✽ 咖啡曲奇罐我記得這個地方以前賣的是甜品，不過風格稍微fancy style 一點。現在的style（不清楚有沒有轉手）吸引了不少👀👀 黑色牛角酥🥐很酥脆～開心果醬的香味不錯，開心果甘納許應該是加了鮮奶油和白朱古力，但對我來說有點太甜了。除了紙袋會多給一個盒子、很好看🤣至於曲奇，一小罐三十幾蚊價格算是可以接受😂咬起來很鬆脆👾 比較起其他麵包店，我還是偏愛荔枝角的doughman ～但這兩家店離得很近，可以一次兩頭兼顧🥰🥰 聽說他們的牛奶布丁麻糬很有名，下次經過荔枝角再看看呢🥸食物味道: 7/10性價比: 7.5/10打卡指數: 8/10價格：約$45⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰

五十鈴抹茶忌廉牛角酥 by 𝘽𝘼𝙆𝙄𝙉𝙂𝙃𝘼𝙈難得去到荔枝角提早預訂咗兩個（試過去到賣哂🥲）黑色酥皮層層分明，外型又堅挺又飽滿，望落已經好吸引即日常溫食咗一個，入面嘅忌廉係凍嘅，口感輕盈，唔會太甜亦唔膩。第二日翻熱再試，變成流心效果，食落唔同感覺用咗小山園嘅茶道級薄茶五十鈴，茶味不錯，入口第一下已經感覺到濃郁嘅抹香，帶海苔鮮香，仲帶回甘嘅效果，低澀度，但又令你想再食多一啖去細味嗰種抹茶嘅層次感。呢種茶味同牛角酥層層酥脆嘅質感真係好夾

去完D2 Place市集，經過見到呢間隱蔽麵包舖櫥窗嘅麵包同西餅迷你精緻😍有大量唔同口味嘅麻糬布丁包：原味、朱古力、抹茶、焙茶仲有新出嘅牛奶布丁同焦糖芝士麻糬波波！$12/粒，$45/ 4粒▶️ 牛奶布丁麻薯 Mochi with milk pudding ($12)最型呢個🖤黑色麻糬包承載住白色牛奶布丁麻糬包薄身，但口感煙靭(尤其底部)唔洗真係要成舊麻薯已經好食冇一般麻糬波波咁硬皮同油膩👍🏻原來係黑芝麻囗味😍帶沙沙口感令我諗起芝麻糊，有驚喜牛奶布甸都有3cm高冇流心效果，不過好動L，質感似奶凍牛奶味香🥛帶天然奶甜味，整體成個唔太甜牛奶同黑芝麻好夾雖然望落細粒，但一個都有 65g重，有質量一個作飯後甜品係Perfect✨ 唔heavy-好有驚喜，個人覺得好食過一般食嘅麻糬波波同布丁麵包其實都唔大似麵包，而係一個帶有煙靭皮嘅奶凍🥰呢間麵包舖俾我感覺走新穎型格路線有好多新奇款式，例如薄荷朱古力乳酪鹼水包、開心果pretzel💚服務好，衛生OK，麵包全部新鮮製造價錢合理，值得回購相信其他茶類口味一樣出色😚

因事特地去荔枝角一轉，本來想睇D2 Place當日會係咩主題既市集，意外地發現呢間新開的麵包店。喜歡茶既我一開始對於茶味曲奇比較感興趣，去到現場見到有其他種類既麵包都好吸引😋但最終都係決定買展示櫃入面既流心麻糬波波🤣一共有五種口味，分別是原味、開心果、朱古力、焙茶和抹茶味。$9一件，$30有4件。所以一試就試左原味以外的口味。 焙茶味購買當日已經享用，麵包軟熟有濃焙茶味，亦做到流心效果。其餘3種味是隔日早上食，比較似是爆漿效果🤣開心果味反而沒甚麼特別，朱古力味甜度適中，抹茶味是帶有少許苦澀味的那款，好吃😋店裡茶味曲奇還有烏龍茶、鐵觀音、焙茶、玄米茶等。都多選擇。🤣 選擇困難的我最終買了咖啡和新品龍井茶味。曲奇可以擺放一個月左右。口感鬆化。龍井茶味有茶既澀味，吃後有淡淡茶香🧐 咖啡味比茶味那款再苦澀一點，比較上黎我比較喜歡茶味那款。不過如果會出雜錦款式就好，咁就可以試多啲款式了。下次再去會想試布丁麻糬😋